ၶၢဝ်ႇ

ၶၢဝ်းတၢင်း3-4 လိူၼ်တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းလႄႈ ၵူႈၸိုင်ႈမိူင်းၼႂ်းလုမ်ႈၾႃႉ ပိၵ်ႉလၢၼ်ႇ/ၽၵ်းတူလႅၼ်လိၼ်  ႁဵတ်းႁႂ်ႈၵၢၼ်ၵႃႉၶၢႆ  ပၢႆးမၢၵ်ႈမီး ဢမ်ႇပဵၼ်ၵၢၼ် ၸဝ်ႈသူၼ်ၽၵ်းမီႇ မိူင်းပၼ်ႇၵေႃ လုသုမ်းၼမ်။ ၸၢႆးပႃႉ ၸဝ်ႈသူၼ်ၽၵ်းမီႇႁေႃ မိူင်းပၼ်ႇလၢတ်ႈဝႃႈ ထိုင်ၶၢဝ်းသူင်ႇမီႇႁေႃၶၢႆၸူးမိူင်းထႆးယဝ်ႉသေတႃႉ ပီၼႆႉဢမ်ႇၸၢင်ႈၶၢႆမီႇႁေႃလႄႈ တႃႇသိုပ်ႇႁဵတ်းၵၢၼ်ၽုၵ်ႇသွမ်ႈတၢင်ႇၸိူဝ်ႉၸၢင်ႇပိူင် ပႆႇၸၢင်ႈႁဵတ်း ဝႃႈၼႆ။ “တီႈမိူင်းပၼ်ႇၼႆႉ လေႉပၼ်ၽုၵ်ႇမီႇႁေႃၵမ်ႇ။ သူင်ႇၶၢႆမိူင်းထႆး။ ယၢမ်းလဵဝ် ၽၵ်းတူမိူင်းသမ်ႉပိၵ်ႉဝႆႉလႄႈ ဢမ်ႇၸၢင်ႈသူင်ႇၶၢႆ။...

တႃႇႁႅင်းၵၢၼ်ယၢၼ်မိူင်း တေၸၢင်ႈလႆႈပၼ်ၶႅပ်းမႄး တႃႇပၢင်လိူၵ်ႈတင်ႈ 2020 ၼႆႉ တင်ႈဢဝ်ႈ ဝၼ်းတီႈ 16/7/2020 ၼႆႉ ယိုၼ်ႈပႅပ်ႇၾွမ်ႊ 15 လႆႈယဝ်ႉဝႃႈၼႆ။ ပႅပ်ႇၾွမ်ႊ 15 ၼႆႉၻၢဝ်ႊလူတ်ႊဢဝ်တီႈ ဝႅပ်ႉသၢႆႉ ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ် (www.mofa.gov.mm) ဢမ်ႇၼၼ် ဝႅပ်ႉသၢႆႉလုမ်းတၢင်မၢၼ်ႈ  (https://www.mebangkok.org/) ၊ ဢမ်ႇၼၼ် ၵႂႃႇဢဝ်ဝႂ်ၾွမ်ႊတီႈလုမ်းတၢင်မၢၼ်ႈ...

ၸွမ်ၸိုင်ႈထရမ်ႊ ဢမေႊရိၵႃႊ လူင်းလၢႆးမိုဝ်းၶေႃႈပူင်ၶိုၵ်ႉတွၼ်း ၶႂမ်ႈသပိတ်ႈ/ ႁႅတ်ႉႁၢမ်ႈတေႃႇၶႄႇ တုမ်ႉတွပ်ႇလွင်ႈၸႂ်ႉတိုဝ်းမၢႆမီႈလွင်ႈႁူမ်ႇလူမ်ႈ တေႃႇ ႁွင်ႊၵွင်ႊ။ ၸုမ်းသိုဝ်ၶၢဝ်ႇ CNBC လႄႈ ရွႆႊတိူဝ်ႊ (Reuters) ႁၢႆးငၢၼ်းဝႃႈ- ၸွမ်ၸိုင်ႈ ၻူဝ်ႊၼေႃႊ ထရမ်ႉ ပိုၼ်ၽၢဝ်ႇလွင်ႈပၼ်တူတ်ႈတၢမ်ၼိူဝ်ၶႄႇ ၵဵဝ်ႇၵပ်းလွင်ႈၶႄႇၸႂ်ႉတိုဝ်းမၢႆမီႈလွင်ႈႁူမ်ႇလူမ်ႈ တေႃႇႁွင်ႊၵွင်ႊ၊ မၢႆမီႈလွင်ႈႁူမ်ႇလူမ်ႈၼႆႉ ၵမ်ႉယၼ်ပၼ်ႁႅင်းႁဵတ်းႁႂ်ႈၶႄႇ မီးဢေႃးၸႃႇဢႃႇၼႃႇ ၵုမ်းၵမ်ၼိူဝ်  ပိုၼ်ႉတီႈၽွင်းငမ်းတူဝ်ၵဝ်ႇႁွင်ႊၵွင်ႊ...

