ယၢမ်းလဵဝ် သိုၵ်းမၢၼ်ႈ ယိုတ်းမိူင်း ႁွင်ႈၶိုၼ်းၵူၼ်းပၢႆႈၽေးသိုၵ်းဝဵင်းၾၢႆၶုၼ် ပွၵ်ႈႁိူၼ်းယေး တႃႇႁၢင်ႈႁႅၼ်းပၢင်လိူၵ်ႈတင်ႈ ဝႃႈၼႆ။ ပူၼ်ႉမႃး မိူဝ်ႈလိူၼ်ၵျူႊလၢႆႊၼႆႉ သိုၵ်းမၢၼ်ႈ ယိုတ်းၵုမ်းလႆႈၶိုၼ်း ဝဵင်းၾၢႆၶုၼ်တင်း ဝဵင်းမိူင်းပၢႆး ၼႂ်းၸိုင်ႈတႆးပွတ်းၸၢၼ်း ယဝ်ႉလႄႈ ယၢမ်းလဵဝ် ၵူၼ်းပၢႆႈၽေးသိုၵ်း ၸိူဝ်းပၢႆႈၵႂႃႇသွၼ်ႈဝႆႉ တၢင်းဝဵင်းပၢင်လွင်း၊ ယွင်ႁူၺ်ႈလႄႈ သီႇသႅင်ႇ ၸိူဝ်းၼၼ်ႉ ႁႂ်ႈဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ၼႆယဝ်ႉ။ ၵူၼ်းပၢႆႈၽေးသိုၵ်း ၵေႃႉၼိုင်ႈ...

ဝႃႈႁိုဝ်ၵေႃႈယဝ်ႉ တၢင်းလီၼႆႉ တၢင်းၸႃႉတိုၼ်းဢမ်ႇႁူမ်ႇတဵင်လႆႈ၊ ဝၼ်း ႞ မႃး တေႁၼ်ယူႇပႃႈၼႃႈ၊ ၵူၼ်းၵုသူဝ်ႇၵၢမ်ႇလီမိူဝ်းမီးမိူင်းၽီၵေႃႈ ပေႃးၸၢမ်ႇၵုသူဝ်ႇသဵင်ႈယဝ်ႉ၊ တေ ၶိုၼ်းလူင်းမႃးမိူင်းၵူၼ်းယူႇ။ ၵေႃႉဢၼ်တူၵ်းငရၢႆးၵေႃႈ ပေႃးဝူတ်ႈမၼ်းပေႇယဝ်ႉ တေၶိုၼ်းမႃးမိူင်းၵူၼ်းယူႇ၊ တေႃႈလဵဝ်ၼႆႉ မၢၼ်ႈၵမ်ႇၵေႃႈယဝ်ႉ၊ မၢၼ်ႈလႅင်ၵေႃႈယႃႇ၊ ဝၼ်း႞မႃး မၼ်းတေထူပ်းၺႃး ဢၼ်မၼ်းႁဵတ်းဝႆႉတၢင်းၸႃႉၼၼ်ႉ။ တႆးဢၼ် လႆႈတုၵ်ႉၶ ၶၢၼ်ၸႂ် ၸိူဝ်းၼႆႉၵေႃႈ...

သိုၵ်းတဢၢင်း TNLA ၸိူဝ်းၵုမ်းၵမ် ပၼ်ႇၵၢၼ်ၽွင်းငမ်းဝႆႉ ၼႂ်းၸႄႈဝဵင်းၼမ်ႉၶမ်း တဵၵ်းႁႂ်ႈၵူၼ်းမိူင်း ၵႂႃႇၶဝ်ႈႁၢပ်ႇၵၢၼ်သိုၵ်း၊ မိပ်ႇငႅၼ်းယွၼ်းၶွၼ်ႇတီႈ ပေႃႈမႄႈလုၵ်ႈႁဵၼ်း၊ လွၵ်ႇငိုတ်ႈယႃႇႁႂ်ႈၵႂႃႇယုင်ႈၵဵဝ်ႇ ၵမ်ႉထႅမ်ပၼ်ႁႅင်းသိုၵ်းတၢင်ႇၸုမ်း ၸိူဝ်းတူင်ႉၼိုင် ယူႇၼႂ်းၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ ယၢမ်းလဵဝ် ၽူႈၵွၼ်းၸႄႈတွၼ်ႈ၊ ၽူႈၵွၼ်းၾၢႆႇ ႁွင်ႈၵၢၼ်ပလိၵ်ႈလႄႈ ၾၢႆႇႁွင်ႈၵၢၼ်ၵဵပ်းၶွၼ်ႇ သိုၵ်းတဢၢင်း TNLA ဢဝ်ႁႅင်းသိုၵ်း ႁွၼ်ႈထဝ်ႇတူင်ႉၼိုင်ၵႂႃႇမႃး ၼႂ်းၸႄႈဝဵင်းၼမ်ႉ ၶမ်း ၶိုၼ်းႁၢဝ်ႈႁႅင်းထပ်းၵၼ်ဝႆႉ။...

