ၸုမ်းႁႅင်းၵၢၼ်ယိင်း တႃႇလွင်ႈၽဵင်ႇပဵင်း (Women Workers for Justice Group) ဢွၼ်ၸတ်းႁဵတ်း ဝၼ်းသူင်သိူဝ်း လုၵ်ႈဢွၼ်ႇ တီႈၸႄႈဝဵင်းပႃႇသၢင်း ၸႄႈတွၼ်ႈလမ်းပုၼ်း ၸိုင်ႈထႆး မီးလုၵ်ႈဢွၼ်ႇ ၵူၼ်းလူင်ၶဝ်ႈႁူမ်ႈမွၵ်ႈ 200 ၸတ်းႁဵတ်းပဵၼ်ပွၵ်ႈၵမ်းသွင်။ ပူၼ်ႉမႃး ဝၼ်းတီႈ 14/1/2023 (တူၵ်ႈမႅၼ်ႈဝၼ်းသူင်သိူဝ်းလုၵ်ႈဢွၼ်ႇ ၸိုင်ႈထႆး) ယၢမ်းဝၢႆးဝၼ်း 1 မူင်းထိုင်...

သိုၵ်းမၢၼ်ႈယိုတ်းမိူင်း တဵၵ်းၸႂ်ႉႁႂ်ႈမေႃသွၼ် ၸိူဝ်းႁဵတ်း CDM ၸိုင်ႈတႆးပွတ်းႁွင်ႇ ၶဝ်ႈၵၢၼ်ၶိုၼ်း။ တႄႇဢဝ်ႁူဝ်လိူၼ် တီႊသိမ်ႊပိူဝ်ႊ 2022 မႃး  သိုၵ်းမၢၼ်ႈယိုတ်းမိူင်း တဵၵ်းၸႂ်ႉ ႁႂ်ႈမေႃသွၼ် ၸိူဝ်းႁဵတ်း CDM ၶဝ်ႈၵၢၼ်ၶိုၼ်း တေႁဵတ်းႁႂ်ႈ မိူင်းတႆးပွတ်းႁွင်ႇ  ဢမ်ႇမီး CDM ဝႃႈၼႆ ။ ၵူၼ်းပိုၼ့်တီႈ ဝဵင်းလႃႈသဵဝ်ႈ ၵေႃႉၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ-...

သိုၵ်းမၢၼ်ႈလႄႈ သိုၵ်းၵဝ်ႈၵၢင့်ပဵၼ်ပၢင်တိုၵ်းၵၼ် တီႈဝဵင်းသႅၼ်ဝီ ၾၢႆႇသိုၵ်းမၢၼ်ႈ တၢႆၼမ်။ သိုၵ်းမၢၼ်ႈလႄႈ သိုၵ်းၵဝ်ႈၵၢင့်ပဵၼ်ပၢင်တိုၵ်းၵၼ် ႁိမ်းဢိူင်ႇၼမ့်ၸလၢပ်ႈ ၸႄႈဝဵင်းသႅၼ်ဝီ မိူဝ်ႈဝၼ်းတီႈ 14/1/2023 ယၢမ်းၵၢင်ၼႂ် 11 မူင်း  ၾၢႆႇသိုၵ်းမၢၼ်ႈ တၢႆၼမ်။ ၽူႈၸမ်ၸႂ်ၸုမ်းသိုၵ်းၵဝ်ႈၵၢင့်လၢတ်ႈတီႈၽူႈတွႆႇႁွၵ်ႈဝႃႈ -“ ၶဝ်ပဵၼ်ပၢင်တိုၵ်းၵၼ် တီႈႁိမ်းၼမ့်ၸလၢပ်ႈ ဢၼ် MNDAA ၶဝ်ပၵ်းတပ့်ဝႆ့ၼၼ့်ဢေႃႈ။ၾၢႆႇမၢၼ်ႈၶဝ်လေႃႇတိုၵ်းဢွၼ်တၢင်းလႄႈ ပဵၼ်ၵႂႃႇၵူၺ်း။ပၢင်တိုၵ်းတႄ့ ႁိုင်မွၵ်ႈ 1...

