ၶွင်ႇသီႇသိုၵ်းမၢၼ်ႈ ယိုတ်းမိူင်း ၶၢၼ်းႁွင်ႉၵူၼ်းဝၢၼ်ႈ ႁႂ်ႈၵႂႃႇတူမ်ႈႁုင်ၶဝ်ႈၽၵ်းလဵင်ႉၶဝ် တီႈၶဝ်ႈပၵ်းပၢင်လိုဝ်ႈသဝ်းၼႂ်းၵျွင်းမုၼ်ၸဝ်ႈ တီႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း။ မိူဝ်ႈဝႃး ဝၼ်းတီႈ 6/4/2022 ယၢမ်းၵၢင်ဝၼ်း သိုၵ်းမၢၼ်ႈမႃးၶၢၼ်း ၼၢင်းယိင်းသႅၼ်းၶၢဝ်ႉ ၵူၼ်းဝၢၼ်ႈပႄးယိၼ်ႇတွင်ႇထႅင်ႈ 2 ၵေႃႉႁႂ်ႈၵႂႃႇႁဵတ်းၶဝ်ႈၽၵ်းတူမ်ႈႁုင်လဵင်ႉၶဝ်  တီႈပၢင်သဝ်းၶဝ်ဢၼ်မီးၼႂ်းဝၢင်းၵျွင်းမုၼ်ၸဝ်ႈတီႈႁူဝ်ဝၢၼ်ႈၼၼ်ႉ။ ၵူၼ်းဝၢၼ်ႈပႄးယိၼ်ႇတွင်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “သိုၵ်းမၢၼ်ႈၼႆႉ ၶဝ်မႃးပၵ်းတပ်ႉဝႆႉ တီႈၼႂ်းဝၢင်းၵျွင်းမုၼ်ၸဝ်ႈ တင်ႈတႄႇႁူဝ် လိူၼ်ၼႆႉမႃးယဝ်ႉ။...

ၶွင်ႇသီႇသိုၵ်းမၢၼ်ႈ ယိုတ်းမိူင်း ပၼ်တၢမ်ႇၶွၵ်ႈ ၽူႈသိုဝ်ႇၶၢဝ်ႇ ၼၢင်းယိင်း ၵေႃႉၼိုင်ႈလႄႈ ၽူႈႁၢပ်ႇၵၢၼ် ၼႂ်းႁူင်းႁဵၼ်းၵူၼ်းၼုမ်ႇတဢၢင်း TSYU  ၵေႃႉၼိုင်ႈ -  တီႈၶွၵ်ႈလူင် ဝဵင်းလႃႈသဵဝ်ႈ ၸိုင်ႈတႆးႁွင်ႇ။   မိူဝ်ႈၼႆႉ ဝၼ်းတီႈ 7/4/2022 ယၢမ်းၵၢင်ၼႂ် သိုၵ်းမၢၼ်ႈပိုၼ်ၽၢဝ်ႇ ပၼ်တၢမ်ႇၶွၵ်ႈလူၺ်းဢၢမ်းၽွင် (လွေးအမ်ဖောင်) ၽူႈသိုဝ်ႇၶၢဝ်ႇၵဝ်ႇ ၶွင်ၸုမ်းၶၢဝ်ႇသူၺ်ႇၽီႇမျေႇလႄႈ မၢႆးတႅတ်ႉၼၢႆႇဢူး...

ၸူဝ်ႈၶွင်ႇသီႇသိုၵ်းမၢၼ်ႈ ယိုတ်းမိူင်းမႃးၶၢဝ်းတၢင်း ပီပၢႆၼႆႉ ၼႂ်းၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း ၵူၼ်းသူႇသမ်း ၵႃႉၶၢႆယႃႈမဝ်းၵမ် လိူင်ႇၼမ် သိုဝ်ႉငၢႆႈၶၢႆထုၵ်ႇလႄႈ လဵၵ်ႉယႂ်ႇၼုမ်ႇထဝ်ႈ တိတ်းၸပ်း သူႇသမ်းၵိၼ်ၶႂ်ႈဝႃႈမီးၵူႈပွၵ်ႉ။ ၵူၼ်း ၼမ်ႉၸၢင် လၢတ်ႈတီႈၽူႈတွႆႇႁွၵ်ႈဝႃႈ - “မႅၼ်ႈၶႃႈဢေႃႈ တီႈၼမ်ႉၸၢင်ၼႆႉ လိူင်ႇၼမ်ၼႃႇၶႃႈ ယႃႈမႃႉၼႆႉ 1 မဵတ်ႉ 200-300...

