သိုဝ်ႇၶၢဝ်ႇထႆး မတ်ႉတီႇၶျူၼ်ႊ Matichon ဢွၵ်ႇဝႆႉဝႃႈ – လူင်ပွင်ၸိုင်ႈ ယိုတ်းပႅတ်ႈဝႂ်ယူႇသဝ်း ၵူၼ်းၼွၵ်ႈမိူင်း 10,000 ပၢႆ ၸိူဝ်းယိပ်းဝႂ်ဝီႊသႃႊ လုၵ်ႈႁဵၼ်းသေ ဢမ်ႇၵႂႃႇႁဵၼ်းလိၵ်ႈၸိူဝ်းၼၼ်ႉ ဝႃႈၼႆ။
မိူဝ်ႈလိူၼ်မေႊ ပူၼ်ႉမႃးၼၼ်ႉ ႁွင်ႈၵၢၼ်လူင် ၾၢႆႇပၢႆးပၺ်ႇၺႃႇၸၼ်ႉသုင် – ပၢႆးသၢႆႊၵၢၼ် ၶူၼ်ႉၶႂႃႉလႄႈၵၢၼ်ၶူင်သၢင်ႈ (MHESI) မိူင်းထႆးၸီႉသင်ႇ ႁႂ်ႈပလိၵ်ႈ ၵူတ်ႇထတ်းၵူၼ်းၶဝ်ႈမိူင်း ၵူတ်ႇထတ်းလွင်ႈဝတ်းဝႂ်ဝီႊသႃႊ ပိူင်လူင်ႁႂ်ႈထတ်းဝီႊသႃႊလုၵ်ႈႁဵၼ်း ။ ပလိၵ်ႈလႄႈၾၢႆႇပၢႆးပၺ်ႇၺႃႇထႆး ႁူမ်ႈၵၼ်ႁဵတ်းပိူင်ၵဵပ်းၶေႃႈမုလ်း Data-base သေ ၵဵပ်းၶေႃႈမုလ်း- ထတ်းသဵၼ်ႈၸိုဝ်ႈၵူၼ်းမႃးႁဵၼ်းတႄႉတႄႉသေ- ယိုတ်းပႅတ်ႈဝီႊသႃႊ ၵူၼ်းၼွၵ်ႈမိူင်း- ၸိူဝ်းယိပ်း ဝီႊသႃႊ ႁဵၼ်းလိၵ်ႈ ၶၢဝ်းပွတ်း (Non-degree) သေယူသဝ်းလူၺ်ႈဢမ်ႇမႅၼ်ႈၸွမ်းပိူင် မွၵ်ႈ 10,000 ၵေႃႉ ယဝ်ႉၼႆ ၽွင်းလူင် MHESI ၼၢင်းသၢဝ်သူႊတႃႊဝၢၼ်ႊ ဝင်သူႇၽၵိတ်ႇၵူဝ်ႊသူၼ် လၢတ်ႈတီႈပၢင်ၵုမ် မိူဝ်ႈ လိူၼ်ဢေႃးၵၢတ်ႉသ် ဝၼ်းတီႈ 22 ၼင်ႇၼႆ ။
မၼ်းၼၢင်းလၢတ်ႈဝႃႈ ၼႂ်းလိူၼ်သႅပ်ႊထႅမ်ႊပိူဝ်ႊ ၼႆႉ တေႁွင်ႉပၢင်ၵုမ် လုၵ်ႈႁဵၼ်း ၸၼ်ႉၸွမ် ၶေႃႊလဵၵ်ႊ(College) လႄႈ ၾၢႆႇလိၵ်ႈလၢႆး ပၢႆးပၺ်ႇၺႃႇ တင်းသဵင်ႈသေ တေၵပ်းသိုပ်ႇ ၾၢႆႇၵူတ်ႇထတ်းၵူၼ်းၶဝ်ႈမိူင်း လွင်ႈ ႁပ်ႉႁွင်း လႄႈ သွၼ်ပၼ် လုၵ်ႈႁဵၼ်းၼွၵ်ႈမိူင်း ၸွမ်းၼင်ႇပိူင်ၵၢၼ်တင်းသဵင်ႈ ဝႃႈၼႆ ။
ဢိင်- DVB- Matichon
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