တႃႇႁၵ်ႉသႃ လွႆၼမ်ႉႁူးၸၢၵ်ႈတေႃႇၵိုၵ်းပိုၼ်း ႁႂ်ႈလွတ်ႈၽေးၸဝ်ႈငိုၼ်းသႃးမႃးယႃႉၾိင်ႈတိုၼ်းပဵၼ်ၼမ်ႉလိၼ်ႁိၼ်ၽႃၼႆသေ ၵူၼ်းၼုမ်ႇ ၽူႈႁၵ်ႉၶူဝ်းၶွင် ၵိုၵ်းပိုၼ်းဝဵင်းမိူင်းၼၢႆး ၶွတ်ႇၽွတ်ႈၶွမ်ႊမတီႊ ၵေႃႇသၢင်ႈၶိုၼ်ႈလႆ လႄႈ ႁၢဝ်းၼၵႃး 2 တူဝ် တၢင်းၶိုၼ်ႈလွႆၼမ်ႉႁူးၸၢၵ်ႈတေႃႇ ပွင်ႇၶၢဝ်ႇယိုၼ်ႈမိုဝ်းထိုင်တၵ်ႉၵႃႇသတ်ႉထႃးတီႈၸမ်/ၵႆ ႁူမ်ႈၵၼ်ၵမ်ႉထႅမ်တႃႇၵေႃႇသၢင်ႈႁႂ်ႈၸဵဝ်းယဝ်ႉတူဝ်ႈလီငၢမ်းဝႃႈၼႆ။ လွႆၼမ်ႉႁူးၸၢၵ်ႇတေႃႇၼႆႉ မီးဝႆႉၾၢႆႇႁွင်ႇဝဵင်းမိူင်းၼၢႆး ယၢၼ်ဝဵင်းမွၵ်ႈ 8 လၵ်း ယူႇၼႂ်းဢိူင်ႇၼႃးၶၢၼ် ။ ယူႇတီႈ...

ဝၼ်းယဝ့်လိူၼ်၊ လိူၼ်ယဝ့်ပီ ၶၢဝ်းယၢမ်းပိၼ်ႇပၢႆႇလႅၵ်ႈလၢႆႈမႃး ၸွမ်းယႃႇသီႇၽိင်ႈၶၢဝ်း ၵူၼ်းႁဝ်းၼႆၵေႃႈ မီးလွင်ႈလႅၵ်ႈလၢႆႈမႃးၸွမ်း ပၢၼ်သိုပ်ႈပၢၼ် ၵၢပ်ႈလႂ်ပၢၼ်ၼၼ့်။ၵူၼ်းႁဝ်းၵိူတ်ႇမႃး တိုၼ်းလူဝ်ႇမီးလွင်ႈႁႃၵိၼ်လဵင့်တွင့်ၽႂ်မၼ်း။မိူဝ်ႈလဵၵ့်မိူဝ်ႈလႅင်တႄ့ လႆႈပိုင်ႈႁူမ်ႈငဝ်းပေႃႈမႄႈသေတႃႉ ပေႃးၵေႃႉယႂ်ႇမႃး ၼင်ႇႁိုဝ်တၢင်းယိူင်းဢၢၼ်းတူဝ်ၸဝ်ႈၵဝ်ႇပေႃးတေတဵမ်ထူၼ်ႈၼၼ့် ႁႃလွၵ်းလၢႆး ၽၢတ်ႇမုင့်ႁေႃႈႁိူၼ်းတူဝ်ၸဝ်ႈၵဝ်ႇသေ ဢွၵ်ႇႁႃႁဵတ်းၵၢၼ် ထိုင်ၵူႈတီႈၵူႈလႅၼ်။မၢင်ၵေႃႉ ၽႅဝ်မိူင်းၶႄႇ မၢင်ၵေႃႉၽႅဝ်ထိုင်မိူင်းထႆးမိူင်းယူၼ်း။ ဢၼ်ဢမ်ႇထိုင်မိူင်းပိူၼ်ႈသေ ဢၼ်ႁႃႁဵတ်းၵၢၼ်ထင်သဝ်းဝႆ့ၸွမ်းႁိမ်းလႅၼ်လိၼ် တႆး-ထႆး လႄႈသင် လႅၼ်လိၼ် တႆး-ၶႄႇ လႄႈသင်...