ပႃႇတီႇသိူဝ်ၽိူၵ်ႇ ႁဵတ်းပၢင်ၵုမ်ၸုမ်းပွင်ၵၢၼ်ငဝ်ႈငုၼ်း တီႈဝဵင်းလူင်တူၼ်ႈတီး၊ ႁၢင်ႈႁႅၼ်း ပၢင်လိူၵ်ႈတင်ႈ 2020 ။ ၸၢႆးဢၢႆႈပဝ်း လၢတ်ႈဝႃႈ ဢၢၼ်းဢွင်ႇပေႉပၢင်လိူၵ်ႈတင်ႈသေ ၽွတ်ႈႁႅၼ်းလူင်ပွင်ၸိုင်ႈ မိူင်းတႆး။ မိူဝ်ႈဝၼ်းတီႈ 15/07/2020 ယူႇတီႈ ငဝ်ႈငုၼ်းတီႇမူဝ်ႇၶရႅတ်ႉတိၵ်ႉ ပႃႇတီႇၸၢဝ်းၶိူဝ်းတႆး (SNDP) ႁိုဝ် ပႃႇတီႇသိူဝ်ၽိူၵ်ႇ ႁဵတ်းပၢင်ၵုမ်ၸုမ်းပွင်ၵၢၼ်ငဝ်ႈငုၼ်း ပွၵ်ႈၵမ်း 17 ၊ တီႈႁူင်းႁႅမ်း...

ၽူႈမီးၸၼ်ႉၼႂ်းငဝ်ႈငုၼ်းတိူင်းသိုၵ်းမၢၼ်ႈလႃႈသဵဝ်ႈ လူင်းပိုၼ်ႉတီႈ ပဵၼ်ပၼ်ႁႃ ဢၼ်ၶဝ်ယိုဝ်းၵူၼ်းမိူင်းတၢႆ တၢင်းပွတ်းပၢင်ႇလေႃႉ ႁၢႆးၵုၺ်    ၸေႈဝဵင်းၵျွၵ်ႉမႄး  ။ ဝၼ်းတီႈ 15/7/2020 ၼႆႉ  ငဝ်ႈငုၼ်းတိူင်းသိုၵ်း ရမၶ လႃႈသဵဝ်ႈ သူင်ႇၽူႈမီးၸၼ်ႉ ၼမ်းတပ်ႉၸွပ်ႇထတ်း    မွၵ်ႇႁွင်ႉပႃး ၽူႈယႂ်ႇၵူၼ်းလူင်ၼႂ်းၸေႈဝဵင်း   ၽူႈမီးပုၼ်ႈၽွၼ်း ၸိူဝ်းၼႆႉသေ လူင်းပိုၼ်ႉတီႈ       တၢင်းဝၢၼ်ႈပၢင်ၵႅၼ် တီႈယိုဝ်းၵူၼ်းဝၢၼ်ႈတၢႆ   ။ ၸၢႆးထုၼ်းဝိၼ်း ၽူႈတႅၼ်းသၽႃးၸေႈမိူင်း...

