ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇမီးပၢင်တေႃႇလွင်းၼမ်ၽွင်းသိုၵ်းမၢၼ်ႈ ယိုတ်းမိူင်းမႃးၶၢဝ်းတၢင်းပီပၢႆ ၊ ပလိၵ်ႈ/ သိုၵ်းမၢၼ်ႈႁၼ်ယူႇၵေႃႈဢမ်ႇတီႉၺွပ်း၊ တိုၼ်း တင်ႈၸႂ်ပွႆႇဝႆႉ ဢမ်ႇဢဝ်လိူင်ႈဢဝ်လၢဝ်းသင်။ တႄႇဢဝ် ႁူဝ်ပီ 2022 ၼႆႉမႃး  တီႈၾင်ႇၼမ်ႉမႄႈႁူၵ်ႈ တီႈဢၼ်ၵူၼ်းမိူင်းမႃးဢႅဝ်ႇယဵမ်ႈလိုဝ်ႈႁိူဝ်ႉလိုဝ်ႈၸႂ်လႄႈတင်း တီႈဝတ်ႉတေႃႇၵေႃႉၼွၵ်ႈ ၼႂ်းၸႄႈဝဵင်းတႃႈၶီႈလဵၵ်းမီးပၢင်တေႃႇလွင်း  ၵူၼ်းမိူင်းၵႂႃႇလဵၼ်ႈ ၵိုၼ်းၶွၼ်ႈၵူႈၶၢဝ်း။  လွင်ႈၼႆႉ ပလိၵ်ႈ/ သိုၵ်းမၢၼ်ႈ ႁူႉ/ႁၼ်ယူႇၵေႃႈ ဢမ်ႇဝႃႈသင် ဢမ်ႇတီႉၺွပ်းသင်...

တႄႇဢဝ်ပီ 2020 မႃးၼႆႉ လွင်ႈၸတ်းႁႅၼ်းပၢင်ႁူတ်းၼမ်ႉၽွင်းသၢင်းၵျၢၼ်ႇ ၶႂ်ႈၵိၼ်းမႃး။ ယွၼ်ႉလူဝ်ႇႁႄႉၵင်ႈၵၢၼ်ၸပ်းၽႄႈ ၶူဝ်းဝိတ်ႉ (Covid 19) ၵၼ်။ မိူၼ်ဝၢၼ်ႈတီႈၶႃႈယူႇပဵင်းလူင်ၼႆၵေႃႈ ၵူႈပီၵႆႉမီးပၢင်လမ်ႁူဝ် ၵူၼ်းထဝ်ႈၵူၼ်းၵႄႇ လႆႈၵိုတ်းၵႂႃႇပႅတ်ႈ။ ယွၼ်ႉၼၼ် လီလႆႈဝူၼ်ႉၶႆႈႁႃတၢင်းဝႃႈ ထုၵ်ႇလီမၵ်းမၢႆ သၢင်းၵျၢၼ်ႇၸိူင်ႉႁိုဝ် ၼၼ်ႉယဝ်ႈ။ ဢွၼ်တၢင်းသုတ်းတႄႉ လီဢွၼ်ၵၼ် ၶူၼ်ႉၶႆႈႁႃၶိုၼ်းဝႃႈ သၢင်းၵျၢၼ်ႇၸွင်ႇထုၵ်ႇ မႅၼ်ႈၸွမ်းၵႂၢမ်းသင်ႇသွၼ်ပုတ်ႉထၸဝ်ႈႁဝ်း။ လွင်ႈမၼ်းတႄႉ မီးယူႇဝႃႈ သၢင်လူင်...

ၶွင်ႇသီႇသိုၵ်းမၢၼ်ႈ ယိုတ်းမိူင်း ထႅမ်ႁႅင်းသိုၵ်း မုင်ႈၸူးတၢင်းမိူင်းၵူဝ်းထႅင်ႈ ဢဵၼ်ႁႅင်း ဢမ်ႇယွမ်း 200 ၵူၼ်းမိူင်းပိုၼ်ႉတီႈမႆႈၸႂ် ၵူဝ်ပဵၼ်ပၢင် တိုၵ်းထႅင်ႈ ႁၢဝ်ႈႁႅင်း။ မိူဝ်ႈဝႃး ဝၼ်းတီႈ 11/4/2022 သိုၵ်းမၢၼ်ႈ တပ်ႉမ 77 တင်း တပ်ႉမ 99 လုၵ်ႉတၢင်းလႃႈသဵဝ်ႈ မုင်ႈၸူးတၢင်း ၵိင်ႇၽႄၸႄႈဝဵင်းမိူင်းၵူဝ်း ၸႄႈ တွၼ်ႈမူႇၸေႊ...

