မိူဝ်ႈဝၼ်းတီႈ 2/9/2025  တူဝ်တႅၼ်း ၸုမ်းသိုၵ်းၵဝ်ႈၵၢင်ႉ ၵႂႃႇႁူပ်ႉတင်း တူဝ်တႅၼ်းၸုမ်းသိုၵ်းမၢၼ်ႈ တီႈႁူင်းႁႅမ်း ၸၢင်ႉသွင်တူဝ်  ၵၢင်ဝဵင်းလႃႈသဵဝ်ႈ ပိူဝ်ႈတႃႇလူတ်းယွၼ်ႇပၼ် ၵၢၼ်ၵူတ်ႇထတ်း တီႉၺွပ်းၵူၼ်းၸိူဝ်းယၢမ်ႈၵမ်ႉၸွႆႈၼႃႈၵၢၼ် ပၼ်သိုၵ်းၵဝ်ႈၵၢင်ႉ  ။ ၵူၼ်းပိုၼ်ႉတီႈ ၵေႃႉယူႇဝႆႉ ၼႂ်းဝဵင်းလႃႈသဵဝ်ႈသေ ႁူႉၸွမ်းလွင်ႈပၢင်ၵုမ် ၸုမ်းသိုၵ်းတင်းသွင်ၾၢႆႇၼၼ်ႉ လၢတ်ႈၽူႈတွႆႇႁွၵ်ႈဝႃႈ “ၵႃးၸုမ်းသိုၵ်းၵဝ်ႈၵၢင်ႉၶဝ် ပဵၼ်သၢႆလူင်ၶဝ်ႈမႃး ၼႂ်းဝဵင်းလႃႈသဵဝ်ႈ။ မိူဝ်ႈတႄႇႁဝ်းထၢင်ႇၶဝ်တေမႃးဢုပ်ႇလွင်ႈ သႅၼ်ဝီ။...

သိုၵ်းမၢၼ်ႈတင်း သိုၵ်းတဢၢင်း TNLA  သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း   ၵူၼ်းမိူင်းၼႂ်းဢိူင်ႇ ၼွင်ပိင် ၸႄႈဝဵင်းၵျွၵ်ႉမႄး  တႃႇ 20 ဝၢၼ်ႈပၢႆ လႆႈၶၢႆႉပၢႆႈ  ၵူၼ်းဝၢၼ်ႈလူင်ၵဵင် (ၵျွင်းၵုင်း) ဢိူင်ႇပၢင်ပဝ်း ဝဵင်းၵျွၵ်ႉမႄး ၶမ်ႇဝႆႉၼႂ်းၵႄႈပၢင်တိုၵ်း   100 ပၢႆ   ဝႃႈၼႆ ။ တႄႇႁၢင်လိူၼ် ဢေႃႊၵတ်ႉသ် ၼႆႉမႃး သိုၵ်းမၢၼ်ႈႁႅၼ်းသိုၵ်းၶဝ်ႈဝၢၼ်ႈၵျွင်းၵုင်း  ယူႇၼႂ်းဝၢၼ်ႈသေပႂ်ႉ...

