ပျီႇတူႉၸိတ်ႉပဢူဝ်း PNO  ၽဝ်ႁိူၼ်းၵူၼ်းမိူင်းသီႇသႅင်ႇ  ၶႃႈႁႅမ်ၵူၼ်းဝၢၼ်ႈတၢႆၵေႃႉၼိုင်ႈၼႆ တပ်ႉသိုၵ်း ပူတ်းပွႆႇၸိူဝ်ႉၸၢတ်ႈပဢူဝ်း PNLA ပိုၼ်ၽၢဝ်ႇ လၢတ်ႈဝႆႉၼႂ်းဝၼ်းတီႈ 13/8/2025 ၼၼ်ႉၼင်ႇၼႆ ။ တႄႇၼႂ်းဝၼ်းတီႈ 5/8/2025 ၼႆႉမႃး သိုၵ်းမၢၼ်ႈႁူမ်ႈ ပျီႇတူႉၸိတ်ႉပဢူဝ်း ထူဝ်းသိုၵ်းမႃးတၢင်း ဢိူင်ႇၼွင်ၵႅဝ်း ( နောင်ကျော )လႄႈ ၼႂ်းဢိူင်ႇတွင်ႇသျေႉ(တောင်ရှေ့ကျေးရွာအုပ်စု) ႁဵတ်းႁႂ်ႈတုမ်ႉတိူဝ်ႉ ပဵၼ်ပၢင်တိုၵ်းၵၼ်တင်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း...

ဝၼ်းတီႈ 14/08/2025 ယၢမ်းၵၢင်ၶမ်ႈ 8 မူင်းၶိုင်ႈလႄႈ ယၢမ်းတဵင်းၶိုၼ်း 12 မူင်းပၢႆ သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်း တီႈဝဵင်းမိူင်းၵုတ်ႈတင်း ၸႄႈဝဵင်းၼမ်ႉၶမ်း မီးၵူၼ်းလူႉတၢႆမၢတ်ႇၸဵပ်းၸွမ်းမွၵ်ႈ 20 ၵေႃႉ ၼႆယဝ်ႉ။ ယွၼ်ႉမၢၵ်ႇလူင်သႅၼ်း 500 ပွင်ႊ ႁိူဝ်းမိၼ်တိုၵ်းသိုၵ်းမၢၼ်ႈ ၵႂႃႇတူၵ်းသႂ်ႇ ၼႂ်းဝဵင်းမိူင်းၵုတ်ႈ ဢွင်ႈတီႈပွၵ်ႉ...

 ဝၼ်းတီႈ13/8/2025 ယၢမ်းႁူဝ်ၶမ်ႈ 9 မူင်း ၾူၼ်တူၵ်းဢမ်ႇထၢတ်ႇ ၼမ်ႉၼမ်ၶိုၼ်ႈမႃးလႄႈ ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း ၵိုင်ႉၵၢင်ႉလႆႈၶၢႆႉၶူဝ်းဝႆႉတီႈသုင်  လႆႈငိူင်ႉပၢႆႈၽေးၼမ်ႉ ထႅင်ႈ  ။ ၼၢင်းယိင်းဢႃယု 24 ပီ ၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၶမ်ႈဝႃးၼႆႉ ၾူၼ်တူၵ်းႁႅင်းၼႃႇၼမ်ႉၵိုင်ႉၵၢင်ႉၶိုၼ်ႈမႃးၸမ်သွၵ်ႇလႆႈဢွၼ်ၵၼ် လုၵ်ႉၶၢႆႉၶူဝ်းၶၢႆႉလဵင်း တေႃႉဝႆႉတီႈသုင် ၊ ၵူၼ်းၵေႃႈလႆႈငိူင်ႉပၢႆႈၽေးၼမ်ႉ ၊ တလဵဝ် ၼႂ်းၼွင်ႁၢႆးယႃႈၼႆႉ...

