ၶၢဝ်ႇ

ၼၢင်းယိင်း ဢႃယု 43 ပီ ၺႃးၵူၼ်းဢမ်ႇႁူႉၾၢႆႇ ယိုဝ်းတၢႆ ထင်တီႈၼႂ်းႁိူၼ်း တီႈဝၢၼ်ႈၼွင်ဝူဝ်း ၸႄႈဝဵင်းလွၵ်ႉၸွၵ်ႇ။ ဝၼ်းတီႈ 10/11/2019 ယၢမ်းႁူဝ်ၶမ်ႈမွၵ်ႈ 6 မူင်းၼၼ်ႉ ၼၢင်းၶမ်းၸိင်ႇ ဢႃယု 43 ပီ ၺႃးယိုဝ်းတၢႆထင်တီႈ တီႈႁိူၼ်းယေး ဝၢၼ်ႈၼွင်ဝူဝ်း ဢိူင်ႇၼွင်ဝူဝ်း ၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း။ ပီႈၼွင်ႉၸမ်ၸႂ် ၼၢင်းၶမ်းၸိင်ႇ...

ၵူၼ်းမိူင်းၵေးသီး ႁူမ်ႈၵၼ်တၢင်ႇပၢႆႉ ၸိုဝ်ႈၵၢတ်ႇလူင် ၵေးသီးဢၼ်ပႃးၽႃသႃလိၵ်ႈတႆး တူဝ်မူၼ်းလႄႈ လိၵ်ႈမၢၼ်ႈ သွင် ၽႃသႃဝႆႉ ဝႃႈၼႆ။ ဝၼ်းတီႈ 10/11/2019 ၵူၼ်းမိူင်းၵေးသီး ၽူႈတႅၼ်းသၽႃးလႄႈ ၾၢႆႇလိူမ်ႈလႆႇ ႁူမ်ႈၵၼ်သေ တၢင်ႇပၢႆႉတၢင်းၶဝ်ႈဢွၵ်ႇ ၵၢတ်ႇလူင် ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။ တီႈပၢႆႉၵၢတ်ႇၼၼ်ႉ တႅမ်ႈဝႆႉၽႃသႃတႆးဝႃႈ“ ၵၢတ်ႇလူင် ဝဵင်းၵေးသီး” တၢင်းၽႃသႃမၢၼ်ႈသမ်ႉ...

သိုၵ်းလူင်ပွင်ၸိုင်ႈမၢၼ်ႈ ၶိုၼ်ႈလေႃႇတပ်ႉၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/ SSA ၼႂ်းၸႄႈဝဵင်း မိူင်းၵိုင် ၸႄႈတွၼ်ႈလွႆလႅမ် ၼၼ်ႉ လၢႆလၢႆၵမ်း လႄႈ သွင်ၾၢႆႇ မီးလွင်ႈတုမ်ႉတိူဝ်ႉၵၼ် တိုၵ်းယိုဝ်းၵၼ်။ ဝၼ်းတီႈ 9/11/2019 ယၢမ်းဝၢႆးဝၼ်း/တၢမ်းၶမ်ႈၼၼ်ႉ သိုၵ်းမၢၼ်ႈ တပ်ႉၵွင် 575 ႁႅင်းသိုၵ်း 40 ပၢႆ ၶိုၼ်ႈၵႂႃႇတူင်ႉၼိုင် တၢင်းၼိူဝ်လွႆ...

ၾႆးမႆႈႁိူၼ်း ပီႈၼွင်ႉမၢၼ်ႈသူႈ ၸႄႈဝဵင်းလႃႈသဵဝ်ႈ လင်ၼိုင်ႈ၊ ပဵၼ်ၽွင်းၸဝ်ႈႁိူၼ်းဢမ်ႇယူႇလႄႈ ဢမ်ႇမီးလွင်ႈမၢတ်ႇ ၸဵပ်းလူႉတၢႆ။ ဝၼ်းတီႈ 11/11/2019 ယၢမ်းၵၢင်ၼႂ် မွၵ်ႈ 6 မူင်းပၢႆၼၼ်ႉ ၾႆးမႆႈႁိူၼ်းၵူၼ်းဝၢၼ်ႈ မၢၼ်ႈသူႈ ပွၵ်ႉ 12 ၸႄႈဝဵင်း လႃႈသဵဝ်ႈ ၸိုင်ႈတႆးပွတ်းႁွင်ႇ။ ၼၢင်းၸၢမ် ၵူၼ်းမၢၼ်ႈသူႈ လၢတ်ႈတီႈၽူႈတွႆႇႁွၵ်ႈဝႃႈ “လွင်ႈၵူၼ်း တၢႆမၢတ်ႇၸဵပ်းတႄႉဢမ်ႇမီးၶႃႈ။ ၶူဝ်းၶွင်တၢင်း...

