ၸုမ်းတူင်ႉၼိုင်တူင်ႇဝူင်းၵူၼ်း မိူင်းႁူမ်ႈတုမ်လႄႈ တင်း မိူင်းထႆး ႁူမ်ႈၵၼ် ၸတ်းႁဵတ်းဝၼ်းၼၢင်းယိင်းလုမ်ႈၾႃႉ တီႈ ၵဵင်းမႆႇ ၸိုင်ႈထႆး။ ဝၼ်းတီႈ 8/3/2020 ယၢမ်းႁူဝ်ၶမ်ႈ ယူႇတီႈၸုမ်းမူလၼိထိ MAP တင်း ၸုမ်းတူင်ႉၼိုင်တူင်ႇဝူင်း ၼၢင်းယိင်း ၼႂ်းမိူင်းထႆး လၢႆလၢႆၸုမ်းသေ ႁူမ်ႈၵၼ် ၸတ်းႁဵတ်းဝၼ်းၼၢင်းယိင်းလုမ်ႈၾႃႉ တီႈၽၵ်းတူတႃႈပႄး ၸႄႈဝဵင်းၵဵင်းမႆႇ ၸိုင်ႈထႆး လိူဝ်...

မီးၵူၼ်းပိုၼ်လိၵ်ႈ သၢၼ်ၶတ်း တေႃႇဢွင်ႇသၢၼ်းသူႉၵျီႇ ၽွင်းႁွတ်ႈထိုင်လႃႈသဵဝ်ႈ တႃႇႁူပ်ႉထူပ်းၵူၼ်းမိူင်း။ မိူဝ်ႈၼႆႉ ဝၼ်းတီႈ 10/3/2020 ယၢမ်းၵၢင်ၼႂ် တေႃႇဢွင်ႇသၢၼ်းသူႉၵျီႇ တီႈၵိူဝ်းၵုမ်ၸိုင်ႈမိူင်းႁွတ်ႈဝဵင်းလႃႈသဵဝ်ႈ ႁူပ်ႉ ထူပ်းၵူၼ်းမိူင်း တီႈႁူင်းႁေႃ ၵၢင်ဝဵင်း။ ၽွင်းၼၼ်ႉ ၼႂ်းဝဵင်းလႃႈသဵဝ်ႈၵေႃႈ မီးၽိုၼ်လိၵ်ႈသၢၼ်ၶတ်း ပိဝ်မၢၵ်ႇမိူဝ် ဢမ်ႇ ႁူႉပဵၼ်ၽႂ်ႁဵတ်း။ ၽိုၼ်လိၵ်ႈဢၼ်ပိုၼ်ၽႄႈသၢၼ်ၶတ်းတေႃႇဢွင်ႇသၢၼ်းသူႉၵျီႇၼၼ်ႉ ပိဝ်မၢၵ်ႇမိူဝ် ၸွမ်းတီႈၵူၼ်းၵႂႃႇမႃးၼမ်၊ ၸွမ်း ၵၢင်ဝဵင်းလႃႈသဵဝ်ႈ၊...

ၵူၼ်းဝၢၼ်ႈၶိူဝ်းၼိမ်း ႁူမ်ႈၵၼ် တုၵ်းယွၼ်းဢဝ်ၶိုၼ်းတီႈလိၼ် ၵူၼ်းဝၢၼ်ႈ ဢၼ်ၼၢႆးၼႃႈ(ပွႆးၸႃး) ဢဝ်မွပ်ႈပၼ် ၸုမ်း ၸွႆႈထႅမ်တူင်ႇဝူင်းၵူၼ်းလႄႈ ၸုမ်းပီႇတူႉၸိတ်ႉပွၵ်ႉ 9 တႃႇၵေႃႇသၢင်ႈလုမ်း ဝႃႈၼႆ။ ဝၼ်းတီႈ 9/3/2020 ယူႇတီႈၵူၼ်းဝၢၼ်ႈၶိူဝ်းၼိမ်း ပူႇတႃႇ ၸႄႈဝဵင်းလႃႈသဵဝ်ႈ ႁူမ်ႈၵၼ် တုၵ်းယွၼ်း ၶိုၼ်းတီႈလိၼ် လုင်း ဢေႃး 2 ဢေႊၶိူဝ်ႊ ဢၼ်ၼၢႆးၼႃႈ...

