ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် တီႉလႆႈယႃႈမဝ်းၵမ် မွၵ်ႈၶၼ်ငိုၼ်း 74,716 သႅၼ်ပျႃး တီႈၼႂ်းၸႄႈဝဵင်းမိူင်းသၢတ်ႇ။
ဝၼ်းတီႈ 21/6/2019 ယၢမ်းၵၢင်ၼႂ် 9 မူင်းၼၼ်ႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၶဝ်ႈၵူတ်ႇထတ်း ႁိူၼ်းၵူၼ်း ဝၢၼ်ႈ လင်ၼိုင်ႈ ၼႂ်းဝၢၼ်ႈမႄႈၵူတ်း ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း။ တီႉလႆႈ ယႃႈမႃႉ 7,315,600 မဵတ်ႉ(မႅၼ်ႈ ငိုၼ်း 73,156 သႅၼ်ပျႃး)၊ ၽွင်ယႃႈမႃႉ ၼမ်ႉၼၵ်း 10 ၵီႊလူဝ်ႊ (မႅၼ်ႈငိုၼ်း 1,000 သႅၼ်ပျႃး)၊ ယႃႈၾိၼ်ႇၽိူၵ်ႇ 1 ၵီႊလူဝ်ႊ (မႅၼ်ႈငိုၼ်း 160 သႅၼ်ပျႃး)၊ ယႃႈလမ် 40 ၵီႊလူဝ်ႊ (မႅၼ်ႈငိုၼ်း 400 သႅၼ်ပျႃး)။ လိူဝ်ၼၼ်ႉ လႆႈၵူတ်ႇထတ်းတီႉလႆႈထႅင်ႈ ၶိူင်ႈၶွင်ဢၼ်ၵဵဝ်ႇၶွင်ႈၸွမ်းယႃႈမဝ်းၵမ်ထႅင်ႈ ၸဵမ်ၸိူဝ်းၼႆႉ။
လိၵ်ႈပိုၼ်ၽၢဝ်ႇ ၾၢႆႇပလိၵ်ႈၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႆႉၼၼ်ႉ “ ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၶဝ်ႈၵူတ်ႇႁိူၼ်းၵူၼ်းဝၢၼ်ႈ တီႈဝၢၼ်ႈမႄႈၵူတ်းၼၼ်ႉ ပဵၼ်ႁိူၼ်းဢူးၵျႃႇတေးသေ လႆႈၵုမ်းၶင် တူဝ်ၸဝ်ႈ ႁိူၼ်း တင်းယႃႈ မဝ်းၵမ် ဢၼ်ၵူတ်ႇထတ်းလႆႈၼၼ်ႉ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈၽူႈမီးပုၼ်ႈၽွၼ်း ၸဝ်ႈၼႃႈတီႈၶဝ် လႆႈပိုတ်ႇလိူင်ႈ(ၸွႆးတြႃး) ဢူးၵျႃႇတေးဝႆႉ တီႈႁူင်းပလိၵ်ႈ မိူင်းတွမ်းသေ ပၼ်တူတ်ႈတၢမ်ႇၵႂႃႇၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉ ဝႃႈၼႆ။
ၶေႃႈမုလ်း – CCDAC Myanmar
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