လူမ်းလႅင်ႉႁႅင်းယႂ်ႇ ၶႃႊၵျိၵိ KAJIKI ၶဝ်ႈ တီႈမိူင်းဝႅတ်ႉၼၢမ်းမိူဝ်ႈဝၼ်းတီႈ 25/08/2025 ၼၼ်ႉ ၵူၼ်းမိူင်းတၢႆ 3 ၵေႃႉ၊ ၼႂ်းဝဵင်းလူင် ႁၢတ်ႇၼွႆႉ Hanoi ၵေႃႈပဵၼ်ၼမ်ႉပဵၼ်ၼွင်တင်းဝဵင်းၼႆ ႁွင်ႈၵၢၼ်ၶၢဝ်ႇမိူင်းဝႅတ်ႉၼၢမ်း ဢွၵ်ႇဝႆႉၼင်ႇၼႆ။ လူမ်းလႅင်ႉ တၢႆႊၾုၼ်ႊ ၶႃႊၵျိၵိ KAJIKI ၼႆႉ ၶဝ်ႈမိူင်းဝႅတ်ႉၼၢမ်းယဝ်ႉ သိုပ်ႇမုင်ႈၼႃႈၶိုၼ်ႉၾင်ႇ မိူင်းလၢဝ်း သိုပ်ႇၶၢဝ်းတၢင်းႁွတ်ႈထိုင်...

လူမ်းလႅင်ႉၽတ်ႉၶဝ်ႈ  ၼွင်ႁၢႆးယႃႈလႄႈ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း  ႁိူၼ်းယေးလႄႈႁူင်းႁဵၼ်း လူႉၵွႆၼမ် လူဝ်ႇတင်းၸွႆႈထႅမ်ပူၵ်းပွင်ၶိုၼ်း  ။ ၼႂ်းဝၼ်းတီႈ 26/8/2025 ယၢမ်းဝၢႆးဝၼ်း 1 မူင်း ၾူၼ်တူၵ်း လူမ်းလႅင်ႉၶဝ်ႈ ဝၢၼ်ႈ လူင်ပႅၼ်ႈ ဝၢၼ်ႈမွၵ်ႇ လႄႈ ဝၢၼ်ႈဢၼ်မီးၼႂ်းဢိူင်ႇၼမ်ႉတူၵ်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ လင်ၶႃးႁိူၼ်းယေးၵူၼ်းမိူင်း ဢိၵ်ႇႁူင်းႁဵၼ်း ပိဝ်ၸွမ်းလူမ်းတင်းၼမ်။...

မိူဝ်ႈၼႆႉ ဝၼ်းတီႈ 26/8/2025 ယၢမ်းဝၢႆးဝၼ်း ၾူၼ်တူၵ်းဢမ်ႇထၢတ်ႇ လူမ်းလႅင်ႉၶဝ်ႈၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ႁိူၼ်းယေးၵူၼ်းဝၢၼ်ႈလူႉၵွႆမွၵ်ႈ 20 လင် ။ ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ႁူဝ်ၶမ်ႈၼႆႉ ၾူၼ်တူၵ်းဢမ်ႇထၢတ်ႇ လူမ်းလႅင်ႉပတ်ႉဢဝ်လင်ႁိူၼ်းမွၵ်ႈ 20 လင် ပႃးၵႂႃႇၸွမ်းလူမ်း ၊  ၼမ်ႉၼႂ်းၼွင်ၵေႃႈ သုင်ၶိုၼ်ႈမႃးၶိုၼ်း၊ ဢၼ်ၺႃးလူမ်းပတ်ႉၵွႆၼမ်ပဵၼ်တၢင်းဝၢၼ်ႈ ႁူဝ်ၼွင်(ကန်ခေါင်း)...

ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။ ဢိင်ၼိူဝ် လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇ ဢွၼ်ႊလၢႆႊပေႃးလၢႆးၸၢႆႉၸၢႆႉ။ ၼိုင်ႈၵေႃႉ ႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး။ ၵူၼ်းမိူင်းမၢၼ်ႈထုင်ႉပဵင်းၵေႃႈ ႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ...

