ႁူင်းၽဝ်ထုၼ်တီႈၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ၺႃးသင်ႇၵိုတ်းၵၢၼ်ဝႆႉၼၼ်ႉ ယၢမ်းလဵဝ်ၶိုၼ်းသိုပ်ႇပၼ်ႇႁဵတ်းၶိုၼ်း။ ႁူင်းၽဝ်ထုၼ် ဢၼ်ၺႃးသင်ႇၵိုတ်းၵၢၼ်ဝႆႉၸူဝ်ႈၶၢဝ်း မိူဝ်ႈလိူၼ်ၼူဝ်ႊဝႅမ်ႊပိူဝ်ႊ 2022 ဢၼ်မီးတီႈဢိူင်ႇဝၢၼ်ႈလူင်း ႁိမ်းဝၢၼ်ႈလွႆသထူင်ႇ ဝဵင်းတႃႈၶီႈလဵၵ်းၼၼ်ႉ ထိုင်မႃးဝၼ်းတီႈ 9 လိူၼ်မၢတ်ႉၶျ် 2023 ၼႆႉ ၵူၼ်းဝၢၼ်ႈ ၶိုၼ်းလႆႈဢၢႆၵႂၼ်းမဵၼ်မႃးၶိုၼ်းၼႆယဝ်ႉ။ ဢိင်ၼိူဝ်လွင်ႈၼႆႉသေ ၵူၼ်းပိုၼ်ႉတီႈဢိူင်ႇဝၢၼ်ႈလူင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ မဵၼ်မႃးၶိုၼ်းမီးမွၵ်ႈ သၢမ်သီႇဝၼ်းယဝ်ႉၼႆႉ။ၵူၺ်းၼႃႇမၢင်ၵေႃႉၵေႃႈဝႃႈ ႁဵတ်းၶိုၼ်းမီးမႃးပဵၼ်လိူၼ်ယဝ်ႉၼႆယူႇ။ဢႃႈလူဝ်ႉ ဢၢႆၵႂၼ်းမၼ်းမဵၼ်ႈႁႅင်းၼႃႇ...

ပႃႇတီႇသိူဝ်ၽိူၵ်ႇ SNDP ဢၼ်ယိူင်းဢၢၼ်းတေၶဝ်ႈၶေႉၶဵင်ႇပၢင်လိူၵ်ႈတင်ႈ ၸၼ်ႉမိူင်းႁူမ်ႈတုမ်ပတ်းပိုၼ်ႉၼၼ်ႉ လိူၵ်ႈဢဝ်ဢူးလႃႉထေး ၽွင်းတႅၼ်းပႃႇတီႇၼူၵ်ႉယုင်း NLD ၵဝ်ႇ တိူင်းတႃႈၵုင်ႈၼၼ်ႉ ၶိုၼ်ႈပဵၼ် တူဝ်တႅၼ်းပႃႇတီႇ SNDP ဝဵင်းတႃႈၵုင်ႈ။ လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇလၢတ်ႈတီႈၽူႈတွႆႇႁွၵ်ႈဝႃႈ ပေႃးပဵၼ်မၼ်းၸၢႆးၼႆ လႅပ်ႈတေဢွင်ႇပေႉၼႂ်းတိူင်းတႃႈၵုင်ႈလႄႈ ၸင်ႇလႆႈလိူၵ်ႈပဵၼ်တူဝ်တႅၼ်းဝႃႈၼႆ။ “ယွၼ်ႉသင်လႄႈ လိူၵ်ႈဢဝ် ဢူးလႃႉထေး ပဵၼ်တူဝ်တႅၼ်းပႃႇတီႇသိူဝ်ၽိူၵ်ႇ တိူင်းတႃႈၵုင်ႈလႃႇၼႆ ယွၼ်ႉပိူဝ်ႈဝႃႈ ပေႃးပဵၼ်မၼ်းၼႆ တႃႇတေဢွင်ႇပေႉမၼ်းမီးၼမ်လႄႈဢိူဝ်ႈ။...

