ၵူၼ်းဝၢၼ်ႈဢမ်ႇၵႂႃႇသႂ်ႇၵႃႈၾႆးၾႃႉလႄႈ ၼႆသေ ၾၢႆႇၾႆးၾႃႉ တတ်းၾႆးၵူၼ်းဝၢၼ်ႈႁၢႆးယႃႈ ၊ ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း၊ ၸူဝ်ႈဢမ်ႇမီးၾႆးၾႃႉၼႆႉ ၽူႈလၵ်ႉလိူင်ႇၼမ် ၵူၼ်းမိူင်း ဢမ်ႇလႆႈၼွၼ်းလီ ဢမ်ႇလႆႈၵိၼ်လီ။  ၾၢႆႇၾႆးၾႃႉ တႄႇတတ်းၾႆးၵူၼ်းဝၢၼ်ႈႁၢႆးယႃႈ တင်ႈတႄႇ ဝၼ်းတီႈ 13/11/2021 မႃး တေႃႇထိုင်ယၢမ်းလဵဝ် ႁဵတ်းႁႂ်ႈလွင်ႈလၵ်ႉလွင်ႈၸူၼ်ၵၼ် လိူင်ႇၼမ်မႃး။   ၵူၼ်းဝၢၼ်ႈႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ -...

ၵူၼ်းၼုမ်ႇ 6 ၵေႃႉ တီႈဝဵင်းၾၢႆၶုၼ်  သိုၵ်းမၢၼ်ႈ တီႉၵႂႃႇ  မိူဝ်ႈႁူဝ်လိူၼ်ၼူဝ်ႊဝႅမ်ႊပိူဝ်ႊ ပူၼ်ႉမႃးၼၼ်ႉ ယၢမ်းလဵဝ် ႁၢႆဝႆႉ 3 ၵေႃႉ ပေႃႈမႄႈပီႈၼွင်ႉၸိူဝ်ႉၶိူဝ်းတင်းႁိူၼ်းယေး ပဵၼ်ဢၼ်မႆႈၸႂ် ။ ၵူၼ်းၼုမ်ႇ/ ၵူၼ်းဝၢၼ်ႈ ဝၢၼ်ႈဢၼ်ၶႂၢၵ်ႈမႂ်ႇ(ဝၢၼ်ႈမႂ်ႇ) ၼႂ်းၸႄႈဝဵင်းၾၢႆၶုၼ် ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ထုၵ်ႇၶွင်ႇသီႇသိုၵ်း မၢၼ်ႈ ယိုတ်းမိူင်း တီႉၺွပ်းၵုမ်းတူဝ်ၵႂႃႇ...

ပၢၼ်သိုၵ်းမၢၼ်ႈယိုတ်းမိူင်းၼႆႉ တီႈဝၢၼ်ႈႁူၺ်ႈၶႃး ဝဵင်းၵဵင်းတုင် သင်ၵႂႃႇတၢင်ႇသဵၼ်ႈမၢႆၶႅၵ်ႇ လႆႈပၼ်ငိုၼ်းၼိုင်ႈၵေႃႉ ၼိုင်ႈမိုၼ်ႇပျႃး ဝႃႈၼႆ။ ၵူၼ်းဝၢၼ်ႈႁူၺ်ႈၶႃး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ငိုၼ်းၼိုင်ႈမိုၼ်ႇၼႆႉ မၼ်းဢမ်ႇၸႂ်ႈဢေႇၶႃႈ။ သင်ဝႃႈ ႁိူၼ်းၼိုင်ႈမီးၶႅၵ်ႇ 3 ၵေႃႉၼႆ လႆႈပၼ် 3 မိုၼ်ႇပျႃးၶႃႈဢေႃႈ။ ငိုၼ်းၼႆႉ ပဵၼ်ငိုၼ်းဢၼ်ႁဵတ်းႁႃၵိၼ်လႆႈ တၢင်းဝူင်ႈၶႃႈယဝ်ႉ။ ၶဝ်ယွၼ်းၼမ်ႁႅင်းၼႃႇ”- ဝႃႈၼႆ။ ဝၢႆးၶွင်ႇသီႇသိုၵ်းမၢၼ်ႈ...

