ၵႃးလမ်းၼိုင်ႈ တီႈဝဵင်းပၢင်ႁူႈ (ပၢင်ႇဢူႈလူင်) ပဵၼ်ၽေးၵိုင့်ၵၢင့်သေ ၵူၼ်းမၢတ်ႇၸဵပ်းႁၢဝ်ႈႁႅင်း 6 ၵေႃ့။
မိူဝ်ႈဝႃး ဝၼ်းတီႈ 11/1/2023 ဝၢႆးဝၼ်း 3 မူင်းၶိုင်ႈ ၵႃးလမ်းၼိုင်ႈ တီႈပၢင်ႁူႈ (ပၢင်ႇဢူႈလူင်) ပရိၵ်ႈၶၢတ်ႇ ပဵၼ်ၽေးၵိုင့်ၵၢင့် ၵူၼ်းမၢတ်ႇၸဵပ်းႁၢဝ်ႈႁႅင်း 6 ၵေႃ့။
ၽူႈတူင့်ၼိုင်ၼႂ်းၸုမ်းၸွႆႈတူင်ႇဝူင်းၵူၼ်းဝဵင်းပၢင်ႁူႈ လၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၶဝ်ပဵၼ်ၵူၼ်းၼႂ်းဝဵင်းဢေႃႈၼၼ့်။ၵႃးၶဝ် ပရိၵ်ႈၶၢတ်ႇသေ ၵႃးၶဝ်ပိၼ်ႈဢေႃႈ။ ၵႃးၶဝ်ပိၼ်ႈတီႈသဵၼ်ႈတၢင်းၼႂ်းဝၢၼ်ႈၵူၺ်းၼင်ႇၵဝ်ႇၼၼ့်။ ၶဝ်ၵႂႃႇတူၺ်း ၵူၼ်းၶုတ်းၼမ့်မေႃႇမႂ်ႇ တီႈဝၢင်းႁိူၼ်းၶဝ်ဢၼ်မီးၼႂ်းဝၢၼ်ႈဢိၼ်းယႃးၼၼ့်ၼႆဢေႃႈ ။ ၽိူဝ်ႇၶဝ်ဢၢင်ႈဢွၵ်ႇဝၢၼ်ႈမႃးၶိုၼ်း ထိုင်တီႈသဵၼ်ႈတၢင်းငွၵ်းငႅၵ်း လူင်းၵုင်း ပရိၵ်းသမ့်ၶၢတ်ႇလႄႈ ဢမ်ႇၵုမ်းလႆႈႁူဝ်ၵႃးသေ ၵႃးၶဝ်ပိၼ်ႈၼႆဢေႃႈ။ ၵူၼ်းဝၢၼ်ႈ သိုပ်ႇၾူၼ်းမႃးလႄႈ ႁဝ်းၵႂႃႇၸွႆႈၶဝ် သူင်ႇပၼ်ႁူင်းယႃဢေႃႈ၊ႁႂ်ႈထိုင်သၢႆၸႂ်လူ့တႄ့ ဢမ်ႇလႅပ်ႈမီးၼင်ႇၵဝ်ႇ” – ဝႃႈၼႆ။
ၵႃးဢၼ်ပဵၼ်ၽေးၵိုင့်ၵၢင့်ၼႆ့ ပဵၼ်ၵႃးႁၢႆႊၵျႅတ်ႊ ၵူၼ်းၶီႇၸွမ်းတင်းမူတ်း 6 ၵေႃ့ပႃးၵူၼ်းႁေႃႈ မၢတ်ႇၸဵပ်းႁၢဝ်ႈႁႅင်းတင်းမူတ်း။ ပဵၼ်ၵူၼ်းႁိူၼ်းလဵဝ်ၵၼ်။ ၽေးၵိုင့်ၵၢင့်ၵႃးပိၼ်ႈၼႆ့ ပဵၼ်တီႈဝၢၼ်ႈဢိၼ်းယႃး ဢၼ်ၵႆၵၼ်တင်းဝဵင်းပၢင်ႁူႈ 3 လၵ်း။
မိူဝ်ႈလဵဝ် ၾၢႆႇၸွႆႈတူင်ႇဝူင်းၵူၼ်းဝဵင်းပၢင်ႇဢူႈလူင် (ပြင်ဉီးလွင်နာရေးကူညီမူအသင်း) ဢဝ်တူဝ်ၵူၼ်းပဵၼ် တေႃ့သူင်ႇယူတ်းယႃဝႆ့ တီႈ ႁူင်းယႃလူင်ဝဵင်းပၢင်ႁူႈ(ပၢင်ႇဢူႈလူင်) ဝႆ့ယဝ့်ဝႃႈၼႆ။
မိူဝ်ႈဝၼ်းတီႈ 21/12/2022 လိူၼ်ပူၼ့်မႃးၼႆ့ၵူၺ်း ၵႃးၵူၼ်းႁိူၼ်းလမ်းၼိုင်ႈ ပိၼ်ႈၶွမ်ႈ ႁိမ်းမူၵ့်ဢူး တၢင်းၶဝ်ႈ ဝဵင်းတၢင့်ယၢၼ်း ၼိူဝ်သဵၼ်ႈတၢင်းလူင်ပျီႇထွင်ႇၸု တၢင်းၵႂႃႇမႃး တၢင့်ယၢၼ်း – ပၢင်သၢင်းၼၼ့် တၢႆ 1 ၵေႃႉ၊ မၢတ်ႇၸဵပ်း 5 ၵေႃ့ ၼႂ်းၼၼ့် ပႃးလုၵ်ႈဢွၼ်ႇ 10 ၶူပ်ႇၵေႃႉၼိုင်ႈ ။
ၾၢႆႇၸွႆႈတူင်ႇဝူင်းၵူၼ်းဝဵင်းပၢင်ႁူႈ သင်ႇလၢတ်ႈဝႃႈ ပေႃးပဵၼ်ရူတ့်ၵႃးၸႂ့်ၸွမ်းႁိူၼ်းၸွမ်းယေး တေလႆႈၵႆ့ၵႆ့ ထတ်းတူၺ်းဝႃႈ ၶိူင်ႈၵႃးဢၼ်လႂ် လီဢမ်ႇလီ ပေႃးႁၼ်မႅၼ်ႈ ႁႂ်ႈမႄးၵုမ်းလုမ်းလႃး ပေႃးဢမ်ႇမႄးလႆႈ ႁႂ်ႈသိုဝ့်လၢႆႈမႂ်ႇ ယႃႇဝႆ့မဝ်မၢင် ၸၢင်ႈပဵၼ်ၽေးၵိုင့်ၵၢင့်သေ လူ့သုမ်းသၢႆၸႂ် ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