ဝၼ်းတီႈ 18/08/2025 ယၢမ်းၵၢင်ၼႂ်ၼႆႉ သိုၵ်းမၢၼ်ႈ ယိုတ်းမိူင်း ၸီႉသင်ႇပိၵ်ႉဢိုတ်းပႅတ်ႈ ၶူဝ်မၢႆ 2 တီႈဝဵင်းမျႃႉဝတီႇ မိူင်းယၢင်းၽိူၵ်ႇ လႅၼ်လိၼ်ယၢင်းထႆး- မၢၼ်ႈ။   ၶူဝ်မၢႆ 2 ၼႆႉ ပဵၼ်ၶူဝ်တႃႇရူတ်ႉၵႃးတၢင်ႇၶူဝ်းၵုၼ်ႇ လတ်းၶၢမ်ႈတေႃႉသူင်ႇၸူးၵၼ် တီႈလႅၼ်လိၼ်ထႆး - မၢၼ်ႈ။ ပူၼ်ႉမႃးလၢႆဝၼ်းၼႆႉ သိုၵ်းမၢၼ်ႈ ၵူတ်ႇထတ်းတီႉၺွပ်းလႆႈ ၶူဝ်းၵုၼ်ႇဢၼ်ဢမ်ႇသႂ်ႇၶွၼ်ႇသေ တေႃႉတၢင်ႇမႃးၸွမ်း...

ၶွမ်ႊမသျိၼ်ႊ ၾၢႆႇၵၢၼ်ၵပ်းသိုပ်ႇလႄႈ ၾၢႆႇပွႆႇသဵင်ၸိူဝ်ႉၸၢတ်ႈ (NBTC) မိူင်းထႆး ပိုၼ်ၽၢဝ်ႇဝႃႈ - တႄႇဢဝ်ဝၼ်းတီႈ 18/08/2025 ၼႆႉၵႂႃႇ တႃႇတေယိုၼ်ႈတၢင်ႇမၢႆၾၢင် သိမ်းၵၢတ်ႉၾူၼ်းဢၼ်မႂ်ႇၼၼ်ႉ ႁႂ်ႈၾၢႆႇၵၢၼ်ၵပ်းသိုပ်ႇဢေႃႇပရေႇတႃႇ ၼႂ်းမိူင်းထႆးတင်းသဵင်ႈ ပႃးၸဵမ် True လႄႈ AIS  ၶဝ် တႄႇၸႂ်ႉပိူင်သၵႅၼ်ႊၼႃႈ (Liveness Detection Technology) ၵႂႃႇ...

ပူၼ်ႉမႃးလၢႆဝၼ်းၼႆႉ ၾူၼ်တူၵ်းႁႅင်း လိၼ်ၵူၼ်ႇ ၼႂ်းမိူင်းပႃႊၵိတ်ႊသတၢၼ်ႊ ပွတ်းႁွင်ႇလႄႈ ထုင်ႉၵႅတ်ႉသ်မီးယိူဝ်း ပိုၼ်ႉတီႈၾၢႆႇမိူင်းပႃႊၵိတ်ႊသတၢၼ်ႊၵုမ်းၵမ်ၼၼ်ႉ ၽူႈမီးပုၼ်ႈၽွၼ်းၶဝ်လၢတ်ႈဝႃႈ မီးၵူၼ်းလူႉတၢႆ 300 ပၢႆ ႁၢႆလၢႆဝႆႉ 200 ပၢႆ - ဝႃႈၼႆ။ ၵူၼ်းၸိူဝ်းလူႉတၢႆၵမ်ႈၼမ် ပဵၼ်ၼႂ်းၸႄႈတွၼ်ႈၶၢႆႇပႃႇ ပႃႇၶျႃႉတုၼ်ႇဝႃႇ၊ ဢၼ်မီးလွင်ႈတုမ်ႉတိူဝ်ႉ လူႉသုမ်းၼမ်လိူဝ်ပိူၼ်ႈသမ်ႉ ပဵၼ်ၸႄႈတွၼ်ႈပူႇၼႃႇ မီးၵူၼ်းႁၢႆလၢႆဝႆႉ 209 ၵေႃႉ၊...