ပေႃးထိုင်ၶၢဝ်းၾႃႉၶၢဝ်းၾူၼ်မႃး ၵူၼ်းမိူင်းၵူဝ်သုတ်းၼႆႉပဵၼ်လွင်ႈလူမ်းလႅင်ႉ ၼမ်ႉၼွင်းၼမ်ႉထူမ်ႈ။ ပီႈၼိုင်ႈ ယဝ်ႉ ပီၼိုင်ႈ ၽေးသၽႃႇဝၼႆႉႁၢႆႉႁႅင်းမႃးတိၵ်းတိၵ်း။  ၵမ်ႉဝႃႈ လူမ်းလႅင်ႉ ၶႃႊၵျိၵိ (KAJIKI) ဝႃႇ ၵမ်ႉဝႃႈ လူမ်းလႅင်ႉၼွင်ၾႃႉ ဝႃႇ  ပဵၼ်ၸိုဝ်ႈလူမ်းလႅင်ႉဢၼ် ၵူၼ်းမိူင်းတႆးဢမ်ႇတွၼ်ႉငိၼ်းတွၼ်ႉၾၢင်ႉသေပွၵ်ႈ ။ ၵူၺ်းၵႃႈ ပေႃးၶဝ်ႈၸိုဝ်ႈဝႃႈ ပဵၼ်လူမ်းလႅင်ႉၼႆတႄႉ ဢၼ်လႂ်ၵေႃႈ တိုၼ်းၸၢင်ႈပဵၼ်ၽေးတေႃႇသၢႆၸႂ်ၼႆ ၵမ်ႈၽွင်ႈၵေႃႈ...

ႁူဝ်လိူၼ်သႅပ်ႊထႅမ်ႊပိူဝ်ႊၼႆႉ မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢဝ်တိုဝ်ႉတၢင်း ပၢင်ပွႆး မိူင်းၶႄႇလုၵ်ႉၽိုၼ်ႉ တိုၵ်းလိုပ်ႈသိုၵ်းၵျပၼ်ႊ ဢွင်ႇပေႉ ၶွပ်ႈတဵမ် 80 ပီတဵမ် ၼႂ်းဝၼ်းတီႈ 3/9/2025 လႄႈ ပၢင်ၵုမ်ၸုမ်းၽူႈၼမ်းၸိုင်ႈမိူင်းဝဵင်းသျႅၼ်ႊႁၢႆႊ (Shanghai Cooperation Organization – SCO SUMMIT 2025 Plus) တီႈဝဵင်းတီႊယၼ်ႊၵျိၼ်ႊသေ...

မိူဝ်ႈၼႆႉ ဝၼ်းတီႈ 3 လိူၼ်သႅပ်ႊထႅမ်ႊပိူဝ်ႊ ယၢမ်းၵၢင်ဝၼ်း 1 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းဝၢၼ်ႈမေႃႇၵိူဝ် 2 လုၵ်ႈ တူၵ်းတိူဝ်ႉႁိူၼ်းယေးၵူၼ်းမိူင်း လႄႈ ၽြႃးၵၢင်ႉမေႃႇ (မေႃႇၵိူဝ်/ ပေႃႇၵျူဝ်ႇ) ဢၼ်ၸိုဝ်ႈသဵင်လိုဝ်းလင်ၵေႃႈ လူႉၵွႆပႃး။ ယွၼ်ႉသိုၵ်းမၢၼ်ႈ ပွႆႇမၢၵ်ႇလူင်တူၵ်းသႂ်ႇၼႂ်းဝၢၼ်ႈလႄႈ တိူဝ်ႉၺႃးၵူၼ်းမိူင်းမၢတ်ႇၸဵပ်းၸွမ်းၵေႃႉၼိုင်ႈ ၸိုဝ်ႈႁွင်ႉ ဢူးမွင်ႇသေႃႇ...

ၼၢင်းယိင်းၸိူဝ်းၸႂ်ႉတိုဝ်း သိုဝ်ႇတူင်ႇဝူင်းၵူၼ်း Tiktok သေ ႁူၺ်းႁွင်ႉဢဝ်ၼၢင်းယိင်းသၢဝ် ၵႂႃႇႁဵတ်းၵၢၼ်ၸွမ်းလႅၼ်လိၼ် မိူင်းၶႄႇ- မိူင်းမၢၼ်ႈ ၼႂ်းၸႄႈဝဵင်းမူႇၸေႊ ဝၢင်းၽႅၼ်ဢဝ်ၵႂႃႇၶၢႆ ႁဵတ်းမေးၶႄႇၼၼ်ႉ ၺႃးၸုမ်းပလိၵ်ႈ တီႉၺွပ်း ၵုမ်းၶင်တူဝ်ဝႆႉ ၼႆယဝ်ႉ။ မိူဝ်ႈဝၼ်းတီႈ 2 ယၢမ်းၵၢင်ၶမ်ႈ လိူၼ်သႅပ်ႊထႅမ်ႊပိူဝ်ႊ ၶွမ်ႊမသျိၼ်ႊသိုၵ်းမၢၼ်ႈ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႆႉဝႃႈ ၼၢင်းယိင်း ၸိူဝ်းၺႃးတီႉၺွပ်းၼႆႉ တင်းသဵင်ႈမီးယူႇ 4...