တၢင်းပဵၼ်ၸိူဝ်ႉမႅင်းဝႆႊရတ်ႉသ်ၶူဝ်ႊဝိတ်ႉ-19 ဢမ်ႇၼၼ် ၶူဝ်ႊရူဝ်ႊၼႃႊ ဢမ်ႇၼၼ် ဝူႊႁၢၼ်ႊ ဢၼ်တႄႇပဵၼ်တီႈမိူင်းၶႄႇၼၼ်ႉ ယၢမ်းလဵဝ် ၽႄႈလၢမ်းတူဝ်ႈလုမ်ႈၾႃႉ ထိုင် 104 ၸိုင်ႈမိူင်းယဝ်ႉ။ ၸွမ်းၼင်ႇႁွင်ႈၵၢၼ်ၶၢဝ်ႇ SCMP မိူင်းၶႄႇပိုၼ်ၽၢဝ်ႇဢွၵ်ႇဝႆႉဝၼ်းမိူဝ်ႈၼႆႉ 9/3/2020 တႄႉဝႃႈ - တၢင်းပဵၼ်ၼႆႉ ၽႄႈထိုင် 104 ၸိုင်ႈမိူင်းၼႂ်းလုမ်ႈၾႃႉ၊ ၵူၼ်းတိတ်းၸပ်းမီး 109271 ၵေႃႉသေၵူၼ်းတၢႆ ယွၼ်ႉတၢင်းပဵၼ်မီးၵႂႃႇ ...

ယႃႈမႃႉၵႃႈၶၼ် 1100 လၢၼ်ႉပျႃး မူၵ်းသႂ်ႇမႃးၼႂ်းထူင်ထူဝ်ႇ တၢင်ႇလူတ်ႉၵႃးတၢင်ႇၵူၼ်း လုၵ်ႉတူၼ်ႈတီးတေဢၢၼ်းလူင်းမိူင်းမၢၼ်ႈတူင်ႈပဵင်း ၺႃးတီႉတီႈၸႄႈဝဵင်းသႃႇၸီႇ(သာစည်) တိူင်းတႃႈလိူဝ်ႇ။ ဝၼ်းတီႈ 6 လိူၼ်မၢတ်ႉၶျ် ယႃႈမႃႉ ယႃႈမဝ်းၵမ်ၼႆႉၺႃးတီႉတီႈ လၢၼ်ႇၵူတ်ႇထတ်းၵျႆးတပ်ႉသူင်ႇ လႅၼ်ၶႅၼ်ႈ မိူင်းတႆး မိူင်းမၢၼ်ႈ။ ၾၢႆႇပလိၵ်ႈမၢၼ်ႈပိုၼ်ၽၢဝ်ႇဝႃႈ ၼႂ်းပီ 2020 ၼႆႉ ပဵၼ်ဢၼ်တီႉလႆႈၵႃႈၶၼ် ၼမ်သုတ်းၼႂ်းၸႄႈတွၼ်ႈမိၵ်ႉထိလႃႇ ။ ပလိၵ်ႈလၢတ်ႈဝႃႈ -...

ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၶိုင်ၸတ်းပွင်ပၢင်ၵုမ်ၵၢၼ်မိူင်းၸၼ်ႉၸိူဝ်ႉၸၢတ်ႈတႆး ND ႁၢင်ႈႁႅၼ်းတႃႇ ပၢင်ၵုမ်လူင် လွင်ႈငမ်းယဵၼ်မိူင်းႁူမ်ႈတုမ် (ပၢင်ၵုမ်လူင် ပင်လူင် ပီႁူဝ်ပၢၵ်ႇ 21 ပွၵ်ႈၵမ်း 4) ၼင်ႇႁိုဝ် တေ ၸတ်းလႆႈၸွမ်းၼင်ႇ ၶၢဝ်းယၢမ်းဢၼ်တတ်းမၵ်းတမ်းဝၢင်းဝႆႉၼၼ်ႉ။ ၵူၺ်းၵႃႈ ယွၼ်ႉပိူဝ်ႈငဝ်းလၢႆးလၢႆလွင်ႈလၢႆဢၼ်သေ ND တႆး တေပဵၼ်ၸတ်းမိူဝ်ႈလႂ် ပႆႇၸၢင်ႈလၢတ်ႈ ဝႃႈၼႆ။ ၸဝ်ႈသိုၵ်း...

