မိူဝ်ႈၼႆႉ ဝၼ်းတီႈ 26/06/2019 ယၢမ်းၵၢင်ၼႂ် 7 မူင်း ယူႇတီႈ တပ်ႉသိုၵ်းမိူင်းလႃးၼႃႈလိၼ်ၶိုၵ်ႉတွၼ်း မၢႆ # 4 NDAA-ESS ၸတ်းႁဵတ်း ပၢင်ၽဝ်ယႃႈမဝ်းၵမ် ၼႂ်းဝၼ်းၽဵဝ်ႈမူၺ်ႉ ယႃႈမဝ်းၵမ် လုမ်ႈၾႃႉၽဝ်ပႅတ်ႈယႃႈ တႃႇၶၼ်ငိုၼ်းမၢၼ်ႈ ၼိုင်ႈ သႅၼ်သွင်မိုၼ်ႇ ပၢႆႁူၵ်းပၢၵ်ႇသႅၼ်ပျႃး(12,060,000,000) ဝႃႈၼႆ။
ယႃႈမဝ်းၵမ် ဢၼ်ၽဝ်ပႅတ်ႈတင်းမူတ်း 1,000 ၵီႊလူဝ်ႊၵရမ်ႊ။ ၼႂ်းၼၼ်ႉ ယႃႈမႃႉ (627.7) ၵီႊလူဝ်ႊၵရမ်ႊ၊ ယႃႈၾိၼ်ႇ ၶၢဝ်/ၽိူၵ်ႇ (158.5) ၵီႊလူဝ်ႊၵရမ်ႊ၊ ယႃႈၾိၼ်ႇလမ် (10) ၵီႊလူဝ်ႊၵရမ်ႊ၊ ၶႃးၶူး (4.3) ၵီႊလူဝ်ႇၵရမ်ႊ၊ ႁူဝ်ယႃႈမဝ်းၵမ် 200 ၵီႊလူဝ်ႊၵရမ်ႊ၊ ၼမ်ႉယႃႈဢႅၵ်ႉသိတ်ႉ ႁူဝ်ယႃႈမဝ်းၵမ် 5,950 ၵီႊလူဝ်ႊၵရမ်ႊ တူၵ်းမႅၼ်ႈငိုၼ်းမၢၼ်ႈ 600 သႅၼ်ပျႃး တင်း မူတ်း မႅၼ်ႈငိုၼ်းမၢၼ်ႈ (12,060,000,000) ဝႃႈၼႆ။
တီႈၼႂ်းပၢင်ၵႅဝ်ႈ ၽဝ်ယႃႈမဝ်းၵမ်ၼၼ်ႉ ၽူႈယႂ်ႇၵူၼ်းလူင် မွၵ်ႇလၢတ်ႈၶေႃႈၵႂၢမ်းၵႂႃႇဝႃႈ “ ပီၼႆႉ ပဵၼ်ပီၵေႃႇတင်ႈ ဢိူင်ႇၶိုၵ်ႉ တွၼ်းၶွပ်ႈၶူပ်ႇ 30 ပီတဵမ် တႃႇႁဵတ်းၵၢၼ်လႄႈ ႁဵၼ်းႁူႉႁႂ်ႈထိုင်တီႈ လႄႈ ႁႂ်ႈၵူၼ်းမိူင်းပေႃးတေႁူႉ (ပၵ်းပိူင်ၵၢၼ်တိုၵ်း တေႃးယႃႈမဝ်းၵမ်) ႁႂ်ႈၵူၼ်းမိူင်းပေႃးတေမီးတၢင်းႁူႉလွင်ႈၵၢၼ်ၶတ်းၸႂ်တိုၵ်းတေႃးယႃႈမဝ်းၵမ် လႄႈ ၻဵဝ်း/ပႆၸွမ်းသဵၼ်ႈ တၢင်းၵေႃႇမတီႇတိုၵ်းတေႃးယႃႈမဝ်းၵမ်ဢိူင်ႇၶိုၵ်ႉတွၼ်းဝၢင်းတမ်းပၼ်ဝႆႉ။ ဝၼ်းမိူဝ်ႈၼႆႉ လႆႈမႅင်ႇႁူဝ်ၶေႃႈဢွၵ်ႇဝႆႉဝႃႈ တိုၵ်း တေႃးၽဵဝ်ႈမူၺ်ႉယႃႈမဝ်းၵမ် လႄႈလူင်းလၢႆးမိုဝ်းၵူၼ်းၼိုင်ႈႁဵင်ၵေႃႉ တႃႇၵိၼ်ၵႅၼ်ႇတိုၵ်းတေႃး ယႃႈ မဝ်းၵမ် ဢဝ်လွင်ႈ တၢင်းၼႆႉသေ ယုၵ်ႉၼမ်ႉႁူႉႁႂ်ႈပေႃႈမႄႈၵူၼ်းမိူင်းႁူႉၸၵ်းႁၵ်ႉ သႃၽဝၸၢတ်ႈ ပၢၼ်ႁၢင်ႇယၢၼ်ယႃႈ မဝ်းၵမ်ႁႂ်ႈၵူၼ်းမိူင်း တေႁူႉလွင်ႈ ပၢၵ်ႈပႅတ်ႈယႃႈမဝ်းၵမ်လႄႈ ႁူႉလွင်ႈႁၢမ်ႈတၢပ်ႈ ယႃႈမဝ်းၵမ်” ဝႃႈၼႆ။
ၼႂ်းပၢင်ၽဝ်ယႃႈမဝ်းၵမ်ၼႆႉ မီးၽူႈယႂ်ႇၵူၼ်းလူင်ၼႂ်းဢိူင်ႇၶိုၵ်ႉတွၼ်း မၢႆ 4 ႁူဝ်ပဝ်ႈလူင် ၸဝ်ႈၸၢႆးလိုၼ်း၊ ၵႅမ်ႁူဝ်ပဝ်ႈ ၸဝ်ႈသၢင်ႇပိူဝ်ႈ၊ ၵႅမ်ႁူဝ်ပဝ်ႈ ၸဝ်ႈသၢင်ႇလူႇ၊ ၽူႈတၢင်တူဝ်လူင်ပွင်ၸိုင်ႈ ၾၢႆႇတိုၵ်းတေႃးယႃႈမဝ်းၵမ် ၸႄႈဝဵင်းသိပ်းသွင်ပၼ်း ၼႃးမိူင်းၶႄ၊ႇ ၽူႈတၢင်တူဝ် ဢိူင်ႇၶိုၵ်ႉတွၼ်းမၢႆ 2၊ ၽူႈတၢင်တူဝ်ဢိူင်ႇၶိုၵ်ႉတွၼ်းမၢႆ 3၊ ၽူႈတၢင်တူဝ်တပ်ႉသိုၵ်းၵူဝ်းၵၢင်ႉ၊ တူဝ်တႅၼ်းၸုမ်း ၼၢင်းယိင်း။ တပ်ႉပလိၵ်ႈ၊ ယၢမ်းၾၢႆႇၵႅတ်ႇၶႄ။ ႁွင်ႈၵၢၼ်ၵႃႉၶၢႆၵူႈတီႈ။ ဢိူင်ႇမိူင်းလႃး၊ ဢိူင်ႇမိူင်းသိုဝ်လိုဝ်းလႄႈ ဢိူင်ႇမိူင်းၼမ်ႉ ပၢၼ်း ၸဵမ်ၸိူဝ်းၼႆႉ ၶဝ်ႈႁွတ်ႈ။
ၼႂ်းဢိူင်ႇၶိုၵ်ႉတွၼ်းမၢႆ 4 ၼႆႉ ဝႆႉၵၢၼ်တိုၵ်းတေႃးယႃႈမဝ်းၵမ်။ တင်ႈတႄႇၵေႃႇတင်ႈဝၢၼ်ႈမိူင်းမႃး မီးပေႃႇလသီႇတႃႇတိုၵ်း တေႃးၸိူဝ်းၵႃႉၶၢႆယႃႈမဝ်းၵမ်ႁၢဝ်ႈႁၢဝ်ႈႁႅင်းႁႅင်း ဢမ်လူတ်းယွၼ်ႇယၢၼ်း၊ တႃႇၵႅတ်ႇၶႄၵၢၼ်ငမ်းယဵၼ်လႄႈ ပၢႆးၶိုၼ်ႈယႂ်ႇ ၽွင်းယၢမ်းလဵဝ်ထုၵ်ႇလီႁႂ်ႈၵူၼ်းမိူင်းတင်းသဵင်ႈလႆႈပွင်ႇၸႂ် လွင်ႈႁူမ်ႈမိုဝ်းၵၼ်တင်း တူင်ႇဝူင်းၵူၼ်းသေတိုၵ်းတေႃးယႃႈ မဝ်းၵမ် ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