ၵူၼ်းဝၢၼ်ႈၵူၼ်းမိူင်း ၼႂ်းဢိူင်ႇၼႃးႁူၵ်ႈ ၸႄႈဝဵင်းတၢင်ႉယၢၼ်း ဢမ်ႇၽွမ်ႉဢမ်ႇလႆႈၸႂ်ၶွမ်ႊပၼီႊတေမႃးၶုတ်းထၢၼ်ႇႁိၼ်ၼႂ်းပိုၼ်ႉတီႈ ၊ တႅမ်ႈလိၵ်ႈတုၵ်းယွၼ်းထိုင်ပႃႇတီႇလႄႈတပ်ႉသိုၵ်းတႆး ႁႂ်ႈၸွႆႈႁၢမ်ႈပၼ်ဝႃႈၼႆ။ ၵူၼ်းဝၢၼ်ႈဢိူင်ႇၼႃးႁုၵ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ၶွမ်ႊပၼီႊ ငူၺ်ႇယီႇပလႄး မႃးႁူၺ်းၵူၼ်းဝၢၼ်ႈဢေႃႈ။ ၶဝ်ၶႂ်ႈမႃးၶုတ်းထၢၼ်ႇထႅင်ႈတီႈလိၼ်သူၼ်ၵူၼ်းဝၢၼ်ႈ 15 ၵေႃႉၼႆ လႄႈ ၶဝ်ႁႂ်ႈၽူႈၵွၼ်းဢိူင်ႇ ႁွင်ႉပၢင်ၵုမ်ၸဝ်ႈသူၼ် သေတဵၵ်းငႅၼ်းဢဝ်လၢႆးမိုဝ်းၵူၼ်းဝၢၼ်ႈဢေႃႈ ။ ” - ဝႃႈၼႆ။ ဝၼ်းတီႈ 7/5/2021 ၼႆႉ ၶွမ်ႊပၼီႊ ငူၺ်ႇယီႇပလႄး...

ပၢင်တိုၵ်းဢမ်ႇပႆႇပဵၼ်ထႅင်ႈသေတႃႉ ၸုမ်းယိပ်းၵွင်ႈၵၢင်ႇသမ်ႉယူႇသဝ်းႁိမ်းၸမ်ဝၢၼ်ႈသူၼ် ႁိူၼ်းယေး ၵူၼ်းဝၢၼ်ႈၼႃႇလႄႈ ၵူၼ်း ဝၢၼ်ႈဢွၼ်ၵၼ်ပၢႆႈ  ဝႆႉထႃႈထႅင်ႈမီးၼပ်ႉႁူဝ်ပၢၵ်ႇ ပွတ်းဝဵင်းၵျွၵ်ႉမႄး ၊ ယၢပ်ႇၽိုတ်ႇၶဝ်ႈၼမ်ႉတၢင်းၵိၼ်လႄႈယႃႈယႃ ။ ၵူၼ်းဝၢၼ်ႈပွတ်းဝၢၼ်ႈတႃႈလူင်လႄႈဝၢၼ်ႈၼႃးၸလွင်း ဢွၼ်ၵၼ်ပၢႆႈၽေးသိုၵ်းမႃးသွၼ်ႈတၢင်းပုင်ႇဝူဝ်း ၊ မိူင်းငေႃႉထႅင်ႈ။ ၸိူဝ်းၶဝ်ပၢႆႈမႃးမိူဝ်ႈဝၼ်းတီႈ 23/7/2021။   ဝၢႆးလင်ၼႆႉၵေႃႈ ဝၢၼ်ႈၸွမ်းႁိမ်းႁွမ်းဝၢၼ်ႈတႃႈလူင်ဢွၼ်ၵၼ်ပၢႆႈမႃးထႅင်ႈယွတ်းယွတ်း ယႅတ်းယႅတ်း။ ၵူၼ်းဝၢၼ်ႈပွၼ်းၼႃးသလွင်း ဢၼ်ပၢႆႈၽေးမႃးထိုင်တီႈဝတ်ႉၵျွင်းမုၼ်ၸဝ်ႈလၢတ်ႈဝႃႈ - မီးၸုမ်းယိပ်းၵွင်ႈၵၢင်ႇ လဵပ်ႈၸမ်ဝၢၼ်ႈသူၼ်ႁဝ်းၶႃႈ ။...

