မိူဝ်ႈၼႆႉ ဝၼ်းတီႈ 7/10/2022 ယၢမ်းဝၢႆးဝၼ်း 2:20 မူင်း ၸဝ်ႈသြႃႇလူင် ဝႃႇလိင်ႇတ ႁူဝ်ပဝ်ႈ ယေးငိုၼ်းဝူင်းမႅတ်ႉတႃႇ ဝဵင်း မိူင်းၵိုင် လူ့လွၼ်ႇၶဝ်ႈသူၼ်မၢၵ်ႇႁၢၵ်ႈၶမ်း ၽွင်းဢႃယုလႆႈ 56 ပီ ဝႃႇသႃ 36 ဝႃႇ လူၺ်ႈတၢင်းပဵၼ်လိူတ်ႈသုင်။ ၵူၼ်းပိုၼ်ႉတီႈ ဝဵင်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ ၸဝ်ႈသြႃႇလူင်လူႉလွၼ်ႇၵႂႃႇ ၽွင်းသူင်ႇတူဝ်...

ၶၢဝ်းတၢင်း 10 လိူၼ် ၼႂ်းပီၼႆႉၼႆႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ ၵႆႉမီးလွင်ႈငွႆးယိုဝ်း ၶႃႈႁႅမ်ၵၼ်တၢႆ ဢမ်ႇယွမ်း 10 ၵေႃႉ ၸူဝ်ႈသိုၵ်းမၢၼ်ႈယိုတ်းမိူင်းမႃးၼႆႉဢမ်ႇမီးလွင်ႈႁူမ်ႇလူမ်ႈသင်။ တႄႇဢဝ် လိူၼ်ၵျႅၼ်ႊၼိဝ်ႊရီႊမႃး တေႃႇထိုင်ယၢမ်းလဵဝ်ၼႆႉ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ မီးၸုမ်းဢမ်ႇႁူႉၾၢႆႇ ပႂ်ႉငွႆးယိုဝ်း ဢဝ်ၵၼ်တၢႆမႃး မွၵ်ႈ...

သိုၵ်းမၢၼ်ႈ လၢမ်းလိမ်းယိုဝ်းၵွင်လူင်/ ဢွၼ်ႇ  ၵူႈႁူးၵူႈတၢင်း ၸၢၵ်ႇမၢၵ်ႇတိူဝ်ႉသႂ်ႇၵူၼ်းဝၢၼ်ႈ တီႈဝဵင်းသႅၼ်ဝီ လူႉတၢႆထင်တီႈ 1 မၢတ်ႇ 2 ဝႃႈၼႆ။ မိူဝ်ႈဝႃး ဝၼ်းတီႈ 6/10/2022 ယၢမ်းႁူဝ်ၶမ်ႈမွၵ်ႈ 6 မူင်း ၵႃးသိုၵ်းမၢၼ်ႈ 20 ပၢႆ  ၽႃႇၺႃးမၢၵ်ႇ ၸွမ်းတၢင်းလူင် ၼႂ်း ၵႄႈဝၢၼ်ႈၼမ်ႉဢုၼ်ႇ -...

 ၶၼ်ၶဝ်ႈၵၢပ်ႇ ၼႂ်းမိူင်းတႆး ပဵၼ်ၵၢၼ်ၶိုၼ်းသေတႃႉ ၶၼ်ၶူဝ်းၵုၼ်ႇသမ်ႉ ပႆႇယွမ်းလူင်းလႄႈ ၵူၼ်းမိူင်းတိုၵ်ႉတူၵ်း တၢင်းယၢပ်ႇၽိုတ်ႇယူႇ။ တႄႇဢဝ် လိူၼ်သႅပ်ႊထႅမ်ႊပိူဝ်ႊၼၼ်ႉမႃး တေႃႇထိုင်ယၢမ်းလဵဝ် ၶၼ်ၶဝ်ႈၵၢပ်ႇ ပဵၼ်ၵၢၼ်ၶိုၼ်း ၼႂ်းမိူင်းတႆး မိူၼ်ၼင်ႇ ၸႄႈ ဝဵင်းလွၵ်ႉၸွၵ်ႇ၊ ၼွင်ၶဵဝ်၊ သႅၼ်ဝီ၊ ၵဵင်းတွင်းလႄႈ ဢိၵ်ႇထႅင်ႈလၢႆၸႄႈဝဵင်း 1 ၸွႆႉလႂ် ၶၢႆလႆႈ 600 ပျႃး...