ဝၼ်းတီႈ 15/01/2023 မိူဝ်ႈဝႃးၼႆႉ ၶိူင်ႈမိၼ် ATR 72 သၢႆၵၢၼ်မိၼ် Yeti Airlenes ၶွင်မိူင်းၼီႊပေႃႊ တူၵ်းတီႈဝဵင်းပေႃႉၶ်ႁႃႊရႃႊ မိူင်းၼီႊပေႃႊ ၵူၼ်းၼိူဝ်ၶိူင်ႈမိၼ် ပႃးမႃး 72 ၵေႃႉ ၼႂ်းၼၼ်ႉတၢႆ 68 ၵေႃႉ လွတ်ႈ 4 ၵေႃႉ။ ၵူၼ်းၼႂ်းႁိူဝ်းမိၼ် 72 ၵေႃႉၼၼ်ႉပႃးလုၵ်ႈဢွၼ်ႇလဵၵ်ႉ...

ၶၢဝ်းတၢင်း 15 ဝၼ်းလိူၼ် ၵျၼ်ႊၼိဝ်ႊရီႊ ႁူဝ်ပီ 2023 ၼႆ့ ၸဝ်ႈၼႃႈတီႈထႆး တိၺွပ်းလႆႈ ၵူၼ်းမိူင်းႁူမ်ႈတုမ် ၶၢမ်ႈလႅၼ်လိၼ်ၶဝ်ႈထႆး တီႈၵဵင်းသႅၼ် 56 ၵေႃႉ ၼႂ်းၼၼ့်ပႃးလုၵ်ႈဢွၼ်ႇ 7 ၵေႃႉ ဝႃႈၼႆ။ မိူဝ်ႈဝၼ်းတီႈ 13/1/2023 ယၢမ်းၵၢင်ၶမ်ႈ 6 မူင်းၼၼ့် ၸဝ်ႈၼႃႈတီႈထႆး ၾၢႆႇပႂ်ႉလႅၼ်လိၼ်...

ႁွင်ႈၵၢၼ်လူင်ၾၢႆႇတွင်ႈတဵဝ်းလႄႈႁူင်းႁႅမ်းပိုၼ်ၽၢဝ်ႇတေၸတ်းႁဵတ်းပၢင်ပွႆးမွၵ်ႇၵွၼ်  တီႈထုင့်လွႆမူၺ်  ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၼႂ်း ဝၼ်းတီႈ 19/1/2023 ထိုင် 23/1/2023 ၶၢဝ်းတၢင်း 5 ဝၼ်း  ။ ပွႆးမွၵ်ႇၵွၼ်ၼႆႉပီပူၼ်ႉမႃး ၸတ်းႁဵတ်းယဝ်ႉၵႂႃႇၵမ်းထူၼ်ႈၼိုင်ႈ ၊ ပီၼႆႉတေၸတ်းပၢင်ပွႆးပဵၼ်ၵမ်းထူၼ်ႈ 2 ။ လွႆမူၺ် ၵဵင်းတုင် တေၸတ်း ပၢင်ပွႆးမွၵ်ႇၵွၼ် ပွၵ်ႈၵမ်း 2 ဝၼ်းတီႈ 19/1/2023 ထိုင်...

ၵႂၢမ်းၵပ်းထုၵ်ႇတႆး မီးဝႆႉဝႃႈ “လီပိူဝ်ႈၶဝ်ႈ ယဝ်ႉပိူဝ်ႈငိုၼ်း” ၵူၺ်းၵႃႈ မီးၶဝ်ႈၵူၺ်း ဢမ်ႇမီးငိုၼ်းၵေႃႈ ပႆႇပဵၼ်၊ မီးငိုၼ်းၵူၺ်း ဢမ်ႇမီးၶဝ်ႈ ၵေႃႈ ပႆႇပဵၼ်လႄႈ ပဵၼ်ဢၼ်လမ်ႇလွင်ႈတင်းသွင်ပိူင်ယဝ်ႉ။ တေႃႈၼင်ႇ ၸၢႆးမူး မေႃၵႂၢမ်းတႆး ၵိုၵ်းပိုၼ်း ၸိုဝ်ႈ သဵင်ယႂ်ႇ တႅမ်ႈႁွင်ႉ ၽဵင်းၵႂၢမ်း ဝႆႉဝႃႈ “ၼမ်ႉၼႂ်းလွၵ်းၼႃး...

