မၢၵ်ႇၵွင်ႈလုၵ်ႈၼိုင်ႈတူၵ်းသႂ်ႇလင်ၶႃးႁိူၼ်းၵူၼ်းဝၢၼ်ႈ ဝၢၼ်ႈပၢင်ႇၶမ်း ၸႄႈဝဵင်းမူႇၸေႊ လႅၼ်လိၼ်ၶႄႇ လင်ၶႃးႁိူၼ်းလူႉၵွႆ ၵူၼ်းမၢတ်ႇၸဵပ်းတႄႉဢမ်ႇမီး မၢၵ်ႇၵွင်ႈၼၼ်ႉပဵၼ်ၽႂ်ၸုမ်းလႂ်ယိုဝ်းမႃးၵေႃႈဢမ်ႇႁူႉ။
မိူဝ်ႈဝႃး ဝၼ်းတီႈ 31/1/2022 ယၢမ်းၵၢင်ၶိုၼ်း မွၵ်ႈ 10 မူင်းၶိုင်ႈပၢႆ ၽွင်းပီႈၼွင်ႉၶႄႇ ၸုတ်ႇမူၵ်ႇတႅၵ်ႇ ႁပ်ႉပီမႂ်ႇၶႄႇၼၼ်ႉ ပဵၼ်ၽႂ်ၸုမ်းလႂ် လုၵ်ႉတၢင်းလႂ်ယိုဝ်းမႃးဢမ်ႇႁူႉ မၢၵ်ႇၵွင်ႈလုၵ်ႈၼိုင်ႈ တူၵ်းမႃးသႂ်ႇလင်ၶႃးႁိူၼ်းၵူၼ်းဝၢၼ်ႈပၢင်ႇၶမ်း ၸႄႈဝဵင်း မူႇၸေႊ လင် လင်ၶႃးႁိူၼ်းလူႉၵွႆ။
ၵူၼ်း ပၢင်ႇၶမ်း လၢတ်ႈတီႈၽူႈတွႆႇႁွၵ်ႈဝႃႈ – “ လင်ၶႃးႁိူၼ်း/ လဵၵ်းမုင်းႁိူၼ်း ပွင်ႇ ။ ၵတ်ႉၵႃႈဢမ်ႇတိူဝ်ႉသႂ်ႇ ၵူၼ်း။ ဢမ်ႇမီးၽႂ် မၢတ်ႇၸဵပ်းလူႉတၢႆၸွမ်းၶႃႈ ”- ဝႃႈၼႆ။
ၾၢႆႇၼိုင်ႈ ၵူၼ်းလဵၼ်ႈပၢင်တေႃႇလွင်း ႁိမ်းႁွမ်းၼၼ်ႉၵေႃႈ သမ်ႉ ဢွၼ်ၵၼ်ၸုတ်ႇလဵၼ်ႈမူၵ်ႇၾႆး ႁပ်ႉတွၼ်ႈပီမႂ်ႇၶႄႇလႄႈ ၸင်ႇဝႃႈ မၢၵ်ႇၵွင်ႈၼၼ်ႉ ပဵၼ်ၽႂ်ယိုဝ်းၽႂ် လုၵ်ႉတၢင်းလႂ်မႃးၵေႃႈဢမ်ႇႁူႉ ၵူၼ်းပၢင်ႇၶမ်းလၢတ်ႈထႅင်ႈၼင်ႇၼႆ။