သိုၵ်းမၢၼ်ႈ ၸီႉသင်ႇ ၸူးၽူႈၵွၼ်းပွၵ်ႉ ၼႂ်းဝဵင်းတူၼ်ႈတီး ႁႂ်ႈသူင်ႇၵူၼ်းၼႂ်းပွၵ်ႉၽႂ်မၼ်း  ၼိုင်ႈယွမ်ႇ (နယ်မြေ) လႂ် 25 ၵေႃႉ ႁႂ်ႈၶဝ်ႈႁူမ်ႈၸွမ်း ၼႂ်းဝၼ်းပိုတ်ႇပၢင်လႄႈ ဝၼ်းပိၵ်ႉပၢင်ပွႆးသွၼ်းၼမ်ႉ။ ပွႆးသွၼ်းၼမ်ႉ လိူၼ်ႁႃႈ တီႈၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼႆႉ တေၸတ်းႁဵတ်းတီႈၶဵင်ႇႁူတ်းၼမ်ႉ လဝ်ႇမူၼ်ႈ(မၢၼ်ႇတၢပ်ႈ) လူင်  ၼႂ်းၵႄႈလုမ်းသၽႃးၸႄႈမိူင်းတႆးတင်း လုမ်းလူင်ပွင်ၸိုင်ႈမိူင်းတႆး တီႈပွၵ်ႉပႃႇမႆႉ (သစ်တောရပ်ကွက်) ၼၼ်ႉ...

မိူဝ်ႈၼႆႉ ဝၼ်းတီႈ 11/4/2022 ယၢမ်းႁူဝ်ၶမ်ႈ မွၵ်ႈ 6 မူင်းပၢႆ   ၽူႈၸၢႆးသွင်ၵေႃႉ ပႃးၵွင်ႈပႃးလႅဝ်းသေ ၶဝ်ႈၸူၼ် ႁိူၼ်းယေးၵူၼ်း ဝၢၼ်ႈ တီႈပွၵ်ႉၸၢၼ်း ဝဵင်းမူႇၸေႊ ၸိုင်ႈတႆးပွတ်းႁွင်ႇ ၸူၼ်လႆႈၵႂႃႇတိူၵ်ႈငိုၼ်းသွင်တိူၵ်ႈ ၼႆယဝ်ႉ။ ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ၵႂႃႇမိူဝ်ႈၵႆႈ ယၢမ်း 6 မူင်းပၢႆၼႆႉၵူၺ်း။...

သိုၵ်းမၢၼ်ႈလႄႈ သိုၵ်းၵႅတ်ႇၶႄၵူၼ်းမိူင်း PDF ပိုတ်းယိုဝ်းၵၼ်တီႈဝၢၼ်ႈလႂႃႉၸဵၼ်ႇ ဝဵင်းယႂႃႇငၢၼ်ႇၸိုင်ႈတႆးပွတ်းၸၢၼ်း၊   ဝၢႆးပၢင်တိုၵ်းယဝ်ႉသိုၵ်းမၢၼ်ႈလိုပ်ႈလမ်းတီႉၺွပ်းၵူၼ်းၼုမ်ႇၼႂ်းဝဵင်း။ ပၢင်တိုၵ်းၼႆႉပဵၼ်မိူဝ်ႈဝၼ်းတီႈ 9/4/2022 ယၢမ်းဝႆၢးဝၼ်းမွၵ်ႈ 4 မူင်း။ ၾၢႆႇသိုၵ်းမၢၼ်ႈ လူႉတၢႆ 4 ၵေႃႉ ၊ သိုၵ်းၵႅတ်ႇၶႄၵူၼ်းမိူင်းဢမ်ႇမီးလွင်ႈမၢတ်ႇၸဵပ်းလူႉတၢႆ။ ၵူၼ်းၸမ်ၸႂ်သိုၵ်းၵူၼ်းမိူင်း PDF တၢင်းဝဵင်းယႂႃႇငၢၼ်ႇလၢတ်ႈတီႈၽူႈတွႆႇႁွၵ်ႈဝႃႈ-“ၸုမ်းPDF ၵႂႃႇပႂ်ႉတီႈႁိမ်းဝၢၼ်ႈ လႂႃႇၸဵၼ်ႇလႄႈ ဝၢၼ်ႈတွင်ႇပူဝ်ႇၵႂၢႆး တီႈသဵၼ်ႈတၢင်းရူတ်ႉၵႃးသိုၵ်းမၢၼ်ႈတေမႃးသေ ပႂ်ႉယိုဝ်းၶႃႈဢေႃႈ။ သိုၵ်းမၢၼ်ႈတၢႆ...