မိူဝ်ႈၼႆႉ ဝၼ်းတီႈ 7/4/2022 ယၢမ်းၵၢင်ဝၼ်း 11:50 မူင်း ၵူၼ်းဢမ်ႇႁူႉၾၢႆႇ ၵႂႃႇပွႆႇမၢၵ်ႇသႂ်ႇတီႈ  ပၢင်သွၼ်ၵၢၼ်သိုၵ်း  ပျီႇတူႉၸိတ်ႉ ႁိမ်းတႃႈရူတ်ႉ (သိန်းသန်း ချီကားကြီးကွင်း ) ၼႂ်းၸႄႈဝဵင်းမူႇၸေႊ တႅၵ်ႇ 2 လုၵ်ႈ ထပ်းၵၼ်။ ၵူၼ်း မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်မိူဝ်ႈၵႆႈၼႆႉ...

သိုၵ်းမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် တီႈဝဵင်းၵူတ်ႉၶၢႆ ႁၢဝ်ႈႁႅင်း လွင်ႈမၢတ်ႇၸဵပ်းတၢင်းသွင်ၾၢႆႇတႄႉ ပႆႇႁူႉ။ မိူဝ်ႈဝႃး ဝၼ်းတီႈ 5/4/2022 ယၢမ်းၵၢင်ဝၼ်း မွၵ်ႈ 12 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် တီႈႁိမ်းဝၢၼ်ႈၼမ်ႉၵူတ်ႉ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ။ ၵူၼ်းၵူတ်ႇၶၢႆ...

 ၶႄႇၶိုၼ်းႁပ်ႉသိုဝ်ႉဢွႆႈ တီႈၽၵ်းတူလႅၼ်လိၼ် တႆး - ၶႄႇ ဝဵင်းၼမ်ႉၽႃႈ (သျိၼ်းသူၺ်ႇႁေႃႇ)  ႁဵတ်းႁႂ်ႈ ၸဝ်ႈသူၼ်ဢွႆႈ ဢွၼ်ၵၼ်ႁိပ်ႈၼႅတ်ႈတေႃႉသူင်ႇၶၢႆ  ။ တႄႇဢဝ် ႁူဝ်လိူၼ်ဢေႊပရိူဝ်ႊ 2022 ၼႆႉမႃး ၸဝ်ႈသူၼ်ဢွႆႈ ၼႂ်းမိူင်းတႆးပွတ်းႁွင်ႇ လၢႆၸႄႈဝဵင်း ဢွၼ်ၵၼ် တေႃႉသူင်ႇဢွႆႈၶၢႆၸူးတၢင်း မိူင်း ၶႄႇ တီႈၽၵ်းတူလႅၼ်လိၼ်တႆး - ၶႄႇ...

 သိုၵ်းမၢၼ်ႈ   တီႉၺွပ်းၵူၼ်းၼုမ်ႇ ၸုမ်းပရႁိတၼႂ်း မိူင်းတႆး သေ ပၼ်တူတ်ႈတၢမ်ႇၼၵ်းၼႃ တူၵ်းၶွၵ်ႈ 10 ပီပၢႆလွၼ်ႉလွၼ်ႉ  ။   ဝၼ်းတီႈ 4/4/2022  သိုၵ်းမၢၼ်ႈ ပိုၼ်ၽၢဝ်ႇ ပၼ်တူတ်ႈတၢမ်ႇ ၵူၼ်းၼုမ်ႇ ၸုမ်းပရႁိတထႅင်ႈလၢႆလၢႆၵေႃႉ ၸိူဝ်းၺႃးတီႉၺွပ်းၶင်ၶွၵ်ႈဝႆႉတီႈၶွၵ်ႈတွင်ႇလေးလူင်း။ ပဵၼ် ၵူဝ်ႇဢွင်ႇသၢၼ်း ၊ ၵူဝ်ႇဢွင်ႇမိၼ်ႉထုၼ်းလႄႈ မယမိၼ်းၽူၺ်း ဢိၵ်ႇထႅင်ႈလၢႆလၢႆၵေႃႉ ၸိူဝ်း...