သိုၵ်းမၢၼ်ႈ လၢမ်းယိုဝ်းမၢၵ်ႇၵွင်ႈလူင် ၾၢႆႇႁွင်ႇဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်း တိုၼ်ႇသၢၼ်ႈတူၵ်းၸႂ် ဝႃႈၼႆ။ ဝၼ်းတီႈ 24/05/2025 သိုၵ်းမၢၼ်ႈ ထူဝ်းသိုၵ်းၶဝ်ႈၼႂ်းဝၢၼ်ႈ ဢၼ်မီးၾၢႆႇႁွင်ႇဝဵင်းယႂႃႇငၢၼ်ႇ လၢမ်းလိမ်းယိုဝ်းၵွင်ႈလူင် ၸွမ်းႁူၺ်ႈၸွမ်းလွႆ၊ ဢဝ်ၶိူင်ႈတရူၼ်ႊ ပၼ်ႇလဵပ်ႈၸွမ်းၼႂ်းဝၢၼ်ႈ ႁဵတ်းႁႂ်ႈၵူၼ်းမိူင်းပိုၼ်ႉတီႈ တိုၼ်ႇသၢၼ်ႈတူၵ်းၸႂ် ဢမ်ႇႁတ်းၵႂႃႇသူၼ်ႁႆႈ ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ ၼၢင်းယိင်း ဢႃယု 40 ပီ ၵူၼ်းမိူင်းဝဵင်းယႂႃႇငၢၼ်ႇ...

လူင်ပွင်ၸိုင်ႈၼႆႉ တေလႆႈႁပ်ႉပုၼ်ႈၽွၼ်းတေႃႇၵူၼ်းမိူင်း၊ တေလႆႈၵႅတ်ႇၶႄႁႄႉၵင်ႈပၼ်ၵူၼ်းမိူင်း၊ ၼင်ႇႁိုဝ် ၵူၼ်းမိူင်းၽႃးၵႃႇ တေလွတ်ႈၽေးၵၢင်းၶဵၼ်ၼၼ်ႉ ၸိူဝ်းပဵၼ်လူင်ပွင် ၸိုင်ႈ၊ တပ်ႉသိုၵ်း၊ ၽူႈဢုပ်ႉပိူင်ႇၽွင်းငမ်းၼႆႉ တေလႆႈႁူမ်ႇလူမ်ႈပၼ်။ ပေႃးဢမ်ႇၵႅတ်ႇၶႄပၼ်လႆႈၸိုင် တေလႆႈမၢႆထိုင်ဝႃႈ ပဵၼ်လူင်ပွင်ၸိုင်ႈ ဢမ်ႇပူၼ်ႉပုၼ်ႈၽွၼ်းယဝ်ႉၼႆ ၼႂ်းၾိင်ႈၽွင်းငမ်းၸိုင်ႈမိူင်းလီ ၶွင်ၵူႈမိူင်းမိူင်း ဢွၼ်ယွမ်းႁပ်ႉမၵ်းမၼ်ႈၵၼ်ဝႆႉသေတႃႉ တီႈၸိုင်ႈမိူင်းလူႉပင်းလူၺ်ႈပၢင်တိုၵ်းသိုၵ်းသိူဝ်တႄႉ တၢမ်တူဝ်ၸုမ်းသိုၵ်း ပၢႆပိုတ်းတိုၵ်းႁဵတ်းႁၢႆႉတေႃႇၵူၼ်းမိူင်း၊ လူလၢႆပေႉၵိၼ်တေႃႇၵူၼ်းမိူင်းယူႇ ၵူႈတီႈၵူႈတၢင်းယဝ်ႉ။ တႄႇမိူဝ်ႈဝၼ်းတီႈ 18 တေႃႇထိုင်မႃးဝၼ်းမိူဝ်ႈၼႆႉ...

သိုဝ်ႇၶၢဝ်ႇထႆး မတ်ႉတီႇၶျူၼ်ႊ Matichon ဢွၵ်ႇဝႆႉဝႃႈ - လူင်ပွင်ၸိုင်ႈ ယိုတ်းပႅတ်ႈဝႂ်ယူႇသဝ်း ၵူၼ်းၼွၵ်ႈမိူင်း 10,000 ပၢႆ ၸိူဝ်းယိပ်းဝႂ်ဝီႊသႃႊ လုၵ်ႈႁဵၼ်းသေ ဢမ်ႇၵႂႃႇႁဵၼ်းလိၵ်ႈၸိူဝ်းၼၼ်ႉ ဝႃႈၼႆ။ မိူဝ်ႈလိူၼ်မေႊ ပူၼ်ႉမႃးၼၼ်ႉ ႁွင်ႈၵၢၼ်လူင် ၾၢႆႇပၢႆးပၺ်ႇၺႃႇၸၼ်ႉသုင် -  ပၢႆးသၢႆႊၵၢၼ် ၶူၼ်ႉၶႂႃႉလႄႈၵၢၼ်ၶူင်သၢင်ႈ (MHESI) မိူင်းထႆးၸီႉသင်ႇ  ႁႂ်ႈပလိၵ်ႈ ၵူတ်ႇထတ်းၵူၼ်းၶဝ်ႈမိူင်း...