ၸဝ်ႈတူၼ်ၶူးလူင် ၸႃႇရိင်ႇတ မႁႃသတ်ထမ်မ ၸေႃတိၵထၸ မႁႃၼႃယၵ ဝတ်ႉမူၺ်ႇတေႃႇပိတၵၢတ်ႈ ဝဵင်းမိူင်းတူၼ်  ၶဝ်ႈသူၼ်မၢၵ်ႇ ႁၢၵ်ႈၶမ်းၵႂႃႇ လူၺ်ႈတၢင်းပဵၼ်ၵူၼ်းထဝ်ႈ ၽွင်းဢႃယု 100 ပီလႄႈ ဝႃႇသႃ 80 ဝႃႇ။ မိူဝ်ႈဝႃး ဝၼ်းတီႈ 2/12/2021 ယၢမ်းႁူဝ်ၶမ်ႈ 5:45 မူင်း ၸဝ်ႈတူၼ်ၶူးလူင် ၸႃႇရိင်ႇတ...

ပေႃႈမႄႈလုၵ်ႈဢွၼ်ႇ တီႈဝဵင်းသႅၼ်ဝီ ပႆႇႁတ်းသူင်ႇလုၵ်ႈ ၵႂႃႇၶိုၼ်ႈႁူင်းႁဵၼ်းလူင်ပွင်ၸိုင်ႈ ယွၼ်ႉတၢင်းပဵၼ်ၶူဝ်ႊဝိတ်ႉ 19 လႄႈ ငဝ်းလၢႆးၵၢၼ် မိူင်းတိုၵ်ႉသုၵ်ႉယူႇ ဝႃႈၼႆ။ တႄႇဢဝ် ဝၼ်းတီႈ 1/12/2021 ၼႆႉမႃး ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ တႄႇပိုတ်ႇႁူင်းႁဵၼ်း လူင်ပွင်ၸိုင်ႈ ႁပ်ႉ လုၵ်ႈဢွၼ်ႇၶိုၼ်ႈႁဵၼ်းၶိုၼ်းၼႆသေတႃႉ ပေႃႈမႄႈလုၵ်ႈဢွၼ်ႇၵမ်ႈၼမ် ပႆႇႁတ်းသူင်ႇ လုၵ်ႈလၢင်း ၸဝ်ႈၵဝ်ႇၵႂႃႇႁူင်းႁဵၼ်း...

ၼႂ်းႁၢင်လိူၼ်ၼူဝ်ႊဝႅမ်ႊပိူဝ်ႊၼႆႉ သိုၵ်း TNLA ႁွင်ႉဢဝ်ၵူၼ်းႁဵတ်းၵၢၼ်ပၢႆးမၢၵ်ႈမီးလႄႈ ႁွင်ႈၵၢၼ်လၢႆလၢႆဢၼ် ၶွင်လူင်ပွင်ၸိုင်ႈမၢၼ်ႈ ၵႂႃႇႁူပ်ႉထူပ်းသေလၢတ်ႈလွင်ႈတႃႇၵဵပ်းၶွၼ်ႇၼႂ်းပီသဵင်ႈၼႆႉ ၊ ၵူၼ်းမိူင်းယၢပ်ႇၸႂ်ၶၢင်းပွင်ႉ။ ၵူၼ်းမိူင်းၼမ်ႉၶမ်း ၸဝ်ႈၵၢၼ်ပၢႆးမၢၵ်ႈမီးၵေႃႉၼိုင်ႈလၢတ်ႈဝႃႈ - “ ပီတေသဵင်ႈယဝ်ႉလႄႈ လွင်ႈၵဵပ်းၶွၼ်ႇၵေႃႈ ၼမ်မႃး ။ တီႈဝဵင်းၼမ်ႉၶမ်းၼႆႉသမ်ႉ ၸုမ်းယိပ်းၵွင်ႈၼမ် လႄႈ ၸုမ်းလႂ်ၵဵပ်းၵေႃႈလႆႈသႂ်ႇၶွၼ်ႇပၼ်။ ဢမ်ႇသႂ်ႇ ဢမ်ႇလႆႈ ၶဝ်မေႃႁဵတ်းၶဵၼ်တေႃႇၵူၼ်းမိူင်း။ ၼႂ်းႁူဝ်လိူၼ်ၼႆႉ...

