Friday, March 29, 2024

သိုၵ်းမၢၼ်ႈ ထႅမ်ႁႅင်းသိုၵ်းထႅင်ႈ တီႈၵဵၵ်ႉ/ လၢၼ်ႇ ပႂ်ႉၵူတ်ႇထတ်းၵူၼ်းၶဝ်ႈဢွၵ်ႇဝဵင်းလွၵ်ႉၸွၵ်ႇ

Must read

ၶွင်ႇသီႇသိုၵ်းမၢၼ်ႈ ယိုတ်းမိူင်း ထႅမ်ႁႅင်းသိုၵ်း  ပႂ်ႉၵူတ်ႇထတ်းၸႅတ်ႈထၢမ် ဝႂ်ၵပ်းတူဝ်၊ ဝႂ်သမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 တီႈၵူၼ်းမိူင်း ၶဝ်ႈဢွၵ်ႇၵႂႃႇမႃး တီႈဝဵင်းလွၵ်ႉၸွၵ်ႇ၊ ပေႃးလၢတ်ႈၼၢၼ်းပွင်ႇၵၼ်ၵေႃႈ ၺႃးႁိုတ်းႁၢတ်ႇၸၢတ်ႈသႂ်ႇ လွၵ်ႇငိုတ်ႈၵူၼ်းမိူင်း  ။

Photo Lauksauk youth- သိုၵ်းမၢၼ်ႈလႄႈပလိၵ်ႈမၢၼ်ႈလႄႈပၢႆးယူႇလီပႂ်ႉၵူတ်ႇထတ်းၵူၼ်းၶဝ်ႈဢွၵ်ႇၵႂႃႇမႃးဝဵင်းလွၵ်ႉၸွၵ်ႇ

တႄႇဢဝ် ႁူဝ်လိူၼ်ဢေႊပရိူဝ်ႊ 2022 ၼႆႉမႃး သိုၵ်းမၢၼ်ႈ၊ ပလိၵ်ႈမၢၼ်ႈလႄႈ ၾၢႆႇပၢႆးယူႇလီ ပႂ်ႉၵူတ်ႇထတ်းၵူၼ်းၶဝ်ႈဢွၵ်ႇဝဵင်း တီႈ ၵဵတ်ႉ/လၢၼ်ႇတၢင်းၶဝ်ႈဝဵင်းလွၵ်ႉၸွၵ်ႇ – ယွင်ႁူၺ်ႈ၊ လွၵ်ႉၸွၵ်ႇ – တူၼ်ႈတီးလႄႈ တၢင်းၼႃႈတပ်ႉသိုၵ်းမၢၼ်ႈပထူး လွၵ်ႉၸွၵ်ႇ – ၼမ်ႉလၼ်ႈ ၸိူဝ်းၼႆႉ  ။

- Subscription -

ၵူၼ်းလွၵ်ႉၸွၵ်ႇ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ၶဝ်တိူဝ်းႁႅင်းၵူၼ်းၶဝ် ပႂ်ႉၸွမ်းၵဵၵ်ႉ/ လၢၼ်ႇထႅင်ႈတင်းၼမ်။  ပႂ်ႉၵူတ်ႇထတ်း ႁၢဝ်ႈႁႅင်းမႃးထႅင်ႈလိူဝ်ၵဝ်ႇ ။ ၵူတ်ႇတူၺ်းမၢႆၾၢင်၊ ဝႂ်သမ်းၶဵမ်ၶူဝ်ႊဝိတ်ႉ 19 ယဝ်ႉၵေႃႈ ထၢမ်လုၵ်ႉလႂ်မႃး တေၵႂႃႇလႂ် ၸိူဝ်းၼႆႉ။ ၵူၼ်းမိူင်း ၵမ်ႈၽွင်ႈ ဢမ်ႇမေႃလၢတ်ႈၵႂၢမ်းမၢၼ်ႈ ပၢႆၺႃးႁိုတ်း ၺႃးလႃႇၸွမ်းထႅင်ႈၵွၼ်ႇ။ မၢင်ပွၵ်ႈပၢႆယွၼ်းၵႃႈၶဝ်ႈမုၼ်း ၸိူဝ်းၼႆႉၵေႃႈမီးၶႃႈ”- ဝႃႈၼႆ။

ယၢမ်းလဵဝ်သမ်ႉ ၸွမ်ၸိၵ်းသိုၵ်းၸူဝ်းဝိၼ်း ၵေႃႉပဵၼ် ၵႅမ်ႁူဝ်ပဝ်ႈ သိုၵ်းယိုတ်းမိူင်းၼၼ်ႉ   မႃးမီးဝႆႉ တီႈဝဵင်းလွၵ်ႉၸွၵ်ႇလႄႈ  သိုၵ်းမၢၼ်ႈၸင်ႇ ဢဝ်ႁူမ်ႇလူမ်ႈ ၼႅၼ်ႈၼႃၵေႃႈပဵၼ်လႆႈ ၵူၼ်းပိုၼ်ႉတီႈသိုပ်ႇလၢတ်ႈၼင်ႇၼႆ။  

“လႆႈငိၼ်းဝႃႈ မၼ်းမႃးၶဝ်ႈပွႆးလူင်းပၢင်သွၼ်ၵၢၼ်သိုၵ်းၶဝ် တီႈတပ်ႉပထူး တေမီးတေႃႇထိုင်ဝၼ်းတီႈ 8 ၼႆႉ ၼႆၶႃႈဝႃႇ။ ၵွပ်ႈၼႆလႄႈ ၶဝ်ထဵတ်ႈထၢမ်/ သွၵ်ႈၵူၼ်းမိူင်းၵႂႃႇမႃး သွၵ်ႈၸွမ်းရူတ်ႉၸွမ်းၵႃးၸိူဝ်းၼႆႉႁႅင်း” – ၵူၼ်းပိုၼ်ႉတီႈ သိုပ်ႇလၢတ်ႈ ၼႄၼင်ႇၼႆ။

ၾၢႆႇၼိုင်ႈ တီႈလွၵ်ႉၸွၵ်ႇၼႆႉ မီးၶၢဝ်ႇလိုဝ်းဝႃႈ သိုၵ်းၵႅတ်ႇၶႄၵူၼ်းမိူင်း PDF တူင်ႉၼိုင်ၵႂႃႇမႃးၼမ်လႄႈၶဝ်မႆႈၸႂ်ပႃးၵေႃႈပဵၼ်လႆႈ ဝႃႈၼႆ။

ႁၢင်လိူၼ်မၢတ်ႊၶျ် 2022 ၼႆႉ ၶွင်ႇသီႇသိုၵ်းမၢၼ်ႈ သွင်တပ်ႉၵွင် ဢဵၼ်ႁႅင်း 100 ပၢႆ ၵႃး 10 လမ်းပၢႆ လုၵ်ႉတၢင်းၸႄႈဝဵင်းဢွင်ႇပၢၼ်း၊ ယွင်ႁူၺ်ႈသေ မုင်ႈၼႃႈၸူး ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆး ပွတ်းၸၢၼ်း ၵႂႃႇတူင်ႉၼိုင်ဝႆႉ တၢင်းဢိူင်ႇၼွင်ဝူဝ်း လႅၼ်ၶႅၼ်ႈ ၸိုင်ႈတႆးပွတ်းႁွင်ႇ ယၢၼ် ဝဵင်းလွၵ်ႉၸွၵ်ႇ 50 လၵ်းပၢႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း