မိူဝ်ႈဝႃး ဝၼ်းတီႈ 25/08/2025 ယၢမ်းၵၢင်ၶိုၼ်းမွၵ်ႈ 10 မူင်းၶိုင်ႈ ႁိူဝ်းမိၼ်တိုၵ်း ၵျႅၵ်ႉၾၢႆႇတႃႇ သိုၵ်းမၢၼ်ႈ ပွႆႇမၢၵ်ႇလူင်သႅၼ်း 500 ပွင်ႊ တူၵ်းသႂ်ႇၾၢႆႇၼႃႈၵျွင်းၽြႃးၵေႃႇရၶႃး ပွၵ်ႉၸီႇပိၼ်ႇတႃႇယႃႇ ပွတ်းဝၼ်းဢွၵ်ႇ ဝဵင်းမိူင်းၵုတ်ႈ။ ၵူၼ်းမိူင်းၼႂ်းပိုၼ်ႉတီႈ ဝဵင်းမိူင်းၵုတ်ႈ လၢတ်ႈဝႃႈ -“မၢၵ်ႇႁိူဝ်းမိၼ်သိုၵ်းမၢၼ်ႈ တူၵ်းသႂ်ႇၼႂ်းသဵၼ်ႈတၢင်း ၾၢႆႇၼႃႈၵျွင်းၽြႃးၵေႃႇရၶႃး။ ၽွင်းၶဝ်မႃးပွႆႇမၢၵ်ႇၼၼ်ႉ ႁိူၼ်းပေႃးသၼ်ႇလူင်ၵႂႃႇၵမ်းသိုဝ်ႈ။ မီးပႃးၵူၼ်းလူႉမၢတ်ႇၸဵပ်းႁႄ။...

ယွၼ်ႉလူမ်းလႅင်ႉတၢႆႊၾူၼ်ႊ ၵႃႇၵျီႇၵီႇ (KAJIKI) ဢၼ်ပတ်ႉထွင်းယူႇတီႈ ၼႂ်းပၢင်ႇလၢႆႇၶႄႇပွတ်းၸၢၼ်းၼၼ်ႉသေ တီႈၼႂ်းမိူင်းႁူမ်ႈတုမ်မၢၼ်ႈ ဢိၵ်ႇပႃးမိူင်းတႆး ၾူၼ်တေတူၵ်းႁႅင်း၊ တေၸၢင်ႈမီးၽေး ၼမ်ႉၼွင်းထူမ်ႈ၊ လိၼ်ႇၵူၼ်ႇပင်း ဝႃႈၼႆ။ ဢူးၵျေႃႇမူဝ်းဢူး ၽူႈၵုမ်းၸီႉသင်ႇ တီႈႁွင်ႈၵၢၼ် ၾၢႆႇၾိင်ႈၾႃႉရႃႇသီႇမိူင်းမၢၼ်ႈ လၢတ်ႈဝႃႈ - ၼႂ်းၶမ်ႈဝၼ်းတီႈ 25 ၼႆႉ လူမ်းလႅင်ႉ ၵႃႇၵျီႇၵီႇ တေၽတ်ႉထွင်းၶဝ်ႈ ၼႂ်းမိူင်းဝႅတ်ႉၼၢမ်း...