(ၽႂ်ႁၼ်ၵေႃႈၶႅၼ်းတေႃႈ မွၵ်ႇလၢတ်ႈသူင်ႇၶၢဝ်ႇပၼ်သေၵမ်း) ၵူၼ်းၸၢႆးဢႃယုၶၢဝ်ႉၵႄႇၵေႃႉၼိုင်ႈ ယူႇဝဵင်းလႃႈသဵဝ်ႈ ဢွၵ်ႇႁိူၼ်းၵႂႃႇလႆႈ 2 ဝၼ်းယဝ်ႉ ဢမ်ႇပွၵ်ႈမႃးႁိူၼ်းၶိုၼ်းလႄႈ ၽႂ်ႁူႉၸၵ်းႁၼ်မႅၼ်ႈၵေႃႈ ၶႅၼ်းတေႃႇ ပွၵ်ႇၶၢဝ်ႇပၼ်သေၵမ်း ဝႃႈၼႆ။ ပူၼ်ႉမႃး ဝၼ်းတီႈ 14.7.2020 ၼႆႉ  လုင်းၸၢမ်ႇသႃႇ ၵူၼ်းဝၢၼ်ႈၽၢႆတွင်းဢိူင်ႇမိူင်းတဵမ် ၸေႈဝဵင်းလႃႈသဵဝ်ႈ လၢတ်ႈဝႃႈတေၵႂႃႇႁႆႈၼႆသေ ဢွၵ်ႇႁိူၼ်းၵႂႃႇ။   တေႃႇထိုင်ယၢမ်းလဵဝ်  ပီႈၼွင်ႉလုၵ်ႈလၢင်းၼၢင်းမေးၸွမ်းႁႃ ယင်းပႆႇထူပ်းႁၼ်တူဝ်ၶိုၼ်း လႄႈပဵၼ်ဢၼ်မႆႈၸႂ်။ ၸၢႆးလႃႉဢွင်ႇ ၵေႃႉပဵၼ်လုၵ်ႈလုင်းၸၢႆးၸၢမ်ႇသႃႇ...

ဢမေႊရိၵၼ်ႊ ၸုၵ်းၾၢႆႇမိူင်းဢူၺ်းလီတႅၵ်ႇလႅင်း ၵဵဝ်ႇလူၺ်ႈလွင်ႈ ပၼ်ႁႃပၢင်ႇလၢႆႇၶႄႇၸၢၼ်း။ လွင်ႈၼႆႉၶႄႇဝႃႈ ႁႂ်ႈ ဢမေႊရိၵၼ်ႊ ႁဵတ်းၸွမ်းၵႂၢမ်းမၼ်ႈ လွင်ႈဝႃႈတေဢမ်ႇၸုၵ်းၾၢႆႇလႂ်ၾၢႆႇၼိုင်ႈ။ မိူဝ်ႈဝၼ်းတီႈ 14/07/2020 မႆႊၶ် ပွမ်ႊပေႊဢူဝ်ႊ ၽွင်းလူင်ၾၢႆႇၼွၵ်ႈမိူင်း ဢမေႊရိၵႃႊ ဢွၵ်ႇၶေႃႈပိုၼ်ၽၢဝ်ႇဝႃႈ- လွင်ႈဢၼ်လူင်ပွင်ၸိုင်ႈၶႄႇ ဢၢင်ႈသုၼ်ႇလႆႈပဵၼ်ၸဝ်ႈၶွင်ၽွင်းငမ်း ၶူဝ်းႁႄႈၶူဝ်းတိုၼ်းမေႃႇတိုင်းၼႂ်းပၢင်ႇလၢႆႇၶႄႇၸၢၼ်း/တႂ်ႈၼၼ်ႉ ပဵၼ်လွင်ႈၽိတ်းမၢႆမီႈ။ လွင်ႈၼႆႉလူၵ်ႈ/လုမ်ႈၾႃႉ တေဢမ်ႇယွမ်းပၼ်ၶႄႇႁဵတ်းမိူၼ်ၼင်ႇ ၸဝ်ႈႁေႃသႅင်လူင်သေ ဢုပ်ႉပိူင်ႇၽွင်းငမ်းၼိူဝ်ပၢင်ႇလၢႆႇၶႄႇၸၢၼ်းလႃးလႃး၊ ယူႇတီႈဢမေႊရိၵႃႊယိုၼ်ယၼ်...