ၼႂ်းလိူၼ်မၢတ်ႊၶျ်ၼႆႉ ရူတ်ႉၶိူင်ႈ ၶွင်ၵူၼ်းဝဵင်းသႅၼ်ဝီႁၢႆ ဢမ်ႇယွမ်း 5 လမ်းယဝ်ႉ ၵမ်ႈၼမ် ထုၵ်ႇၵူၼ်းၶဝ်ႈလၵ်ႉၽႅဝ်ၼႂ်းႁိူၼ်း ယေး ၵမ်ႈသိုဝ်ႈ ဝႃႈၼႆ။ ဝၼ်းတီႈ 9-10/3/2023 ယၢမ်းၵၢင်ၶိုၼ်းလိုၵ်း ၶၢဝ်းတၢင်း 2 ဝၼ်းထပ်းၵၼ်မႃးၼႆႉ ရူတ်ႉၶိူင်ႈၵူၼ်းဝၢၼ်ႈ ၼႂ်းဢိူင်ႇ ၵုၼ်ၵွၵ်ႇ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ထုၵ်ႇၵူၼ်းၶဝ်ႈလၵ်ႉ ၽႅဝ်ၼႂ်းႁိူၼ်းယေး ႁၢႆၵႂႃႇ...

ပေႃးဢဝ်ၵႂၢမ်း ၵပ်းထုၵ်ႇတႆး မီးဝႆႉဝႃႈ “ၾိင်ႈၵဝ်ႇယႃႇႁႂ်ႈႁၢႆ - လၢႆးမႂ်ႇႁႂ်ႈၶိုတ်းၵၢပ်ႈ” ဢၼ်ဝႃႈၼၼ်ႉ မၼ်းၵေႃႈ ထုၵ်ႇမႅၼ်ႈယူႇ။ ၶေႃႈၵႂၢမ်းဢၼ်ဝႃႈ “ၾိင်ႈၵဝ်ႇယႃႇႁႂ်ႈႁၢႆ” ၼႆၼၼ်ႉ ယူႇတီႈ ၵူၼ်းမိူင်းတႆး ၸိူဝ်းပဵၼ်ၸၢဝ်းပုတ်ႉထတႄႉ တေဢွၼ်ၵၼ်ႁၵ်ႉသႃ မႅတ်ႇပႅင်းဝႆႉ ပွႆးၶၢမ်ႇသၢင်ႇလွင်းၼႆႉ ပဵၼ်ပိူင်ယႂ်ႇသုတ်း ဢၼ်ၼိုင်ႈယဝ်ႉ။ ၵွပ်ႈၼႆလႄႈ ပွႆးၶၢမ်ႇသၢင်ႇလွင်းၼႆႉ တေလႆႈဝႃႈ ပဵၼ်ပွႆးၾိင်ႈၵိုၵ်းပိုၼ်းၵူၼ်းမိူင်းတႆးမႃး ပၢၼ်သိုပ်ႇပၢၼ်...

မိူဝ်ႈၼႆႉ ဝၼ်းတီႈ 11/3/2023 တူၵ်းမႅၼ်ႈလိူၼ် 5 လွင်ႈ 5 ၶမ်ႈ (ဢဝ်ၸွမ်းပပ်ႉယဵမ်ႈဝၼ်း တၢင်းၾၢႆႇတႆးၶိုၼ်/ ယူၼ်း) တႄႇ ဢဝ် ယၢမ်းၵၢင်ၼႂ် ထိုင်ဝၢႆးဝၼ်း ပဵၼ်ဝၼ်းၵၢတ်ႇၸဝ်ႈၾႃႉ (ႁွင်ႉ) ဝၼ်းၵၢတ်ႇၵဝ်ႇ ၸွမ်းၼင်ႇ ထုင်းၸဝ်ႈၾႃႉ ဢွၼ်ႁဵတ်းမႃး ၶွပ်ႈၶူပ်ႇပီလႂ် ၼိုင်ႈပွၵ်ႈ ၸတ်းႁဵတ်းတီႈ...

