မိူဝ်ႈၼႆႉ ဝၼ်းတီႈ 21/7/2023 ယၢမ်းၵၢင်ၼႂ်ၸဝ်ႉ ဝတ်ႉဝၢၼ်ႈၼွင်ဝၢၼ်ႈၵုင်း ဢိူင်ႇၼွင်လႅင် ဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆး ပွတ်းၸၢၼ်း တိုၵ်ႉၵေႃႇသၢင်ႈမႂ်ႇ ပႆႇယဝ်ႉ ထုၵ်ႇၾႆးမႆႈ လူႉသုမ်းၼမ်။   ၵူၼ်းပိုၼ်ႉတီႈ ဝၢၼ်ႈၼွင်ဝၢၼ်ႈၵုင်း လၢတ်ႈတီႈၽူႈတွႆႇႁွၵ်ႈဝႃႈ - “ၾႆးၼႆႉ မၼ်းႁဵတ်းႁိုဝ်လႄႈ မႆႈမႃးတႄႉ ဢမ်ႇႁူႉ ၽႂ်ပႆႇႁူႉ ငဝ်ႈႁၢၵ်ႈမၼ်းလီလီ။...

ၸူဝ်ႈသိုၵ်းမၢၼ်ႈယိုတ်းမိူင်းမႃးၼႆႉၵူၼ်းဢမ်ႇမီးတီႈယူႇတီႈၵိၼ် လိူင်ႇၼမ်မႃးၶႂ်ႈဝႃႈၵူႈဝဵင်း၊ တီႈတႃႈၶီႈလဵၵ်း လႅၼ်လိၼ်တႆး - ထႆး ၵေႃႈမီးၼမ် ယူႇၵိၼ်ၼွၼ်းၸွမ်းၶၢင်ႈတၢင်း၊ ပူၼ်ႉမႃး 2 ဝၼ်းၵႃးၽႃႇၺႃး 3 ၵေႃႉ ၽွင်းတိုၵ်ႉ ယူႇၶၢင်ႈတၢင်း တၢႆ 2 မၢတ်ႇၸဵပ်း 1 ။  ဝၼ်းတီႈ 19/7/2023 ယၢမ်း 10 မူင်းၼၼ်ႉ...

သိုၵ်းၵႅတ်ႇၶႄၸိူဝ်ႉၸၢတ်ႈယၢင်းလႅင် KNDF ပၼ်ၾၢင်ႉၵူၼ်းမိူင်း ယႃႇၵႂႃႇမႃးၸွမ်း သဵꧣ်ႈတၢင်းလူင် မိူင်းတႆး - မိူင်းယၢင်းလႅင်။ ပၢင်တိုၵ်းသိုၵ်းသိူဝ် တိုၵ်ႉၶဵင်ႈၶႅင်ၵၼ်ႁၢဝ်ႈႁႅင်းလႄႈ တႄႇဢဝ်ဝၼ်းတီႈ 18 ထိုင် 28/7/2023 ၼႆႉ သိုၵ်းၵႅတ်ႇၶႄၸိူဝ်ႉၸၢတ်ႈယၢင်းလႅင် KNDF မၢႆ 2 ( Karenni Nationalities Defense Force -B-02)...

ၶူးဝႃးဝုၼ်းၸုမ်ႉ ၶဝ်ႈၵူတ်ႇထတ်း ပၢႆးယူႇလီ တီႈဝဵင်းလူင်မိူင်းၵွၵ်ႇ ၸိုင်ႈထႆး ထူပ်းႁၼ် တၢင်းပဵၼ် ၼိူဝ်ႉငွၵ်ႈ တီႈၼႂ်းသႆႈလူင် ဝႃႈၼႆ။ ဝၼ်းတီႈ 18/7/2023 ယၢမ်းဝၢႆးဝၼ်း 2 မူင်း ၶုၼ်ႁေႃၶမ်းထႆး တူၼ်ထီႉ 10 သူင်ႇၽူႈတၢင်တူဝ် ၶဝ်ႈသူႇၸႂ်း ၵၼ်ႇတေႃး တွင်ႈထၢမ် ပၢႆးယူႇလီ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ...