ၸွမ်ၸိၵ်းသိုၵ်း မိၼ်းဢွင်ႇလၢႆႇ ႁူဝ်ပဝ်ႈၶွင်ႇသီႇသိုၵ်းမၢၼ်ႈယိုတ်းမိူင်း  ႁွတ်ႈထိုင်ဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၵႂႃႇတူၺ်းလွင်ႈၵေႃႇသၢင်ႈႁေႃလူင် ၸဝ်ႈၾႃႉ မိူင်းသႅၼ်ဝီ   ၵူၼ်းပိုၼ်ႉတီႈလၢတ်ႈ။ ဝၼ်းတီႈ 9/4/2022 ယၢမ်းၵၢင်ၼႂ် ၸွမ်ၸိၵ်းသိုၵ်း မိၼ်းဢွင်ႇလၢႆႇ မႃးသူႇၸႂ်း တူၺ်း လွင်ႈၵေႃႇသၢင်ႈႁေႃလူင် ၸဝ်ႈၾႃႉ ၶုၼ်သၢင်ႇတူၼ်ႈႁုင်း တီႈပွၵ်ႉ 3 ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ၊  ၼႅတ်ႈထိုင်သေ...

ၾႆးမႆႈႁိူၼ်း တီႈပွၵ်ႉ 7 ဝဵင်းလႃႈသဵဝ်ႈ ၶူဝ်းၶွင်ၼႂ်းႁိူၼ်းယေး ဢမ်ႇတၼ်းလႆႈသင် လူႉသုမ်းၸွမ်းၾႆး မွၵ်ႈၶၼ်ငိုၼ်း 150 သႅၼ်ပၢႆ လွင်ႈမၢတ်ႇၸဵပ်းလူႉတၢႆတႄႉ ဢမ်ႇမီး။ မိူဝ်ႈဝႃး ဝၼ်းတီႈ 10/4/2022 ယၢမ်းၵၢင်ၼႂ် မွၵ်ႈ 7 မူင်း ၾႆးမႆႈႁိူၼ်းယေးၵူၼ်းဝၢၼ်ႈ တီႈပွၵ်ႉ 7 သဵၼ်ႈတၢင်းယၢၼ်ႇၵိၼ်း  (ရန်ကင်း လမ်း)...

ၾၢႆႇလိူမ်ႈလႆႇ ၸႄႈဝဵင်းႁူဝ်ပူင်း  ၵဵပ်းငိုၼ်း တီႈၵူၼ်းၶၢႆၼႂ်းၵၢတ်ႇလႄႈ ၸဝ်ႈၶွင်ႁၢၼ်ႉၶၢႆၶူဝ်းၶွင်ၸွမ်းၶၢင်ႈတၢင်း ႁၢဝ်ႈႁႅင်း တႃႇၸတ်းႁဵတ်း ၶဵင်ႇလဝ်ႇမူၼ်ႈၵႃႈဝႅၼ်မူၼ်ႈသိူဝ်း ၽွင်းၶၢဝ်းသွၼ်းၼမ်ႉ လိူၼ်ႁႃႈၼႆႉ ဝႃႈၼႆ။ တႄႇဢဝ်ဝၼ်းတီႈ 7/4/2022 ၼႆႉမႃး ယူႇတီႈၾၢႆႇလိူမ်ႈလႆႇ ၸႄႈဝဵင်းႁူဝ်ပူင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း  ၵဵပ်းငိုၼ်းၸွမ်းႁၢၼ်ႉၶၢႆၶူဝ်း ၼႂ်းၵၢတ်ႇလူင်  ၵဵပ်းပႃးႁၢၼ်ႉၶၢႆၶူဝ်း ၸွမ်းၶၢင်ႈတၢင်းလူင် ၸိူဝ်းၼႆႉ၊ ဢိင်ၼိူဝ်ႁၢၼ်ႉယႂ်ႇ/လဵၵ်ႉသေ ၵဵပ်း ...