ၸႄႈဝဵင်းၵေးသီးၸိုင်ႈတႆးပွတ်းၸၢၼ်း တီႈဢၼ်မီးပၢင်တိုၵ်းသိုၵ်းသိူဝ်လႄႈမီးၵူၼ်းပၢႆႈၽေးၼပ်ႉႁူဝ်ႁဵင်ၼၼ်ႉ ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉမီး 2 ၵေႃႉတႄႉယူတ်းယႃၶႅၼ်းၸိုၼ်ႈ ယဝ်ႉသေ ပွၵ်ႈမိူဝ်းႁိူၼ်းၽႂ်မၼ်းၶိုၼ်းယဝ်ႉသေတႃႉ ၵူၼ်းၵဵဝ်ႇၶွင်ႈၵူၼ်းပဵၼ် မီး 40 ၵေႃႉၼၼ်ႉ တိုၵ်ႉၵၵ်းတူဝ်ပႂ်ႉတူၺ်းငဝ်းလၢႆးယူႇ ဝႃႈၼႆ။ ဢၼ်တိတ်းၸပ်းတၢင်းပဵၼ်ၶူဝ်ႊဝိတ်ႉ တီႈၵေးသီးၼႆႉ ပဵၼ်သွင်ၵေႃႉမႄႈလုၵ်ႈ၊ တႄႇၵူတ်ႇထတ်းထူပ်းႁၼ်တၢင်းပဵၼ်မိူဝ်ႈဝၼ်းတီႈ 8/7/2021 သေ ထုၵ်ႇသူင်ႇယူတ်းယႃတူဝ်ဝႆႉတီႈႁူင်းယႃၵေးသီး ။ ၽူႈတူင်ႉၼိုင် ၼႂ်းတူင်ႇဝူင်းၵူၼ်း ၵေးသီး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၼၢင်းယိင်း ဢႃယုမွၵ်ႈ 40 လူႉတၢႆ ယွၼ်ႉတၢင်းပဵၼ်ၶူဝ်ႊဝိတ်ႉ 19 ပဵၼ်ၵေႃႉႁႅၵ်ႈ ၼႂ်းၸႄႈဝဵင်းမိူင်းယႆ ၸိုင်ႈတႆးပွတ်းႁွင်ႇ ဝႃႈၼႆ။ ဝၼ်းတီႈ 28/7/2021 ပူၼ်ႉမႃးၼႆႉ ၼၢင်းယိင်း ဢႃယု မွၵ်ႈ 40 ၵေႃႉၼိုင်ႈ ပဵၼ်ၵူၼ်းပွၵ်ႉ 1 ၸႄႈဝဵင်းမိူင်းယႆ ၸႄႈတွၼ်ႈ လႃႈသဵဝ်ႈ ၸိုင်ႈတႆးပွတ်းႁွင်ႇ လူႉတၢႆ...

ၼႂ်းၶၢဝ်းၶိဝ်း ဝူင်ႈဝၢင်ႈမႃးၼႆႉ ၵူၼ်းမိူင်းတႆး ဢမ်ႇဝႃႈ သင်ၶၸဝ်ႈ ၵူၼ်းမိူင်း ၵူၼ်းၼုမ်ႇ  တႅမ်ႈတၢင်ႇ / သိုပ်ႇပိုၼ်ၽႄႈ ၽူတ်ႉသ် ဢၼ်တႅမ်ႈဝႆႉလူၺ်ႈၶေႃႈၵႂၢမ်းပႅင်းၸင်းၵၼ် ၊ တႅမ်ႈၶၢဝ်ႇၵႅၵ်း ၶၢဝ်ႇပွမ် လွၵ်ႇငိုတ်ႈ ႁဵတ်းႁႂ်ႈတုမ်ႉတိူဝ်ႉၵူၼ်းမိူင်းတႆး ၸိူဝ်းၼႆႉ လႄႈ   ၵူၼ်းၼုမ်ႇတႆးၼွၵ်ႈမိူင်းၼႂ်းမိူင်း ႁူမ်ႈၵၼ်တူင်ႉၼိုင် သၢၼ်ၶတ်း  ။   ဝၼ်းတီႈ 30/7/2021...