မိူဝ်ႈၼႆႉ ဝၼ်းတီႈ 14/1/2023 ယၢမ်းၵၢင်ၼႂ်ၸဝ်ႉ 1 မူင်းပၢႆ ၾႆးမႆႈႁိူၼ်းယေး ၵူၼ်းဝၢၼ်ႈပၢင်ႇၶမ်း ၸႄႈဝဵင်းမူႇၸေႊ လင် ၼိုင်ႈ မီးလွင်ႈလူႉသုမ်းၼမ် လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆ ဢမ်ႇမီး။ ၵူၼ်းပိုၼ်ႉတီႈ ဝၢၼ်ႈပၢင်ႇၶမ်း လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ ၵၢင်ၼႂ်ၸဝ်ႉ ၾႆးမႆႈႁိူၼ်းၵူၼ်းဝၢၼ်ႈႁဝ်းၶႃႈ လင်ၼိုင်ႈ။ ႁိူၼ်းၼႆႉ တေပဵၼ်သွင်ၸၼ်ႉ ဢၼ်မႆႈၵႂႃႇသမ်ႉ...

သိုၵ်းမၢၼ်ႈ လူင်းပိုၼ်ႉတီႈ ၵဵပ်းသဵၼ်ႈမၢႆႁူဝ်ၵူၼ်း ၼႂ်းပွၵ်ႉယွမ်ႇၵူႈၸႄႈဝဵင်းၼႂ်းမိူင်းတႆး  ႁၢင်ႈႁႅၼ်းတႃႇပၢင်လိူၵ်ႈတင်ႈ 2023။  တႄႇဢဝ်ဝၼ်းတီႈ 9/1/2023 ၼႆ့မႃး သိုၵ်းမၢၼ်ႈယိုတ်းမိူင်း သင်ႇၽူႈၵွၼ်းပွၵ့်   လႄႈႁွင်ႈၵၢၼ်လူင်ၾၢႆႇ ဢုပ့်ပိူင်ၵူႈလွင်ႈလွင်ႈလႂ် တႄႇၵဵပ်းသဵၼ်ႈမၢႆႁူဝ်ၵူၼ်းၵူႈပွၵ်ႉယွမ်ႉ ၵူႈၸႄႈဝဵင်း ၵူၼ်းပိုၼ့်တီႈၼမ့်လၼ်ႈၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၶဝ်မႃးၵဵပ်းယဝ့်ၶႃႈ။ၶဝ်ၶႂ်ႈႁူႉဝႃႈ ၵူၼ်းႁိူၼ်းမီးလၢႆၵေႃႉ။ပေႃးမီးၵူၼ်းဢွၵ်ႇတၢင်းၵေႃႈ ၶဝ်တေမၢႆဝႆ့ဝႃႈ (ခရီးလွန်) ၼႆ့ၼၼ့်ၶႃႈ။ ၶဝ်တေဢဝ်သၢႆမၢႆဢၼ်ၵူၼ်းတိုၵ့်မီးၼႂ်းႁိူၼ်းၼႆ့သေ ပၼ်တွတ်ႈၶႅပ်းၵၢင်ၸႂ် ၸိူင့်ၼၼ်ဢေႃႈ။...

သိုၵ်းမၢၼ်ႈယိုတ်းမိူင်း တင်ႈလၢၼ်ႇပႂ့်ၵဵပ်းငိုၼ်းၵူၼ်းမိူင်းလိူဝ်ႁႅင်းတီႈမိူင်းၵိုင်ၸိုင်ႈတႆးပွတ်းၸၢၼ်း။ တႄႇဢဝ် ႁၢင်ပီ 2022 လိူၼ်တီႊသိမ်ႊပိူဝ်ႊ ၼၼ့်မႃး သိုၵ်းမၢၼ်ႈ တင်ႈလၢၼ်ႇ ပႂ့်ၵဵပ်းငိုၼ်းၵူၼ်းမိူင်း ၼႂ်းဢိူင်ႇဝၢၼ်ႈတူင်ႇလၢဝ်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်တႆးပွတ်းၸၢၼ်း။ ၸဝ်ႈၵႃး ဝဵင်းမိူင်းၵိုင်ၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ ၸႂ်ႈဢေႃႈ ၶဝ်ယွၼ်းငိုၼ်းၼမ်ႁႅင်းမႃး တိၵ်းတိၵ်းယဝ့် ၼိုင်ႈလမ်းလႂ် ၶဝ်ယွၼ်း 5 မိုၼ်ႇထိုင် 1 သႅၼ် ဢေႃႈ။...