ၼႃႈၽွင်းပွႆးသွၼ်းၼမ်ႉ လိူၼ်ႁႃႈၼႆႉ ၶွင်ႇသီႇသိုၵ်းမၢၼ်ႈ ယိုတ်းမိူင်း ပႂ်ႉၵူတ်ႇထတ်းၸႅတ်ႈထၢမ်ၵႃး /ရူတ်ႉၶိူင်ႈ တၢင်းၶဝ်ႈဢွၵ်ႇဝဵင်းတူၼ်ႈတီး ႁၢဝ်ႈႁႅင်း မၢင်ပွၵ်ႈပၢႆႁိုတ်းထႃႉလႃႇပႃးၸဝ်ႈၵႃးလႄႈၵူၼ်းၵႂႃႇမႃးထႅင်ႈ  ႁဵတ်းႁႂ်ႈၵူၼ်းမိူင်းၵႂႃႇမႃးယၢပ်ႇၽိုတ်ႇ။ ၶၢဝ်းတၢင်း 2-3 ဝၼ်းမႃးၼႆႉ တီႈၵဵၵ်ႉတၢင်းၶဝ်ႈဢွၵ်ႇ တူၼ်ႈတီး - ႁူဝ်ပူင်း ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း သိုၵ်းမၢၼ်ႈ ပလိၵ်ႈမၢၼ်ႈ ပႂ်ႉၵူတ်ႇထတ်း  ရူတ်ႉၵႃး/ ရူတ်ႉၶိူင်ႈ ထၢမ်...

ပွႆးလူႇတၢၼ်းသွမ်းသၢၼ် တီႈဝဵင်းမူႇၸေႊ ၽူႈၵွၼ်းၸႄႈတွၼ်ႈ တႂ်ႈၶွင်ႇသီႇသိုၵ်းမၢၼ်ႈ ၵုမ်းၵမ် ၸီႉသင်ႇ ၵူၼ်းမိူင်းႁႂ်ႈလူႇတၢၼ်းသႂ်ႇငိုၼ်း 1 ပွၵ်ႉတေဢမ်ႇလႆႈယွမ်း 10 သႅၼ်ပျႃး။   မိူဝ်ႈဝၼ်းတီႈ 9/4/2022 ယၢမ်းဝၢႆးဝၼ်း 1 မူင်းထိုင် 4 မူင်းပၢႆ ယူႇတီႈၽူႈၵွၼ်းၸႄႈတွၼ်ႈမူႇၸေႊ ဢွၼ်ႁူဝ်  ၸတ်းႁဵတ်းပွႆးလူႇတၢၼ်း သွမ်းသၢၼ် တီႈပၢင်ႇႁိူဝ်းမိၼ်ၵဝ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။...

  ·မိူဝ်ႈၼႆႉဝၼ်းတီႈ 8/4/2022 ယၢမ်းႁူဝ်ၶမ်ႈမွၵ်ႈ 4 မူင်းၶိုင်ႈ မၢၵ်ႇတႅၵ်ႇသႂ်ႇတီႈၶဵင်ႇမၢၼ်ႇတၢပ်ႈ (ၶဵင်ႇလဵၼ်ႈၼမ်ႉသၢင်းၵျၢၼ်ႇ) ဢၼ်သိုၵ်းမၢၼ်ႈတိုၵ်ႉၸႂ်ႉသၢင်ႈဝႆႉတီႈၵၢင်ဝဵင်းတႃႈၵုင်ႈ။ တီႈႁိမ်းၶဵင်ႇဢၼ်တိုၵ်ႉၵေႃႇသၢင်ႈဝႆႉတီႈႁူင်းႁေႃးလူင်ၵၢင်ဝဵင်းတႃႈၵုင်ႈၼၼ်ႉ မီးရူတ်ႉၵႃးသိုၵ်းလမ်းၼိုင်ႈၵိုတ်းဝႆႉ။ သိုၵ်းမၢၼ်ႈၵေႃႈမီးဝႆႉႁိမ်းၼၼ်ႉၽွင်ႈ။ မၢၵ်ႇတႅၵ်ႇတီႈႁိမ်းၵႃးသိုၵ်းမၢၼ်ႈၼၼ်ႉလႄႈႁဵတ်းႁႂ်ႈၵူၼ်းယူႇႁိမ်းႁွမ်းၼၼ်ႉတူၵ်းၸႂ်ၵူဝ်ႁႄလႅၼ်ႈပၢႆႈၵေႃႉႁူးၵေႃႉတၢင်း၊ ၵမ်ႈၽွင်ႈလႅၼ်ႈၶဝ်ႈၼႂ်းဝၢင်းႁူင်းႁေႃးၵၢင်ဝဵင်း(မဵဝ်ႉတေႃႇၶၢၼ်းမ) ၼၼ်ႉ - ၵူၼ်းႁၼ်သိုဝ်ႈၼႃႈတၼ်းတႃၵေႃႉၼိုင်ႈလၢတ်ႈ။ မၢၵ်ႇၼၼ်ႉပဵၼ်ၽႂ်မႃးဝၢင်းတႄႉဢမ်ႇႁူႉ။ ဝၢႆးလင်မၢၵ်ႇတႅၵ်ႇယဝ်ႉ သိုၵ်းမၢၼ်ႈ ပိၵ်ႉဢိုတ်းသဵၼ်ႈတၢင်းသေၵူတ်ႇထတ်းၵူၼ်းၸိူဝ်းၵႂႃႇမႃး- ၵူၼ်းႁၼ်တႂ်ႈၼႃႈတၼ်းတႃၼၼ်ႉလၢတ်ႈ။ ဝၢႆးလင်မၢၵ်ႇတႅၵ်ႇယဝ်ႉသေ ၸုမ်းသိုၵ်းမုတ်းဝဵင်းတႃႈၵုင်ႈ Dark Shadow(YGN) ပိုၼ်ၽၢဝ်ႇတီႈၼႃႈလိၵ်ႈၶၢဝ်ႇၶဝ်ဝႃႈ ပဵၼ်ၼမ်ႉမိုဝ်းၶဝ်။...