ၽူႈတႅၼ်းသၽႃးပႃႇတီႇႁူဝ်သိူဝ် ၸႄႈဝဵင်းသႅၼ်ဝီ ႁူပ်ႉထူပ်းၵူၼ်းမိူင်း သပ်းလႅင်းၼႄ လွင်ႈၼႃႈၵၢၼ်တႃငၢၼ်း ဢၼ် လႆႈႁဵတ်းသၢင်ႈမႃး ၼႂ်းၶၢဝ်းတၢင်း 4 ပီ လႄႈ လွင်ႈဝၢင်းၽႅၼ်မိူဝ်းၼႃႈ ၸဵမ်ၸိူဝ်းၼႆႉ။ ဝၼ်းတီႈ 5/11/2019 ၸၢႆးဝၼ်းလႅင်းၶမ်း ၽူႈတႅၼ်းသၽႃးၸိူဝ်ႉၸၢတ်ႈ ၶဵတ်ႇလိူၵ်ႈတင်ႈမၢႆ (3)၊ ၸၢႆးဢူးၶမ်း ၽူႈတႅၼ်းသ ၽႃးၵူၼ်းမိူင်း ၸႄႈဝဵင်းသႅၼ်ဝီ၊ ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈ...

မႂ်ႇသုင်ၵူႈၵေႃႉၶႃႈ။ တွၼ်ႈတႃႇဝူင်ႈၼႆႉ ႁဝ်းၶႃႈၶႂ်ႈဢုပ်ႇၸွမ်း လွင်ႈႁူမ်ႇလူမ်ႈၵိုင်ႇလႅပ်ႈ တွၼ်ႈတႃႇ ၵူၼ်းမိူင်း ၼႆၼၼ်ႉၶႃႈဢေႃႈ ။   မိူဝ်ႈဝၼ်းတီႈ 3 လိူၼ်ၼႆႉ ပူႇမိူင်းပူႇႁဵင် 3 ၵေႃႉ  လႆႈထုၵ်ႇယိုဝ်းတၢႆ ၼႂ်းၵၢင်မိူင်း ဝဵင်းၵျွၵ်ႉမႄး။ ဢွၼ်ၼႃႈၼၼ်ႉ မိူဝ်ႈဝၼ်းတီႈ 20 ၸဝ်ႈသြႃႇၵွၼ်းဝတ်ႉၶိူဝ်းၼိမ်း ၸေႈဝဵင်းလႃႈသဵဝ်ႈ လႆႈထုၵ်ႇၺႃးယိုဝ်းသေ လွၼ်ႇၵႂႃႇ။ ...

ၵူၼ်းမိူင်းငေႃႉ ၸႄႈဝဵင်းၵျွၵ်ႉမႄး 2 ၵေႃႉ ယဵပ်ႇၺႃးမၢၵ်ႇမႅင်းၾင်လိၼ်မၢတ်ႇၸဵပ်းလိူဝ်ႁႅင်း။ ဝၼ်းတီႈ 7/11/2019 ယၢမ်းႁူဝ်ၶမ်ႈ 6 မူင်းၶိုင်ႈၼၼ်ႉ ၵူၼ်းမိူင်းငေႃႉ 4 ၵေႃႉ ၶီႇရူတ်ႉၶိူင်ႈမႃးၸွမ်းၵၼ် 2 လမ်း ၽွင်း ၵႂႃႇၸၢႆႇၵၢတ်ႇတီႈမိူင်းငေႃႉသေ တေပွၵ်ႈႁိူၼ်းၼၼ်ႉ ရူတ်ႉၶိူင်ႈလမ်းၼိုင်ႈ ဢၼ်သွၼ်ႉမႃးၸွမ်းၵၼ် 2 ၵေႃႉၼၼ်ႉ ယဵပ်ႇၺႃးမၢၵ်ႇမႅင်းၾင်လိၼ် တီႈႁိမ်းဝၢၼ်ႈၼမ်ႉတူၺ်...

ၵူၼ်းၼုမ်ႇ ဢႃယု မွၵ်ႈ 27 ပီ ၺႃးယိုဝ်းတၢႆ ၼႂ်းၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။ ဝၼ်းတီႈ 7/11/2019 ယၢမ်းႁူဝ်ၶမ်ႈ 6 မူင်းပၢႆၼၼ်ႉ ၵူၼ်းၼုမ်ႇ ဢႃယု 27 ပီ ၽူႈၸၢႆးၵေႃႉၼိုင်ႈ ၺႃးၸုမ်းဢမ်ႇႁူႉၾၢႆႇ ယိုဝ်းတၢႆ တီႈႁိမ်းဢွင်ႈတီႈၵၢၼ်ၶုတ်းသၢႆး ပွၵ်ႉ 8 ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။ လုင်းၵျေႃႇလႃႉ...

