ပူၼ်ႉမႃး မိူဝ်ႈဝၼ်းတီႈ 24/08/2025 ၼႆႉ ၸုမ်းပလိၵ်ႈ တႂ်ႈသိုၵ်းၵဝ်ႈၵၢင်ႉ (MNDAA) ၵုမ်းၵမ် ပိုၼ်ၽၢဝ်ႇဢွၵ်ႇဝႃႈ ဢဝ်ၶိူင်ႈၵွင်ႈၵၢင်ႇ ၸိူဝ်းဢမ်ႇထုၵ်ႇၸွမ်းပၵ်းပိူင်သိုၵ်းၵဝ်ႈၵၢင်ႉလႄႈ ဢမ်ႇၶဝ်ႈပဵၼ်တၢင်းၵၢၼ်ၼၼ်ႉ ၸုတ်ႇၾႆးၽဝ်ပႅတ်ႈ တႃႇ 476 လဝ်း တႃႇထႅင်ႈ 200 လဝ်းသမ်ႉ တေဢၢပ်ႈပၼ်ၶိုၼ်း တီႈမိူင်းၶႄႇ ၼႆယဝ်ႉ။
လႆႈႁူႉဝႃႈ ပၢင်ၸုတ်ႇၽဝ် ယႃႉလူႉၶိူင်ႈၵွင်ႈၵၢင်ႇ ၼႂ်းပိုၼ်ႉတီႈ သိုၵ်းၵဝ်ႈၵၢင်ႉ (MNDAA) ၵုမ်းၵမ်ဝႆႉၼၼ်ႉ ၸတ်းႁဵတ်းၵႂႃႇမိူဝ်ႈဝၼ်းတီႈ 20/08/2025 ပူၼ်ႉမႃးၼႆႉ ဝႃႈၼႆ။
ၵဵဝ်ႇလူၺ်ႈလွင်ႈၼႆႉသေ ၾၢႆႇတပ်ႉသိုၵ်းၵဝ်ႈၵၢင်ႉ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ပိူဝ်ႈတႃႇၶၵ်ႉတွၼ်ႈ ၸတ်းၵၢၼ်ၽဵဝ်ႈမူၺ်ႉ ၸုမ်းၸိူဝ်းၵဵဝ်ႇၶွင်ႈ လွင်ႈၶႃႈႁႅမ်ၵၼ်တၢႆလႄႈ သိုဝ်ႉၶၢႆ ၶိူင်ႈၵွင်ႈၵၢင်ႇလူၺ်ႈဢမ်ႇ ပဵၼ်တၢင်းၵၢၼ်ၼၼ်ႉ မီးလွင်ႈၶိုၼ်ႈယႂ်ႇလိူဝ်ၵဝ်ႇ၊ ၼင်ႇႁိုဝ် ၸွမ်းလႅၼ်လိၼ် တေမီးလွင်ႈၼိမ်တဵင်ႈၵႂႃႇၼၼ်ႉ ၾၢႆႇၸုမ်းပလိၵ်ႈ တႂ်ႈသိုၵ်းၵဝ်ႈၵၢင်ႉၵုမ်းၵမ်ၶဝ် ၸင်ႇလႆႈၸတ်းၽႅၼ်လၢႆးၵၢၼ်ၶိုၵ်ႉတွၼ်းသေ ၵူတ်ႇထတ်းတီႉၺွပ်းဢဝ်ၶိူင်ႈၵွင်ႈၵၢင်ႇ ၸိူဝ်းၽိတ်းမၢႆမီႈၼၼ်ႉ ၼႆယဝ်ႉ။
By – ၽူၺ်းၼုမ်ႇ
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