Monday, May 20, 2024

ၾၢႆႇၵဵပ်းၶွၼ်ႇ တႂ်ႈသိုၵ်းမၢၼ်ႈ ၵုမ်းၵမ် ၺႃးတီႉ 3 ၵေႃႉ တီႈၵၢင်ဝဵင်းမူႇၸေႊ

Must read

ၽူႈမီးၸၼ်ႉ ၾၢႆႇၵဵပ်းၶွၼ်ႈလူင်ပွင်ၸိုင်ႈမၢၼ်ႈ (အကောက်ခွန်အရာရှိ) ထုၵ်ႇၸုမ်းဢမ်ႇႁူႉၾၢႆႇ တီႉၺွၵ်းၵုမ်းတူဝ်ၵႂႃႇ 3 ၵေႃႉ တီႈဝဵင်းမူႇၸေႊ။

Photo: ၽူႈမီးၸၼ်ႉ ၾၢႆႇၵဵပ်းၶွၼ်ႈလူင်ပွင်ၸိုင်ႈမၢၼ်ႈ ၺႃးၵူၼ်းဢမ်ႇႁူႉၾၢႆႇၸုမ်းၼိုင်ႈမႃးတီႉဢဝ်ၼႂ်းႁၢၼ်ႉတၢင်းၵိၼ်ၵႂႃႇ 8/8/2022

မိူဝ်ႈဝႃး ဝၼ်းတီႈ 8/8/2022 ယၢမ်းၵၢင်ဝၼ်း ၽူႈမီးၸၼ်ႉ ၾၢႆႇၵဵပ်းၶွၼ်ႇ လူင်ပွင်ၸိုင်ႈ တႂ်ႈသိုၵ်းမၢၼ်ႈ ၵုမ်းၵမ် ၵေႃႉၼိုင်ႈ ထုၵ်ႇၸုမ်းဢမ်ႇႁူႉၾၢႆႇ ၶဝ်ႈတီႉၺွပ်းၵုမ်းတူဝ်ၵႂႃႇ တီႈႁၢၼ်ႉၼမ်ႉၼဵင်ႈၸဵမ်း (ပီတိလက်ဖက်ရည်ဆိုင်) ၼႂ်းၵၢင်ဝဵင်းမူႇၸေႊ ၸိုင်ႈတႆးပွတ်းႁွင်ႇ ၼႆယဝ်ႉ။

- Subscription -

ၵူၼ်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ မၼ်းၸၢႆးသႂ်ႇၶူဝ်းၵူၼ်းႁိူၼ်းသေ တိုၵ်ႉၼင်ႈၵိၼ်ၶဝ်ႈဝၼ်းတီႈ သႅင်ႇပီႇတီႉ  (ပီတိ လက်ဖက်ရည်ဆိုင်) မီးၵူၼ်းၸၢႆး 3 ၵေႃႉ မႃးၸူးမၼ်းၸၢႆးသေၸူၵ်းၵွင်ႈၼႄ ယဝ်ႉၵေႃႈ ႁွင်ႈတူဝ်မၼ်း ၵႂႃႇ ၊ ၵႃးမၼ်း ၼူဝ်းၸၢၵ်ႈဢမ်ႇလႆႈလႄႈ ဢမ်ႇဢဝ်ၵႂႃႇ၊ ဢဝ်တူဝ်မၼ်းၵႂႃႇၵူၺ်း”- ဝႃႈၼႆ။

မိူဝ်ႈဝႃးၼႆႉၵူၺ်းၼင်ႇၵဝ်ႇ  ယၢမ်းဝၢႆးဝၼ်း မွၵ်ႈ 2 မူင်းပၢႆ ၼၼ်ႉၵေႃႈ ပဵၼ်ၸုမ်းဢမ်ႇႁူႉၾၢႆႇ မႃးတီႉဢဝ်ၾၢႆႇၵဵပ်းၶွၼ်ႈၵႂႃႇထႅင်ႈ 2 ၵေႃႉ  ။

“မိူဝ်ႈဝႃး ယၢမ်းဝၢႆးဝၼ်း မွၵ်ႈ 2 မူင်းပၢႆ မီးၸုမ်းဢမ်ႇႁူႉၾၢႆႇ ႁေႃႈၵႃးမႃးတတ်းၼႃႈ ၵႃးၾၢႆႇၵဵပ်းၶွၼ်ႈ 2 ၵေႃႉ ၶီႇမႃးၸွမ်းၵၼ် ။ ၼၼ်ႉပဵၼ်တီႈၵၢင်ဝဵင်းမူႇၸေႊ ။ ၼၼ်ႉၵေႃႈ တီႉဢဝ်တူဝ်ၵႂႃႇထႅင်ႈ။ တင်းမူတ်း တီႉၵႂႃႇ 3 ၵေႃႉ။ တေႃႇထိုင်ယၢမ်းလဵဝ် ပႆႇႁူႉ လွင်ႈတၢင်း ၽႂ်တီႉၵႂႃႇ ဢၼ်ဝႃႈၼၼ်ႉ”- ၵူၼ်းမူႇၸေႊ သိုပ်ႇလၢတ်ႈၼင်ႇၼႆ။

ပူၼ်ႉမႃး မိူဝ်ႈဝၼ်းတီႈ 7/8/2022 ယၢမ်းၵၢင်ၼႂ် သိုၵ်းၶၢင် KIA ၵေႃႉၼိုင်ႈ သႂ်ႇၶူဝ်းၵူၼ်းႁိူၼ်းသေ ဢႅဝ်ႇၸႅၵ်ႇၽိုၼ်လိၵ်ႈ တႃႇသႂ်ႇၶွၼ်ႇ ၼႂ်းၵၢတ်ႇမၢႆ 1 ဝဵင်းမူႇၸေႊ ၼၼ်ႉၵေႃႈ ယူႇတီႈ ၾၢႆႇႁူမ်ႇလူမ်ႈၽူႈမီးပုၼ်ႈၽွၼ်း ၼႂ်းၵၢတ်ႇလမ်းတီႉ မၼ်းၸၢႆး ၼႅတ်ႈလႅၼ်ႈပၢႆႈ ၵူၼ်းမူႇ ၸေႊလၢတ်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း