ၸႄႈဝဵင်းမိူင်းလႃး ၼႃႇလိၼ်ၶိုၵ်ႉတွၼ်း မၢႆ 4  ၵူတ်ႇထတ်းတၢင်းပဵၼ်ၶူဝ်ႊဝိတ်ႉ 19 ပၼ်ၵူၼ်းမိူင်းၵူႈၵေႃႉ ယဝ်ႉတူဝ်ႈလီငၢမ်းသေ ပိုတ်ႇပၼ်ၶိုၼ်းဢၼ်  Lockdown  ႁၢမ်ႈၵူၼ်းၶဝ်ႈဢွၵ်ႇဝဵင်းမႃးၶၢဝ်းတၢင်း 10 ဝၼ်း။ ၼႂ်းဝၼ်းတီႈ 6-7/4/2022 ၼႆႉ  ၸုမ်းၾၢႆႇၵႅတ်ႇၶႄ ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ၸႄႈဝဵင်းမိူင်းလႃး  ၵူတ်ႇထတ်းတၢင်းပဵၼ် ၶူဝ်ႊ ဝိတ်ႉ 19 ပၼ်ၵူၼ်းမိူင်းၼႂ်းဝဵင်းမိူင်းလႃးၵူႈၵေႃႉ...

သိုၵ်းမၢၼ်ႈ ယိုတ်းမိူင်း ၶိုင်ၸတ်းပွႆးသွၼ်းၼမ်ႉ ၵၢင်ဝဵင်းၵဵင်းတုင်ၶိုၵ်ႉယႂ်ႇ ႁဵတ်း ၶဵင်ႇႁူတ်းၼမ်ႉ/ မၢၼ်ႇတၢပ်ႈ ယႂ်ႇလူင် တီႈႁေႃၼႃႇလီႇ ၵၢင်ဝဵင်း ။ ၵူၼ်းၼုမ်ႇၵဵင်းတုင်ဢႃယုမွၵ်ႈ 30 ပီ ဢၼ်ပိုတ်ႇႁၢၼ်ႉၶၢႆၶူဝ်းဝႆႉၵေႃႉၼိုင်ႈတႄႉလၢတ်ႈဝႃႈ သိုၵ်းမၢၼ်ႈၶႂ်ႈၼႄဝႃႈ ဝၢၼ်ႈမိူင်းဢမ်ႇမီးလွင်ႈသုၵ်ႉယုင်ႈ ၵုမ်းငဝ်းလၢႆးလႆႈလီငၢမ်းယဝ်ႉ - ၼႆၵူၺ်း ဝႃႈၼႆ ။     “ပီၼႆႉႁဵတ်းဢေႃႈ ၶဝ်တေၸတ်းယႂ်ႇလူင် ၶိုၵ်ႉၶႅမ်ႉၼႆၶႃႈ။ ယၢမ်းလဵဝ်...

မိူဝ်ႈၼႆႉ ဝၼ်းတီႈ 8/4/2022 တႄႇဢဝ် ယၢမ်းၵၢင်ၼႂ်မွၵ်ႈ 10 မူင်း သိုၵ်းတဢၢင်း TNLA ဢဝ်ၵႃးသိုၵ်းၶဝ်မႃးပႂ်ႉ   ၵဵပ်းၶွၼ်ႇတီႈၸဝ်ႈၵႃး ၼိူဝ်သဵၼ်ႈတၢင်းလူင် ၼႂ်းၵႄႈၼမ်ႉၵူတ်ႉ - ၼွင်သူၺ် ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၼႆ ယဝ်ႉ။ ၵူၼ်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၶဝ်ပႃးၵွင်ႈၸေးမိုဝ်းသေ...