မိူင်းၸဵင်း(ၵဵင်း) တုင် မီးလၢႆၸိုဝ်ႈ မိူင်းၶိုၼ် မိူင်းၶေမရတ်ႉထ မီးၶေႃႈယုမ်ႇယမ်ဝႃႈ ပဵၼ်ၶေႃႈၵႂၢမ်းၸီႉၸႅင်ႈ ၵဵဝ်ႇၵပ်း တီႈမႃး - မႄႈၼမ်ႉသၢႆၼိုင်ႈၼႂ်းၵဵင်းတုင် မီးၵၢၼ်လႆႈၶိုၼ်ႈၶိုၼ်းတၢင်းၼိူဝ်(တၢင်းႁွင်ႇ) ၵွပ်ႈဝႃႈမီးၼႃႈလိၼ် ပွတ်းတႂ်ႈ (တၢင်းၸၢၼ်း)  သုင်ၸၼ်းႁႄႈလိင်ႇၵႂႃႇတၢင်းၼိူဝ်(တၢင်းႁွင်ႇ) လႄႈပႅၵ်ႇပိူင်ႈၵၼ်တင်းမႄႈၼမ်ႉလၢႆလၢႆသၢႆ ၸင်ႇႁဵၵ်ႈ ၶၢၼ်ၵၼ်ၸွမ်းၼမ်ႉဢၼ်လႆၶိုၼ်ၶိုၼ်ႈ ၶိုၼ်းတၢင်းၼိူဝ်လႄႈႁွင်ႉၸွမ်းသၢႆၼမ်ႉဝႃႈ မိူင်းၶိုၼ် ၽူႈၵူၼ်းဢၼ်ယူႇ ၼႂ်းမိူင်းၼႆႉၵေႃႈ ႁဵၵ်ႈၶၢၼ်ၸွမ်းဝႃႈပဵၼ်“တႆးၶိုၼ်”။ ၼႂ်းပၢၼ်ၸဝ်ႈၽယႃးမင်းရၢႆး ဢဝ်သိုၵ်းတိုၵ်းပေႉၸၢဝ်းလွႆလ(လဝ...

ဢိင်ၼိူဝ်သိုၵ်းမၢၼ်ႈပိုၼ်ၽၢဝ်ႇ ပႃႇတီႇၵၢၼ်မိူင်းၸိူဝ်းတေၶဝ်ႈႁူမ်ႈပၢင်လိူၵ်ႈတင်ႈၼၼ်ႉႁႂ်ႈမႃး တၢင်ႇသဵၼ်ႈၸိုဝ်ႈ ၼႆၼၼ်ႉႁိုင်မႃးၶၢဝ်းတၢင်းဝူင်ႈပၢႆ ၼႂ်းဝၼ်တီႈ 8 လိူၼ်မၢတ်ႉၶျ် ၶွမ်ႊမသျိၼ်ႊ ပၢင်လိူၵ်ႈတင်ႈမိူင်းႁူမ်ႈတုမ်ပိုၼ်ၽၢဝ်ႇဝႃႈ ပႃႇတီႇ ဢၼ်မႃးတၢင်ႇသဵၼ်ႈၸိုဝ်ႈ မီးၵႂႃႇ 19 ပႃႇတီႇယဝ်ႉဝႃႈၼႆ။ ၼႂ်းဢၼ်တၢင်ႇမၢႆၾၢင်ဝႆႉ 19 ပႃႇတီႇၼႆႉပဵၼ်တႃႇၶဝ်ႈလိူၵ်ႈတင်ႈၸၼ်ႉမိူင်းႁူမ်ႈတုမ် 5 ပႃႇတီႇလႄႈ တေၶဝ်ႈလိူၵ်ႈတင်ႈၸၼ်ႉၸႄႈမိူင်း 14 ပႃႇတီႇ ဝႃႈၼႆ။ ဢၼ်တေၶဝ်ႈလိူၵ်ႈတင်ႈၼႂ်းၸၼ်ႉမိူင်းႁူမ်ႈတုမ် 5 ပႃႇတီႇၼႆႉပဵၼ်...