ယၢမ်းလဵဝ် လၢႆပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ပၢင်တိုၵ်းယဵၼ်ဝႆႉယဝ်ႉလႄႈ ၵူၼ်းပၢႆႈၽေးသိုၵ်း ဢၼ်ပၢႆႈသွၼ်ႈဝႆႉတၢင်ႇတီႈတၢင်ႇဝၢၼ်ႈၼၼ်ႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းသေ ၽွင်းပွၵ်ႈၶိုၼ်းၼၼ်ႉ ႁိူၼ်းယေးၵမ်ႈၼမ် ၺႃးသိုၵ်းမၢၼ်ႈ ဢဝ်ၾႆးၽဝ်ပႅတ်ႈဢမ်ႇယွမ်း 30 လင်။ ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ - “တီႈဝၢၼ်ႈၸၢင်ႈၸွႆႉၼႆႉ ႁိူၼ်းယေး ၵူၼ်းဝၢၼ်ႈၺႃးၾႆးၽဝ်ပႅတ်ႈ ဢမ်ႇယွမ်း 30 လင်။ ၸဵမ်ႁိူၼ်းၵဝ်ႇႁိူၼ်းမႂ်ႇၶဝ်ၽဝ်မူတ်း။...

ဝၼ်းတီႈ 13/08/2025 ၼႆႉ မီးၶေႃႈပိုၼ်ၽၢဝ်ႇဢွၵ်ႇမႃးဝႃႈ ႁၢမ်ႈဢိုတ်းပႅတ်ႈ လွင်ႈတေႃႉၶဝ်ႈမႃးၶူဝ်းၵုၼ်ႇ ၶိူင်ႈၸႂ်ႉတိုဝ်းၵူၼ်းမိူင်း 35 မဵဝ်း ဢၼ်တေလုၵ်ႉတီႈၼွၵ်ႈမိူင်း တေႃႉၶဝ်ႈ ၼႂ်းမိူင်း ၸိူဝ်းၼၼ်ႉ ဝႃႈၼႆ။ ယူႇတီႈ ၶွမ်ႇမတီႇ ၾၢႆႇၵုမ်းၵမ်ငိုၼ်းၼွၵ်ႈမိူင်း တႂ်ႈသိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇဢွၵ်ႇဝႆႉ ၼႂ်းၽိုၼ်လိၵ်ႈၼၼ်ႉ ဝၼ်းတီႈတႅတ်းတေႃးတႄႉ ဢမ်ႇတႅမ်ႈပႃးဝႆႉ။ ၶွမ်ႇမတီႇ ၾၢႆႇၵုမ်းၵမ်ငိုၼ်းၼွၵ်ႈမိူင်းၼႆႉ မိူဝ်ႈဝၼ်းတီႈ...

ဝၼ်းတီႈ 13/08/2025 ပူၼ်ႉမႃးၼႆႉ လုမ်းတတ်းသိၼ်ပိူင်ငဝ်ႈပိုင်းမိူင်း မိူင်းထႆး (ထိုင်းဖွဲ့စည်းပုံအခြေခံဥပဒေခုံရုံး) ပိုၼ်ၽၢဝ်ႇမၵ်းမၼ်ႈဝႃႈ - ပေႃးထိုင်မႃး ၼႂ်းဝၼ်းတီႈ 29 လိူၼ် ၼႆႉ ၶၢဝ်းယၢမ်းမိူင်းထႆး ဝၢႆးဝၼ်း 3 မူင်းၸိုင် တေတႅပ်းတတ်းတြႃး လွင်ႈၸွမ်ၽွင်းလူင်မိူင်းထႆး ၼၢင်းသၢဝ်ၽႄႊထွင်ႊထၢၼ်ႊ သျိၼ်ႊၼဝတ်ႊ ဢၼ်ၺႃးသင်ႇၵိုတ်းလိုဝ်ႈတၼ်းႁဵင်းၼႃႈၵၢၼ်ဝႆႉၼၼ်ႉ ၸွင်ႇထုၵ်ႇလီထွၼ်တူဝ်ဢွၵ်ႇႁိုဝ် တေသိုပ်ႇႁဵတ်းသၢင်ႈၵႂႃႇၸိူင်ႉႁိုဝ်ၼႆၸိူဝ်းၼၼ်ႉ...