ၽွင်းၵူၼ်းမိူင်းၼႂ်းၼွင်ႁၢႆးယႃႈ ထူပ်းၽေးသၽႃႇဝ ၼမ်ႉထူမ်ႈၼမ်ႉၼွင်း၊ ၽေးပၢႆးမၢၵ်ႈမီးတူၵ်း ၵၢၼ် ၽုၵ်ႇသွမ်ႈဢမ်ႇလီ၊ ၽေးသိုၵ်းမၢၼ်ႈတဵၵ်းငႅၼ်ႉလိုပ်ႈလမ်းတီႈၺွပ်းယူႇၼႆႉ - သိုၵ်းမၢၼ်ႈပိုၼ်ၽၢဝ်ႇသေ ၸီႉသင်ႇ ပီၼႆႉၵေႃႈႁႂ်ႈၸတ်းပွႆးၽြႃးၸၢမ်ၵဝ်ႈတွၼ်ႈ ၽွင်ႇတေႃႇဢူး  ၼွင်ႁၢႆးယႃႈ - ဝႃႈၼႆ  ။ သိုၵ်းမၢၼ်ႈပိုၼ်ၽၢဝ်ႇဝႃႈ တေယေႃးပၢင်းၽြႃးလူင်းၵျွင်း ၼႂ်းဝၼ်းတီႈ 22/9 /2025  သေပၼ်ႇလဵပ်ႈၶဝ်ႈ ဢွၵ်ႇဝၢၼ်ႈ လိုဝ်ႈၵိင်းတီႈဝတ်ႉၼႂ်းၼွင် 21...

ယၢမ်းလဵဝ် ၾၢႆႇသိုၵ်းမၢၼ်ႈၵေႃႈ ၶိုင်တႃႇတေၸတ်းပၢင်လိူၵ်ႈတင်ႈယူႇမႅၵ်းမႅၵ်း၊ ၸုမ်းလုၵ်ႉၽိုၼ်ႉၶၢဝ်းႁွင်/ သိုၵ်းၵႅတ်ႇၶႄၵူၼ်းမိူင်း PDF ၸိူဝ်းၼႆႉၵေႃႈ မုင်ႈၸူးတၢင်းယိူင်းဢၢၼ်း ၽႂ်မၼ်း။ ပေႃးတူၺ်းၶိုၼ်းလူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ၼႆၵေႃႈ ယူႇမိူင်းဝၼ်းတူၵ်းသေ ၸတ်းပၢင်ဢုပ်ႇဢူဝ်းတီႈၼိုင်ႈယဝ်ႉတီႈၼိုင်ႈ။ တူၺ်းပိူင်ပဵၼ်ၸိူဝ်းၼႆႉသေ ၵူၼ်းမိူင်း ဢမ်ႇၸၢင်ႈပိုတ်ႇၸႂ် ပိုင်ႈၸုမ်းလႂ်လႆႈတႄႉတႄႉ။ တူၺ်းၸုမ်းလႂ်ၵေႃႈ မိူၼ်ၼမ်ႉၽိုင်ႈတႃႈၶူမ်းလႅဝ်းဝႆႉ။   မိူဝ်ႈတႄႇသိုၵ်းမၢၼ်ႈ ယိုတ်းဢႃႇၼႃႇတႄႉ ၵမ်ႈၼမ် ႁၼ်ဝႃႈ...

မိူဝ်ႈၼႆႉ ဝၼ်းတီႈ 18/08/2025 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ မၵ်းမၼ်ႈပိုၼ်ၽၢဝ်ႇ ဝၼ်းတေၸတ်းႁဵတ်းပၢင်လိူၵ်ႈတင်ႈ ပတ်းပိုၼ်ႉၸိုင်ႈမိူင်း။ ၼႂ်းၶေႃႈပိုၼ်ၽၢဝ်ႇၼၼ်ႉပႃးဝႆႉဝႃႈ - ပၢင်လိူၵ်ႈတင်ႈၼႆႉ တေၸတ်းႁဵတ်းၵႂႃႇ ပဵၼ်ၶၵ်ႉပဵၼ်တွၼ်ႈ ၸွမ်း ၼင်ႇ ပိူင်ငဝ်ႈပိုင်းမိူင်း 2008 တွၼ်ႈ 399 (က) ၊ ၾိင်ႈမိူင်း ၶွမ်ႊမသျိၼ်ႊ ၵၢၼ်လိူၵ်ႈတင်ႈတွၼ်ႈ...

