Thursday, February 9, 2023

ၽူႈၼမ်းမူႇၸုမ်းၼႂ်းမိူင်းတႆး 5 ၵေႃႉလႆႈႁပ့်သူးဢၼ်သိုၵ်းမၢၼ်ႈယိုတ်းမိူင်း ယိုတ်ႈမွပ်ႈပၼ်

Must read

ၽူႈၼမ်းမုၵ်ႉမူႇၾုင်ၸုမ်း 5 ၵေႃႉ  ၼႂ်းမိူင်းတႆး  လႆႈႁပ့်သူးဢၼ်သိုၵ်းမၢၼ်ႈယိုတ်းမိူင်း ယိုတ်ႈမွပ်ႈပၼ် ႁႂ်ႈပဵၼ်တီႈမၢႆတွင်းဝၼ်းလွတ်ႈလႅဝ်းမိူင်းႁူမ်ႈတုမ် 75 ပီ။

ၸၢႆးမဵဝ်းတၢၼ်ႉ ႁပ်ႉသူး ဢၼ်သိုၵ်းမၢၼ်ႈယိုတ်းမိူင်းပၼ်

မိူဝ်ႈဝၼ်းတီႈ 2/1/2023 ၼၼ့်  ၽူႈၼမ်းမုၵ်ႉၸုမ်း ၼႂ်းမိူင်းတႆး 5 ၵေႃ့ လႆႈႁပ့်သူး   သီရိပျံချီ ၊ ဝဏ္ဏကျော်ထင်ဘွဲ့   ဢၼ်သိုၵ်းမၢၼ်ႈမွပ်ႈပၼ်ႁႂ်ႈပဵၼ်တီႈမၢႆတွင်းဝၼ်းလွတ်ႈလႅဝ်းမိူင်းႁူမ်ႈတုမ် 75 ပီ။

ႁူဝ်ပဝ်ႈပႃႇတီႇသိူဝ်ၽိူၵ်ႇ လုင်းၸၢႆးဢၢႆႈပဝ်း လၢတ်ႈတီႈၽူႈတွႆႇႁွၵ်ႈဝႃႈ- “ ဢၼ်ႁဝ်းလႆႈႁပ့်ၼႆႉ ပဵၼ်ၸုမ်ႈသူး သီရိပျံချီဘွဲ့ ဢေႃႈ။ သူးၼႆ့ ပိူၼ်ႈမွပ်ႈပၼ်တႃႇ ၵူၼ်းၸွႆႈထႅမ် ၵၢၼ်ဝၢၼ်ႈမိူင်း ။  ၼႂ်းၵူၼ်းလႆႈႁပ်ႉသူး ၾၢႆႇၵၢၼ်မိူင်းလႄႈၵၢၼ်သိုၵ်းၼႆႉ ၼႂ်းတႆး ပႃး 5 ၵေႃႉ။  ၸဝ်ႈယွတ်ႈသိုၵ်းၵေႃႈပႃး ။ၵူၺ်းၼႃႇဢမ်ႇႁၼ် တူဝ်မၼ်းၸဝ်ႈမႃးႁပ်ႉဢဝ်။ၵူၼ်းမႃးဢဝ်တႅၼ်းမၼ်းၵေႃႈ ဢမ်ႇႁၼ် ” – ဝႃႈၼႆ။

  ၸွမ်သိုၵ်းလူင် ၸဝ်ႈယွတ်ႈသိုၵ်း ႁူဝ်ပဝ်ႈလူင် RCSS  လႆႈႁပ့်သူး ဝဏ္ဏကျော်ထင်ဘွဲ့ ။ ၵူၺ်းၵႃႈ  တူဝ်မၼ်းၸဝ်ႈၵေႃႈဢမ်ႇမႃး ။ ၵူၼ်းႁပ်ႉတႅၼ်းၵေႃႈဢမ်ႇမီး။

ၾၢႆႇသိုၵ်းမၢၼ်ႈယိုတ်းမိူင်း လႆႈယိုၼ်ႈမွပ်ႈသူးပၼ် ၽူႈမီးၸၼ့်လၢႆလၢႆၵေႃ့ ၼႂ်းၼၼ့် ပႃး ႁူဝ်ပဝ်ႈပႃႇတီႇသိူဝ်ၽိူၵ်ႇ လုင်းၸၢႆးဢၢႆႈပဝ်း ၊ ၵႅမ်ႁူဝ်ပဝ်ႈ ၶွမ်ႊမတီႊပႂ်ႉတူၺ်းလွင်ႈငမ်းယဵၼ် ၸၼ်ႉမိူင်းႁူမ်ႈတုမ် JMC-U ၸၢႆးမဵဝ်းတၢၼ့်၊ ၸၢႆးဢူင်းၵျေႃႇ (ႁူဝ်ပဝ်ႈပႃႇတီႇသိူဝ်ၽိူၵ်ႇၼမ့်ၶမ်း(ႁိုဝ်)ဢၼ်ယၢမ်ႈပဵၼ်ၵႅမ်ႈၽွင်းလူင် ၵၢၼ်တွင်ႈတဵဝ်းလႄႈ ႁူင်းႁႅမ်း)၊ ၸၢႆးလူင်းသႅင် (ဢၼ်ပဵၼ်တႅၼ်းၽွင်းၵဝ်ႇမိူင်းတႆး) ။

ၸွမ်သိုၵ်းလူင် ၸဝ်ႈယွတ်ႈသိုၵ်း ႁူဝ်ပဝ်ႈလူင် RCSS ဢမ်ႇပဵၼ်ၵႂႃႇဢဝ် သူး ဝဏ္ဏကျော်ထင်ဘွဲ့ သေဢမ်ႇၵႃး မိူဝ်ႈလိူၼ် တီႊသိမ်ႊပိူဝ်ႊ ဝၼ်းတီႈ 27-29 ပၢင်ဢုပ်ႇဢူဝ်း လွင်ႈငမ်းယဵၼ်(အမျိုးသား စည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီ (NSPNC) နှင့် NCA လက်မှတ်ထိုးထားသော EAOs တို့ ဆွေးနွေးပွဲ)ဢၼ်ပူၼ့်မႃးၼႆ့ၵေႃႈ ၾၢႆႇ RCSS ဢမ်ႇလႆႈၶိုၼ်ႈႁွတ်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း