လိၼ်ၵူၼ်ႇ တီႈပွၵ်ႉမဵဝ်ႉမ ၸႄႈဝဵင်းတူၼ်ႈတီး ၵူၼ်းဝၢၼ်ႈ 50 ၵေႃႉပၢႆ လႆႈၶၢႆႉတီႈယူႇတၼ်းသဝ်း။ ၾူၼ်တူၵ်းထပ်းၵၼ်လၢႆလၢႆဝၼ်းသေ ထိုင်ဝၼ်းတီႈ 8/9/2019 ၽူၼ်တူၵ်းႁၢဝ်ႈႁႅင်းလႄႈ လိၼ်ၵူၼ်ႇၼႂ်းပွၵ်ႉမဵဝ်ႉမ ၸႄႈဝဵင်း တူၼ်ႈတီး ၸိုင်ႈတႆးပွတ်းၸၢၼ်း။ မုင်ႉႁေႃႁိူၼ်း 9 လင် ႁူဝ်ၵူၼ်ႊ 51 ၵေႃႉ လႆႈၶၢႆႉတီႈယူႇတၼ်းသဝ်းၵႂႃႇယူႇၸွမ်းဝတ်ႉဝႃးၽႃသိူဝ်ႇလႄႈ ႁိူၼ်းပီႈႁိူၼ်းၼွင်ႉ။ ယွၼ်ႉလိၼ်ၵူၼ်ႇသေ ၵူၼ်းမၢတ်ႇၸဵပ်း၊...

ႁူမ်ႈတုမ်ယၢင်းၽိူၵ်ႇ KNU လႄႈ ႁွင်ႈၵၢၼ်ငမ်းယဵၼ်လႄႈ လွင်ႈၸမ်ၸႂ်ၸိူဝ်ႉၸၢတ်ႈ NRPC ႁူပ်ႉထူပ်းဢုပ်ႇဢူဝ်းၵၼ် ၼွၵ်ႈလႅၵ်ႈ တီႈဝဵင်းတႃႈၵုင်ႈ ဢုပ်ႇၵုမ်ၵၼ်လွင်ႈ ၼႂ်းၵႄႈတပ်ႉသိုၵ်းသွင်ၸုမ်း။ KNU လႄႈ NRPC ႁူပ်ႉထူပ်းဢုပ်ႇဢူဝ်းၵၼ်မိူဝ်ႈဝၼ်းတီႈ 7/9/2019  တီႈဝဵင်းတႃႈၵုင်ႈ  ။ KNU ပိုၼ်ၽၢဝ်ႇဝႆႉၸဵမ်မိူဝ်ႈပီၵၢႆ ဝႃႈတေၵိုတ်းလိုဝ်ႈလွင်ႈၶဝ်ႈႁူမ်ႈပၢင်ၵုမ်လွင်ႈငမ်းယဵၼ်ဝႃႈၼႆဝႆႉသေတႃႉ ဢၼ်ၵႅမ် ႁူဝ်ပဝ်ႈ KNU ဢွၼ်ႁူဝ်...

ဢိင်ၼိူဝ်လွင်ႈပဵၼ်ပၢင်တိုၵ်းၸိုင်ႈတႆး တၢင်းပွတ်းႁွင်ႇယႂ်ႇၵႂၢင်ႈၶႂၢင်ႁၢဝ်ႈႁႅင်း ၼႂ်းၽၢၵ်ႇလိူၼ်သၢဝ်းဝၼ်းပူၼ်ႉမႃးၼႆႉသေ တေႃႇထိုင်ယၢမ်းလဵဝ် ၵူၼ်းမိူင်း - ၸဝ်ႈရူတ်ႉၵႃး ဢၼ်ၵႂႃႇမႃး တၢင်းလႃႈသဵဝ်ႈ - ၵူတ်ႉၶၢႆ - မူႇၸေႊ ၸိူဝ်းၼၼ်ႉ တိုၵ်ႉမႆႈၸႂ် လွင်ႈႁူမ်ႇလူမ်ႈယူႇ။ ၸၢႆးၼေႃႇသႅင် ၵေႃႁူမ်ႈသၢင်ႈၵူၼ်းၼုမ်ႇတႆး TYN လၢတ်ႈတီႈၽူႈတွႆႇႁွၵ်ႈဝႃႈ “ ဝၢႆးၶဝ်ၽဝ်ၵႃးတီႈၵူတ်ႉၶၢႆ မိူဝ်ႈဝၼ်းတီႈ 3 ၼၼ်ႉသေ...

