ၾႆးတူမ်ႈယိူဝ်ႇမူဢမ်ႇမွတ်ႇမူတ်းလႄႈ လၢမ်းမႆႈႁိူၼ်း 24 လင် ၼႂ်းဝၢၼ်ႈလူင် 1 ဢိူင်ႇမိူင်းၼိမ် ၵိင်ႇၸႄႈဝဵင်းမိူင်းၵူၵ်း ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း။ ဝၼ်းတီႈ 20/3/2022 ၾႆးတႄႇမႆႈၼႂ်းဝၢၼ်ႈလူင် မွၵ်ႈ 4 မူင်းၵၢင်ၼႂ် ၶႄလႆႈလီငၢမ်းမွၵ်ႈ 5 မူင်းပၢႆ။ ၾႆးမႆႈႁိူၼ်းလူႉၵွႆတင်းမူတ်း 24 လင်။ ဢူးဢႃႇလုၼ်ႇ ၽူႈၵွၼ်းၸႄႈဝဵင်းမိူင်းသၢတ်ႇ လၢတ်ႈၽူႈတွႆႇႁွၵ်ႈဝႃႈ “ယၢမ်းလဵဝ်...

ၸၢႆးသႅၼ်ႁွမ် ဝူင်းတႆး လုၵ်ႈလၢင်းႁႅင်းၵၢၼ်တႆး လႆႈႁပ်ႉသူးရၢင်းဝလ်းၽူႈလဵၼ်ႈမၢၵ်ႇၼင်ၶႅၼ်ႇ (သွၵ်းတိၼ်ၶမ်း) ၵေႃႉႁႅၵ်ႈ တႃႇၼႂ်း ၸႄႈတွၼ်ႈၵဵင်းမႆႇ ၸိုင်ႈထႆး။ ပူၼ်ႉမႃး မိူဝ်ႈဝၼ်းတီႈ 21/3/2022 မီးပၢင်ပွႆးၶႅင်ႇပိတ်ႉမၢၵ်ႇၼင်မူၼ်း (Football) တီႈပၢင်လဵၼ်ႈမၢၵ်ႇၼင် (သၼၢမ်ၵီးလႃးသူးထဵပ်ႈ) ဢိူင်ႇသူးထဵပ်ႈ ၸႄႈဝဵင်းၵဵင်းမႆႇ ၸိုင်ႈထႆး။ ၸုမ်းပိတ်ႉမၢၵ်ႇၼင် ဝၶျိရႃႊလႆႊ ယူႊၼၢႆႊတဵတ်ႊ (ทีมวชิราลัย ยูไนเต็ด) လႆႈသူးရၢင်းဝလ်းထီႉၼိုင်ႈ  ၼႂ်းၸႄႈတွၼ်ႈၵဵင်းမႆႇ...

သၢႆၵၢၼ်မိၼ်ၶႄႇ  China Eastern ၶိူင်ႈမိၼ်မၢႆ Boeing 737  ဢၼ်တၢင်ႇၵူၼ်းမႃး 132 ၵေႃႉသေ တူၵ်းၵွႆၵႂႃႇၼၼ်ႉ ပႃးၵူၼ်းမိူင်းၼႂ်းဢိူင်ႇတႂ်ႈၶူင်း (ၼႃႈလိၼ်ၽွင်းငမ်းတူဝ်ၵဝ်ႇတႆး)   41 ၵေႃႉ ၊ ၼႂ်းၼၼ်ႉ ပႃးဢေတႆး( ယိင်းသၢဝ်တႆး)   4 ၵေႃႉ လူႉတၢႆမူတ်း။ ပူၼ်ႉမႃး မိူဝ်ႈဝၼ်းတီႈ 21/3/2022 ယၢမ်းၵၢင်ၼႂ်...

