တၢင်းပဵၼ်ၽႄႈငၢႆႈ ၸပ်းဝႆး ၸိူဝ်ႉမႅင်းၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ 19 ဢၼ်တင်းၼမ်ႁူႉဝႃႈ တၢင်းပဵၼ်ဝူႊႁၢၼ်ႊ ၼၼ်ႉ ဝၼ်းမိူဝ်ႈၼႆႉ ၵူၼ်းတိတ်းၸပ်းတင်းလုမ်ႈၾႃႉ ႁိမ်းၸမ်သႅၼ်ၵေႃႉ ယၢမ်းလဵဝ် ဢမေႊရိၵၼ်ႊ ၶူၼ်ႉႁႃ ယႃႈယႃ ဝၵ်ႉသိၼ်ႊလႆယဝ်ႉဝႃႈၼႆ ။
ယူႇတီႈၶွမ်ႊပၼီႊ Moderna Therapeutics ဢမေႊရိၵၼ်ႊ လႆႈပိုၼ်ၽၢဝ်ႇပဵၼ်တၢင်းၵၢၼ်ဝႃႈ လႆႈၶူၼ်ႉၶႂႃႉႁဵတ်းဢွၵ်ႇမႃးယႃႈယႃဝၵ်ႉသိၼ်ႊတႃႇ တၢင်းပဵၼ်ၶူဝ်ႊဝိတ်ႉ 19 ယဝ်ႉသေ ယၢမ်းလဵဝ်တိုၵ်ႉသူင်ႇပၼ် တီႈ ဢိၼ်ႊသတီႊၵျုတ်ႉ ၾၢႆႇတၢင်းပဵၼ်ၽႄႈငၢႆႈလႄႈတိတ်းၸပ်းငၢႆႈ (National Institute of Allergy and Infectious Diseases) ဝႆႉ။
ပေႃးတီႈဢိၼ်ႊသတီႊၵျုတ်ႉ မၵ်းမၼ်ႈယဝ်ႉၸိုင်ႈ တေဢဝ်မႃးၸၢမ်းၸႂ်ႉတူၺ်း တီႈၵူၼ်းတိတ်းၸိူဝ်ႉမႅင်း 45 ၵေႃႉ မွၵ်ႈၼႂ်းလိူၼ် ဢေႊပရိူဝ်ႊ တေမႃးၼႆႉ ဝႃႈၼႆ။
ၾၢႆႇဢိၼ်ႊသတီႊၵျုတ်ႉတႄႉလၢတ်ႈ ဝႃႈ -“ မီးဝၵ်ႉသိၼ်ႊ ယႃႈယႃသမ်းယဝ်ႉသေတႃႉ တေလႆႈၸၢမ်းသမ်းပၼ်တူၺ်းဝႃႈၸွင်ႇမၼ်းတေပဵၼ်ၵၢၼ်ဢမ်ႇပဵၼ်ၵၢၼ်ထႅင်ႈလူးၵွၼ်ႇ။ ပေႃးမၼ်းႁၼ်ၽွၼ်းလီယဝ်ႉၸင်ႇတေၸၢင်ႈၸႅၵ်ႇၸႂ်ႉတင်းလုမ်ႈၾႃႉပဵၼ်တၢင်းၵၢၼ်လႄႈ လႅပ်ႈၼေလႆႈပႂ်ႉမွၵ်ႈ 12 လိူၼ်တေႃႇထိုင် 18 လိူၼ်ယူႇ။ ၵွပ်ႈၼႆ ႁႂ်ႈဢွၼ်ၵၼ်ၵႅတ်ႇၶႄႇႁႄႉ ၵင်ႈဝႆႉႁင်းၽႂ်မၼ်း” – ဝႃႈၼႆ။
ၶေႃႈမုၼ်း- techmoblog, livescience