တႄႇဢဝ်ဝၼ်းတီႈ 25/08/2025 ၼႆႉၵႂႃႇ ဢမေႊရိၵၼ်ႊလႄႈ ဢိၼ်ႇတူဝ်ႇၼီးသျႃး ႁူမ်ႈၵၼ်တင်းၸိုင်ႈမိူင်း ၸိူဝ်းပဵၼ်ဢူၺ်းလီၵၼ် 11 မိူင်းသေ တႄႇၾိုၵ်းၽွၼ်ႉၵၢၼ်သိုၵ်းၵႂႃႇ တႃႇၶၢဝ်းတၢင်း ၼိုင်ႈဝူင်ႈ ဝႃႈၼႆ။ လွင်ႈႁူမ်ႈၵၼ်ၾိုၵ်းၽွၼ်ႉၵၢၼ်သိုၵ်း ပွၵ်ႈၼႆႉ ယိူင်းဢၢၼ်းတႃႇႁႂ်ႈၼႂ်းပိုၼ်ႉတီႈ ဢေးသျႃး - ပၸိၾိၵ်ႉ မီးလွင်ႈၵတ်းယဵၼ်ၼိမ်သဝ်း ၼႆယဝ်ႉ။ ပၢင်ၾိုၵ်းၽွၼ်ႉၵၢၼ်သိုၵ်း “Super Garuda Shield” ၼႆႉ...

မိူဝ်ႈၼႆႉ ဝၼ်းတီႈ 25 လိူၼ်ဢေႃးၵၢတ်ႉသ် ယၢမ်းၵၢင်ၼႂ် မွၵ်ႈ 11 မူင်းပၢႆၼၼ်ႉ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင် ႁႅင်း 250 ပွၼ်ႊ 2 လုၵ်ႈ တူၵ်းသႂ်ႇတီႈႁိမ်းၵျွင်း ဝႃႇသူဝ်ႇ ပွၵ်ႉ 7 ၼႂ်းၸႄႈဝဵင်းၵျွၵ်ႉမႄးသေ သင်ႇၶ 3 ပႃး တိူဝ်ႉမၢတ်ႇၺႃးၵႂႃႇႁၢဝ်ႈႁႅင်း...

ပေႃးတူၵ်ႇထိုင်ၽႅၼ်ယၼ်ႇသိုၵ်း ပၢင်တိုၵ်း 1027 ၼႆၸိုင် ၸုမ်းၸိူဝ်းဢၼ်ဢၢင်ႈၸိုဝ်ႈဝႃႈ သၢၼ်ၶတ်းသိုၵ်းမၢၼ်ႈၸိူဝ်းၼၼ်ႉ ႁၼ်လီႁူမ်ၸူမ်းၸွမ်းယႂ်ႇလူင်။ သမ်ႉပၢႆသေႉသွမ်း ၸုမ်းယိပ်းၵွင်ႈၵၢင်ႇ ၸိူဝ်းဢမ်ႇၶဝ်ႈႁူမ်ႈၸွမ်းပၢင်ယၼ်ႇသိုၵ်းၼၼ်ႉလူးၵွၼ်ႇ။ မိူဝ်ႈလဵဝ် ပၢင်ယၼ်ႇသိုၵ်းၵေႃႈ ႁိုင်ပီပၢႆယဝ်ႉလႄႈ ၵမ်ႈၼမ်ႁူႉၽွၼ်းယွၼ်ႈမၼ်းမႃး။ မၢင်ဝဵင်းလွတ်ႈ တႂ်ႈသိုၵ်းမၢၼ်ႈသေ သိုၵ်းၸၢဝ်းၶိူဝ်းၵုမ်းဝႆႉယဝ်ႉသေတႃႉ ၵူၼ်းမိူင်းပႆႇလွတ်ႈတၢင်းမႆႈ။ ပေႃးတူၺ်းတီႈ ဝဵင်းၼမ်ႉၶမ်းၼၼ်ႉ ၵူၼ်းမိူင်းလႆႈယူႇတႂ်ႈ သိုၵ်းတဢၢင်း TNLA ပဵၼ်သိုၵ်းၸၢဝ်းၶိူဝ်း ၵုမ်းၵမ်ဝႆႉယဝ်ႉ...