သိုၵ်းမၢၼ်ႈယိုတ်းမိူင်းမႃးၶၢဝ်းတၢင်းၼိုင်ႈပီၼႆႉ ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ ၽူႈလၵ်ႉလိူင်ႇၼမ်၊ ၸူဝ်ႈၾႆးၾႃႉၶၢတ်ႇတိၵ်းတိၵ်းၼႆႉ ၽိုၼ်းတႃႇႁုင်ၵိၼ်ႁုင်ယမ်ႉၵေႃႈ ယင်းၺႃးလၵ်ႉ ။ ယွၼ်ႉၾႆးၾႃႉၵႆႉမွတ်ႇလႄႈ ၵူၼ်းမိူင်းယၢပ်ႇၽိုတ်ႇတႃႇတူမ်ႈႁုင်မိုဝ်ႉၵႅင်၊ ၽိုၼ်းၵူၼ်းဝၢၼ်ႈ ဢၼ်တႅပ်းသေ မႃးၵွင်ဝႆႉ ၼႂ်းဝၢင်းႁိူၼ်း ၼႂ်းသူၼ်ၸိူဝ်းၼႆႉၵေႃႈၵႆႉႁၢႆ။    ၵူၼ်းတၢင်ႉယၢၼ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ပေႃးဝႃႈ ၾႆးၾႃႉ ဢမ်ႇမႃးၼႆၵေႃႈ လွင်ႈတူမ်ႈႁုင်ၵိၼ်ယႅမ်ႉၼႆႉ  ယၢပ်ႇၽိုတ်ႇမႃးႁႅင်းယဝ်ႉ။...

ဝူင်ႈပူၼ်ႉမႃးၼၼ်ႉ လႆႈပၢႆးၼႄ လွင်ႈဝႃႈ ရတ်ႊသျိူဝ်ႊလႄႈ တပ်ႉသိုၵ်းမၢၼ်ႈ တၢင်းႁၼ်ၶႆႈၸႂ်မိူၼ်ၵၼ် မိူၼ်ၼင်ႇမိူင်းရတ်ႊသျိူဝ်ႊမၢႆထိုင်ဝႃႈ မိူင်းႁိမ်းႁွမ်းမၼ်း မီးယူႇ 10 မိူင်းပၢႆပၢႆၸိူဝ်းၼၼ်ႉ ပဵၼ်ၼႃႈတီႈဢၼ်မၼ်းပိူင်ႇငမ်းၼႆၼၼ်ႉ။ ၸုမ်းသိုၵ်းမၢၼ်ႈၵေႃႈ မၢႆထိုင်ဝႃႈ မိူင်းတႆး၊ မိူင်း ၶၢင်၊ မိူင်းယၢင်း၊ ၶျၢင်း၊ မွၼ်း၊ ရၶႅင်ႇ ၸဵမ်ၸိူဝ်းၼႆႉ ပဵၼ်ၼႃႈတီႈၸၢဝ်းမၢၼ်ႈၶဝ် ပိူင်ႇငမ်း...

ပၢင်ၵုမ်လူင်ပၢင်လူင်ပွၵ်ႈၵမ်း 1 ဝၢႆးသိုၵ်းလူၵ်ႈပွၵ်ႈၵမ်း 2 ယဝ်ႉ ဢိင်းၵလဵတ်ႈၶဝ် ၶဝ်ႈမႃးႁုပ်ႈယိုတ်းဢဝ်မိူင်းမၢၼ်ႈလုမ်းလုမ်းသေ ၶိုၼ်းမႃးၵုမ်းၵမ်ဢဝ်မိူင်းတႆးယူႇၾၢႆႇတႂ်ႈလွင်ႈႁူမ်ႇလူမ်ႈ လူင်ပွင်ၸိုင်ႈမိူင်းဢိင်းၵလဵတ်ႈၶဝ်သေၽွင်းငမ်းမိူင်းမၢၼ်ႈမိူင်းတႆးဝႆႉယဝ်ႉ။ ၾၢႆႇတႂ်ႈလွင်ႈၵၢၼ်ၽွင်းငမ်းသိုၵ်းၼၼ်ႉ ဢဝ်ၸုမ်းၽွင်းငမ်း ၶႅတ်ႊသၿီႊ CAS(B) ဢၼ်ၽူႈဢွၼ်ႁူဝ်သိုၵ်းၶဝ် ဢွၼ်ႁူဝ်ၽွင်းငမ်းဝႆႉ ၶၢဝ်းယၢမ်းၼၼ်ႉႁွင်ႉဝႃႈ ပၢၼ်ၶႅတ်ႊသၿီႊ ၼႆယဝ်ႉ။ ၵၢၼ်ငၢၼ်းပိူင်လူင်ၶႅတ်းသၿီႊၵေႃႈ ပဵၼ်ပိူဝ်ႈတႃႇၸွႆႈထႅမ်ပူၵ်းပွင်ပၼ်ၶိုၼ်း ၵူၼ်းမိူင်းဢၼ်လႆႈထုၵ်ႇတူတ်ႈသိုၵ်းၼၼ်ႉယဝ်ႉ။ ယူႇၼႂ်းၵႄႈသိုၵ်းႁိပ်ႇသေၸဝ်ႈၾႃႉမိူင်းတႆး ၽူႈဢွၼ်ႁူဝ်ၵူၼ်းမိူင်းတႆးလႄႈၵူၼ်းမိူင်းတႆး ၸင်ႇဢွၼ်ၵၼ်တူင်ႉတိုၼ်ၵၢၼ်မိူင်းမႃး ယဝ်ႉ။ ၶေႃႈပိုၼ်ၽၢဝ်ႇတီႊႁီႊလၼ်ႊလႄႈ...