ၸဝ်ႈႁႆႈၸဝ်ႈၼႃး ၸိူဝ်းၵႂႃႇႁဵတ်းၵၢၼ်ႁႆႈၶိုၼ်းၺႃးသိုၵ်းလူင်ပွင်ၸိုင်ႈမၢၼ်ႈ ၵျွၵ်ႉမႄးၸွႆးတြႃးဢဝ်လိူင်ႈထႅင်ႈ 13 ၵေႃႉ ဝႃႈၼႆ။ ပူၼ်ႉမႃး 2017 ၸဝ်ႈၼႃး 12 ၵေႃႉ ဢၼ်ၵႂႃႇႁဵတ်းၼႃးၶိုၼ်းတီႈလိၼ်ဢၼ်သိုၵ်းလူင်ပွင်ၸိုင်ႈၶမရ 501 ယိုတ်းဝႆႉၼၼ်ႉ ၺႃးၸွႆးတြႃးၶိုၼ်ႈလုမ်းယင်းပႆႇယဝ်ႉတူဝ်ႈ။ ၼႂ်းပီၼႆႉ ၶိုၼ်းဢဝ်လိူင်ႈၸဝ်ႈႁႆႈၸဝ်ႈၼႃးထႅင်ႈ 13 ၵေႃႉ တေႃႇဢေးၼေႃႇ ၵူၼ်းဝၢၼ်ႈၵျွၵ်ႉမႄးလူင် လၢတ်ႈတီႈၽူႈတွႆႇႁွၵ်ႈၼင်ႇၼႆ။ “ ၸဝ်ႈၼႃးႁဝ်းၶႃႈၼႆႉ ၺႃးသိုၵ်းမၢၼ်ႈၶဝ် ၸွႆးတြႃးလိူင်ႈၼိုင်ႈယဝ်ႉလိူင်ႈၼိုင်ႈ။...

ပၢင်ပွႆးႁူင်းၾႆးမိၼ်လိူၼ် 12 မူၼ်း တီႈဝဵင်းတူၼ်ႈတီး ပီၼႆႉ ၵူၼ်းတူၺ်းႁူင်းၾႆးမိၼ် ဢီးၵၼ်ႁူဝ်ႉပေႃးလူမ်ႉ။ ဝၼ်းတီႈ 7/11/2019 ယူႇတီႈၽူႈမီးပုၼ်ႈၽွၼ်း ၵေႃႇမတီႇပွင်ပဵၼ်ပၢင်ပွႆး ၶိုၼ်းမေးႁဵတ်းႁႄႉၵင်ႈၶိုၼ်း တီႈၼႂ်းပၢင်ပွႆႇႁူင်း ၾႆးမိၼ် ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ။ ၼႂ်းဝၼ်းတီႈ 7 တင်းမူတ်း ႁူင်းၾႆးဢၼ်ပွႆႇၵၢင်ဝၼ်း တင်း ၵၢင်ၶမ်ႈ မီး 30 လုၵ်ႈပၢႆ...

သင်ၶၸဝ်ႈလႄႈ တၵ်ႉၵႃႇသတ်ႉထႃး တေႁူမ်ႈၵၼ်ၸတ်းႁဵတ်း ပၢင်ပွႆးဝၼ်းၵိူတ်ႇ ၸဝ်ႈၶူးလူင် Dr. ၶမ်းမၢႆ ထမ်မ သႃမိ ၶွပ်ႈထူၼ်ႈ 55 ပီ တေမီးပၢင်ၵုမ်ၶွၼ်ႊၾရႅၼ်ႊ ဢိၵ်ႇပႃး ပၢင်ယွင်ႈၵုင်ႇယေႃးမုၼ် သင်ၶၸဝ်ႈ ၸိူဝ်းဢွင်ႇပူၼ်ႉၸၼ်ႉၶူး Ph.D ဝႃႈၼႆ။ ပၢင်ပွႆးၼႆႉ တေၸတ်းႁဵတ်း ၼႂ်းဝၼ်းတီႈ 9-11/11/2019 တႃႇၶၢဝ်းတၢင်း 3...

