Friday, March 29, 2024

 ဝၼ်းႁပ်ႉပီမႂ်ႇၶႄႇ မၢၵ်ႇၵွင်ႈတူၵ်းသႂ်ႇႁိူၼ်းၵူၼ်းဝၢၼ်ႈ တီႈမူႇၸေႊ 3 လင်

Must read

ၶိုၼ်းႁပ်ႉပီမႂ်ႇၶႄႇၼၼ်ႉ မၢၵ်ႇၵွင်ႈတူၵ်းသႂ်ႇႁိူၼ်း ၵူၼ်းဝၢၼ်ႈ ၼႂ်းၸႄႈဝဵင်းမူႇၸေႊ  3 လင်  ၊ လင်ၶႃးႁိူၼ်းပွင်ႇ၊ ၵူၼ်းတႄႉဢမ်ႇမီးလွင်ႈမၢတ်ႇၸဵပ်း။    

Photo: ၵူၼ်းပိုၼ်ႉတီႈ/ မၢၵ်ႇၵွင်ႈတူၵ်းသႂ်ႇႁိူၼ်းၵူၼ်းဝၢၼ်ႈ တီႈၸႄႈဝဵင်းမူႇၸေႊ မိူဝ်ႈဝၼ်းတီႈ 31/1/2022

  ဝၼ်းတီႈ 31/1/2022 ယၢမ်းၵၢင်ၶိုၼ်း 10 မူင်းၶိုင်ႈပၢႆ  ၽွင်းပီႈၼွင်ႉၶႄႇ သူင်ႇသင်ႇပီၵဝ်ႇ ႁပ်ႉပီမႂ်ႇၶႄႇၼၼ်ႉ မၢၵ်ႇၵွင်ႈတူၵ်းသႂ်ႇ ႁိူၼ်းယေးၵူၼ်းဝၢၼ်ႈပၢင်ႇၶမ်းလင်ၼိုင်ႈ၊ ပွၵ်ႉၼိူဝ် လင်ၼိုင်ႈလႄႈ ပွၵ်ႉပၢႆးၸၢၵ်ႈ (စက်မှုရပ်ကွက်) လင်ၼိုင်ႈ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။

- Subscription -

ၵူၼ်း  မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “မၢၵ်ႇၵွင်ႈၼၼ်ႉ ပဵၼ်မၢၵ်ႇၽႂ် လုၵ်ႉတၢင်းလႂ်ယိုဝ်းမႃးတႄႉ ဢမ်ႇႁူႉ။ တူၵ်းသႂ်ႇလဵၵ်းမုင်းႁိူၼ်းပွင်ႇ မၢၵ်ႇၵွင်ႈတူၵ်းမႃးၵၢင်ႁိူၼ်း ။  ဢၼ်လႆႈႁူႉတႄႉ တူၵ်းသႂ်ႇႁိူၼ်းတီႈဝၢၼ်ႈပင်ႇၶမ်းလင်ၼိုင်ႈ? ပွၵ်ႉၼိူဝ်လင်ၼိုင်ႈလႄႈ ပွၵ်ႉပၢႆးၸၢၵ်ႈ လင်ၼိုင်ႈၶႃႈ။   ”- ဝႃႈၼႆ။

 ၶၢဝ်းယၢမ်းၵၢင်ၶိုၼ်း 10 မူင်းမိူင်းတႆး ပဵၼ်ၶၢဝ်း 12 မူင်းတဵင်ၶိုၼ်းမိူင်းၶႄႇ။ ၸိူဝ်းပဵၼ် ၸၢဝ်းၶႄႇ လုၵ်ႈၸုမ်းပျီႇတူႉၸိတ်ႉ၊ ၵူၼ်းလဵၼ်ႈပၢင်တေႃႇလွင်း ၸိူဝ်းၼႆႉ ၵေႃႉ ၸုတ်ႇမူၵ်ႇၾႆး ႁပ်ႉတွၼ်ႈပီမႂ်ႇမိူဝ်ႈမိူဝ်ႈၵၼ်တင်းၾင်ႇမိူင်းၶႄႇ။ လႅပ်ႈပဵၼ်မၢၵ်ႇၵွင်ႈဢၼ်ၸိူဝ်းၶဝ်ယိုဝ်းၼၼ်ႉၵူၺ်း -ၵူၼ်းမူႇၸေႊ သိုပ်ႇလၢတ်ႈထႅင်ႈၼင်ႇၼႆ။

ၵူၺ်းၵႃႈၵဵဝ်ႇၵပ်းလွင်ႈၼႆႉသေပလိၵ်ႈ/ၸဝ်ႈၼႃႈတီႈလွင်ႈႁူမ်ႇလူမ်ႈ မႃးတူၺ်းမႃးထၢမ် ဢမ်ႇမီးသင်။ ပဵၼ်ၽႂ်ယိုဝ်းတႄႉတႄႉၵေႃႈဢမ်ႇၸွပ်ႇထၢမ်သွၵ်ႈႁႃဢဝ်လိူင်ႈပၼ် ဝႃႈၼႆ။

မၢၵ်ႇၵွင်ႈ ဢၼ်တူၵ်းသႂ်ႇႁိူၼ်းၵူၼ်းဝၢၼ်ႈၼၼ်ႉ ဢမ်ႇတိူဝ်ႉၵူၼ်းႁိူၼ်း ဝႃႈၼႆသေတႃႉ –  လွင်ႈလၢမ်းလိမ်း  ယိုဝ်းၵွင်ႈတႄႉဢမ်ႇထုၵ်ႇလီပဵၼ်။  ၵူၼ်းမိူင်းဢမ်ႇမီးလွင်ႈႁူမ်ႇလူမ်ႈ – ၵူၼ်းမူႇၸေႊလၢတ်ႈၼင်ႇၼႆ။  

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း