ၼႂ်းၶၢဝ်းတၢင်း 3 လိူၼ်မႃးၼႆႉ ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းသိုဝ်ႉႁွင်ႈၶွၼ်ႊတူဝ်ႊ(Condo) တီႈမိူင်းထႆး ၵိုင်ႉၵၢင်ႉပုင်ႈၶိုၼ်ႈသုင်မႃးႁႅင်း ဝႃႈၼႆ။ ၸွမ်းၼင်ႇ သုၼ်ၶေႃႈမုလ်း ၵႃႉၶၢႆတီႈလိၼ်ႁိူၼ်းယေးမိူင်းထႆး (REIC) ပိုၼ်ၽၢဝ်ႇဝႆႉသေ ၼႂ်းၶိုင်ႈပီ 2025 ၼႆႉ လႆႈၶၢႆႁွင်ႈၶွၼ်ႊတူဝ်ႊပၼ် တီႈၵူၼ်းၼွၵ်ႈမိူင်းတႃႇ 7,167 ႁွင်ႈ၊ ၵိုင်ႇၵႃႈၶၼ် ငိုၼ်းထႆး 28.71 ပီႊလီႊယၼ်ႊဝၢတ်ႇ ဝႃႈၼႆ။ ပိုၼ်ႉတီႈဢၼ်ၵူၼ်းၼွၵ်ႈမိူင်းၶဝ်...

ယၢမ်းလဵဝ် ၵူၼ်းမိူင်းဢိၼ်ႊတူဝ်ႊၼီႊသျႃႊ ဢွၼ်ၵၼ်ဢွၵ်ႇၼႄၵၢင်ၸႂ်တေႃႇ လူင်ပွင်ၸိုင်ႈ ဝႆႉႁၢဝ်ႈႁႅင်း၊ ပဵၼ်လွင်ႈၶဵင်ႇတႃႉၵၢၼ်မိူင်း ဢၼ်ႁၢဝ်ႈႁႅင်းသုတ်း ၼႂ်းပၢၼ်ၸွမ်ၸိုင်ႈ ပရႃႇပူဝ်ႇဝူဝ်ႇ သူႇပီႇယႅၼ်ႇတူဝ်ႇ (Prabowo Subianto) လႆႈဢႃႇၼႃႇၽွင်းငမ်း မိူင်းဢိၼ်ႊတူဝ်ႊၼီႊသျႃႊမႃးလႄႈ ယွၼ်ႉၼၼ် ၽွင်းလူင်ၾၢႆႇၼွၵ်ႈမိူင်း မိူင်းၶႄႇ တုၵ်းယွၼ်းၵႂႃႇဝႃႈ - ႁႂ်ႈဢဝ်လွင်ႈႁူမ်ႇလူမ်ႈပၼ်ၵူၼ်းမိူင်းၶႄႇ ၸိူဝ်းမီးယူႇဝႆႉၼႂ်းမိူင်းၼၼ်ႉ ဝႃႈၼႆ။ ၽူႈၶၢၼ်ပၢၵ်ႇ ၽွင်းလူင်ၾၢႆႇၼွၵ်ႈမိူင်း မိူင်းၶႄႇ...