ၸုမ်းဢူၺ်းလီပွတ်းႁွင်ႇ 4 ၸုမ်းလႄႈ ၸုမ်းတူဝ်တႅၼ်းလူင်ပွင်ၸိုင်ႈ  ၶိုင်သၢင်ႈတႃႇႁူပ်ႉၵၼ် ၼႂ်းလိူၼ်ထူၼ်ႈ 11 ၼႆႉ ၼႆသေတႃႉ တေပဵၼ်ဝၼ်းလႂ်ၼၼ်ႉ တိုၵ်ႉဢုပ်ႇဢူဝ်းၵၼ်ယူႇဝႃႈၼႆ။ ႁွင်ႈၵၢၼ်လွင်ႈငမ်းယဵၼ်လႄႈ လွင်ႈၸမ်ၸႂ်ၼႂ်းၸိူဝ်ႉၸၢတ်ႈ NRPC လႄႈတင်း ၸုမ်းဢူၺ်းလီပွတ်းႁွင်ႇ 4 ၸုမ်း ဢၼ်ပဵၼ် ၶၢင်  KIO ၸုမ်းၵဝ်ႈၵၢင်ႉ MNTJP ၊ ၸုမ်းတဢၢင်း...

ၵူၼ်းၼုမ်ႇမိူင်းယၢင်းလႅင် 6 ၵေႃႉဢၼ်ၺႃးတိၺွပ်းယွၼ်ႉသၢၼ်ၶတ်းၵၢၼ် ပူၵ်းပၵ်း ႁုၼ်ႇႁၢင်ႈၸွမ်သိုၵ်းဢွင်ႇသၢၼ်း တီႈဝဵင်းလွႆၶေႃၼၼ်ႉ ၺႃးလုမ်းတြႃးတတ်းသိၼ် ပၼ်တူတ်ႈၶွၵ်ႈ လူၺ်ႈၵၢၼ်ၼၵ်း ၼိုင်ႈၵေႃႉ 6 လိူၼ်။ ဝၼ်းတီႈ 7/11/2019 လုမ်းတြႃးမိူင်းလွႆၶေႃ (ယၢင်းလႅင်) တႅပ်းတတ်းပၼ်တူတ်ႈတၢမ်ႇ ၵူၼ်းၼုမ်ႇ 6 ၵေႃႉၼၼ်ႉလူၺ်ႈ ပိူင်လူင် မၢတ်ႈတႃမၢႆမီႈ 10 - ယွၼ်ႉပိူဝ်ႈပူၼ်ႉပႅၼ်လွင်ႈႁူမ်ႇလူမ်ႈလႄႈ...

ၶႅပ်းၶမ်းတႅင်းၵႃး ႁႃႈမူး ဢၼ်ပႃးႁၢင်ႈၸွမ်ႁၢၼ်ဢွင်ႇသၢၼ်းၼၼ်ႉ ၼႂ်းလိူၼ်ၼႆႉ တႄႇသိုဝ်ႉလႆႈယဝ်ႉ ဝႃႈၼႆ။ ယူႇတီႈငဝ်ႈငုၼ်း ယေးငိုၼ်းမိူင်းႁူမ်ႈတုမ် ပိုၼ်ၽၢဝ်ႇဝႃႈ ပီၼႆႉလႆႈႁဵတ်းဢွၵ်ႇ ၶႅပ်းၶမ်းတႅင်းၵႃး ႁႃႈမူး ဢၼ်ပႃး ႁၢင်ႈၸွမ် ႁၢၼ်ဢွင်ႇသၢၼ်း။ တီႈၶႅပ်းၼၼ်ႉ တႅမ်ႈဝႆႉ လိၵ်ႈဢိင်းၵလဵတ်ႈ “Aung Sun”။ ၼႂ်းလိူၼ်ၼႆႉ ၵႂႃႇထၢမ်တီႈႁၢၼ်ႉၶၢႆၶမ်းသေ သိုဝ်ႉလႆႈယဝ်ႉ ဝႃႈၼႆ။ ၶႅပ်းၶမ်းတႅင်းၵႃး ႁႃႈမူးၼၼ်ႉ...

ပၢင်ပွႆးႁူင်းၾႆးမိၼ် (ဢမ်ႇၼၼ်) ပွႆးလိူၼ်သိပ်းသွင်မူၼ်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼႆႉ တင်းမူတ်း မီးႁူင်း ၾႆးမိၼ် ၶဝ်ႈၶဵင်ႇၵၼ် 396 လုၵ်ႈ။ ပွႆးႁူင်းၾႆးမိၼ်ပီၼႆႉ တႄႇၸတ်းႁဵတ်း ၼႂ်းဝၼ်းတီႈ 4-12/11/2019 ႁူင်းၾႆးဢၼ်ၶဝ်ႈၶဵင်ႇၵၼ်သမ်ႉ မိူၼ်ၼင်ႇ ႁူင်းၾႆး မိၼ် ၼူၾႆးႁၢင်ႈလီမီး 79 လုၵ်ႈ၊ ႁူင်းၾႆးမိၼ်ၼႄတၢင်းႁၢင်ႈလီမီး 36 လုၵ်ႈ...