UNOCHA Myanmar ပိုၼ်ၽၢဝ်ႇမိူဝ်ႈဝၼ်းတီႈ 19/3/2022 ဝႃႈ ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး ပီပၢႆၼႆႉ ၵူၼ်းမိူင်းပတ်းပိုၼ်ႉမိူင်းမၢၼ်ႈ ဢၼ်လႆႈပၢႆႈယၢၼ်ႁိူၼ်းယေးတီႈယူႇ ယွၼ်ႉၽေးသိုၵ်းသိူဝ် မီးယူႇ 889,900 ၵေႃႉယဝ်ႉဝႃႈၼႆ။ သဵၼ်ႈမၢႆၼႆႉ ပဵၼ်ဢၼ်ၵဵပ်းလႆႈတေႃႇထိုင်ဝၼ်းတီႈ 14/3/2022 ။ ပေႃးပၢင်တိုၵ်းယဵၼ် သမ်ႉမီးၵူၼ်းၶိုၼ်းပွၵ်ႈယူႇႁိူၼ်းယေးဝၢၼ်ႈဢိူင်ႇၸဝ်ႈၵဝ်ႇၵေႃႈမီးလႄႈ သဵၼ်ႈမၢႆၸၢင်ႈမီး ၶိုၼ်ႈလူင်းဢိတ်းဢီႈဝႃႈၼႆဝႆႉ။ ၵူၼ်းပၢႆႈၽေးသိုၵ်းႁိမ်းၸမ် 9 သႅၼ်ၼႆႉ ပဵၼ်ၵူၼ်းမိူင်းၸႄႈၵႅင်းၼမ်လိူဝ်ပိူၼ်ႈမီး 195,300...

သိုၵ်းၵႅတ်ႇၶႄၵူၼ်းမိူင်း PDF မိူင်းယၢင်း ၵေႃႉၼိုင်ႈ ၶဝ်ႈပၢင်တိုၵ်းယိုဝ်းသိုၵ်းမၢၼ်ႈတၢႆ ၊ ဢဝ်လၢဝ်တီႈႁူဝ်မႃႇသိူဝ်ႈ သိုၵ်းမၢၼ်ႈၸိူဝ်းၼၼ်ႉ မႃးတိတ်းပႃႉဝႆႉတီႈသွၵ်းတိၼ်မၼ်း၊ ၼႄၾၢင်ႁၢင်ႈဢွင်ႇပေႉသိုၵ်းမၢၼ်ႈ၊ ၵူၼ်းၶိူဝ်းမၢၼ်ႈ  ၸိူဝ်းယူႇၼွၵ်ႈမိူင်းၸွႆႈၵၼ် ဢဝ်မႃးတမ်းဝၢင်းၶၢႆ  ၶဵင်ႇတႃႉၵၼ်သိုဝ်ႉ ယၢမ်းလဵဝ်ၵႃႈၶၼ်သုင်ထိုင် 10000 တေႃႊလႃႊယဝ်ႉ။ သိုၵ်းၵႅတ်ႇၶႄၵူၼ်းမိူင်း PDF ၸဝ်ႈၶွင်သွၵ်းတိၼ်ၵူႈၼႆႉ ၸိုဝ်ႈႁွင်ႉ ၵူဝ်ႇလၢတ်ႉ၊ ပဵၼ်ၵူၼ်းၼုမ်ႇဢၼ်ဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈသေ သိုၵ်းမၢၼ်ႈ လိုပ်ႈလမ်း...

ႁူင်းႁဵၼ်း ၸိူဝ်ႉၸၢတ်ႈ တီႈဢိူင်ႇထုင်ႉယိူင်း  ၺႃးယႃႉၶူဝ်းၶွင်ႁူင်းႁဵၼ်း၊ ၵူၼ်းဝၢၼ်ႈဝႃႈ ၸုမ်းသိုၵ်းပွတ်းႁွင်ႇ မႃးပၵ်းသဝ်း သေ ယႃႉ လႄႈ တေတႅမ်ႈသဵၼ်ႈမၢႆသေ သူင်ႇၸူးထိုင်  ၽူႈယႂ်ႇၵူၼ်းလူင်ၶဝ်ႁႂ်ႈ ၸွႆႈထႅမ်ပၼ်ၶိုၼ်းဝႃႈၼႆ။ ႁူင်းႁဵၼ်းၸိူဝ်ႉၸၢတ်ႈ ၸၼ်ႉငဝ်ႈ တီႈဢိူင်ႇထုင်ႉယိူင်း ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်းၼႆႉ  ပိၵ်ႉဢိုတ်းမႃး မီးၶၢဝ်းတၢင်း 20 ဝၼ်းယဝ်ႉသေ  တေဢၢၼ်းပိုတ်ႇၶိုၼ်း...