ယၢမ်းလဵဝ် တီႈၶူဝ်ၶၢမ်ႈလႅၼ်လိၼ်တႆး - ထႆး ၶူဝ်မိုတ်ႈၵိုတ်းမၢႆ (1) ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ၽူႈမီးပုၼ်ႈၽွၼ်းၾၢႆႇၵၢၼ်လုမ်းၶဝ် ႁပ်ႉႁဵတ်းပၼ်ၶိုၼ်းပပ်ႉမႂ်ႇ တႃႇၶၢမ်ႈလႅၼ်လိၼ် ဢၼ်မီးဢႃယု ၼိုင်ႈပီယဝ်ႉၼႆသေတႃႉ ၼိုင်ႈဝၼ်းလႂ် ၶဝ်ႁပ်ႉႁဵတ်းပၼ်မွၵ်ႈႁူဝ်သိပ်းၵေႃႉၵူၺ်းလႄႈ ႁဵတ်းႁႂ်ႈၵူၼ်းမိူင်း လႆႈၶဝ်ႈထႅဝ်ပႂ်ႉၼပ်ႉႁူဝ်ပၢၵ်ႇ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “ပပ်ႉၼိုင်ႈပီၼႆႉ မိူဝ်ႈတႄႇမၼ်းဝႃႈ တေႁဵတ်းပၼ်ၼိုင်ႈဝၼ်းၼႆႉ 50...

ၵူၼ်းႁဝ်းၵေႃႉၼိုင်ႈလႄႈၵေႃႉၼိုင်ႈ ၵိူတ်ႇမႃးတူၼ်ႈထုၼ်းမၼ်းဢမ်ႇမိူၼ်ၵၼ် တူဝ်ထူပ်းဢမ်ႇမိူၼ်ၵၼ် မၢင်ၸိူဝ်းၵိူတ်ႇမႃးၵိၼ်ၼိူဝ်ငိုၼ်းၼွၼ်းၼိူဝ်ၶမ်းသေတႃႉ မၢင်ၸိူဝ်း ယႂ်ႇၸွမ်းလိၼ်ၵိၼ်ၸွမ်းသၢႆးမႃးၵူၺ်း။ ၵူၼ်းၸိူဝ်းတူၵ်းၵိၼ်းၶၢၼ်ၸႂ်ႁႅင်းၼႃႇဢႃးလႃးသေ ထိုင်တီႈယွမ်းၵၢၼ်ႉၸၢတ်ႈပၢၼ် ၵူၼ်းၵေႃႈ မီးမႃးၼမ်။ ၼႂ်းလိူၼ်ၼႆႉၵူၺ်း ပေႃႈၸဝ်ႈႁိူၼ်း ၵေႃႉၼိုင်ႈ တီႈလႃႈသဵဝ်ႈ လဵင်ႉယႃမိူဝ်ႇလုၵ်ႈလၢင်းၸဝ်ႈၵဝ်ႇတၢႆ 3 ၵေႃႉ၊ တူဝ်မၼ်းၵေႃႈ ၵိၼ်ၸွမ်းသေ တၢႆတင်းလုၵ်ႈတင်းပေႃႈ။ တႃႇတေၶႃႈတူဝ်ၵဝ်ႇလႄႈ လုၵ်ႈလၢင်းၸဝ်ႈၵဝ်ႇၼႆႉ ဢမ်ႇလႃႈလီႈမီးၽႂ်ႁတ်းႁဵတ်း။ ၵူၼ်းႁဝ်းၵူႈၵေႃႉၼႆႉ ယူႇၸွမ်းၼိူဝ်ႉၸွမ်းလိူတ်ႈၵၼ်ၵူႈၵေႃႉလႄႈ ၵေႃႉလႂ်ၵေႃႈ...

