“ယၢမ်း” တႅၵ်ႇၽူင်ႉသႂ်ႇၵူၼ်းႁဵတ်းႁူင်းၾႆးမိၼ်တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း – ၵူၼ်းတၢႆထင်တီႈၵေႃႉၼိုင်ႈပဵၼ်ၼၢင်းယိင်း၊ မၢတ်ႇၸဵပ်း 2 ၵေႃႉ၊ ၾႆးမႆႈႁိူၼ်းလူႉၵွႆလင်ၼိုင်ႈ။
မိူဝ်ႈၼႆႉ ဝၼ်းတီႈ 28 /10/2025 ယၢမ်းၵၢင်ၼႂ် 9 မူင်း ၵူၼ်းဝၢၼ်ႈၽႃမူၼ်း ဝဵင်းတူၼ်ႈတီး ႁဵတ်းႁူင်းၾႆးမိၼ် ၊ ၽွင်ယၢမ်းတႅၵ်ႇၽူင်ႉသႂ်ႇ ၵူၼ်းၼႂ်းႁိူၼ်း၊ ဢၼ်မၢတ်ႇ 2 ၵေႃႉၼၼ်ႉ ထုၵ်ႇႁၢမ်သူင်ႇႁူင်းယႃၸဝ်ႈၸၢမ်ႇထုၼ်းဝႆႉယဝ်ႉဝႃႈၼႆ။
ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ ၽွင်ယၢမ်းဢၼ်ႁဵတ်း တႃႇပွႆးၼၼ်ႉတႅၵ်ႇ ႁဵတ်းႁႂ်ႈၼၢင်းယိင်းဢႃယု 40 ၵူၼ်းၶၢႆပူႉ လူႉတၢႆထင်တီႈ ၊ ၵူၼ်းၸၢႆးသွင်ၵေႃႉ ၾႆးမႆႈတိၼ်မိုဝ်းႁၢဝ်ႈႁႅင်း သူင်ႇယူတ်းယႃႇဝႆႉ တီႈႁူင်းယႃႇလႆႈမႆႈၸႂ်ဝႆႉ ၊ ႁဵတ်းယၢမ်းတႃႇ ႁူင်းၾႆးမိၼ် ၼႆႉမီးၽေးၼႃႇ ပေႃးပိူင်ႈၵႂႃႇသေဢၼ်ဢၼ်ၵေႃႈ ၸၢင်ႈတႅၵ်ႇလီၾၢင်ႉၵၼ် တေႉတေႉ”- ဝႃႈၼႆ ။
ၵႃးၶႄၾႆးမႃးၸွႆႈ ႁူတ်း ဢၼ်ၾႆးမႆႈႁိူၼ်းယေး။ ၼၢင်းယိင်းလူႉတၢႆထင်တီႈၼၼ်ႉတႄႉယူႇတီႈ ၸုမ်းၶႂၢႆႇၶႃပႄလႅင်( ကြက်ခြေနီ ) မႃးဢဝ်တူဝ်ၵႂႃႇ သူင်ႇႁွင်ႈယဵၼ် တီႈႁူင်းယႃ ၸဝ်ႈၸၢမ်ႇထုၼ်းယဝ်ႉမိူၼ်ၵၼ်။
ၶၢဝ်းလိူၼ် သိပ်းသွင် ပွႆးႁူင်းၾႆးမိၼ်တူၼ်ႈတီးၼႆႉ ယၢမ်းတႅၵ်ႇသႂ်ႇ ၵူၼ်းလူင်ႉလႅၼ်ႇလွင်ႈႁူင်းၾႆးမိၼ် ၵူႈပီ။ မၢင်ပီၵေႃႈ ထိုင်တီႈမၢတ်ႇၸဵပ်းလူႉတၢႆ။ မၢင်ပီၵေႃႈ ၾႆးမႆႈမၢတ်ႇၸဵပ်း။ ဢမ်ႇၼၼ် ၾႆးမႆႈႁိူၼ်းယေး။
ပွႆးႁူင်းၾႆးမိၼ်တူၼ်ႈတီးပီၼႆႉ တေၸတ်းႁဵတ်း ၼႂ်းဝၼ်းတီႈ 29/10/2025 တေႃႇထိုင် ဝၼ်းတီႈ 5/11/2025 တေႁိုင်ၶၢဝ်းတၢင်း 7 ဝၼ်း။ ပၢင်ၶႅင်ႇပွႆႇႁူင်းၾႆးမိၼ် ၵၢင်ဝၼ်းတႄႉ တႄႇၶႄႉၵၼ် ၼႂ်းဝၼ်းတီႈ 27/10/2025 ဝၼ်းၸၼ်ၼႆႉ လႆႈႁူႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