ၸုမ်းပလိၵ်ႈၽဵဝ်ႈမူၺ်ႉယႃႈမဝ်းၵမ်လႄႈ ၸုမ်းသိုၵ်းမၢၼ်ႈ ႁူမ်ႈၵၼ်သေ ပႂ်ႉတီႉၺွပ်းဢဝ်ယႃႈမဝ်းၵမ် ၸွမ်းသဵၼ်ႈတၢင်းလႄႈ ၵဵတ်ႉလၢၼ်ႇၸိူဝ်းလတ်းၵႂႃႇမႃး ၼႂ်းမိူင်းတႆးပွတ်းႁွင်ႇ ပွတ်းၸၢၼ်းသေ တီႉၺွပ်းရူတ်ႉၵႃး ဢၼ်တေႃႉဢဝ်ယႃႈမဝ်းၵမ် ၼႂ်းၸႄႈဝဵင်းၵေးသီးလႄႈ ၸႄႈဝဵင်းမိူင်းယႆမႃး ပိုၼ်ၽၢဝ်ႇဝႃႈ ၵႃႈၶၼ်ၵိုင်ႇငိုၼ်းမၢၼ်ႈ 258.805 ပီႊလီႊယၼ်ႊပျႃး ၼႆယဝ်ႉ။ မိူဝ်ႈဝၼ်းတီႈ 07/08/2025 ယၢမ်းၵၢင်ၶမ်ႈ 8 မူင်းၶိုင်ႈ ၾၢႆႇၸုမ်းပလိၵ်ႈၽဵဝ်ႈမူၺ်ႉယႃႈမဝ်းၵမ်တင်း ၸုမ်းသိုၵ်းမၢၼ်ႈ ႁူမ်ႈၵၼ်သေ...

မိူဝ်ႈဝၼ်းတီႈ 24/08/2025 ၼႆႉ ၶူဝ်လူင် ဢၼ်ၵၢႆႇဝႆႉၼိူဝ်ၵႄးၼမ်ႉတိင် ဢၼ်ၵပ်းသိုပ်ႇၵၼ်တင်း ဝဵင်းၼမ်ႉတိုၵ်းလႄႈ ဝဵင်းၼမ်ႉၽႃႈ (ၶျိၼ်ႊသူၺ်ႊႁေႃႊ) ဢွင်ႈတီႈလႅၼ်လိၼ်ၼႃႈတီႈၵုမ်းၵမ်သိုၵ်းၵဝ်ႈၵၢင်ႉလႄႈ သိုၵ်းဝႃႉ တိတ်းၵၼ်ဝႆႉၼၼ်ႉ ႁၵ်းတူၵ်းၵႂႃႇ ယၢမ်းၵၢင်ၼႂ်ၸဝ်ႉမွၵ်ႈ 2 မူင်း ၼႆယဝ်ႉ။ ၶူဝ်းၵုၼ်ႇလႄႈ ရူတ်ႉၵႃး ၸိူဝ်းတေႃႉဢဝ်မႃးတၢင်း ၵဵတ်ႉလၢၼ်ႇဝဵင်းၼမ်ႉၽႃႈၼၼ်ႉ လႆႈတေႃႉလတ်းၶၢမ်ႈၶူဝ်လူင်ၼၼ်ႉသေ ၶဝ်ႈမႃးၼႂ်းမိူင်းတႆးပွတ်းႁွင်ႇ။ ယွၼ်ႉၼၼ် ၶူဝ်ၼႆႉ...

ပူၼ်ႉမႃး မိူဝ်ႈဝၼ်းတီႈ 24/08/2025 ၼႆႉ ၸုမ်းပလိၵ်ႈ တႂ်ႈသိုၵ်းၵဝ်ႈၵၢင်ႉ (MNDAA) ၵုမ်းၵမ် ပိုၼ်ၽၢဝ်ႇဢွၵ်ႇဝႃႈ ဢဝ်ၶိူင်ႈၵွင်ႈၵၢင်ႇ ၸိူဝ်းဢမ်ႇထုၵ်ႇၸွမ်းပၵ်းပိူင်သိုၵ်းၵဝ်ႈၵၢင်ႉလႄႈ ဢမ်ႇၶဝ်ႈပဵၼ်တၢင်းၵၢၼ်ၼၼ်ႉ ၸုတ်ႇၾႆးၽဝ်ပႅတ်ႈ တႃႇ 476 လဝ်း တႃႇထႅင်ႈ 200 လဝ်းသမ်ႉ တေဢၢပ်ႈပၼ်ၶိုၼ်း တီႈမိူင်းၶႄႇ ၼႆယဝ်ႉ။ လႆႈႁူႉဝႃႈ ပၢင်ၸုတ်ႇၽဝ် ယႃႉလူႉၶိူင်ႈၵွင်ႈၵၢင်ႇ...