ၵူၼ်းပွၼ်းဝၢၼ်ႈဢိူင်ႇ ၼႂ်းၸႄႈဝဵင်းသႅၼ်ဝီ ဢွၼ်ၵၼ်ပၢႆႈၶဝ်ႈဝဵင်း ယွၼ်ႉၸုမ်းယိပ်းၵွင်ႈၵၢင်ႈ ၵဵပ်းသိုၵ်းမႂ်ႇ ဝႃႈၼႆ။ တီႈႁိူၼ်းၵိုတ်းလုၵ်ႈၸၢႆးလၢႆၵေႃႉၵေႃႈယဝ်ႉ သင်ဝႃႈမီးလုၵ်ႈၸၢႆး 2 ၵေႃႉၶိုၼ်ႈၼိူဝ် တၵ်းလႆႈပၼ် 1 ၵေႃႉ ၊ လဵၵ်ႉယႂ်ႇၼုမ်ႇထဝ်ႈၵေႃႈတၵ်းလႆႈသူင်ႇပၼ် ဝႃႈၼႆလႄႈ ၵူၼ်းတၢင်းဝၢၼ်ႈ ဢဝ်လုၵ်ႈၸၢႆးၸဝ်ႈၵဝ်ႇပၢႆႈ ၊ ၵမ်ႈၽွင်ႈပၢႆႈၶဝ်ႈဝဵင်း ၊ ၵမ်ႈၽွင်ႈၼုင်ႈသၢင်ႇၵၢၼ်း၊ ၵမ်ႈၽွင်ႈသူင်ႇၵႂႃႇႁဵတ်းၵၢၼ်/ ႁဵၼ်းလိၵ်ႈတီႈမိူင်းႁိမ်းႁွမ်း (မိူင်းထႆး...

ပွႆးသၢင်ႇလွင်း တီႈဝဵင်းမိူင်းပဵင်း ၸိုင်ႈတႆးပွတ်းဢွၵ်ႇၶူင်း ၸတ်းႁဵတ်းပႃးပၢင်တေႃႇလွင်း ၵူၼ်းမႃးလဵၼ်ႈတေႃႇလွင်း ၵိုၼ်းၶွၼ်ႈၼမ်ၵူႈၶမ်ႈ။ ဝၼ်းတီႈ 2-11/4/2022 ၸတ်းႁဵတ်းပွႆးသၢင်ႇလွင်း တီႈဝတ်ႉထေႇရဝႃႇတ ပုတ်ႉတသႃသၼႃ ၸႄႈဝဵင်းမိူင်းပဵင်း ၸႄႈတွၼ်ႈၵဵင်းတုင် ၸိုင်ႈတႆး ပွတ်းဢွၵ်ႇၶူင်း ၸတ်းႁဵတ်းတႃႇၶၢဝ်းတၢင်း 10 ဝၼ်း ၼႂ်းပၢင်ပွႆးၼၼ်ႉ ၸတ်းႁဵတ်းပႃး ပၢင်တေႃႇလွင်းထႅင်ႈ ၼႆယဝ်ႉ။ ၵူၼ်းမိူင်းပဵင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -...