ၵၢင်ႉၵႄႇတႂ်ႈသိုၵ်းမၢၼ်ႈ တဵၵ်းၸႂ်ႉ ၵူၼ်းပၢႆႈၽေးသိုၵ်းဝဵင်းလွႆၶေႃ ဢၼ်မႃးသွၼ်ႈယူႇဝႆႉတီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သႂ်ႇငိုၼ်းတႃႇၵမ်ႉထႅမ်ၵူၼ်းၾိုၵ်းၵၢၼ်သိုၵ်း ႁၢပ်ႇၵၢၼ်သိုၵ်းၵူႈလိူၼ် ဝႃႈၼႆ ။ ၵူၼ်းပၢႆႈၽေးသိုၵ်းဢၼ်မႃးသွၼ်ႈယူႇဝႆႉၼႂ်းပွၵ်ႉၸဝ်ႈၸၢမ်ႇထုၼ်း  ၶဵတ်ႇ 16  ဝဵင်းတူၼ်ႈတီးၼၼ်ႉ လႆႈသႂ်ႇငိုၼ်းတႃႇႁၢပ်ႇၵၢၼ်သိုၵ်း ၼိုင်ႈလိူၼ်လႂ် 2 မိုၼ်ႇထိုင် 3 မိုၼ်ႇ ပျုးၵူႈလိူၼ် ၊ ငိူင်ႉဝႄႈဢမ်ႇလႆႈ  ပေႃးဢမ်ႇသႂ်ႇ ၵၢင်ႉၵႄႇလွၵ်ႇငိုတ်ႈဝႃႈ တေႁဵတ်းႁႂ်ႈဢမ်ႇၸၢင်ႈယူႇၼႂ်းပွၵ်ႉ...

ယၢမ်းလဵဝ် ၵူၼ်းမိူင်းၵျွၵ်ႉမႄး ၸိူဝ်းပၢႆႈၽေးသိုၵ်းႁွတ်ႈထိုင်မႃး တီႈဝဵင်းလႃႈသဵဝ်ႈၼႆႉ မီးပႃးမႄးမၢၼ်ႈ (မႄႈပႃးတွင်ႉ)လႄႈ မႄႈလုၵ်ႈဢွၼ်ႇလႅင် မိူဝ်ႈၽွင်းပၢႆႈမႃးၼၼ်ႉ ဢမ်ႇလႆႈဢဝ်သင်မႃးလႄႈ မီးလွင်ႈယၢပ်ႇၽိုတ်ႇဝႆႉ တင်းၼမ်။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႈဢွၼ်ႇၼႆႉ ၸိူဝ်းမီး ဢႃယု 4-5 ၶူပ်ႇ လူင်းတႂ်ႈၵေႃႈမီး၊ ၸိူဝ်းတိုၵ်ႉၵိူတ်ႇလႆႈ 4 ဝၼ်းၵေႃႈမီးၵေႃႉၼိုင်ႈ။...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းၼႆႉ ၼႄၶေႃႈဢၢင်ႈဝႃႈ တႃႇၸတ်းပၢင်လိူၵ်ႈတင်ႈ ဢၼ်မီးလွင်ႈၽဵင်ႇပဵင်းပဵၼ်ထမ်းၼႆ လၢတ်ႈၸပ်းသူပ်းၸပ်းပၢၵ်ႇမႃးဢမ်ႇထၢတ်ႇဢမ်ႇဝၢႆး။ ယိူင်းဢၢၼ်းဝႃႈ တေၸတ်းပၢင်လိူၵ်ႈတင်ႈၼႂ်းလိူၼ်ဢေႃႊၵတ်ႊသ် 2025 ၼႆ ၸဵမ်မိူဝ်ႈတႄႇယိုတ်းမိူင်းၼၼ်ႉမႃး။ ၵူၺ်းဢမ်ႇပဵၼ်ၸွမ်းၼင်ႇလၢတ်ႈဝႆႉ။ ၸင်ႇၶိုၼ်း ပိုၼ်ၽၢဝ်ႇလၢတ်ႈထႅင်ႈ ၼႂ်းလိူၼ်ဢေႃႊၵတ်ႊသ် 2025 ၼႆႉဝႃႈ တေၸတ်းပၢင်လိူၵ်ႈတင်ႈ ၼႂ်းဝၼ်းတီႈ 28/12/2025 ၼႆထႅင်ႈ။ ၵူၺ်းၵႃႈ တေပဵၼ်မႃးၸိူင်ႉႁိုဝ်ထႅင်ႈၽႂ်ဢမ်ႇလၢမ်းလႆႈ၊ ၵူၼ်းမိူင်းတႄႉ ပေႃးၵဵဝ်ႇလွင်ႈၵၢၼ်ဝၢၼ်ႈၵၢၼ်မိူင်းမႃးၼႆ...