သိုၵ်းမၢၼ်ႈ ယိုတ်းမိူင်း သင်ႇ SSPP/ SSA ထွႆဢွၵ်ႇ ၸႄႈဝဵင်းလၢႆးၶႃႈ လိူၼ်လဵဝ် မီး 3 ပွၵ်ႈယဝ်ႉ ၾၢႆႇ SSPP ဢမ်ႇထွႆလႄႈ တင်းသွင်ၾၢႆႇ လႆႈၶဵင်ႈၶႅင်ၵၢၼ်သိုၵ်းၵၼ်မႃး မီးၶၢဝ်းတၢင်းမွၵ်ႈလိူၼ်ယဝ်ႉ။ ပူၼ်ႉမႃး ဝၼ်းတီႈ 28/6/2023 ၼၼ်ႉ ၶွင်ႇသီႇသိုၵ်းမၢၼ်ႈ ယိုတ်းမိူင်း...

ၵူၼ်းသူႇသမ်းၵိၼ်ယႃႈ ၵူၼ်းႁၢမ်းတီႈယူႇ ၵႂႃမႃးတူင်ႉၼိုင်ၼႂ်းသႅၼ်ဝီ ဢမ်ႇယွမ်း 100 ။ ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး ၶၢဝ်းတၢင်း 2 ပီပၢႆၼႆႉ ၵူၼ်းသူႇသမ်းၵိၼ်ယႃႈ ၵူၼ်းႁၢမ်းတီႈယူႇ ၵႂႃႇမႃးတူင်ႉၼိုင်ယူႇသဝ်းၸွမ်း ၼႂ်းၸႄႈဝဵင်းသႅၼ်ဝီ မီးဢမ်ႇယွမ်း 100 ၵေႃႉ ၵမ်ႈၽွင်ႈ လူႉႁၢႆတၢႆၸွမ်းပွၵ်ႉၸွမ်းယွမ်ႇ ။ ၸုမ်းၸွႆႈတူင်ႇဝူင်းၵူၼ်းသႅၼ်ဝီ(အနိူင်းမဲ့) ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၼႂ်းသႅၼ်ဝီ...

ၸဝ်ႈၸၢမ်ႇထုၼ်း ၸဝ်ႈၾႃႉမိူင်းပွၼ်ၼႆႉ  ထုၵ်ႇၸုမ်းၵူၼ်းႁၢႆႉမၢၼ်ႈ လၵ်ႉလွမ်ယိုဝ်းမိူဝ်ႈမိူဝ်ႈၵၼ်တင်း ၸွမ်သိုၵ်း ဢွင်ႇသၢၼ်း ၽွင်းတိုၵ်ႉႁဵတ်းပၢင်ၵုမ် ၵဵဝ်ႇလွင်ႈတေၵေႃႇသၢင်ႈဝၢၼ်ႈမိူင်းႁူမ်ႈတုမ် တီႈၼႂ်းႁွင်ႈ ပၢင်ၵုမ်သၽႃး ဝဵင်းလူင်တႃႈၵုင်ႈ ႁူမ်ႈတင်းမူတ်း 9 ၵေႃႉ တိူဝ်ႉဝၢတ်ႇလူမ်ႉတၢႆၵမ်းလဵဝ် 8 ၵေႃႉ။ ၸဝ်ႈၸၢမ်ႇထုၼ်း ၸဝ်ႈၾႃႉမိူင်းပွၼ်တႄႉႁူမ်ႈဝႃႈတိူဝ်ႉဝၢတ်ႇၼႆၵေႃႈ ဢမ်ႇထိုင်တီႈတၢႆလႄႈ တၼ်းလႆႈဢဝ်ၵႂႃႇ ၶဝ်ႈယူတ်းယႃတူဝ် တီႈႁူင်းယႃလူင်တႃႇၵုင်ႈယူႇ။ ၵွႆးၵႃႈ မေႃယႃ...