သိုၵ်း UWSA ပိုတ်းယိုဝ်း RCSS ၼႂ်းမိူင်းတေႃႉ မိူင်းထႃး ၼႃႈတီႈဢၼ်သိုၵ်းမၢၼ်ႈတူၵ်းလူင်းပၼ်ဝႆႉပဵၼ်ၼႃႈလိၼ်တႃႇႁဵတ်းငဝ်ႈငုၼ်း RCSS ၽွင်းၵႂႃႇလူင်းလၢႆးမိုဝ်းၵိုတ်းတိုၵ်း။ ပၢင်တိုၵ်းၼႆႉ ပဵၼ်မိူဝ်ႈဝႃး ဝၼ်းတီႈ 5/4/2022 ယၢမ်းၵၢင်ၼႂ် 10 မူင်း ၵမ်းၼိုင်ႈ လႄႈယၢမ်းဝၢႆးဝၼ်း 1 မူင်းပၢႆ ၵမ်းၼိုင်ႈ။ “ၽွင်းၵၢင်ၼႂ် 10 မူင်းၼႆႉ UWSA တႄႇပိုတ်းယိုဝ်း...

 သိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းပီပၢႆၼႆႉ ၽဝ်ႁိူၼ်းၵူၼ်းမိူင်းမႃး 7,900 လင်ပၢႆ ၼႂ်းၼၼ်ႉ ပႃးမိူင်းတႆး 90 လင်ပၢႆ၊ ဢမ်ႇမီးၽႂ်ၸုမ်းလႂ်ၵႅတ်ႇၶႄႁႄႉၵင်ႈပၼ်ၵူၼ်းမိူင်း။ မိူဝ်ႈဝၼ်းတီႈ 1/4/2022 ပူၼ်ႉမႃးၼႆႉ ယူႇတီႈၸုမ်း Data For Myanmar (ၸုမ်းၶူၼ်ႉၶႂႃႉ လွင်ႈတုမ်ႉယွၼ်ႈ ဝၢႆးလင်ပၢင်တိုၵ်း) ပိုၼ်ၽၢဝ်ႇဢွၵ်ႇ မႃးထႅင်ႈဝႃႈ တင်ႈတႄႇ သိုၵ်းမၢၼ်ႈ...

(ၶူၼ်ႉတႅမ်ႈၶိုၼ်းပိုၼ်းဝၼ်းမိုၼ်ႉသိုၼ်း) ဝၢႆးၶႄႇလႅင်ယိုတ်းလႆႈဝဵင်းလူင် ပိူၺ်ႊၵျိင်ႊသေပိုၼ်ၽၢဝ်ႇပူၵ်းပွင်ယိပ်းၵမ်မိူင်းၶႄႇတင်းပိုၵ်း မိူဝ်ႈဝၼ်းတီႈ 1 လိူၼ် ဢွၵ်ႉထူဝ်ႊၿိူဝ်ႊ  1949 ၶႄႇၽိူၵ်ႇ သူႈဢမ်ႇလႆႈ ၵႃႈလႆႈငိူင်ႉထွႆႇဢွၵ်ႇပွတ်းတၢင်းၸၢၼ်း ၶၢမ်ႈပၢင်လၢႆႇပၢႆႈၵႂႃႇ တီႈၵုၼ် ထႆဝၼ်း။ တပ်ႉမၢႆ 8 တပ်ႉမၢႆ 25 တပ်ႉမၢႆ 93 ၶွင်ၶႄႇၽိူၵ်ႇ ၸိူဝ်းယူႇၸဵင်ႇၸၢၼ်းဝၼ်းတူၵ်းသမ်ႉ လႆလူၼ်ႉပူၼ်ႉၶဝ်ႈမႃး ၼႂ်းမိူင်းမၢၼ်ႈ မိူင်းတႆး။ ၽွင်းၾၢႆႇလႅင်တင်းၾၢႆႇၽိူၵ်ႇ...