ပၢႆးဝူၼ်ႉၵၢၼ်မိူင်းလၢႆးမၢၼ်ႈၼႆႉ ၸဵမ်မိူဝ်ႈပၢၼ် ဢၼုရူၵ်ႉထႃႇ ႁၢၼ်ႉတေႃႇပၢၼ်ၵူင်းပွင်ႇသုတ်းဝၢႆး ၵူၺ်းဢိင်ၼိူဝ်ၶေႃႈ ဝူၼ်ႉသွၼ်ႇဢၼ်ဝႃႈ ၶုၼ်ႁၢႆႉၶုၼ်လိူင်းဢုပ်ႉမိူင်း ဢမ်ႇထုၵ်ႇလႄႈ ပူတ်းပႅတ်ႈမၼ်းသေ ၶိုၼ်ႈပုတ်ႈႁဵတ်းၶုၼ်မႂ်ႇ ၼၼ်ႉၵွႆး။ ၽိူဝ်ႇယူႇႁိုင်တၢၼ်ႇတၢၼ်ႇ ၶုၼ်မႂ်ႇၼၼ်ႉၵေႃႈ ပဵၼ်ၶိုၼ်းၸဝ်ႈပိူင်ႇၼမ်ႉငမ်းလိၼ် ၸဝ်ႈပိူင်ႇၸိၵ်းႁူဝ်တေႃႇ ပၢႆတိၼ် ဢႃယုဢသၢၵ်ႈၶွင်ၵူၼ်းမိူင်းသေၵေႃႈ ထိုင်ၶိုၼ်းပၢၼ်ၵဝ်ႇၵဝ်ႇ ထႅင်ႈပွၵ်ႈၼိုင်ႈၵမ်းၼိုင်ႈႁဵတ်းၼၼ်သေ ပၼ်ႇတူင်ႇဢူင်ႇဢူၺ်ႈယူႇ ႁၢၼ်ႉတေႃႇ ပေႃးပဵၼ်ၶႃႈလိပ်းၶုၼ်ဢိင်းၵလဵတ်ႈၶဝ်ၵႂႃႇၼၼ်ႉယဝ်ႉ။ ယူႇတႂ်ႈဢိင်းၵလဵတ်ႈပၢၵ်ႇပီပၢႆသေ ယူဝ်တေပိၼ်ႇလႅၵ်ႈလၢႆႈၶၢႆႉၸူးလၢႆးၵၢၼ်ဢုပ်ႉပိူင် ပႃႇလီႇမၢၼ်ႇ...

ၶွင်ႇသီႇသိုၵ်းမၢၼ်ႈ ယိုတ်းမိူင်း တင်ႈလၢၼ်ႇပႂ်ႉယွၼ်းငိုၼ်းတီႈ ၸဝ်ႈၵႃးလူင် ၶိုၼ်ႈလူင်း ၼိူဝ်သဵၼ်ႈတၢင်းလူင် ၵူတ်ႉၶၢႆ - မူႇၸေႊ ၸိုင်ႈတႆး ပွတ်းႁွင်ႇ ႁၢဝ်ႈႁႅင်း။ တႄႇဢဝ်ႁၢင်လိူၼ်ၾႅပ်ႊပိဝ်ႊရီႊ 2023 ၼၼ်ႉမႃး တေႃႇထိုင်ယၢမ်းလဵဝ် ၶွင်ႇသီႇ သိုၵ်းမၢၼ်ႈ ယိုတ်းမိူင်း တပ်ႉၶလယ  190 တင်ႈလၢၼ်ႇသေ ပႂ်ႉယွၼ်းငိုၼ်း ၸဝ်ႈၵႃးလူင် တၢင်ႇၵုၼ်ႇ...

သဵင်ၽဵင်းၵႂၢမ်း ၼႂ်းပၢင်တေႃႇလွင်း တီႈဝဵင်းပၢင်လူင် ဢၼ်ပိုတ်ႇသဵင်လင်ႁႅင်း မႃးၵူႈၶိုၼ်း တုမ်ႉယွၼ်ႈ ၵူၼ်းပိုၼ်ႉတီႈ ဢမ်ႇ လႆႈၼွၼ်းလပ်းလီၵၼ်မႃးၼၼ်ႉ ယၢမ်းလဵဝ် သဵင်ၽဵင်းၵႂၢမ်းယဵၼ်လူင်းၵႂႃႇၸူဝ်ႈၶၢဝ်း ၽွင်းလုၵ်ႈဢွၼ်ႇ တွပ်ႇလိၵ်ႈၸၼ်ႉသိပ်း။ တႄႇဢဝ် ဝၼ်းတီႈ 8/3/2023 ၼၼ်ႉမႃး သဵင်ၽဵင်းၵႂၢမ်းလင်ႁႅင်း တီႈၼႂ်းပၢင်တေႃႇလွင်း တၢင်းၾၢႆႇတူၵ်းဝတ်ႉဝၢၼ်ႈ ဢႅၼ်ႇ ယၢၼ်ဝဵင်းမွၵ်ႈ 1 လၵ်း ၼႂ်းဝဵင်းပၢင်လူင်...