မိူဝ်ဝႃး ဝၼ်းတီႈ 12/1/2023 ၵၢင်ဝၼ်း 1 မူင်း  ၵူၼ်းတေႃႉယႃႈမဝ်းၵမ်ၶၢမ်ႈလႅၼ်လိၼ် ၺႃးၸဝ်ႈၼႃႈတီႈ ထႆးယိုဝ်းတၢႆ 5 ၵေႃႉ တီႈဢိူင်ႇႁူၺ်ႈၶႆ့ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆးၸိုင်ႈထႆး။ ၵဵဝ်ႇၵပ်းလွင်ႈၼႆ့ သိုဝ်ႇ MAESAIPRESS တႅမ်ႈဢွၵ်ႇဝႆ့ဝႃႈ မီၵူၼ်း10 ၵေႃႉ တေႃႉယႃႈမ  ၶၢမ်ႈၶဝ်ႈလႅၼ်လိၼ် ထႆး တီႈလွႆသုင်တီႈၼိုင်ႈ၊ ဢၼ်မီးၾၢႆႇလင်ဝတ့်ၼွႆႉလွႆတုင်း၊...

သိုၵ်းမၢၼ်ႈယိုတ်းမိူင်းမွပ်ႈယိုၼ်ႈဝႂ်ယွင်ႈယေႃးသူး (ဂုဏ်ထူးဆောင်ဆု) ပၼ်ၵူၼ်းမိူင်းတႆး 5 ၵေႃႉ တီႈဝဵင်းလူင်တူၼ်ႈတီး ၸိူဝ်းဢၼ်ဢမ်ႇလႆႈၵႂႃႇႁပ်ႉတီႈၼေႇပျီႇတေႃႇ။ ဝၼ်းတီႈ 13/01/2023 မိူဝ်ႈၼႆႉ ၻွၵ်ႊတိူဝ်ႊၵျေႃႇထုၼ်း ၸွမ်ၽွင်းလူင်မိူင်းတႆး သိုပ်ႇမွပ်ႈယိုၼ်ႈသူး ဢၼ်ၸွမ်ၸိၵ်းသိုၵ်းမၢၼ်ႈ မွပ်ႈပၼ်ၽူႈမီးၸိုဝ်ႈသဵင်ၼႂ်းၵၢၼ်မိူင်းလႄႈၵၢၼ်သိုၵ်း ။ ပၢင်မွပ်ႈသူးၼႆႉၸတ်းႁဵတ်းတီႈဝဵင်းလူင်တူၼ်ႈတီး။ ၵူၼ်းၸိူဝ်းဢမ်ႇၸၢင်ႈၵႂႃႇႁပ်ႉသူးတီႈၼေႇပျီႇတေႃႇ ဢွၼ်ၵၼ်ၵႂႃႇႁပ်ႉ။ ၼႂ်းၼၼ်ႉ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈ RCSS/SSA ဢၼ်လႆႈႁပ်ႉသူး ဝၼ်ႇၼၵျေႃႇထိၼ်ႇ...

ၵႃးလမ်းၼိုင်ႈ တီႈဝဵင်းပၢင်ႁူႈ (ပၢင်ႇဢူႈလူင်) ပဵၼ်ၽေးၵိုင့်ၵၢင့်သေ ၵူၼ်းမၢတ်ႇၸဵပ်းႁၢဝ်ႈႁႅင်း 6 ၵေႃ့။ မိူဝ်ႈဝႃး ဝၼ်းတီႈ 11/1/2023 ဝၢႆးဝၼ်း 3 မူင်းၶိုင်ႈ ၵႃးလမ်းၼိုင်ႈ တီႈပၢင်ႁူႈ (ပၢင်ႇဢူႈလူင်) ပရိၵ်ႈၶၢတ်ႇ  ပဵၼ်ၽေးၵိုင့်ၵၢင့် ၵူၼ်းမၢတ်ႇၸဵပ်းႁၢဝ်ႈႁႅင်း 6 ၵေႃ့။ ၽူႈတူင့်ၼိုင်ၼႂ်းၸုမ်းၸွႆႈတူင်ႇဝူင်းၵူၼ်းဝဵင်းပၢင်ႁူႈ လၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၶဝ်ပဵၼ်ၵူၼ်းၼႂ်းဝဵင်းဢေႃႈၼၼ့်။ၵႃးၶဝ်...