ၵူၼ်းမိူင်း ယၢင်းလႅင် ဢၼ်ပၢႆႈမႃးသွၼ်ႈဝႆႉတီႈ ဝဵင်းသီႇသႅင်ႇ ႁူဝ်ၵူၼ်း 3 ႁဵင်ပၢႆၼႆႉ ထူပ်းတၢင်းယၢပ်ႇၽိုတ်ႇၵိၼ်းၸႂ်ႁႅင်း ယၢမ်းလဵဝ် လူဝ်ႇတၢင်း ၸွႆႈထႅမ် ၶဝ်ႈၼမ်ႉတၢင်းၵိၼ်။ ၽူႈၸွႆႈထႅမ် ၵူၼ်းပၢႆႈၽေးသိုၵ်း သီႇသႅင်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “တေႃႈလဵဝ် ဢၼ်ယၢပ်ႇၽိုတ်ႇႁႅင်းတႄႉ ပဵၼ်ၶဝ်ႈၼမ်ႉတၢင်း ၵိၼ်ၼႆႉၶႃႈဢေႃႈ။ ၸဝ်ႈတႃႇၼ ဢၼ်တေမႃးၵမ်ႉၸွႆႈ မိူၼ်မိူဝ်ႈၵူႈပွၵ်ႈၼၼ်ႉဢမ်ႇမီးယဝ်ႉဢေႇလူင်း...

ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF သၢၼ်ၶတ်းလွင်ႈသိုၵ်းမၢၼ်ႈပေႃႉထုပ်ႉၵူၼ်းမိူင်းၵျွၵ်ႉမႄးထိုင်တီႈလူႉတၢႆ ဝၢႆးလင်မၢၵ်ႇတႅၵ်ႇတီႈလုမ်းၾၢႆႇလိူမ်ႈလႆႇ ဝဵင်းၵျွၵ်ႉမႄး၊ လွင်ႈၼႆႉ  မီးလွင်ႈၽဵင်ႇပဵင်း ပဵၼ်ထမ်း တႃႇပီႈၼွင်ႉၸိူဝ်ႉၶိူဝ်း ၵေႃႉဢၼ်လူႉတၢႆလႄႈမၢတ်ႇၸဵပ်း။ မိူဝ်ႈၼႆႉ ဝၼ်းတီႈ 5/4/2022  ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆးၽိုၼ်ၼိုင်ႈ  ၸီႉၸမ်ႈဝႆႉ လွင်ႈ သိုၵ်းမၢၼ်ႈဢမ်ႇတွင်ႈဢမ်ႇထၢမ်သင်သေ ပေႃႉထုပ်ႉၵူၼ်းမိူင်းထိုင်တၢႆၼၼ်ႉ သိုၵ်းမၢၼ်ႈတၵ်းလႆႈ ႁပ်ႉ  ပုၼ်ႈၽွၼ်း...

ၶွင်ႇသီႇသိုၵ်းမၢၼ်ႈ ယိုတ်းမိူင်း ထႅမ်ႁႅင်းသိုၵ်း  ပႂ်ႉၵူတ်ႇထတ်းၸႅတ်ႈထၢမ် ဝႂ်ၵပ်းတူဝ်၊ ဝႂ်သမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 တီႈၵူၼ်းမိူင်း ၶဝ်ႈဢွၵ်ႇၵႂႃႇမႃး တီႈဝဵင်းလွၵ်ႉၸွၵ်ႇ၊ ပေႃးလၢတ်ႈၼၢၼ်းပွင်ႇၵၼ်ၵေႃႈ ၺႃးႁိုတ်းႁၢတ်ႇၸၢတ်ႈသႂ်ႇ လွၵ်ႇငိုတ်ႈၵူၼ်းမိူင်း  ။ တႄႇဢဝ် ႁူဝ်လိူၼ်ဢေႊပရိူဝ်ႊ 2022 ၼႆႉမႃး သိုၵ်းမၢၼ်ႈ၊ ပလိၵ်ႈမၢၼ်ႈလႄႈ ၾၢႆႇပၢႆးယူႇလီ ပႂ်ႉၵူတ်ႇထတ်းၵူၼ်းၶဝ်ႈဢွၵ်ႇဝဵင်း တီႈ ၵဵတ်ႉ/လၢၼ်ႇတၢင်းၶဝ်ႈဝဵင်းလွၵ်ႉၸွၵ်ႇ -...