ၶၢဝ်းတၢင်း 5 လိူၼ်မႃးၼႆႉ ၶၼ်ၼမ်ႉမၼ်းၸၢၵ်ႈ (ၼမ်ႉမၼ်းၸိူဝ်ႉၾႆး) တီႈဝဵင်းၵဵင်းတွင်း ပႆႇယွမ်း  1 လိတ်ႊလႂ်တိုၵ်ႉမီးယူႇ 3,600 ပျႃး ၸိူဝ်းၼႆႉ။ တႄႇဢဝ်လိူၼ်ၵျုၼ်ႊမႃးတေႃႇထိုင်ယၢမ်းလဵဝ် ၶၼ်ၼမ်ႉမၼ်းၸၢၵ်ႈ တီႈဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈ လၢင်းၶိူဝ်း ၸိုင်ႈတႆးပွတ်းၸၢၼ်းတိုၵ်ႉသုင်ယူႇ၊ ၼမ်ႉမၼ်းၸၢၵ်ႈ သႅၼ်း 92 (1) လိတ်ႊလႂ် 3,350...

မိူဝ်ႈၼႆႉဝၼ်းထိ 6-10-2022 ယၢမ်းႁူဝ်ၶမ်ႈ 5 မူင်းပၢႆ ၽူႈတတ်းသိၼ်တြႃး ၸႄႈဝဵင်း ဝဵင်းမူႇ​ၸေႊ ဢူးရႃႇၸႃႇမိၼ်းၸူဝ်း ဢႃယု 40 ပၢႆ ၺႃးၵူၼ်းဢမ်ႇႁူႉၾၢႆႇ ယိုဝ်း ၽွင်းမၼ်းၸၢႆးလုၵ်ႉတီႈၵၢၼ်​သေ ဢၢၼ်းပွၵ်ႈႁိူၼ်း။ ၽွင်းမၼ်းၸၢႆးၶပ်းရူတ်ႉမႃးထိုင် ၼႃႈႁၢၼ်ႉ ၸၼ်ႁၢင်ႈ တုႁၢၼ်ႇ ပွၵ်ႉႁူဝ်မုၼ်ႇ ၼိူဝ်သဵၼ်ႈတၢင်းပျီႇထွင်ႇၸူႉ ၼၼ်ႉ မီးၵူၼ်း 2...

ပလိၵ်ႈ(ၵဝ်ႇ)ထႆး ၸၼ်ႉၶုၼ်သိုၵ်း ဢႃယု 34 ပီ ၶဝ်ႈယိုဝ်း ႁူင်းႁပ်ႉတူၺ်းလူလုၵ်ႈဢွၼ်ႇ တီႈၼိုင်ႈ တီႈဝဵင်းၼႃးၵၢင် ​ၸႄႈတွၼ်ႈ ၼွင်ၿူဝ်ႊလမ်းၽူး မိူင်းထႆး တင်းမူတ်းတၢႆ 38 ​ၵေႃႉ ။ မိူဝ်ႈၼႆႉဝၼ်းတီႈ 6-10-2022 ယၢမ်းၵၢင်ဝၼ်း 1 မူင်းပၢႆ ပလိၵ်ႈၵဝ်ႇ​ၵေႃႉၼိုင်ႈၶဝ်ႈယိုဝ်းႁူင်းႁပ်ႉလဵင်ႉလုၵ်ႈဢွၼ်ႇ။ လုၵ်ႈဢွၼ်ႇတၢႆထင်တီႈ 22 ​ၵေႃႉ။ ၵူၼ်းလူင်တၢႆထင်တီႈ...

မၢၵ်ႇတႅၵ်ႇၼႂ်းဝၢင်းလုမ်း ၽူႈၵွၼ်းၸႄႈတွၼ်ႈၵျွၵ်ႉမႄး လုၵ်ႈၼိုင်ႈ ပလိၵ်ႈ/ သိုၵ်းမၢၼ်ႈ ထႅမ်ဢဵၼ်ႁႅင်းသိုၵ်း ဢဝ်ႁူမ်ႇလူမ်ႈ တိူဝ်းၼမ်ထႅင်ႈ။ မိူဝ်ႈဝႃး ဝၼ်းတီႈ 5/10/2022 ယၢမ်းၵၢင်ၶမ်ႈမွၵ်ႈ 9 မူင်း မၢၵ်ႇတႅၵ်ႇ ၼႂ်းဝၢင်းလုမ်းၽူႈၵွၼ်းၸႄႈတွၼ်ႈ ဢၼ်ပၵ်းဝႆႉ ၼႂ်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ လုၵ်ႈ ၼိုင်ႈ လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆ ဢမ်ႇမီး ဝၢႆးမၢၵ်ႇတႅၵ်ႇယဝ်ႉ...