သိုၵ်းမၢၼ်ႈယိုတ်းမိူင်း ၸီႉသင်ႇႁႂ်ႈၶႃႈႁၢပ်ႇၵၢၼ် ၼႂ်းႁွင်ႈၵၢၼ်လူင်ပွင်ၸိုင်ႈ လၢႆလၢႆႁွင်ႈၵၢၼ် ႁႂ်ႈၶဝ်ႈၵႂႃႇပိုတ်ႇလုမ်း ပၼ်ၵၢၼ်ၽွင်းငမ်းၶိုၼ်း ၼႂ်းဝဵင်းသႅၼ်ဝီ ဢၼ်မီးၸုမ်းသိုၵ်းၵဝ်ႈၵၢင်ႉ ၵုမ်းၵမ်ဝႆႉၸူဝ်ႈၶၢဝ်း ၼႂ်းမိူင်းတႆးပွတ်းႁွင်ႇ ၼႆယဝ်ႉ။ တႃႇၵုမ်းၵမ်ဢဝ်လႆႈၶိုၼ်း ဝဵင်းသႅၼ်ဝီၼၼ်ႉ မိူင်းၶႄႇ ယူႇၵၢင်ႁဵတ်းၶဵဝ်ပၼ်သေ ၸတ်းပၢင်ဢုပ်ႇဢူဝ်း ႁႂ်ႈသိုၵ်းမၢၼ်ႈတင်း သိုၵ်းၵဝ်ႈၵၢင်ႉ ငူပ်ႉငီႉၵၼ်မႃးလၢႆပွၵ်ႈလၢႆၵမ်းသေတႃႉ ဢမ်ႇဢွင်ႇမၢၼ်မႃးတႄႉတႄႉ။ တႄႇလိူၼ်ၵျုၼ်ႊမႃး ႁၢၼ်ႉတေႃႇထိုင်မိူဝ်ႈၼႆႉ ဝၼ်းတီႈ 02/09/2025 ၼႆႉ...

မိူဝ်ႈဝၼ်းတီႈ 31/08/2025 ပူၼ်ႉမႃးၼႆႉ မိၼ်းဢွင်ႇလၢႆႇ ႁူဝ်ပဝ်ႈ ၶွမ်ႊမသျိၼ်ႊသိုၵ်းမၢၼ်ႈ ယိုတ်းမိူင်း ႁူပ်ႉထူပ်းၵၼ်တင်း ၸဝ်ႈၵၢၼ်ပၢႆးမၢၵ်ႈမီးလူင် ၼႂ်းမိူင်းၶႄႇ ၼႂ်းပၢင်ဢုပ်ႇဢူဝ်း တႃႇယုၵ်ႉမုၼ်းၵၢၼ်မၢၵ်ႈမီး မိူင်းၶႄႇ - မိူင်းမၢၼ်ႈ တီႈဝဵင်းတီႊယႅၼ်ႊၵျိၼ်ႊ (တီယန်ကျင်းမြို့) ၼၼ်ႉဝႃႈ တေသိုပ်ႇႁဵတ်းသၢင်ႈၵၢၼ်ၵႃႉၶၢႆ ၸွမ်းလႅၼ်လိၼ်မိူင်းမၢၼ်ႈ - မိူင်းၶႄႇ ၵႂႃႇ ႁႂ်ႈၶိုၵ်ႉၶႅမ်ႉၶၼ်ဝႆးလိူဝ်ၵဝ်ႇ...