တွၼ်ႈတႃႇဢုပ်ႇဢူဝ်းငူပ်ႉငီႉ လွင်ႈၵိုတ်းတိုၵ်းဢၼ်ပဵၼ်ယူႇၼႂ်းမိူင်း ပေႃးတေၽေႃႇၼမ်ႉၼႄတူဝ် လူင်းမိုဝ်းႁဵတ်းသၢင်ႈ ၵႂႃႇလီၼၼ်ႉ ၸုမ်းဢူၺ်းလီ 3 ၸုမ်း ႁူမ်ႈၵၼ်ပိုၼ်ၽၢဝ်ႇၵိုတ်းတိုၵ်းၾၢႆႇလဵဝ် တႃႇၶၢဝ်းတၢင်း 1 လိူၼ်။ ဝၼ်းတီႈ 9/9/2019 ယူႇတီႈတပ်ႉသိုၵ်းတဢၢင်း TNLA၊ ၵဝ်ႈၵၢင်ႉ MNDAA လႄႈ ရၶႅင်ႇ AA ႁူမ်ႈၵၼ် ပိုၼ်ၽၢဝ်ႇ ၵိုတ်း တိုၵ်းၾၢႆႇလဵဝ်...

ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈငမ်းပၢႆးလူင် (2) ၸိုင်ႈတႆးပွတ်းဢွၵ်ႇၶူင်း ၶဝ်ႈသူၼ်မၢၵ်ႇႁၢၵ်ႈၶမ်းၵႂႃႇ ၽွင်းဢႃယု လႆႈ 83 ပီလႄႈ ဝႃႇတေႃႇ 61 ဝႃႇ။ ဝၼ်းတီႈ 7/9/2019 ယၢမ်းၵၢင်ၶမ်ႈ 8 မူင်းပၢႆ ၸဝ်ႈငမ်းပၢႆးလူင် မၢႆ (2) ၸဝ်ႈတူၼ်ၶူးလူင်ပၺ်ၺႃသႃမိ ဢၵ်ႉၵမႁႃသတ်ႉ ထမ်မ ၸေႃးတိၵထၸ...

ပၢင်တိုၵ်းၼႂ်းၵႄႈ ၸုမ်းဢူၺ်းလီ 3 ၸုမ်းလႄႈ တပ်ႉသိုၵ်းလူင်ပွင်ၸိုင်ႈမၢၼ်ႈ ၼႂ်းၸႄႈဝဵင်းၵူတ်ႉၶၢႆယဵၼ်လူင်းဢိတ်းဢီႈ ယဝ်ႉလႄႈ ၵူၼ်းမိူင်းၸိူဝ်းပၢႆႈၽေးသိုၵ်းၼပ်ႉႁူဝ်ႁဵင်ၵေႃႈ ပွၵ်ႈမိူဝ်းႁိူၼ်းၶိုၼ်းၵမ်ႈၽွင်ႈယဝ်ႉ ဝႃႈၼႆ။ ဝၼ်းတီႈ 6/9/2019 ၼႆႉ ၵူၼ်းပၢႆႈၽေးသိုၵ်း ဢၼ်မီးတီႈဝတ်ႉၶူဝ်လူင် ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၼၼ်ႉ ဢွၼ် ၵၼ်ပွၵ်ႈၶိုၼ်းႁိူၼ်းၽႂ်မၼ်း ႁိမ်းႁူဝ်ၵူၼ်း 500 ၵေႃႉ။ လိူဝ်ၼၼ်ႉ မိူဝ်ႈဝၼ်းတီႈ...

ၵူၼ်းတူၼ်ႈတီး ႁူမ်ႈၵၼ်လူင်းလၢႆးမိုဝ်း ယိုၼ်ႈလိၵ်ႈတုၵ်းယွၼ်းထိုင်လူင်ပွင်ၸိုင်ႈမိူင်းတႆး ႁႂ်ႈၽိူမ်ႉပၼ်ဝၼ်းပွႆးၶိုၼ်းမိူၼ် ၵဝ်ႇ၊ ဢၼ်ယၢမ်ႈႁဵတ်းမႃး 10 ဝၼ်းၼၼ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 6/9/2019 ယူႇတီႈၵူၼ်းမိူင်း၊ ၸုမ်းႁဵတ်းႁူင်းၾႆးမိၼ် ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ႁူမ်ႈ ၵၼ် ၵဵပ်းလၢႆးၸိုဝ်ႈ၊ လူင်းလၢႆးမိုဝ်းသေ ယိုၼ်ႈလိၵ်ႈတုၵ်းယွၼ်းထိုင် ၸွမ်ၽွင်းလူင် ၸႄႈမိူင်းတႆး Dr. လိၼ်းထုတ်ႉလႄႈ...