ၼႂ်းၸႄႈဝဵင်းပၢင်လွင်း ပိုတ်ႇႁူင်းႁဵၼ်းယဝ်ႉသေတႃႉ လုၵ်ႈဢွၼ်ႇၵႂႃႇၶိုၼ်ႈႁဵၼ်း တိုၵ်ႉမီးဢေႇ ပေႃႈမႄႈ တိုၵ်ႉၵူဝ်တၢင်းပဵၼ်ၶူဝ်ႊဝိတ်ႉ 19 ၽႄႈၸပ်းၵၼ် ပႆႇဝၢင်းၸႂ်တႃႇသူင်ႇလုၵ်ႈၵႂႃႇႁူင်းႁဵၼ်း ဝႃႈၼႆ။ ဝၼ်းတီႈ 1/12/2021 ၼႂ်းၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း တႄႇပိုတ်ႇႁူင်းႁဵၼ်း။ တၢင်းပဵၼ် ၶူဝ်ႊဝိတ်ႉၵေႃႈ တိုၵ်ႉၽႄႈလၢမ်းယူႇ တႃႇသူင်ႇလုၵ်ႈၵႂႃႇ ႁူင်းႁဵၼ်းၼၼ်ႉ တိုၵ်ႉယၢပ်ႇၸႂ်။ တိုၵ်ႉလႆႈမႆႈၸႂ် ၵူဝ်လုၵ်ႈၵႂႃႇတိတ်းၸပ်းတၢင်းပဵၼ်။ ၵူၼ်းပၢင်လွင်း လၢတ်ႈတီႈၽူႈတွႆႇႁွၵ်ႈဝႃႈ...

သိုၵ်းၵဝ်ႈၵၢင်ႉ MNDAA ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈ ဢၼ်ပႂ်ႉၶူဝ် ၼိူဝ်သဵၼ်ႈတၢင်း လုၵ်ႉလႃႈသဵဝ်ႈ ၵႂႃႇတၢင်း ၸႄႈဝဵင်းၼမ်ႉတူႈ မိူင်းတႆးပွတ်းႁွင်ႇ။ မိူဝ်ႈဝႃး ဝၼ်းတီႈ 1/12/2021 ယၢမ်းဝၢႆးဝၼ်း မွၵ်ႈ 4 မူင်း သိုၵ်းၵဝ်ႈၵၢင်ႉ/ ၵူဝ်းၵၢင်ႉ MNDAA လေႃႇတိုၵ်း သိုၵ်းမၢၼ်ႈ ဢၼ်ပႂ်ႉၵဵတ်ႉဝႆႉတီႈႁူဝ်ၶူဝ်ဢီႇၼၢႆး ယၢၼ်ၵႆဝဵင်းမွၵ်ႈ 8...

မိူဝ်ႈၼႆႉ ဝၼ်းတီႈ 2/12/2021 ယၢမ်းၵၢင်ၼႂ် ပူႇၵႄႇၼုမ်ႇ ဝၢၼ်ႈတႃႈလူင် ၺႃးၵူၼ်းႁၢႆႉ ယိုဝ်းတၢႆ ၼႂ်းၵၢတ်ႇလူင် ဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ၵေႃႉၺႃးယိုဝ်းတၢႆ ၼႂ်းၵၢတ်ႇသီႇပေႃႉၼၼ်ႉ ၸိုဝ်ႈႁွင်ႉၸၢႆးၼၼ်ႇတေႃး တိုၵ်ႉႁပ်ႉၼႃႈတီႈပုၼ်ႈၽွၼ်း ပဵၼ်ပူႇၵႄႇ ဝၢၼ်ႈတႃႈလူင်မႃး လႆႈလိူၼ်ပၢႆ မၼ်းၸၢႆးၼႆႉ ဢႃယု တိုၵ်ႉမီးမွၵ်ႈ 30 ပီ။ ၵူၼ်းသီႇပေႃႉၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈၼႆႉ ဝၼ်းတီႈ 2/12/2021 ယၢမ်းၵၢင်ၼႂ်မွၵ်ႈ 3 မူင်း ၸဝ်ႈသိုၵ်း ၸူဝ်းမိူင်း ၽူႈၼင်ႈလုမ်းၵပ်းသၢၼ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်း ၸိုင်ႈတႆး RCSS/SSA လူႉသဵင်ႈတီႈႁူင်းယႃလူင် ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။   ၽူႈၸမ်ၸႂ်မၼ်းၸဝ်ႈ ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မၼ်းၸဝ်ႈလႆႈလူႉသဵင်ႈၵႂႃႇ ယွၼ်ႉတၢင်းပဵၼ် ယဵဝ်ႈဝၢၼ်လႄႈ...