သိုၵ်းလူင်ပွင်ၸိုင်ႈမၢၼ်ႈ ဢဝ်ထူဝ်ႈၵူၼ်းဝၢၼ်ႈ ၵႂႃႇတၢင်ႇၶဝ်ႈၼမ်ႉတၢင်းၵိၼ် သမ်ႉႁေႃႈတူၵ်းႁူၺ်ႈ မီးလွင်ႈမၢတ်ႇၸဵပ်း ၸွမ်း။ ဝၼ်းတီႈ 6/3/2020 ယၢမ်းႁူဝ်ၶမ်ႈ တပ်ႉသိုၵ်းမၢၼ်ႈ ၵႂႃႇၶၢၼ်းထူဝ်ႈၵူၼ်းဝၢၼ်ႈ ၼႂ်းဢိူင်ႇမိူင်းတုင် ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ 4 လမ်း တႃႇတၢင်ႇၶဝ်ႈၼမ်ႉတၢင်းၵိၼ် ၵႂႃႇသူင်ႇတီႈတပ်ႉပၢင်သဝ်းၶဝ်။ သိုၵ်းမၢၼ်ႈႁေႃႈၵႂႃႇ ပိၼ်ႈတူၵ်း ႁူၺ်ႈ လမ်း 1 ၼႂ်းၵႄႈဢိူင်ႇသူပ်းတုင် လႄႈ...

သိုၵ်းလူင်ပွင်ၸိုင်ႈမၢၼ်ႈ ၶဝ်ႈသွၵ်ႈတဝ်ယႃႉၶူဝ်းၶွင်ႁိူၼ်းယေး ၵူၼ်းဝၢၼ်ႈၵုင်းၺွင်ႇၽႃသႃး သွၵ်ႈတဝ်ယႃႉၶူဝ်းၶွင်လူႉ သုမ်း တင်းၼမ်လၢႆ။ တႄႇဢဝ် ဝၼ်းတီႈ 26/2/2020 ထိုင် ဝၼ်းတီႈ 6/3/2020 မႃးၼႆႉ ၵူၼ်းဝၢၼ်ႈၵုင်းၺွင်ႇၽႃသႃး လႆႈဢွၼ်ၵၼ်ပၢႆႈၽေး သိုၵ်း မႃးသွၼ်ႈယူႇတီႈ ဝတ်ႉလွႆၸၢၵ်ႈ တင်း ဝတ်ႉၵုင်းၸူင် ဢိူင်ႇႁၢမ်းငၢႆး ၸႄႈဝဵင်းမိူင်းၵိုင် ၶၢဝ်းတၢင်းႁိုင် မွၵ်ႈ 10...

ဝၼ်းတီႈ 8/3/2020 မႃးၼႆႉ တပ်ႉသိုၵ်းမၢၼ်ႈ တပ်ႉၶလယ 9 မိူင်းၼွင် ပိုတ်ႇတၢင်းမိူင်းၼွင် - ၵေးသီး ပၼ်ၵူၼ်းမိူင်း ၵႂႃႇမႃးၶိုၼ်းယဝ်ႉ။ ၸၢႆးၸၢမ်ႇမိူင်း ၽူႈတႅၼ်းသၽႃး ၸႄႈမိူင်းၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းၵေးသီး လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈဝႃးၼႆႉ တီႈၵဵတ်ႉမိူင်းၼွင်ၼၼ်ႉ တႄႇပိုတ်ႇပၼ်ၵူၼ်းၵႂႃႇမႃးယဝ်ႉ။ ၵူၺ်းၵႃႈ ၶဝ်တိုၵ်ႉဢဝ်မႆႉႁႄႉဝႆႉသေ...