ပၢင်ႁူမ်ၸူမ်း ယွင်ႈၵုင်ႇယေႃးမုၼ် ၸဝ်ႈၶူး Dr. ႁိူင်းသႅင် ပၺ်ႇၺႃႇၽေႃးၵႃႇ ၽိပႃႇလ (မိူင်းသူႈ) ၽူႈတေႁပ်ႉၸုမ်ႈၶူး မေႃ လူင် Ph.D တီႈမိူင်းၵွၵ်ႇ ၸိုင်ႈထႆး တေၼႂ်းၵၢင်လိူၼ်ၼႆႉ။ ပေႃးထိုင်မႃး ဝၼ်းတီႈ 16/10/2022 ၸိုင် ယူႇတီႈ သင်ႇၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ ၸိုင်ႈတႆး တေဢွၼ်ၸတ်း...

ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး ပႆႇတူဝ်ႈတၼ်း တႃႇပွၵ်ႈႁိူၼ်း ၸွမ်းၼင်ႇ သိုၵ်းမၢၼ်ႈပိုၼ်ၽၢဝ်ႇ   ယွၼ်ႉၼႂ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ၊  သင်တေသိုပ်ႇယူႇ ထႅင်ႈသမ်ႉ ဢမ်ႇမီးတီႈယူႇတၼ်းသဝ်း ပဵၼ်ဢၼ်မႆႈၸႂ်လူင်ႈၼႃႈႁၢဝ်းႁႅင်း။ ပေႃးလိူၼ်ဢွၵ်ႊထိူဝ်ႊပိူဝ်ႊၼႆႉသဵင်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်း ၸႂ်ႉၵူၼ်းပၢႆႈၽေးသိုၵ်း ဢၼ်ပၢႆႈမႃး သွၼ်ႈယူႇဝႆႉ တီႈၵေႃ လိၵ်ႈလၢႆး၊ ဢိူင်ႇမိူင်းတၢင်ႈလႄႈ ၵိင်ႇၽႄၸႄႈဝဵင်းမိူင်းငေႃႉ ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၸိူဝ်းၼႆႉ...

ပီၼႆႉ  ပၢႆးယူႇလီ ၸဝ်ႈပေႃႈသိလ်ထမ်း ၶူးဝႃးဝုၼ်းၸုမ်ႉ ဢမ်ႇပေႃးတဵမ်ထူၼ်ႈ၊ ၵမ်းၵမ်းလႆႈၵႂႃႇၸူးမေႃယႃၵူတ်ႇထတ်းၶိုၼ်းလႄႈ ဝၢႆးလင်ဢွၵ်ႇဝႃႇသႃ ၸင်ႇတေၸၢင်ႈတိုဝ်းၵမ်သိလ်ထမ်းလီလီ  - ၸဝ်ႈၶူးလူင် ၺႃႇၼသီႇရိလၢတ်ႈ။ တႄႇဢဝ် ႁၢင်လိူၼ်သႅပ်ႊထႅမ်ႊပိူဝ်ႊမႃး တေႃႇထိုင်ယၢမ်းလဵဝ် ၸဝ်ႈသိလ်ထမ်း ၶူးဝႃးဝုၼ်းၸုမ်ႉ လႆႈလိုဝ်ႈသေလုမ်းလႃးပၢႆးယူႇလီဝႆႉ တီႈဝတ်ႉၽရ ထၢတ်ႈ သီၻွၼ်ႊႁိူင်း ဢိူင်ႇမိူင်းၽူင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း  ။ မေႃယႃၾင်ႇမိူင်းထႆးသမ်ႉ...

ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း ပီပၢႆ 8 လိူၼ်ၼႆႉ ၼႂ်းမိူင်းတႆး မီးပၢင်တိုၵ်း သိုၵ်းသိူဝ်ၵၼ် ႁၢဝ်ႈႁႅင်း။ သိုၵ်းမၢၼ်ႈတင်း ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း၊ သိုၵ်းမၢၼ်ႈတင်း ၸုမ်းၵႅတ်ႇၶႄၵူၼ်းမိူင်း PDF လႄႈ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼင်ႇၵၼ် ပိုတ်းယိုဝ်းၵၼ် မႃးႁၢဝ်ႈႁႅင်းသေ၊ ႁဵတ်းႁႂ်ႈ ၵူၼ်းမိူင်းပိုၼ်ႉတီႈၸဵမ်ပွတ်းႁွင်ႇလႄႈ...

ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၵူတ်ႇထတ်းတီႉလႆႈၵုၼ်ႇလိပ်းယႃႈမဝ်းၵမ်   တီႈၵဵတ်ႉ/လၢၼ်ႇ တၢင်းၶဝ်ႈမိူင်းယႆ ႁိမ်းပွၵ်ႉၼိုင်ႈ ၵႃႈၶၼ်ၼပ်ႉႁဵင်သႅၼ်ပျႃး။ မိူဝ်ႈဝၼ်းတီႈ 2/10/2022 ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇ တီႉလႆႈယႃႈမဝ်းၵမ် ၼႂ်းရူတ်ႉၵႃး FAW သိပ်းသွင်လေႃႉ  တၢင်းၶဝ်ႈမိူင်းယႆ။ ၵူၼ်းမိူင်းယႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ၶဝ်လႆႈၶၢဝ်ႇသေလႄႈပႂ်ႉၵူတ်ႇထတ်းႁိုဝ်တႄႉဢမ်ႇႁူႉ။ ဝၼ်းၼၼ်ႉ ၶဝ်ပႂ်ႉထတ်းၵူၼ်းၵႂႃႇၵူၼ်းမႃး တင်းဝၼ်း။ ထိုင်ယၢမ်းဝၢႆးဝၼ်းမွၵ်ႈ 4 မူင်းၼႆႉ ပေႃးၵႃးလမ်းၼၼ်ႉမႃးၶဝ်ၵူတ်ႇထတ်းၵေႃႈ ၺႃးဢဝ်ၵမ်းလဵဝ်။  ယႃႈမဝ်းၵမ်ၼႆႉ တီႉလႆႈၼမ်ဝႃႈၼမ်...

မိူဝ်ႈၼႆႉ ဝၼ်းတီႈ 5/10/2022 ယၢမ်းၵၢင်ၼႂ် 9 မူင်း ယူႇတီႈ သင်ၶၸဝ်ႈလႄႈ တၵ်ႉၵႃႇသတ်ႉထႃး လုၵ်ႈၼွင်ႉပွင်ႈပၢႆ ႁူမ်ႈၵၼ် ၵၢပ်ႈသွမ်းသင်ၶၸဝ်ႈလႄႈ လူႇတၢၼ်းပၼ် ၸဝ်ႈတူၼ်ၶူး ၵလျႃႇၼဝမ်သ တီႈၵျွင်းယွတ်ႈ ပွၵ်ႉ 7 ဝဵင်းၵျွၵ်ႉ မႄး ၸိုင်ႈတႆး ပွတ်းႁွင်ႇ ၊ ၶုၵ်းထူပ်းၸဝ်ႈလူႉလွၼ်ႇ...

ၸၢႆးထုၼ်း ႁႅင်းၵၢၼ်တႆး ပဵၼ်မၢၵ်ႇႁဵင်း (ၶႅၼ်ႊသိူဝ်ႊ) တီႈၶႃလူင်သေ ဢမ်ႇၸၢင်ႈပႆလႆႈၼၼ်ႉ  လူႉသဵင်ႈယဝ်ႉ တေပူၼ်ႉၶၢပ်ႈတူဝ် ဝၼ်းတီႈ 6/10/2022 ။ မိူဝ်ႈဝႃး ဝၼ်းတီႈ 4/10/2022 ယၢမ်းဝၢႆးဝၼ်း 4 မူင်း ၸၢႆးထုၼ်း ဢႃယု 20 ပၢႆ ၵေႃႉပဵၼ် ၶႅၼ်ႊသိူဝ်ႊဝႆႉ တီႈၶႃလူင် ၾၢႆႇသၢႆႉသေ...