သင်ႇၶႃႇၸဝ်ႈလႄႈ ၸဝ်ႈသၢင်ႇ တီႈဝတ်ႉၵျွင်းဝၢၼ်ႈလေႃႉၼေႃႇ  ဢိူင်ႇလေႃႉၼေႃႇၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၵႂႃႇၽႃႇၺႃးမၢၵ်ႇတႅၵ်ႇသႂ်ႇတိူဝ်ႉမၢတ်ႇလိူဝ်ႁႅင်း လူႉလွၼ်ႇထင်တီႈ။ ဝၼ်းတီႈ 14/7/2020 မိူဝ်ႈဝႃးယၢမ်းၵၢင်ဝၼ်းတဵင်ႈ ၸဝ်ႈသြႃႇၼင်ႈၵျွင်း၊ ၸဝ်ႈသၢင်ႇဢွၼ်ႇ လႄႈ ၵူၼ်းဝၢၼ်ႈၵေႃႉၼိုင်ႈ ၶဝ်သၢမ်ၸဝ်ႈသၢမ်ၵေႃႉ  ဝတ်ႉၵျွင်းလေႃႉၼေႃႇ  ၸေႈဝဵင်းၼမ်ႉၶမ်း ဢၢင်ႈၵႂႃႇပတ်းဝၢင်းၵျွင်းသေ ၵႂႃႇၶီႈလိုတ်းၺႃးမၢၵ်ႇတႅၵ်ႇတိူဝ်ႉသႂ်ႇ ။ ဢူးဢေးမွင်ႇ ၽွင်းတႅၼ်းသၽႃးၸေႈမိူင်း ၼမ်ႉၶမ်းလၢတ်ႈတီႈၽူႈတွႆႇႁွၵ်ႈဝႃႈ -  ၸဝ်ႈသြႃႇဢႃယု 36...

ၼၢင်းယိင်းၵေႃႉၼိုင်ႈ ဢႃယု 60 ပီ လုၵ်ႉမိူင်းထႆး ပွၵ်ႈၶိုၼ်းႁိူၼ်း မိူင်းၼၢႆး ၼၼ်ႉ ၵိုင်ႉၵၢင်ႉလူႉတၢႆၽွင်းၵၵ်းတူဝ်ဝႆႉတီႈ ဝတ်ႉၵျွင်း ဝိပသၼႃမူဝ်းၵူၵ်ႉ ဢၼ်မီးတီႈ ပွၵ်ႉၼႃႈႁွင်ႇ။  မၼ်းၼၢင်းပဵၼ်ၵူၼ်းဝၢၼ်ႈသူၼ်မၢၵ်ႇယၢၼ်း ဢိူင်ႇၵုၼ်ၼႃး ၸေႈဝဵင်းမိူင်းၼၢႆး။ မၼ်းၼၢင်းလုၵ်ႉမိူင်းထႆးပွၵ်ႈမိူဝ်းထိုင် မိူင်းၼၢႆးမိူဝ်ႈဝၼ်းတီႈ 3/7/2020။  မိူဝ်းၵၵ်းတူဝ်ဝႆႉလႆႈ 11 ဝၼ်းသေ လႆႈလူႉတၢႆၵႂႃႇၼႂ်းပၢင်သဝ်းၵၵ်းတူဝ် မိူဝ်ႈဝၼ်းတီႈ 14/7/2020။ ၸၢႆးၸွမ်ၼုမ်ႇ...

လူင်ပွင်ၸိုင်ႈမၢၼ်ႈ ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း ပိုတ်ႇလၢတ်ႈဝႃႈ သင်ဝႃႈ ပေႃႈလဵင်ႉၶႄႇ ၸဝ်ႈပၢႆးမၢၵ်ႈမီးၶဝ် မီးၵၢၼ်ၼႂ်းမိူင်းႁူမ်ႈတုမ် လူဝ်ႇႁိပ်ႈၼႅတ်ႈမႃးႁဵတ်းၸိုင် ယိုၼ်ႈတၢင်ႇဝႂ်ယွၼ်းၶဝ်ႈမိူင်းလႆႈယဝ်ႉ ဝႃႈၼႆ။ လူင်ပွင်ၸိုင်ႈမိူင်းႁူမ်ႈတုမ် ၽူႈၸိသင်ႇတီႈႁွင်ႈၵၢၼ်ၾၢႆႇမၢႆမီႈ ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း ဢူးဢွင်ႇ ၵျေႃႇၸၢၼ်ႇ လၢတ်ႈတီႈ ၸုမ်းၶၢဝ်ႇမိတ်ႉၸိမ ဝႃႈ -  “ၶူဝ်ႊဝိတ်ႉ 19 ယင်းပႆႇယဝ်ႉတူဝ်ႈ သေတႃႉ သင်ဝႃႈၾၢႆႇတၢင်း ၽူႈၸိူဝ်းႁဵတ်းၵၢၼ်ပၢႆးမၢၵ်ႈမီး...