ၾူၼ်တူၵ်းႁၢဝ်ႈႁႅင်းထပ်းၵၼ် လၢႆဝၼ်း၊  ၵႄးၼမ်ႉၶမ်း လုပ်ႇၼွင်းထူမ်ႈ ၼႂ်းဝၢၼ်ႈၼႃးႁႆးလူင် ဢိူင်ႇမိူင်း လဵၼ်း ၸႄႈ ဝဵင်းတႃႈၶီႈလဵၵ်း ႁၢဝ်ႈႁႅင်း ၵူၼ်းဝၢၼ်ႈၵမ်ႈၽွင်ႈ ပေႃးလႆႈၵႂႃႇၼွၼ်းတီႈဝတ်ႉ။ ဝၼ်းတီႈ 26/7/2021 ပူၼ်ႉမႃးၼႆႉ ၵႄးၼမ်ႉၶမ်း လုပ်ႇၼွင်းထူမ်ႈ လင်ႁိူၼ်း ၵူၼ်းဝၢၼ်ႈ ၼႂ်းဝၢၼ်ႈ ၼႃးႁႆးလူင် ဢိူင်ႇမိူင်းလဵၼ်း ၵိင်ႇၽႄၸႄႈဝဵင်းတႃႈလိူဝ်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။...

ၼႂ်းၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ ၼၼ်ႉ ၾၢႆႇယူႇလီ ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 မီး 220 ၵေႃႉယဝ်ႉၼႆ လႅင်ႇၶၢဝ်ႇပိုၼ်ႉတီႈလၢတ်ႈၼႄၼင်ႇၼႆ။ တႄႇဢဝ် ႁၢင်လိူၼ်ၵျုၼ်ႊမႃး တေႃႇထိုင် ၼႂ်းႁၢင်လိူၼ်ၵျုႊလၢႆႊ 2021 ၼႆႉ တၢင်းၸႄႈဝဵင်းတၢင်ႉယၢၼ်း ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ၼၼ်ႉ ၾၢႆႇပၢႆးယူႇလီ ၵူတ်ႇထတ်း ၵူၼ်းဢၼ်ထၢင်ႇထိူမ်...

ၵူၼ်းပၢႆႈၽေးသိုၵ်း ထဝ်ႈယိင်းဢႃယု 70 ပၢႆၵေႃႉၼိုင်ႈ ဢၼ်ပၢႆႈမႃးသွၼ်ႈဝႆႉ တီႈမိူင်းငေႃႉၼၼ်ႉ လႆႈလူႉသဵင်ႈသုတ်းမုၼ်ၵႂႃႇ လူၺ်ႈတၢင်းပဵၼ်ၵူၼ်းထဝ်ႈ ဝႃႈၼႆ။ ဝၼ်းတီႈ 27/7/2021 ယၢမ်းႁူဝ်ၶမ်ႈမွၵ်ႈ 5 မူင်းၶိုင်ႈ ထဝ်ႈယိင်း ဢႃယု 70 ပၢႆ ၵူၼ်းဝၢၼ်ႈၶိုမ်း ဢၼ်ပၢႆႈမႃးသွၼ်ႈဝႆႉတီႈ မၢၼ်ႈႁႆး ၵိင်ႇၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ လႆႈလူႉသဵင်ႈၵႂႃႇ...

 ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇၵေႃႈ မီးၵူၼ်းတိတ်းၸပ်းၸိူဝ်ႉမႅင်းၼမ်ၶိုၼ်ႈမႃး 700 ပၢႆ လူႉတၢႆယဝ်ႉ 30 ပၢႆ ၵူၼ်း ပိုၼ်ႉတီႈ ၸိူဝ်း ပႆႇယုမ်ႇ ၶူဝ်ႊဝိတ်ႉ 19 ၼႆႉၵေႃႈ တိုၵ်ႉမီးၼမ်လႄႈ ၸုမ်းၸွႆႈထႅမ်တူင်ႇဝူင်းၵူၼ်းမႆႈၸႂ်လွင်ႈလွတ်ႈၽေးၶူဝ်ႊဝိတ်ႉတႃႇၵူၼ်းၼႂ်းပွၵ်ႉယွမ်ႇဝၢၼ်ႈဢိူင်ႇ  ။ မိူဝ်ႈဝႃး ဝၼ်းတီႈ 28/7/2021 ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ မီးၵူၼ်းလူႉတၢႆ...

ၵူၼ်းတၢႆယွၼ်ႉတၢင်းပဵၼ်ၶူဝ်ႊဝိတ်ႉ 19 တီႈဝဵင်းမူႇၸေႊ ပုင်ႈၶိုၼ်ႈသုင် ဝၼ်းလဵဝ်တၢႆထိုင် 7 ၵေႃႉ ၵူၼ်းထဝ်ႈ၊ ၵူၼ်းမီးတၢင်းပဵၼ် ပႃးၸဵမ်ၵူၼ်းၼုမ်ႇ။ ၸုမ်း ၵရုၼႃႇ ၸွႆႈထႅမ်လွင်ႈၸဵပ်းမႆႈလူႉတၢႆ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ -“ ၵူၼ်းမီးတၢင်းပဵၼ်ဝႆႉၵေႃႈပႃး ၊ ၵူၼ်းဢႃယုတိုၵ်ႉလဵၵ်ႉၵေႃႈပႃး။ ၵူၼ်းပီးၵေႃႈပႃးဢေႃႈ။ ယၢမ်းလဵဝ်တၢင်းပဵၼ်လၢမ်းၽႄႈဝႆး၊ ၵွပ်ႈၼႆ ထုၵ်ႇလႆႈၾၢင်ႉလွင်ႈၵႂႃႇမႃး ၵၼ်ဢေႃႈ”- ဝႃႈၼႆ။ တီႈဝဵင်းမူႇၸေႊၼႆႉ...

ၵူၼ်းမိူင်းတႆးႁဝ်းၶႃႈၼႆႉ လႆႈထူပ်းၽေးသိုၵ်းသိူဝ်မႃးပီယၢဝ်းၶၢဝ်းႁိုင်၊  ၸုမ်းယိပ်းၵွင်ႈၵၢင်ႇ ၸႂ်ႉမၢၵ်ႇမႅင်းၾင်လိၼ် (Landmine) ၼမ်လူၼ်ႉပူၼ်ႉလိူဝ် ဢမ်ႇဝူၼ်ႉပၼ်ပႃးတႃႇၵူၼ်းမိူင်း၊ ႁဵတ်းႁႂ်ႈ ၵူၼ်းမိူင်းလႆႈလူႉတၢႆယွၼ်ႉယဵပ်ႇၺႃးမၢၵ်ႇ တင်းၼမ်တင်းလၢႆ၊ ၵမ်ႈၽွင်ႈတိုၵ်ႉမီးသၢႆၸႂ်ယူႇၵေႃႈ  ၽဝႃႉၸၢတ်ႈပၢၼ်လႆႈတၢႆပႅတ်ႈ ၸိူဝ်းၼႆႉၵေႃႈဢမ်ႇၼပ်ႉဢမ်ႇဢၢၼ်ႇလႆႈ။ ၵူၼ်းမိူင်းဢၼ်ၺႃးတၢမ်ႇမၢၵ်ႇမႅင်းသေလူႉတၢႆၼမ်လိူဝ်ပိူၼ်ႈတႄႉပဵၼ်ၼႂ်းၸိုင်ႈတႆးပွတ်းႁွင်ႇ။ တင်ႈ ဢဝ်ပီ 2011 မႃး ၵူၼ်းမိူင်းၵျွၵ်ႉမႄး၊ ၼမ်ႉတူႈ၊ သီႇပေႃႉ ၊ ၵူတ်ႉၶၢႆ လႄႈၼမ်ႉသၼ်ႇၸိူဝ်းၼႆႉ ၶႂ်ႈဝႃႈမီး...