ၵူၼ်းၸၢႆးၵေႃႉၼိုင်ႈ ယူႇဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းၸိုဝ်ႈလိုဝ်းလင်ဝႃႈပဵၼ် ၵူၼ်းသူင်ႇၶၢဝ်ႇပၼ်သိုၵ်းမၢၼ်ႈ ၻလၢၼ်ႇ ၼႆသေ ၺႃးၵူၼ်းၸုမ်းၼိုင်ႈမႃးၽဝ်ႁိူၼ်းယေး မၼ်း၊ သိုၵ်းမၢၼ်ႈသမ်ႉမႃးယိုဝ်းၸွႆႈလႄႈပဵၼ်ပၢင်တိုၵ်းၼႂ်းဝၢၼ်ႈ၊ ၵူၼ်းဝၢၼ်ႈပၢႆႈၽေးသိုၵ်း ၵႂႃႇသွၼ်ႈယူႇၸွမ်းထိူၼ်ႇ။ မၼ်းၸၢႆးၸိုဝ်ႈ ဢူးၸူဝ်းမျိၼ်ႉ ယူႇဝၢၼ်ႈ ပႄးယိၼ်းတွင်ႇ ဝဵင်းယႂႃႇငၢၼ်ႇ ။ ဝၼ်းတီႈ 20/3/2022 ယၢမ်းၵၢင်ၶမ်ႈ မီးၵူၼ်းၸုမ်းၼိုင်ႈၶဝ်ႈၽဝ်ႁိူၼ်းဢူးၸူဝ်းမျိၼ်ႉ။ သိုၵ်းမၢၼ်ႈသမ်ႉမႃးယိုဝ်း၊ ၵူၼ်းၼုမ်ႇၶိုၼ်းယိုဝ်းတွပ်ႇလႄႈ ပဵၼ်ပၢင်တိုၵ်းၵၼ်မွၵ်ႈၶိုင်ႈၸူဝ်ႈမူင်း။ ၵူၼ်းယႂႃႇငၢၼ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

ၵိင်ႇမႆႉႁုင်း ႁၢၵ်းတူၵ်းသႂ်ႇ ၵူၼ်းမႃးၶၢႆၶူဝ်း  ပွႆးလိူၼ်သီႇ ဝဵင်းၼမ်ႉလၼ်ႈ လူႉတၢႆၵေႃႉၼိုင်ႈ မၢတ်ႇၸဵပ်း 2 ၵေႃႉ ။ မိူဝ်ႈဝႃး ဝၼ်းတီႈ 20/3/2022 ယၢမ်းၵၢင်ၶိုၼ်း 12 မူင်း   တီႈပွႆးလိူၼ်သီႇ ဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸႄႈ တွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵိင်ႇမႆႉႁုင်း ႁၢၵ်းတူၵ်းသႂ်ႇၵူၼ်းမႃးၶၢႆၶူဝ်းၼႂ်းပွႆး၊ တူၵ်းတဵင်သႂ်ႇၵူၼ်းၸၢႆး...

ၸွမ်ၽွင်းလူင် ၸႄႈမိူင်းတႆးဢၼ်သိုၵ်းမၢၼ်ႈတႅင်ႇတင်ႈၸၼ်ၸိူၵ်ႈၵုမ်းၵမ်ၼၼ်ႉ မႃးတႃႇၶီႈလဵၵ်း၊ ၾၢႆႇၽွင်းငမ်း သင်ႇႁၢမ်ႈၵူၼ်းမိူင်းတႃႈၶီႈလဵၵ်း ဢွၵ်ႇၶၢႆၶူဝ်းၶွင်ၵိၼ်ယမ်ႉႁိမ်းၶၢင်ႈတၢင်းတႃႇ 3 ဝၼ်း ၵူၼ်းမိူင်း ယၢပ်ႇၽိုတ်ႇ တႃႇႁႃ ၵိၼ်လဵင်ႉတွင်ႉ။ ဝၼ်းတီႈ 20-22/3/2022 ၸဝ်ႈႁၢၼ်ႉၶၢႆၶူဝ်းၵုၼ်ႇ၊ ၶိူင်ႈၸႂ်ႉတိုဝ်း၊ ၶွင်ၵိၼ်ယႅမ်ႉ ဢၼ်ပိုတ်ႇၶၢႆၸွမ်းႁိမ်းၶူဝ်မိုတ်ႈၵိုဝ်းမၢႆ 1 တင်း မၢႆ 2 လႄႈ၊  ၸွမ်းႁိမ်းၶၢင်ႈတၢင်းလူင် ၼႂ်းဝဵင်းတႃႈၶီႈလဵၵ်း...