တႄႇဢဝ် ႁၢင်လိူၼ်ၾႅပ်ႊၿိဝ်ႊရီႊ 2020 ၼႆႉမႃး ယူႇတီႈၽူႈမီးပုၼ်ႈၽွၼ်း ၼႂ်းတပ်ႉသိုၵ်းဝႃႉ UWSA တီႈလၢၼ်ႇဝႃႉ လႅၼ်လိၼ်ထႆး BP1 ၵိင်ႇၸႄႈဝဵင်းပုင်ႇပႃႇၶႅမ် ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းၼၼ်ႉ ပႂ်ႉၵူတ်ႇထတ်းလူမ်းမႆႈ တၢင်းပဵၼ်ၶူဝ်ႊရူဝ်ႊၼႃႊ(ၶူဝ်ႊဝိတ်ႊ -19) တီႈၵူၼ်းလုၵ်ႉတၢင်းၾင်ႇမိူင်းထႆး ၶဝ်ႈမႃးတၢင်းၾင်ႇမိူင်းတႆးၼႆႉ ဝႃႈၼႆ။   ၵူၼ်းပုင်ႇပႃႇၶႅမ် ဢႃယု 50 ပၢႆ လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းပၢႆႈၽေးသိုၵ်း တီႈႁၢမ်းငၢႆး တိုၵ်ႉၵိုတ်းထႅင်ႈယူႇ  ယင်းပႆႇပွၵ်ႈသဵင်ႈ ယွၼ်ႉငဝ်းလၢႆးၼႂ်းပိုၼ်ႉတီႈ ပႆႇၼိမ်လီ။ ဝၼ်းတီႈ 6/3/2020 ၵူၼ်းပၢႆႈၽေးသိုၵ်း ဝၢၼ်ႈၵုင်းၺွင်ႇၽႃသႃး၊ ဝၢၼ်ႈၸၢမ်ပွင်ႇလႄႈ ဝၢၼ်ႈႁူဝ်ၼွင် ႁူဝ်ၵူၼ်း 300 ပၢႆ ဢၼ်မႃးသွၼ်ႈဝႆႉတီႈဝတ်ႉလွႆၸၢၵ်ႈ တင်း ဝတ်ႈၵုင်းၸူင် ၼႂ်းဢိူင်ႇႁၢမ်းငၢႆး ၸႄႈဝဵင်းမိူင်းၵိုင်ၼၼ်ႉ ၶိုၼ်းဢွၼ်ၵၼ်ပွၵ်ႈ ႁိူၼ်းၽႂ်မၼ်းၵမ်ႈၽွင်ႈယဝ်ႉ။  ၵူၺ်းၵႃႈ တီႈဝတ်ႉလွႆၸၢၵ်ႈတႄႉ ၵိုတ်းဝႆႉ...

တၢင်းပဵၼ်ၽႄႈငၢႆႈ ၸပ်းဝႆး ၸိူဝ်ႉမႅင်းၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ 19 ဢၼ်တင်းၼမ်ႁူႉဝႃႈ တၢင်းပဵၼ်ဝူႊႁၢၼ်ႊ ၼၼ်ႉ ဝၼ်းမိူဝ်ႈၼႆႉ ၵူၼ်းတိတ်းၸပ်းတင်းလုမ်ႈၾႃႉ ႁိမ်းၸမ်သႅၼ်ၵေႃႉ ယၢမ်းလဵဝ် ဢမေႊရိၵၼ်ႊ ၶူၼ်ႉႁႃ ယႃႈယႃ ဝၵ်ႉသိၼ်ႊလႆယဝ်ႉဝႃႈၼႆ ။ ယူႇတီႈၶွမ်ႊပၼီႊ Moderna Therapeutics ဢမေႊရိၵၼ်ႊ လႆႈပိုၼ်ၽၢဝ်ႇပဵၼ်တၢင်းၵၢၼ်ဝႃႈ လႆႈၶူၼ်ႉၶႂႃႉႁဵတ်းဢွၵ်ႇမႃးယႃႈယႃဝၵ်ႉသိၼ်ႊတႃႇ တၢင်းပဵၼ်ၶူဝ်ႊဝိတ်ႉ...