ဝၼ်းတီႈ 12/08/2025 ယၢမ်းဝၢႆးဝၼ်းမွၵ်ႈ 4 မူင်းၶိုင်ႈ ႁၢၼ်ႉၶၢႆၶမ်း “မွင်ႇႁဵင်း” (မောင်ဟိန်းရွှေဆိုင်) ဢၼ်ပိုတ်ႇဝႆႉတၢင်းဢွၵ်ႇၵၢတ်ႇလူင် ပွၵ်ႉ 3 ဝဵင်းမိူင်းသူႈ ၸိုင်ႈတႆးပွတ်းၸၢၼ်း ၺႃးၽူႈၸၢႆး 2 ၵေႃႉ ယိပ်းၵွင်ႈသေၶဝ်ႈၸူၼ် သုမ်းၵႂႃႇၶမ်း 60 ၵျၢပ်ႈလႄႈ ငိုၼ်း 200 သႅၼ်ပျႃး ၼႆယဝ်ႉ။ ၵူၼ်းပိုၼ်ႉတီႈ...

ၵူၼ်းၼုင်ႈၶူဝ်းသိုၵ်းမၢၼ်ႈ ပလိၵ်ႈမၢၼ်ႈ ယွၼ်းၵိၼ်ငိုၼ်း ၵူၼ်းၵႂႃႇသိုဝ်ႉၶူဝ်းၵုၼ်ႇလိပ်းတီႈၵၢတ်ႇလူင် ႁိမ်းၸမ် သီႇယႅၵ်ႈၾႆးၶဵဝ်ၾႆးလႅင် တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ မိူဝ်ႈဝႃးဝၼ်းတီႈ12/8/2025 ယၢမ်းၵၢင်ၼႂ်ၸဝ်ႉ 3 မူင်း ၽွင်းၼၢင်းယိင်းၵူၼ်းၶၢႆၵၢတ်ႇ ၵႂႃႇသိုဝ်ႉၵုၼ်ႇလိပ်း တီႈၼႂ်းၵၢတ်ႇမဵဝ်ႉမ ၼၼ်ႉထုၵ်ႇ ၵူၼ်းၼုင်ႈၶူဝ်းပလိၵ်ႈသိုၵ်းမၢၼ်ႈ 4 ၵေႃႉ ႁႄႉၵူတ်ႇထတ်း ရူတ်ႉၶိူင်ႈ တီႈႁိမ်းၸမ် ၵၢတ်ႇမဵဝ်ႉမ ယွၼ်းငိုၼ်း 3...

မိူဝ်ႈဝၼ်းတီႈ 12/08/2025 ယၢမ်းၵၢင်ၼႂ် သိုၵ်းမၢၼ်ႈ ယိုတ်းမိူင်း ၸတ်းႁဵတ်းပၢင်ၵုမ်လူင် ၶွမ်ႊမသျိၼ်ႊ ၵတ်းယဵၼ်သႃႇယႃႇလႄႈ ၵၢၼ်ႁူမ်ႇလူမ်ႈၸိုင်ႈမိူင်း တီႈဝဵင်းလူင်ၼေႇပျီႇတေႃႇ။ ၼႂ်းပၢင်ၵုမ်လူင်ၼၼ်ႉ တၢမ်တူဝ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ဢွၼ်ၼမ်းၸတ်းႁဵတ်းသေ မီးၵႅမ်ႁူဝ်ပဝ်ႈ ၵႅမ်ၸွမ်ၸိၵ်းသိုၵ်းမၢၼ်ႈ ၸူဝ်းဝိၼ်း၊ ၽူႈၶဝ်ႈၸုမ်းၶွမ်ႊမသျိၼ်ႊ၊ ၸွမ်ၽွင်းလူင်ၸိုင်ႈမိူင်း ဢူးၺူဝ်ႇၸေႃး ၸိူဝ်းၼႆႉ ၶဝ်ႈႁူမ်ႈၸွမ်း။ မိၼ်းဢွင်ႇလၢႆႇ မွၵ်ႇလၢတ်ႈၵႂႃႇ ၼႂ်းပၢင်ၵုမ်လူင်ၼၼ်ႉဝႃႈ...