ပေႃးႁိုင်ထႅင်ႈ 120 ဝၼ်း ၶွမ်ႊသျိၼ်ႊသိုၵ်းမၢၼ်ႈ တေၸတ်းႁဵတ်းပၢင်လိူၵ်ႈတင်ႈ ပွင်ႈတီႈ ႞ ယဝ်ႉလႄႈ လႆႈႁၼ်ပႃႇတီႇပၢႆးမိူင်း ၸိူဝ်းလႆႈမၢႆၾၢင်ဝႆႉၼၼ်ႉ ၼႅတ်ႈမၢင်ႉႁႃႁွမ်ၵူၼ်း ၶိုင်ပိုတ်ႇလုမ်းယူႇ ၵူဝ်ဢမ်ႇတဵမ်ပဵင်း ၶေႃႈမၵ်းတတ်းၶၢတ်ႈၶွပ်ႇ ၶွင်ၶွမ်ႊသျိၼ်ႊၵမ်ၵၢၼ်ၼၼ်ႉယူႇ၊ ႁူႉႁၼ်ပွင်ႇၸႂ်ယူႇႁွႆးဝႃႈ ၶေႃႈမၵ်းတတ်းၶၢတ်ႈၶွပ်ႇၼၼ်ႉ ဢမ်ႇတဵင်ႈထမ်း၊ ၵူၺ်းသမ်ႉ ဢမ်ႇႁတ်းထဵင်။ သုတ်းတီႈ ၽွၼ်းၵၢၼ်ပၢင်လိူၵ်ႈတင်ႈၼႆႉ တေလႆႈပဵၼ်ၸွမ်းၼင်ႇတပ်ႉသိုၵ်းၶႂ်ႈလႆႈၶႂ်ႈပဵၼ်ၵူၺ်းဝႃႈ ၼႆဝႆႉသႅၵ်ႇလႅၵ်ႇၵေႃႈ ယင်းယွမ်းလူင်းလိူၵ်ႈတင်ႈလႆႈယူႇလႄႈ ၼမ်ႉႁိဝ်ႈၸင်ႈ...

တႄႇၼႂ်းႁၢင်လိူၼ် ဢေႃးၵတ်ႉသ် ၼႆႉမႃး ၾူၼ်တူၵ်းဢမ်ႇထၢတ်ႇ ၾၢႆႇၼိုင်ႈ သိုၵ်းမၢၼ်ႈသမ်ႉပိုတ်ႇၾၢႆၼမ်ႉမိူင်းပၢႆးလႄႈႁဵတ်းႁႂ်ႉၼမ်ႉၽီလူး ၼွင်းလူၼ်ႉၾင်ႇ ၶဝ်ႈထူမ်ႈၼႂ်းဝဵင်းလွႆၶေႃ ၊ ၵူၼ်းမိူင်းၸိူဝ်းယူႇတီႈတႅမ်ႇတီႈယၢၼ်းလႆႈပၢႆႈၽေးၼမ်ႉ။ ၵူၼ်းဢၼ်လႆႈငိူင်ႉပၢႆႈၽေးၼမ်ႉမီး 100 ပၢႆ ပဵၼ် ၵူၼ်းပွၵ်ႉတေႃးၼၶူႇ ၊ တေႃးဢူႉၶူႇ ၊   သူၺ်ႇတွင်ႇ  လႄႈပွၵ်ႉဢၼ်  မီးတီႈတႅမ်ႇ ၸိူဝ်းၼႆႉ  ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ ၼမ်ႉၶိုၼ်ႈသုင်...