မိူဝ်ႈၼႆႉ ဝၼ်းတီႈ 18/08/2025 ယၢမ်းဝၢႆးဝၼ်း 3 မူင်းပၢႆ ႁိူဝ်းမိၼ်တိုၵ်း သိုၵ်းမၢၼ်ႈ ပွႆႇမၢၵ်ႇသႂ်ႇ ၾၢႆႇဝၼ်းဢွၵ်ႇဝဵင်းမိူင်းၵုတ်ႈ ၼႂ်းၼႃႈတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း ၵူၼ်းမိူင်းမၢတ်ႇၸဵပ်းၵႂႃႇၸွမ်း 1 ၵေႃႉ။ ၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းမိူင်းၵုတ်ႈလၢတ်ႈၼႄဝႃႈ -“မၢၵ်ႇၵႂႃႇတူၵ်းသႂ်ႇႁိမ်းၵၢတ်ႇ (ကျပ်ပြင်ဈေး နာရီစင်နား) ၊ တၢင်းၵျွင်းၼၢႆးၶၢဝ်ၼၼ်ႉ။ ငိၼ်းဝႃႈ တိူဝ်ႉၵူၼ်းမိူင်းၵႂႃႇ ၵေႃႉ ၼိုင်ႈၼႆယူႇ”-...

မိူဝ်ႈၼႆႉ ဝၼ်းတီႈ 18/08/2025 ယၢမ်းၵၢင်ၼႂ် 9 မူင်းၶိုင်ႈ ႁိူဝ်းမိၼ်တိုၵ်းသိုၵ်းမၢၼ်ႈ ၵႂႃႇပွႆႇမၢၵ်ႇလူင်သႂ်ႇ ၼႂ်းပွၵ်ႉဝဵင်းၸၢၼ်းလႄႈ ပွၵ်ႉဢွၵ်ႇ ဝဵင်းသီႇပေႃႉ ၵူၼ်းမိူင်းတိူဝ်ႉမၢတ်ႇၸဵပ်း ၸွမ်းၵႂႃႇ 3 ၵေႃႉ ႁိူၼ်းယေး လူႉၵွႆၵႂႃႇၸွမ်း ဢမ်ႇယွမ်း 10 လင်။ ၵူၼ်းမိူင်းၸိူဝ်းၺႃးတိူဝ်ႉမၢတ်ႇၸဵပ်းၼႆႉ ပဵၼ်ၵူၼ်းၸၢႆး ဢႃယုမွၵ်ႈ 50 ပီ...

မိူဝ်ႈၼႆႉ ဝၼ်းတီႈ 18/08/2025 ယၢမ်းၵၢင်ၼႂ် ၵူၼ်းမိူင်း ၼႂ်းၸႄႈဝဵင်းမိူင်းၼၢႆးမွၵ်ႈ 300 ၵေႃႉ ဢွၵ်ႇမႃး ၼိူဝ်သဵၼ်ႈတၢင်းၵၢင်ဝဵင်းသေ ယိပ်းပၢႆႉၼႄၵၢင်ၸႂ်တေႃႇ ၸုမ်းသိုၵ်းၸၢဝ်းၶိူဝ်းသၢမ်ၸုမ်း ၸိူဝ်းတူင်ႉၼိုင်ၵုမ်းၵမ်ဝႆႉလၢႆလၢႆၸႄႈဝဵင်းမိူင်းတႆးပွတ်းႁွင်ႇ။ ၼႂ်းပၢႆႉလိၵ်ႈၼၼ်ႉတႅမ်ႈဝႆႉဝႃႈ - တႃႇၵူၼ်းမိူင်းၼႂ်းပိုၼ်ႉတီႈ တေလႆႈယူႇသဝ်းၵတ်းယဵၼ်ၼၼ်ႉ TNLA / MNDAA / AA သၢမ်ၸုမ်း ႁႂ်ႈဢွၵ်ႇပိုၼ်ႉတီႈၵႂႃႇဝႆးဝႆး ဝဵင်းသီႇပေႃႉ...