မိူဝ်ႈဝႃးဝၼ်းတီႈ 9/3/2023 ၵၢင်ၶမ်ႈ 7 မူင်းၶိုင်ႈ  ႁႅင်းၵၢၼ်ၸၢႆးၵူၼ်းမိူင်းတႆးၵေႃႉၼိုင်ႈ ၶႃႈတူဝ်တၢႆၶိုၼ်း တီႈဝဵင်းလူင်ၵုင်းထဵပ်ႈ ၸိုင်ႈထႆး။ ၾၢႆႇၸွႆႈထႅမ်လူလွမ်ႁႅင်းၵၢၼ်ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ တူၺ်းမၼ်းၵေႃႈ လႅပ်ႈတေမီးလွင်ႈသုၵ်ႉၸႂ် ၵွပ်ႈၼႃႈႁိူၼ်းၽွင်ႈ။ ယဝ်ႉၵေႃႈ ၼႂ်းၵၢၼ်ငၢၼ်းၵေႃႈ မီးလွင်ႈၶမ်ၸႂ်။ ၵွပ်ႈမၼ်းဢမ်ႇမီးဝတ်းဝႂ်တဵမ်ထူၼ်ႈလႄႈ ၵုမ်ႇလႆႈပၢႆႈၸဝ်ႈၼႃႈတီႈ ဢမ်ႇၸၢင်ႈႁဵတ်းၵၢၼ်လီလီ။ လွင်ႈၸႂ်သုၵ်ႉသၵ်ႉ ၼမ်မႃးတိၵ်းတိၵ်းလႄႈ ထိုင်ၶႃႈတူဝ်တၢႆၵႂႃႇၸိူင်ႉၼၼ်ၶႃႈၵႂႃႈ ”...

ဝၼ်းတီႈ 7/3/2023 ပူၼ်ႉမႃးၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁွတ်ႈထိုင်မိူင်းတႆးသေၵႂႃႇႁူပ်ႉထူပ်းဢူးဢွင်ႇၶမ်းထီႇ ၼႃႇယၵ ပျီႇတူႉၸိတ်ႉပဢူဝ်း ဢၼ်မီးတီႈ ၸႄႈဝဵင်းၵျွၵ်ႉတလူင်း ၸႄႈတွၼ်ႈတူၼ်ႈတီး ဝၢႆးၼၼ်ႉသိုပ်ႇၵႂႃႇဢႅဝ်ႇယဵမ်ႈတူၺ်းတၢင်းရူတ်ႉၾႆး သူၺ်ႇၺွင်ႇ-တူၼ်ႈတီး ဢိၵ်ႇပႃးတင်း ႁူင်းၸၢၵ်ႈၸိုၼ်း ပၢင်ပႅၵ်ႇၸိူဝ်းၼႆႉ။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ႁွတ်ႈထိုင်တီႈ ဢူးဢွင်ႇၶမ်းထီႇ ယိုၼ်ႈမႅင်ႇၶွင်တွၼ်ႈသေဢုပ်ႇၵုမ်ၵၼ်။ ဝၢႆးၼၼ်ႉ လူင်းပိုၼ်ႉတီႈၵႂႃႇတူၺ်းသဵၼ်ႈတၢင်းရူတ်ႉၾႆး သူၺ်ႇၺွင်ႇတူၼ်ႈတီး၊ တႃႇၶိုၼ်းမႄးသိူဝ်ႇသဵၼ်ႈတၢင်းႁႂ်ႈၶႅမ်ႉလႅပ်ႈလိူဝ်ၵဝ်ႇဝႃႈၼႆ။ ၵူၼ်းဝဵင်းတူၼ်ႈတီးဢၼ်ၸမ်ၸႂ်ၵၼ်တင်း တူင်ႇဝူင်းၸုမ်းသိုၵ်း PNO/PNA...

ၽွင်းၽၵ်းမီႇၽိူၵ်ႇတူဝ်ႈတၼ်းတႃႇထူၺ်ႈထွၼ်ယၢမ်းလဵဝ် တီႈဝဵင်းမိူင်းပၼ်ႇ မီးၽူႈလၵ်ႉလိူင်ႇၼမ် ၊ ၸဝ်ႈသူၼ်လႄႈပလိၵ်ႈ တီႉၺွပ်းၵူၼ်းလၵ်ႉ ၽၵ်းမီႇၽိူၵ်ႇတီႈသူၼ်ဝၢၼ်ႈၼိူဝ် ဝဵင်းမိူင်းပၼ်ႇ။ ဝၼ်းတီႈ 09/03/2023 မိူဝ်ႈဝႃးယၢမ်းဝၢႆးဝၼ်း ၵူၼ်းဝၢၼ်ႈၵုင်းၵႅင်း ဢိူင်ႇၵုင်းၵႅင်း ဝဵင်းမိူင်းပၼ်ႇ ၶဝ်ႈလၵ်ႉထူၺ်ႈထွၼ်ၽၵ်းမီႇၽိူၵ်ႇၶွင်ၵူၼ်းမိူင်းပွၵ်ႇရႃႇၸႃႇ ။ ၸဝ်ႈသူၼ်ၽၵ်းမီႇၽိူၵ်ႇ ဢၼ်ၺႃးၽူႈလၵ်ႉၶဝ်ႈသူၼ်ၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ-“ၽူႈလၵ်ႉပဵၼ်ၸၢဝ်းမၢၼ်ႈ ယူႇဝၢၼ်ႈၵုင်းၵႅင်းဢေႃႈ။ ၸိုဝ်ႈမၼ်းႁွင်ႉဝႃႈ ဢူးတၢၼ်းဢေး ၶႃႈဝႃႇဢႃႇယုမီးမွၵ်ႈ 50 ပီၼႆႉဢေႃႈ။...