ၵူၼ်းၶၢႆထီႇ (ထီႇမိူင်းမၢၼ်ႈ) လႅၼ်ငိုၼ်းၵူၼ်းမိူင်း ဝဵင်းလႃႈသဵဝ်ႈဝႃႈ တိူဝ်ႉထီႇ 2 ဝႂ် တႃႇငိုၼ်း 100 သႅၼ်ပျႃး  တေၵႂႃႇထုတ်ႈဢဝ်ငိုၼ်းမႃးပၼ် ၼႆသေ ယွၼ်းဢဝ်ငိုၼ်းၵႂႃႇ 11 သႅၼ်ပျႃးဝႃႈၼႆ။ ၼႂ်းလိူၼ်ၼူဝ်ႊဝႅမ်ႊပိူဝ်ႊ 2021 ပူၼ်ႉမႃးၼႆႉ ၵူၼ်းဝၢၼ်ႈဢိူင်ႇၼွင်မွၼ် ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ  ၵေႃႉၼိုင်ႈ ထုၵ်ႇ ၵူၼ်းၶၢႆႇထီႇ လႅၼ်ဢဝ်ငိုၼ်းၵႂႃႇ...

ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု ဝဵင်းမိူင်းၵိုင် ႁူဝ်ၵူၼ်း မွၵ်ႈ 300 ပၢႆႈမႃး ၸမ်သွင်လိူၼ်ယဝ်ႉ ပႆႇလႆႈ ပွၵ်ႈၶိုၼ်းႁိူၼ်းယေး  ၼႂ်းပိုၼ်ႉတီႈ တိုၵ်ႉမီးလွင်ႈၶဵင်ႈၶႅင်ၵၢၼ်သိုၵ်း ၵၼ်ယူႇ။ ၵူၼ်းပၢႆႈၽေးသိုၵ်းၼႆႉပဵၼ် ၵူၼ်းဝၢၼ်ႈၵုင်းလႅင်း မႃးယူႇဝႆႉၼႂ်းဢိူင်ႇပၢင်ႇၵေႇတု ၸႄႈဝဵင်းမိူင်းၵိုင်  ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ၵိုတ်းဝႆႉ မွၵ်ႈ 300...

သဵၼ်ႈတၢင်းၽႄႈႁူဝ်ပိုၵ်ႉ ၼႂ်းၵႄႈလႃႈသဵဝ်ႈ- သႅၼ်ဝီ ၾၢႆႇသိုၵ်းမၢၼ်ႈဢဝ်သၢႆးမႃးၵွင် ပိၵ်ႉတၢင်းဝႆႉႁိုင်မႃးၶၢဝ်းတၢင်း 5 လိူၼ်ပၢႆ၊ ႁၢင်လိူၼ်ၼူဝ်ႊဝႅမ်ႊပိူဝ်ႊပူၼ်ႉမႃးၼႆႉ ၾၢႆႇၽွင်းငမ်း မႃးထႆထုၺ်ပိုတ်ႇၶိုၼ်းၵႂႃႇမႃးလႆႈယဝ်ႉဝႃႈၼႆ။  သဵၼ်ႈတၢင်းၼၼ်ႉ ပဵၼ်သဵၼ်ႈတၢင်းဢၼ်လုၵ်ႉသႅၼ်ဝီ လူင်းမႃး၊ ဢၼ်လုၵ်ႉႁူဝ်ပိုၵ်ႉမႃး တေၶဝ်ႈဝဵင်းလႃႈသဵဝ်ႈ။ သိုၵ်းမၢၼ်ႈပိၵ်ႉမႃးၸဵမ်မိူဝ်ႈလိူၼ် ၵျုၼ်ႊ ဝၼ်းတီႈ 17 ။ ပေႃးတေၶဝ်ႈလႃႈသဵဝ်ႈ လႆႈဝႄႈၵွင်သၢႆးသေ လႆႈၵႂႃႇတၢင်းသဵၼ်ႈတၢင်းႁွပ်ႈဝဵင်းသေ ၸင်ႇၶဝ်ႈ။ ႁဵတ်းႁႂ်ႈၵူၼ်းမိူင်းၵႂႃႇမႃးယၢပ်ႇ...