ဢိင်ၼိူဝ်လွင်ႈၶၼ်ငိုၼ်းထႆး ၶိုၼ်ႈသေ ၸွမ်းလႅၼ်လိၼ်တႆး - ထႆး ၵႃႈၶၼ်ၵုၼ်ႇၶူဝ်းၵေႃႈၶိုၼ်ႈၸွမ်းလႄႈ ၵူၼ်းမိူင်းယူႇ ၸွမ်း လႅၼ်လိၼ် တႆး - ထႆး တႃႈၶီႈလဵၵ်း ပဵၼ်ဢၼ်မႆႈၸႂ် ၼၵ်းၸႂ်ၼႂ်းၵၢၼ်ႁႃၵိၼ်လဵင်ႉတွင်ႉ။ တီႈလႅၼ်လိၼ်တႆး - ထႆး တၢင်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း တင်ႈဢဝ်ၵၢင်လိူၼ်ဢေႃႊၵတ်ႊသ်မႃး ၶၼ်ငိုၼ်းထႆးၶိုၼ်ႈၵမ်းဢိတ်းဢိတ်း ၶိုၼ်ႈၵူႈဝၼ်း ၶၼ်ၶူဝ်းၵုၼ်ႇၵေႃႈ ၶိုၼ်ႈၸွမ်းလႄႈ...

ၾူၼ်တူၵ်း ႁႃႇယႂ်ႇၼမ်ႉထူမ်ႈၼႂ်းပွၵ်ႉတီႈတႅမ်ႇ ၼႂ်းဝဵင်းတူၼ်ႈတီး ႁၢဝ်ႈႁႅင်း ၽူႈၸၢႆး ဢႃယု 17 ပီ ၵေႃႉၼိုင်ႈ လႆလွင်ႈ ၸွမ်းၼမ်ႉသေ လႆႈလူႉ တၢႆ ဝႃႈၼႆ။ ဝၼ်းတီႈ 4/9/2019 ၼၼ်ႉ ၽူႈၸၢႆး ဢႃယု 17 ပီ လႆလွင်ႈၸွမ်းၼမ်ႉၵႂႃႇ တီႈပွၵ်ႉလၢၼ်းမတေႃႇ ဝဵင်းတူၼ်ႈတီး ၸိုင်ႈတႆး...

ယူႇတီႈၶွမ်ႊမတီႊတႃႇမူၼ်ႉမႄး ပိူင်ငဝ်ႈပိုင်းမိူင်း 2008 ၼႆႉ တေမႄးၶဵၼ်ႇတႅမ်ႈယုၵ်းယၢင်ႇ ပိူင်ငဝ်ႈပိုင်းမိူင်း ထႅမ်ထွၼ်၊ ပၢၵ်ႈပႅတ်ႈၸိူင်ႉႁိုဝ် ၼႆႉၸိူဝ်းၼႆႉ ယူႇတီႈၸုမ်းၶၢဝ်ႇၽူႈတွႆႇႁွၵ်ႈ လႆႈတွင်ႈထၢမ်ဝႆႉ ၸၢႆးသႅင်မိူင်း ၽူႈတႅၼ်းသၽႃးၵူၼ်း မိူင်း ၸႄႈဝဵင်းမိူင်းၵိုင် ၽူႈၶဝ်ႈၶွမ်ႊမတီႊမူၼ်ႉမႄးပိူင်ပိုင်းလၵ်းမိူင်း 2008 ၼႂ်း 45 ၵေႃႉ မီးဝႆႉၼင်ႇၼႆ။ ထၢမ် - တႃႇတေၶွတ်ႇၽွတ်ႈ ၶွမ်ႊမတီႊမူၼ်ႉမႄးလၵ်းမိူင်း...

ပၢင်တိုၵ်းၼႂ်းၸိုင်ႈတႆးပွတ်းႁွင်ႇ ၵႂၢင်ႈၶႂၢင်ႁၢဝ်ႈႁႅင်းမႃးၵူႈမိုဝ်ႉၵူႈဝၼ်းလႄႈ ၸၢတ်ႈၸိုင်ႈလုမ်ႈၾႃႉ ဢွၵ်ႇလိၵ်ႈပိုၼ်ၽၢဝ်ႇ မႆႈၸႂ်ၸွမ်း။ ဝၼ်းတီႈ 4/9/2019 ယူႇတီႈၸၢတ်ႈၸိုင်ႈလုမ်ႈၾႃႉ ဢွၵ်ႇၶေႃႈပိုၼ်ၽၢဝ်ႇဝႃႈ တႄႇဢဝ်ၵၢင်လိူၼ်ဢေႃႊၵတ်ႊသ်ၼၼ်ႉ မႃး ၵူၼ်းမိူင်းလႆႈလူႉတၢႆၸွမ်းပၢင်တိုၵ်း မီး 17 ၵေႃႉ၊ မၢတ်ႇၸဵပ်း 27 ၵေႃႉ။ ၼႂ်းၼၼ်ႉ ၵမ်ႈၼမ်ပဵၼ်ၽူႈယိင်းလႄႈ လုၵ်ႈ ဢွၼ်ႇ ဝႃႈၼႆ။ June kunugi တူဝ်တႅၼ်း...