သိုၵ်းလူင်ပွင်ၸိုင်ႈမၢၼ်ႈ ၵူတ်ႇထတ်းၵူၼ်းဢွၵ်ႇတႃႈပႆတၢင်း ၼႂ်းၵႄႈလႃႈသဵဝ်ႈ - သီႇပေႃႉ ႁၢဝ်ႈႁႅင်း။ မိူဝ်ႈၼႆႉ ဝၼ်းတီႈ 6/3/2020 ယူႇတီႈသိုၵ်းလူင်ပွင်ၸိုင်ႈမၢၼ်ႈ ၵူတ်ႇထတ်းၵူၼ်းဢွၵ်ႇတႃႈပႆတၢင်း ႁၢဝ်ႈႁႅင်း တီႈႁိမ်း တႃႈရူတ်ႉ ၼႃးမၢၵ်ႇၶေႃ ၼိူဝ်သဵၼ်ႈတၢင်း လႃႈသဵဝ်ႈ - သီႇပေႃႉ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ။ ၸၢႆးႁၢၼ် ႁူဝ်ၼႃႈၸုမ်းၵူၼ်းၼုမ်ႇတႆး TYO ၸိုင်ႈတႆးပွတ်းႁွင်ႇ...

TYN လူင်းပိုၼ်ႉတီႈ ပၼ်ပိုၼ်ႉႁူႉ ၵူၼ်းပၢႆႈၽေးသိုၵ်း တီႈႁၢမ်းငၢႆး ၵဵဝ်ႇလူၺ်ႈလွၵ်းလၢႆးငိူင်ႉဝႄႈ မၢၵ်ႇမႅင်းလႄႈ မၢၵ်ႇမိုဝ်ႉၸိုၼ်း ယၢမ်း။ ဝၼ်းတီႈ 5/3/2020 ယၢမ်းဝၢႆးဝၼ်း 2 မူင်း ထိုင် 3 မူင်း ယူႇတီႈၵေႃႁူမ်ႈသၢင်ႈၵူၼ်းၼုမ်ႇတႆး Tai Youth Network လူင်း ပိုၼ်ႉတီႈ ပၼ်ပိုၼ်ႉႁူႉ လွင်ႈမၢၵ်ႇမႅင်းလႄႈ...

ၵူၼ်းၵႂႃႇႁဵတ်းၵၢၼ်မိူင်းၶႄႇ ဢမ်ႇယူႇလီသေပွၵ်ႈႁိူၼ်းၶိုၼ်း ၵေႃႉၼိုင်ႈ လူႉတၢႆပႅတ်ႈတီႈႁူင်းယႃ လႃႈသဵဝ်ႈ။ ဝၼ်းတီႈ 5/3/2020 ယၢမ်းၵၢင်ၶမ်ႈ မွၵ်ႈ 8 မူင်းၶိုင်ႈ ၵူၼ်းၵႂႃႇႁဵတ်းၵၢၼ်တၢင်းမိူင်းၶႄႇၵေႃႉၼိုင်ႈ လုၵ်ႉတၢင်းလႅၼ်လိၼ် တႆး - ၶႄႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇသေ ၶီႇရူတ်ႉတူႈ (မၢၼ်ႇလူင်ႇ) ပွၵ်ႈႁိူၼ်းၶိုၼ်း။ ၽွင်း ထိုင်တီႈဝဵင်းလႃႈသဵဝ်ႈမၼ်းၸၢႆးဢမ်ႇယူႇလီႁႅင်းလႄႈ ၸဝ်ႈရူတ်ႉၵႃးၵပ်းၾူၼ်းႁႃၸုမ်းၸွႆႈထႅမ်မႃးဢဝ်တူဝ်မၼ်းၸၢႆးၵႂႃႇႁူင်းယႃလႃႈသဵဝ်ႈ လူႉတၢႆပႅတ်ႈၵၢင်တၢင်း။ ၵူဝ်ႇမိၼ်ႉၸေႃႇ...