ၵူၼ်းပၢႆႈၽေးသိုၵ်းၵေႃႉၼိုင်ႈတီႈဝဵင်းၵျွၵ်ႉမႄး ၺႃးရူတ်ႉၶိူင်ႈၽႃႇမၢတ်ႇၸဵပ်း ႁၢဝ်ႈႁႅင်းလူဝ်ႇတၢင်းၸွႆႈထႅမ်ၵႃႈယူတ်းယႃ။ မိူဝ်ႈဝၼ်းတီႈ 7/3/2023 ၵၢင်ၶမ်ႈ 3 မူင်းၼၼ်ႉ ၵူၼ်းပၢႆႈၽေးသိုၵ်းၵေႃႉၼိုင်ႈတီႈဝဵင်းၵျွၵ်ႉမႄး ၺႃးရူတ်ႉၶိူင်ႈၽႃႇမၢတ်ႇၸဵပ်း ႁၢဝ်ႈႁႅင်းလူဝ်ႇတၢင်းၸွႆႈထႅမ်ၵႃႈယူတ်းယႃ။ ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ မိူဝ်ႈၶဝ်တေၵႂႃႇဝၢၼ်ႈၶႃႇ ၶဝ်သမ်ႉပႆတၢင်းၵႂႃႇ ၼႆဢေႃႈ သမ်ႉမီးရူတ်ႉၶိူင်ႈလမ်းၼိုင်ႈမႃးၽႃႇၺႃးသေ လုင်းၼႆႉပေႃးဢမ်ႇႁူႉတူဝ်။ လုပ်ႇၶေႃးမၼ်းပေႃးႁၵ်းၼႆဢေႃႈၼၼ်ႉ တေလႆႈသႂ်ႇလဵၵ်းသတီးၼႆ ၵူၺ်းၼႃႇသမ်ႉ ၶဝ်သမ်ႉဢမ်ႇပွင်ပဵၼ်လႆႈၼႆလႄႈ ၶႂ်ႈယွၼ်းတၢင်းၸွႆႈထႅမ် ပီႈၼွင်ႉႁဝ်းၶဝ်ၼႆဢေႃႈ ပေႃးဝၼ်းထိ...

မိူဝ်ႈဝၼ်းတီႈ 8 လိူၼ်မၢတ့်ၶျ် ဝၼ်းပုတ့်ၼႆ့ သိုၵ်းမၢၼ်ႈယိုတ်းမိူင်း တႄႇၼမ်းၸတ်း ပၢင်တွပ်ႇလိၵ်ႈၸၼ့်သိပ်း ၼႂ်းမိူင်းႁူမ်ႈတုမ်ပတ်းပိုၼ့် ။ လုၵ်ႈႁဵၼ်းဢၼ်ၶဝ်ႈတွပ်ႇလိၵ်ႈတင်းမူတ်း မီး 170,000 ပၢႆၵူၺ်းလႄႈ လႆႈဝႃႈ မီးဢေႇႁႅင်းလိူဝ်တၢင်ႇပီပူၼ်ႉမႃး ။ မိူဝ်ႈသိုၵ်းမၢၼ်ႈ ပႆႇယိုတ်းမိူင်းၼၼ့် ၼိုင်ႈပီလႂ် လုၵ်ႈႁဵၼ်းၶဝ်ႈတွပ်ႇၸၼ့်သိပ်း မီးမွၵ်ႈ 900,000 ။ ပၢၼ်လူင်ပွင်ၸိုင်ႈ...