ဝၼ်းတီႈ 5/9/2019 ၼႆႉ လူင်ပွင်ၸိုင်ႈမၢၼ်ႈၽဵဝ်ႈငိုၼ်းၸေႈ မၢင် 25၊ မၢင် 35 လႄႈ မၢင် 75  ၶွပ်ႈတဵမ် 32 ပီ။ ပူၼ်ႉမႃး 32 ဝၼ်းတီႈ 5/9/1987 ၼၼ်ႉ လူင်ပွင်ၸိုင်ႈ မသလ ၼေႇဝိၼ်း ပိုၼ်ၽၢဝ်ႇ ၽဵဝ်ႈငိုၼ်းၸေႈမၢင် 25၊...

ၵူၼ်းမိူင်းသီႇပေႃႉ ဢၼ်ၺႃးၸုမ်းဢမ်ႇႁူႉၾၢႆႇယိုဝ်းသႂ်ႇမိူဝ်ႈဝၼ်းတီႈ 1 လိူၼ်ၼႆႉၼၼ်ႉ တေႃႇထိုင်ယၢမ်းလဵဝ် ပႆႇလႆႈ လူင်းႁူင်းယႃ တိုၵ်ႉသိုပ်ႇယူတ်းယႃတူဝ်ဝႆႉယူႇ တီႈႁူင်းယႃလူင်လႃႈသဵဝ်ႈ။ ၸၢႆးၸေႃးတိၵ ဢႃယု 54 ပီ ဢၼ်ၺႃးယိုဝ်းတီႈပွၵ်ႉၸၢင်ႈၶမ်းၸၢၼ်း ႁိမ်းဝတ်ႉမူၺ်ႇတေႃႇ ဝဵင်းသီႇပေႃႉၼၼ်ႉ မၢၵ်ႇ ၵွင်ႈၶဝ်ႈတီႈၶႃလူင် 3 ႁွႆးလႄႈ တီႈပဵမ်ႉ 1 ႁွႆး ၶဝ်ႈႁူင်းယႃၸဵမ်မိူဝ်ႈ 1/9/2019...

ႁႅင်းၵၢၼ် မိူင်းႁူမ်ႈတုမ်မျၢၼ်ႇမႃႇ ၸိူဝ်းလၵ်ႉၶဝ်ႈႁဵတ်းၵၢၼ်ၼႂ်းမိူင်းထႆးၼၼ်ႉ ထုၵ်ႇပလိၵ်ႈထႆး တီႉၺွပ်းသူင်ႇတူဝ်ပွၵ်ႈ ၶိုၼ်းလႅၼ်လိၼ်တႆး - ထႆး (တႃႈၶီႈလဵၵ်း - မႄႈသၢႆ) 13 ၵေႃႉ။ ဝၼ်းတီႈ 4/9/2019 ပလိၵ်ႈထႆး ဢဝ်ႁႅင်းၵၢၼ်မွပ်ႈပၼ် တၢင်းပလိၵ်ႈၾင်ႇတႃႈၶီႈလဵၵ်း လႅၼ်လိၼ်တႆး - ထႆး တင်း မူတ်း 13 ၵေႃႉ၊...

ၸွမ်းၼင်ႇၾိင်ႈထုင်း မီးမႃးၸဵမ်ပၢၼ်တေႃႇပၢၼ်သေ ပေႃးထိုင်ၶၢဝ်းဢွၵ်ႇဝႃႇသႃ ၵူႈပီပီၼႆႉ ပီႈၼွင်ႉၵူၼ်းမိူင်း ၼွင်ႁၢႆးယႃႈ ပၢင်းႁုၼ်ႇႁၢင်ႈ ၽြႃးၽွင်ႇတေႃႇဢူး လူင်းလဵပ်ႈၼႂ်းဝၢၼ်ႈ ၼႂ်းၸႄႈဝဵင်းယွင်ႁူၺ်ႈ တႃႇပၼ်ၵူၼ်းမိူင်းဝႆႈသႃ ၼႆလႄႈ ပီၼႆႉၵေႃႈ တေပၢင်းႁုၼ်ႇႁၢင်ႈၽြႃးလူင်းဝတ်ႉၵျွင်းၼႂ်း ဝၼ်းတီႈ 29 လိူၼ်ၼႆႉ ဝႃႈၼႆ။ တေပၢင်းႁုၼ်ႇႁၢင်ႈၽြႃးၽွင်ႇတေႃႇဢူး 4 သူႇ လူင်းဝတ်ႉၵျွင်း ၼႂ်းဝၼ်းတီႈ 29/9/2019 မႅၼ်ႈလိူၼ်သိပ်းဢဵတ်းမႂ်ႇ...