ၵူၼ်းမိူင်းပိုၼ်ႉတီႈလႄႈ ၸုမ်းတူင်ႉၼိုင်တူင်ႇဝူင်း ပရႁိတ ၸႄႈဝဵင်းပၢင်လွင်း ဢွၼ်ၵၼ်မႆႈ လွင်ႈတေပိုတ်ႇၶိုၼ်ႈႁူင်းႁဵၼ်း ၵူဝ်တၢင်းပဵၼ်ၶူဝ်ႊ ဝိတ်ႉ 19 ၽႄႈလၢမ်းႁႅင်းထႅင်ႈ။   မိူဝ်ႈၼႆႉ ဝၼ်းတီႈ 30/11/201 ၶူးသွၼ်/ မေႃသွၼ် ၼႂ်းႁူင်းႁဵၼ်း လူင်ပွင်ၸိုင်ႈ တႂ်ႈၶွင်ႇသီႇသိုၵ်းမၢၼ်ႈ ၵုမ်းၵမ် ၼႂ်းၸႄႈဝဵင်းပၢင်လွင်း ၸႄႈ တွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ဢွၼ်ၵၼ်ၵႂႃႇႁူင်းႁဵၼ်း...

ပလိၵ်ႈဝဵင်းၵျွၵ်ႉမႄး ဝႃႈ ရူတ်ႉၶိူင်ႈၸိူဝ်းလႆႈမႃးၶိုၼ်းတီႈ ၵူၼ်းလၵ်ႉရူတ်ႉၶိူင်ႈၸိူဝ်းၼၼ်ႉ ၽႂ်ပဵၼ်ၸဝ်ႈၶွင်ႈၵေႃႈ ႁႂ်ႈဢဝ်ငိုၼ်းမႃးထုတ်ႇဢဝ်ၶိုၼ်း ၼိုင်ႈၵၼ်း ၼိုင်ႈသႅၼ်ပျႃး ဝႃႈၼႆ။ ပလိၵ်ႈၵျွၵ်ႉမႄး ပိုၼ်ၽၢဝ်ႇဝႃႈ ၼႂ်းၶၢဝ်းတၢင်း လိူၼ်ဢွၵ်ႊထူဝ်ႊပိူဝ်ႊလိူၼ်လဵဝ်ၵူၺ်း တီႉလႆႈၵူၼ်းလၵ်ႉသေ ယိုတ်းလႆႈၶိုၼ်း ရူတ်ႉၶိူင်ႈ 17 ၵၼ်း။ ၽႂ်ပဵၼ်ၸဝ်ႈၶွင်ရူတ်ႉၵေႃႈ ႁႂ်ႈဢဝ်ငိုၼ်း 1 သႅၼ်ပျႃး မႃးထုတ်ႇဢဝ်ရူတ်ႉၶိူင်ႈၽႂ်မၼ်းၶိုၼ်း ၵူၼ်းမိူင်းဢၼ်ရူတ်ႉၶိူင်ႈႁၢႆဝႆႉ ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။ ၸဝ်ႈရူတ်ႉၶိူင်ႈမၢင်ၵေႃႉလႆႈထုတ်ႇၶိုၼ်း...