ပၢင်တိုၵ်း သိုၵ်းမၢၼ်ႈယိုတ်းမိူင်းတင်း ၸုမ်းႁူမ်ႈႁွမ်းသိုၵ်းၶၢင် တီႈဝဵင်းမၢၼ်ႈမေႃႇ ၸႄႈမိူင်းၶၢင်ၼၼ်ႉ တိုၵ်ႉသိုပ်ႇပဵၼ်ႁၢဝ်ႈႁႅင်း ၾၢႆႇသိုၵ်းမၢၼ်ႈ ၸႂ်ႉပႃးႁိူဝ်းမိၼ်တိုၵ်း ၶိူင်ႈၵွင်ႈလူင် ၶိူင်ႈတရူၼ်ႊ ၸိူဝ်းၼႆႉသေ လိူဝ်ၼၼ်ႉ ထူဝ်းႁႅင်းသိုၵ်းလေႃႇတိုၵ်းထႅင်ႈ ဝႃႈၼႆ။ တႄႇဢဝ်ဝၼ်းတီႈ 01/08/2025 ၼၼ်ႉမႃး ႁိူဝ်းသိုၵ်းမၢၼ်ႈ လုၵ်ႉတီႈသဵၼ်ႈတၢင်းၼမ်ႉသေ ထႅမ်ႁႅင်းသိုၵ်း ထိုင်မႃးတီႈဝဵင်းမၢၼ်ႈမေႃႇ။ ဝၢႆးၼၼ်ႉ ၸႂ်ႉႁိူဝ်းမိၼ်တင်း ၶိူင်ႈတရူၼ်ႊသေ ထူဝ်းသိုၵ်းလေႃႇတိုၵ်း...

ဝၼ်းတီႈ 11/08/2025 ၼႆႉ ယူႇတီႈ လုမ်းတြႃးမိူင်းဢိၼ်ႊတီႊယိူဝ်ႊ ပိုၼ်ၽၢဝ်ႇဢွၵ်ႇမႃးဝႃႈ ၼႂ်းၶၢဝ်းတၢင်း 8 ဝူင်ႈၼႆႉ ႁႂ်ႈဢဝ်မႃၸိူဝ်းဢမ်ႇမီးၸဝ်ႈၶွင် (မႃၶၢင်ႈတၢင်း) ဢၼ်မီးၸွမ်း ၼႂ်းပွၵ်ႉၼႂ်းယွမ်ႇလႄႈ ၼႂ်းဝဵင်းလူင်ၼိဝ်ႊတေႊလီႊ ၸိူဝ်းၼၼ်ႉ ႁႂ်ႈၶၢႆႉၵႂႃႇယူႇသဝ်း ဢွင်ႈတီႈတူၺ်းထိုင်လုမ်းလႃးမႃ ဝႃႈၼႆ။ ႁွင်ႈၵၢၼ်သိုဝ်ႇၶၢဝ်ႇၶဝ် ဢွၼ်ၵၼ်ႁၢႆးငၢၼ်းဝႃႈ - လွင်ႈလုၵ်ႈဢွၼ်ႇ ပဵၼ်တၢင်းပဵၼ်မႃမႃႈၼႆႉ ၼမ်ၶိုၼ်ႈမႃးလႄႈ ဝၢႆးလင်ၼၼ်ႉ...