ၸုမ်းတူင်ႇဝူင်းၵူၼ်းတႆး 36 ၸုမ်း ႁူမ်ႈၵၼ်ဢွၵ်ႇၶေႃႈပိုၼ်ၽၢဝ်ႇ ယိူင်းဢၢၼ်း ႁႂ်ႈၵူၼ်းမိူင်းႁူမ်ႈတုမ် ဢိၵ်ႇလုမ်ႈၾႃႉ လႆႈႁပ်ႉႁူႉငဝ်းလၢႆးသုၼ်ႇလႆႈၵူၼ်း ၼႂ်းၸိုင်ႈတႆး တူဝ်ႈထိုင်ၵၼ်။ မိူဝ်ႈဝၼ်းတီႈ 13/07/2020 ၼၼ်ႉ ယူႇတီႈ ၸုမ်းတူင်ႇဝူင်းၵူၼ်းတႆး 36 ၸုမ်း ႁူမ်ႈၵၼ်ဢွၵ်ႇ ၶေႃႈပိုၼ်ၽၢဝ်ႇ ၵမ်ႉထႅမ်ပၢင်ၼႄၵၢင်ၸႂ် ၵူၼ်းမိူင်းၵျွၵ်ႉမႄး မိူဝ်ႈဝၼ်းတီႈ 10/07/2020 ဢၼ်တုၵ်းယွၼ်း လွင်ႈပဵၼ်ထမ်းတြႃး...

ၵူၼ်းမိူင်းၶၢၵ်ႇ ထုၵ်ႇသိုၵ်းလူင်ပွင်ၸိုင်ႈမၢၼ်ႈ တဵၵ်းၸႂ်ႉလူင်းလၢႆးမိုဝ်း တႃႇႁဵတ်းႁႆႈႁဵတ်းသူၼ်၊ ပေႃးဢမ်ႇလူင်း ဢမ်ႇလႆႈႁဵတ်း။ တုၵ်းယွၼ်းထိုင်လူင်ပွင်ၸိုင်ႈ လူင်းထတ်းထွင်ၵႄႈလိတ်ႈပၼ် တၢင်းလိူတ်ႇမႆႈ။ ပူၼ်ႉမႃးမိူဝ်ႈဝၼ်းတီႈ 08/07/2020 ၼၼ်ႉ ယူႇတီႈသိုၵ်းလူင်ပွင်ၸိုင်ႈမၢၼ်ႈ တီႈဝဵင်းမိူင်းၶၢၵ်ႇ တပ်ႉ 328 ႁွင်ႉဢဝ်ၸဝ်ႈႁႆႈၸဝ်ႈၼႃး ဝၢၼ်ႈတႃႈၸေႃႉ တင်းၵူၼ်းလူင်ဝၢၼ်ႈ ၵႂႃႇတီႈၼႂ်းတပ်ႉသေ ဢုပ်ႇဢူဝ်းၵၼ်လွင်ႈႁႆႈလွင်ႈသူၼ်။ ၾၢႆႇသိုၵ်းမၢၼ်ႈလၢတ်ႈဝႃႈ- တႃႇလႆႈႁဵတ်းႁႆႈႁဵတ်းၼႃးၵႂႃႇၼၼ်ႉ ႁႂ်ႈၵူၼ်းဝၢၼ်ႈလူင်းလၢႆးမိုဝ်းပၼ်၊ ပေႃးလူင်းလၢႆးမိုဝ်းပၼ်...