NUG ၼႆႉ ႁပ်ႉပဵၼ်လူင်ပွင်ၸိုင်ႈႁင်းၵူၺ်းသေ ၶိုၼ်ႈၼႃႈလူၺ်ႈ ၾႅတ်ႊတရႄႊတီႊမူဝ်ႊၶရေႊၸီႊ ၶျႃႇတႃႇမႃး မီး 4 ပီပၢႆၶိုင်ႈယဝ်ႉ၊ ၵႂႃႇၼႃႈထႅင်ႈ သီႇႁႃႈႁူၵ်းလိူၼ် ဢႃယုလူင်ပွင် ၸိုင်ႈၶဝ် တေသဵင်ႈယဝ်ႉလႄႈ တေႁဵတ်းႁိုဝ်သိုပ်ႇတေႃႇၵႂႃႇထႅင်ႈၼႆ ဢွၵ်ႇပဵၼ်ၵႂၢမ်းထၢမ်ဝႆႉယူႇ။ NUG ၼႆႉ ယွၼ်ႉပိူဝ်ႈမၼ်းယၼ်ၼိူဝ်ၽွၼ်းၵၢၼ်ပၢင်လိူၵ်ႈတင်ႈ 2020 သေ ၶွတ်ႇၽွတ်ႈဝႆႉလႄႈ ပေႃးဝႃႈပၢင်လိူၵ်ႈတင်ႈ ဢၼ်ၸုမ်းသိုၵ်းယိုတ်းမိူင်း ပဵၼ်ပၢင်ၵႂႃႇတႄႉၼႆ...

ၵဵဝ်ႇလူၺ်ႈပၼ်ႁႃ လွင်ႈပိုတ်းယိုဝ်းၵၼ် တီႈလႅၼ်လိၼ်ထႆး - ၵမ်ႇပူးၶျႃးၼၼ်ႉသေ ႁႅင်းၵၢၼ်မိူင်းၵမ်ႇပူးၶျႃး ၼပ်ႉႁူဝ်ႁဵင်ႁူဝ်မိုၼ်ႇ ဢွၼ်ၵၼ်ပွၵ်ႈမိူဝ်းၶိုၼ်း ၼႆယဝ်ႉ။ ၵွပ်ႈၼႆလႄႈ တႃႇဢွင်ႈတီႈႁႅင်းၵၢၼ်ၵမ်ႇပူးၶျႃးၼၼ်ႉ တေႁွင်ႉဢဝ်ႁႅင်းၵၢၼ်မိူင်းမၢၼ်ႈ မွၵ်ႈ 42,000 ၵေႃႉ မႃးတႅၼ်းတၢင်ၶိုၼ်းၼႆ ၽွင်းလူင် ၾၢႆႇႁႅင်းၵၢၼ်ထႆး ယိုၼ်ယၼ်တွပ်ႇဝႆႉ မိူဝ်ႈပူၼ်ႉမႃး ၼႂ်းဝၼ်းတီႈ 14/08/2025 ၼၼ်ႉၼင်ႇၼႆ။ တႃႇတေႁွင်ႉဢဝ် ႁႅင်းၵၢၼ်မိူင်းၾလိပ်ႉပိၼ်း၊ ဢိၼ်ႇတူဝ်ႇၼီးသျႃး၊...

ၸွမ်ၸိုင်ႈမိူင်းၵူဝ်ႊရီႊယိူဝ်းၸၢၼ်း လီႊၵျေႊမျွင်ႊ (Lee Jae Myung) လၢတ်ႈဝႃႈ ၼပ်ႉယမ်ပၵ်းပိူင်ၵၢၼ်မိူင်း မိူင်းၵူဝ်ႊရီႊယိူဝ်ႊႁွင်ႇသေ တေၶိုၼ်းၶတ်းၸႂ်ၵေႃႇသၢင်ႈ လွင်ႈယုမ်ႇယမ်ၼႂ်းၵႄႈၵၢင် တပ်ႉသိုၵ်းသွင်ၸိုင်ႈမိူင်းၵႂႃႇ ဝႃႈၼႆ။ ပူၼ်ႉမႃးဢမ်ႇႁိုင်သင်ၼႆႉ ၶိမ်ႊယူဝ်ႊၵျုင်ႊ(Kim Yo Jong) ၼွင်ႉယိင်း ၽူႈဢွၼ်ႁူဝ်မိူင်းၵူဝ်ႊရီႊယိူဝ်ႊႁွင်ႇ ၶိမ်ႊၵျုင်ႊဢၢၼ်ႊ(Kim Jong Un) လၢတ်ႈၵႂႃႇဝႃႈ ဢမ်ႇသူၼ်ၸႂ်တႃႇတေ ႁဵတ်းႁႂ်ႈလွင်ႈၵပ်းသိုပ်ႇ ၵၼ်တၢင်းမိူင်းၵူဝ်ႊရီႊၸၢၼ်း...