ဢိင်ၼိူဝ် လုမ်ႈၾႃႉၶိုၼ်ႈယႂ်ႇလႅၵ်ႈလၢႆႈဝႆးသေ လွင်ႈယူႇလွင်ႈၵိၼ်ၵူၼ်းၵေႃႈ လႆႈလႅၵ်ႈလၢႆႈၸွမ်း။ ၵၢပ်ႈယၢမ်းလဵဝ် ၵၢၼ်ဢၼ်လႂ်ၵေႃႈ လႆႈႁိပ်ႈလႆႈၼႅတ်ႈလႄႈ ၼင်ႇႁိုဝ် တေဢမ်ႇသုမ်းၶၢဝ်းယၢမ်းၼၼ်ႉ လွင်ႈၵိၼ်ယမ်ႉၵူႈဝၼ်းဝၼ်းၵေႃႈ ၵူၼ်းႁဝ်းၵႆႉႁႃလၢႆးလႅတ်း။ မိူၼ်ၼင်ႇ သိုဝ်ႉတၢင်းၵိၼ်ယမ်ႉ လူင်ႈၼႃႈဝႆႉ ၵဵပ်းဝႆႉတႃႇၵိၼ်လႆႈလၢႆဝၼ်း။ ၵမ်ႈၼမ် ဝူၼ်ႉဝႃႈ ပေႃးၵဵပ်းဝႆႉၼႂ်းတူႈယဵၼ်ၼႆ တေဝႆႉႁိုင်လႆႈ တေဢမ်ႇမဵၼ်လူမ်းမဵၼ်သူမ်ႈၼႆသေ ၵဵပ်းဝႆႉၼပ်ႉႁူဝ်လိူၼ်ၵေႃႈမီး။ ၵူၺ်းၵႃႈ တၢင်းၵိၼ်ဢၼ်ၵဵပ်းဝႆႉႁိုင်ၼၼ်ႉ ဢမ်ႇတူႇဢမ်ႇၼဝ်ႈသေတႃႉ သမ်ႉၸၢင်ႈပဵၼ်ၽေးတေႃႇ...

ၵူၼ်းၼုမ်ႇဝဵင်းတူၼ်ႈတီးဢၼ်ၵႂႃႇၾိုၵ်းၵၢၼ်သိုၵ်းၸဵမ်ၸုပ်ႈတီႈ 1 ပုၼ်ႉၼၼ်ႉဢွၵ်ႇႁိူၼ်းၵႂႃႇပေႃးလႆႈ 6 လိူၼ်ယဝ်ႉၸင်ႇလႆႈၶၢဝ်ႇဝႃႈ ၵႂႃႇတၢႆၼႃႈသိုၵ်း ၼႆသေၸင်ႇလႆႈႁႅၼ်းလူႇႁႅၼ်းတၢၼ်းပၼ်။ ၼႂ်းၵၢင်လိူၼ်ဢေႃႊၵတ်ႊသ်ၼႆႉ ၵၢင်ႉၵႄႇ ယူႇပွၵ်ႉလၼ်းမတေႃႇ (လမ်းမတော်) မႃးၸႅင်ႈတီႈပေႃႈမႄႈ ၵူၼ်းႁိူၼ်း  မွင်ႇၶျၢၼ်းမျေႉဢွင်ႇ (ၼုမ်ႇၸၢႆးဢၼ်ထုၵ်ႇႁွင်ႉၵႂႃႇ ၾိုၵ်းၵၢၼ်သိုၵ်း ၸုပ်ႈထိၼိုင်ႈ) ၼၼ်ႉဝႃႈ  ၵႂႃႇတၢႆၼႃႈသိုၵ်းယဝ်ႉၼႆလႄႈ   ပေႃႈမႄႈၸင်ႇလႆႈႁႅၼ်းသွမ်းလူႇတၢၼ်းပၼ်ၼႂ်းဝၼ်းတီႈ  12/8/2025  ၼႆႉဝႃႈၼႆ ။  မွင်ႇၶျၢၼ်းမျေႉဢွင်ႇ/ဢွင်ႇဢွင်ႇ (ချမ်းမြေ့အောင်) ဢႃယု...