ၵူၼ်းမိူင်း ယၢင်းလႅင်၊ မိူင်းပၢႆး၊ ၾၢႆၶုၼ် ႁူဝ်ၵူၼ်း 300 ပၢႆ ဢၼ်ပၢႆႈမႃးသွၼ်ႈဝႆႉတီႈဝၢၼ်ႈၼွင်ထဝ်ႈ ၸႄႈဝဵင်းသီႇသႅင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ လူဝ်ႇတၢင်းၸွႆႈထႅမ်တၢင်းၵိၼ်ႁႅင်ႈလႄႈ ၽၵ်းၶဵဝ် တင်းၼမ် မၢင်ၵေႃႉ ထိုင်တီႈပေႃးလႆႈလူင်း ၵႂႃႇလူႇၶၢမ်ႇ ၽႅဝ်ၼႂ်းၶူးၼႂ်းဝဵင်း ၼႂ်းၵၢတ်ႇ ၸိူဝ်းၼႆႉ ၵေႃႈမီး။   ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝၢၼ်ႈၼွင်ထဝ်ႈ...

ၾႆးမႆႈႁိူၼ်း  လင်ၼိုင်ႈ တီႈပွၵ်ႉပျီႇတေႃႇတေႃႇ ဝဵင်းတူၼ်ႈတီး လုၵ်ႈဢွၼ်ႇယိင်း 3 ၵေႃႉဢမ်ႇတၼ်းဢွၵ်ႇပူၼ်ႉ ၵႅၼ်ႉၵႂၼ်းၾႆးသေလူႉတၢႆ။ မိူဝ်ႈဝႃး ဝၼ်းတီႈ 20/3/2022 ယၢမ်းၵၢင်ၶိုၼ်း 12 မူင်းပၢႆ ၾႆးမႆႈႁိူၼ်းယေး ၵူၼ်းဝၢၼ်ႈ လင်ၼိုင်ႈ တီႈပွၵ်ႉပျီႇတေႃႇတႃႇ ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ ၶမ်ႈဝႃးၾႆးၾႃႉၶၢတ်ႇတၢင်းၶမ်ႈ။ ၽွင်းၾႆးၾႃႉၶိုၼ်းမႃး ၾႆးၾႃႉသျွတ်ႉသေ...

ဝၼ်းတီႈ 18/3/2022 မိူဝ်ႈဝႃးယၢမ်းၵၢင်ၶမ်ႈမွၵ်ႈ 8 မူင်း ၽူႈၸၢႆးၵေႃႉၼိုင်ႈ ယူႇပွၵ်ႉလွႆဝႄႈ ဝဵင်းမိူင်းၼၢႆး ၺႃးၵူၼ်းဢမ်ႇႁူႉၾၢႆႇ ၶီႇရူတ်ႉၶိူင်ႈမႃးယိုဝ်းထိုင်တီႈႁိူၼ်းယေးမၼ်းၸၢႆးလႄႈ လူႉတၢႆထင်တီႈ။ ၵူၼ်းမိူင်းၼၢႆးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ ၵေႃႉၺႃးယိုဝ်းၼၼ်ႉ ၸိုဝ်ႈမၼ်းႁွင်ႉဝႃႈ ၸၢႆးဢၢႆႈၶျူင်း ၼႆဢေႃႈ။ ဢႃယုမီးမွၵ်ႈ 40 ပီ။  ႁိူၼ်းၶဝ်ယူႇႁိမ်းႁူင်းယႃ  တီႈပွၵ်ႉလွႆဝႄႈ ။ ႁိူၼ်းၶဝ်သမ်ႉယူႇၵႆပိူၼ်ႈ  သမ်ႉမီးၼႂ်းၸွၵ်ႉဢိတ်းဢိတ်းၶႃႈၼေႈ။ မွၵ်ႈ...