ဝၼ်းတီႈ 27 /7/2021 မိူဝ်ႈဝႃး ယၢမ်းၵၢင်ဝၼ်း မွၵ်ႈ  1 မူင်း ၵူၼ်းၶဝ်ႈၵၵ်းတူဝ် Quarantine ဝႆႉတီႈတၢင်းၶဝ်ႈဝၢၼ်ႈ ၵိဝ်ႇယူင်း ဝဵင်းပၢင်လူင်ၼၼ်ႉ ဢွၵ်ႇပၢႆႈ 4 ၵေႃႉ  ။ “ဢၼ်လၵ်ႉပၢႆႈဢွၵ်ႇ ဢွင်ႈၵၵ်းတူဝ် 4 ၵေႃႉၼႆႉပဵၼ်ၵူၼ်းပၢင်လူင်ၵူၺ်းၼင်ႇၵဝ်ႇ၊ ၸိူဝ်းၶဝ်လုၵ်ႉတူၼ်ႈတီးမႃး၊ တိုၵ်ႉလႆႈမႃးၼွၼ်းလိုဝ်ႈၶိုၼ်းၼိုင်ႈၵူၺ်းသေ လၵ်ႉဢွၵ်ႇပၢႆႈ။ ...

မီးၵူၼ်းမႃးႁၢင်ႈၵၢင်မၢၵ်ႇဝႆႉ တီႈၵွင်ယုၵ်းယၢၵ်း ၼိူဝ်သဵၼ်ႈတၢင်းဝႃးပျႃး ၼႂ်းဝဵင်းတူၼ်ႈတီး တႅၵ်ႇတိူဝ်ႉသႂ်ႇ ၼၢင်းယိင်း ၵေႃႉၼိုင်ႈ  မၢတ်ႇၸဵပ်း ဝႃႈၼႆ။ မိူဝ်ႈဝၼ်းတီႈ 26/7/2021 ယၢမ်းဝၢႆးဝၼ်း မွၵ်ႈ 3 မူင်း မၢၵ်ႇတႅၵ်ႇတီႈၵွင်ယုၵ်းယၢၵ်း ၼိူဝ်သဵၼ်ႈတၢင်းဝႃးပျႃး ၼႂ်းပွၵ်ႉၵျွင်း ၵျီးသူႉ ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း တႅၵ်ႇတိူဝ်ႉသႂ်ႇ ၼၢင်းယိင်း  ၽူႈႁၢပ်ႇၵၢၼ်   ၾၢႆႇလိူမ်ႈလႆႇ...

ၵူၼ်းတိတ်းၸပ်း ၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19  ၼႂ်းၸႄႈဝဵင်းမူႇၸေႊၼႆႉ မီးၵႂႃႇယဝ်ႉ 600 ပၢႆ  လူႉတၢႆယဝ်ႉ 27 ၵေႃႉ ။ တေႃႇထိုင်မႃး ဝၼ်းတီႈ 27/7/2021 ၼႆႉ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇၼၼ်ႉ မီးၵူၼ်း တိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19...

ၵူၼ်းၵဵင်းတုင် လူႉတၢႆယွၼ်ႉတၢင်းပဵၼ်ၶူဝ်ႊဝိတ်ႉ 19 ပဵၼ်ၵေႃႉႁႅၵ်ႈ ၵူၼ်းတိတ်းၸပ်းမီးဝႆႉ 130 ပၢႆ။ မိူဝ်ႈၼႆႉ ဝၼ်းတီႈ 27/7/2021 ယၢမ်းၵၢင်ၼႂ် ၵူၼ်း တိတ်းၸပ်းၶူဝ်ႊဝိတ်ႉ 19 တီႈၵဵင်းတုင် လူႉတၢႆၵေႃႉၼိုင်ႈ ပဵၼ်ၽူႈၸၢႆး ဢႃယု 57 ပီ ။ ပဵၼ်ၵူၼ်းဝၢၼ်ႈၸွမ်မႂ်ႇ   ပွၵ်ႉ 3 ၸႄႈ...