ဝၼ်းမိူဝ်ႈၼႆႉ မိူင်းႁူမ်ႈတုမ်မၢၼ်ႈ မီးၵူၼ်းတိတ်းၸပ်းတၢင်းပဵၼ်ၶူဝ်းဝိတ်ႉ ထိုင် 336 ၵေႃႉယဝ်ႉ သေတႃႉ လူင်ပွင်ၸိုင်ႈမၢၼ်ႈပိုၼ်ၽၢဝ်ႇ တိုၼ်းတေပိုတ်ႇႁူင်းႁဵၼ်းၼႂ်းလိူၼ်ၵျူႊလၢႆႊ ၼႆႉယူႇ။ ၾၢႆႇပၢႆးပၺႃႇပိုၼ်ၽၢဝ်ႇဝႆႉဝႃႈ လိူၼ်ၵျူႊလၢႆႊ ဝၼ်းတီႈ 21 ၼႆႉ တေတႄႇပိုတ်ႇႁူင်းႁဵၼ်းၸၼ်ႉသုင်။  ၼႂ်းလိူၼ်ဢေႃႊၵတ်ႉသ်ဝၼ်းတီႈ 4 သမ်ႉ တေပိုၼ်ႇႁူင်းႁဵၼ်းၸၼ်ႉၵၢင်လႄႈ ဝၼ်းတီႈ 11 သမ်ႉတေပိုတ်ႇၸၼ်ႉဢွၼ်။ ၵူၺ်းၵႃႈ ပၢႆးယူႇလီ လူင်ပွင်ၸိုင်ႈ...

တပ်ႉသိုၵ်းလူင်ပွင်ၸိုင်ႈ လႄႈသိုၵ်းတႆး RCSS/SSA ပဵၼ်ပၢင်တိုၵ်းၵၼ် ၼႂ်းၵႄႈဝၢၼ်ႈၵုင်းၺွင်ႇလႄႈ ဝၢၼ်ႈၼမ်ႉမေႃႇၽီလူး ဢိူင်ႇလွႆၸွင်ႈ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ မီးၵူၼ်းပၢႆႈၽေးသိုၵ်းမွၵ်ႈႁိမ်း 50 သွၼ်ႈယူႇတီႈ ဝတ်ႉၵျွင်းၵုင်းၺွင်ႇ။ ဝၼ်းတီႈ 14/7/2020 ယၢမ်းၵၢင်ၼႂ်မွၵ်ႈ 10 မူင်းၶိုင်ႈ သဵင်ၵွင်ႈတႅၵ်ႇႁိမ်းဝၢၼ်ႈၼမ်ႉမေႃႇၽီလူး ယၢၼ်ၵႆဝၢၼ်ႈမွၵ်ႈၶိုင်ႈလၵ်းၼႆႉဝႃႈၼႆ။   ၸၢႆးၸၢႆး ၵူၼ်းပိုၼ်ႉတီႈလၢတ်ႈၼႄတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ ꨸ “ ဝၢႆးသေသိုၵ်းမၢၼ်ႈလတ်းႁိမ်းဝၢၼ်ႈႁဝ်းၶႃႈၵႂႃႇဢမ်ႇပေႃးႁိုင်...

ၼၢင်းယိင်း တုၵ်ႉၶိတ ဢၼ်ယူႇသဝ်းၼႂ်းပၢင်သဝ်းၵူၼ်းပၢႆႈၽေး ၼႂ်းၸေႈဝဵင်းၵူတ်ႉၶၢႆ ၺႃးၵူၼ်းၸၢႆးတၢင်းၼွၵ်ႈၶဝ်ႈမႃးလၢၵ်ႈၸၼ်ဢၢင်ႈၵၼ်ႉၸၼ်။ ဝၼ်းတီႈ 9/7/2020 ယၢမ်းၵၢင်ဝၼ်းတဵင်ႈ 1 မူင်းၶိုင်ႈ ၽွင်းၼၢင်းယိင်းတုၵ်ႉၶိတ ဢွၼ်ႇၼၼ်ႉ ယူႇသဝ်းၼႂ်းသုမ်ႉ တီႈပၢင်သဝ်းၵူၼ်းပၢႆႈၽေး  ၼႂ်းၸေႈဝဵင်းၵူတ်ႉၶၢႆၼၼ်ႉ မီးၵူၼ်းၸၢႆးၼွၵ်ႈပၢင်သဝ်း ၶဝ်ႈမႃးလၢၵ်ႈၸၼ်။ ၽူႈယႂ်ႇၵူၼ်းလူင်ၼႂ်းပၢင်သဝ်းၶဝ်ႈၵႄႈၵၢင် လၢတ်ႈၸွႆႈလႄႈ ၾၢႆႇၽူႈၸၢႆးမႃးယွၼ်း ၼွမ်းသေ လႆႈတူၵ်းလူင်းၽွမ်ႉပၼ် လူၺ်ႈ ဢမ်ႇဢဝ်လိူင်ႈ ဢဝ်တၢင်း။ တေႃႇပွၵ်ႉတွင်ႇ...