သူၼ်ႇလႆႈ ႁႅင်းၵၢၼ်ၶၢမ်ႈမိူင်း (ႁႅင်းၵၢၼ်တၢင်ႇၻၢဝ်ႈ) ၼႂ်းမိူင်းထႆး ။ ဢမ်ႇဝႃႈတေလုၵ်ႉမိူင်းလႂ်မႃးၵေႃႈလီ ၸွမ်းၼင်ႇပၵ်းပိူင်သူၼ်ႇလႆႈၵူၼ်းၼၼ်ႉ ပဵၼ်ၵၢၼ်လမ်ႇလွင်ႈၶိုၵ်ႉၶၢႆးလူင် တႃႇ ၵူၼ်းၵူႈၵေႃႉ တၵ်းတေလႆႈႁပ်ႉလွင်ႈၽဵင်ႇပဵင်းၵၼ်တင်းႁႅင်းၵၢၼ်ၶၢမ်ႈမိူင်း(တၢင်ႇၻၢဝ်ႈ) ဢၼ်ၶဝ်ႈမႃးႁဵတ်းၵၢၼ် ၼႂ်းမိူင်းထႆးၵေႃႈ ၸတ်းဝႅင်ႇပဵၼ်ထႅင်ႈၵုမ်ႇၼိုင်ႈ သူၼ်ႇဢၼ်ပဵၼ်ၵူၼ်းလမ်ႇလွင်ႈၵၢဝ်ႉၶိုပ်ႈ ယိုတ်ႈၸၼ်ၵၢၼ်မၢၵ်ႈမီး လႄႈႁူမ်ႈသၢင်ႈၽွၼ်းၵၢၼ် ၸၼ်ႉယွတ်ႈ(ၶိုၵ်ႉၶႅမ်ႉ) ဢွၵ်ႇသူႇသၢႆတႃလူၵ်ႈ(လုမ်ႈၾႃႉ) လူၺ်ႈလွင်ႈၼႆႉ ၼၢႆႊၸၢင်ႈ (ပေႃးလဵင်ႉ) လႄႈႁႅင်းၵၢၼ် တၵ်းတေလႆႈမီးလွင်ႈၶဝ်ႈၸႂ်သူၼ်ႇလႆႈၶွင်ႁႅင်းၵၢၼ်ၶၢမ်ႈၸၢတ်ႈ။ မိူဝ်ႈၶဝ်ႈမႃးၼႂ်းမိူင်းထႆး...

ၶၢဝ်းတၢင်း 7 လိူၼ်မႃးၼႆႉ ရူတ်ႉၶိူင်ႈၵူၼ်းမိူင်းၵဵင်းတွင်းႁၢႆ ဢမ်ႇယွမ်း 3 လမ်းယဝ်ႉ ၸူဝ်ႈသိုၵ်းမၢၼ်ႈ ယိုတ်းမိူင်းမႃး ၼႆႉ ႁဵတ်း ႁႂ်ႈၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ ဢုၼ်ႇၸႂ်။ ႁူဝ်လိူၼ်ၵျုႊလၢႆႊ 2023 ၼႆႉ ရူတ်ႉၶိူင်ႈ ပႃႈၼွတ်း ဝၢၼ်ႈၵုၼ်ၼႃး ပွၵ်ႉ 3 ဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း...

သိုၵ်းမၢၼ်ႈ တင်ႈၸႂ်ဝၢႆႇပၢၵ်ႇၵွင်ႈယိုဝ်းသႂ်ႇဝၢၼ်ႈလႄႈ ၵူၼ်းမိူင်းၼႂ်းၸႄႈဝဵင်းၵူတ်ႉၶၢႆ  မီးလွင်ႈမၢတ်ႇၸဵပ်းလူႉတၢႆ  ။ မိူဝ်ႈဝႃး ဝၼ်းတီႈ 18/7/2023 ႁူဝ်ၶမ်ႈ 4 မူင်းၼၼ်ႉ သိုၵ်းမၢၼ်ႈတင်းသိုၵ်းၶၢင် KIO/KIA ပဵၼ်ပၢင်တိုၵ်းၵၼ်သေ ၾၢႆႇသိုၵ်းမၢၼ်ႈ တင်ႈၸႂ်ယိုဝ်းၵွင်ႈလူင်သႂ်ႇဝၢၼ်ႈလႄႈ ၾႆးမႆႈႁိူၼ်းလူႉၵွႆလင်ၼိုင်ႈ ၊ ၵူၼ်းမိူင်း တၢႆ 1 မၢတ်ႇ 4 ၵေႃႉ  ။ ၵူၼ်းၼႂ်းၸႄႈဝဵင်းၵူတ်ႉၶၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸတ်းပၢင်ဢုပ်ႇဢူဝ်းထတ်းသၢင်ငဝ်းလၢႆးဝၢၼ်ႈမိူင်းၼႂ်း 6 လိူၼ်ပူၼ်ႉမႃးသေဢမ်ႇၵႃး မီးလွင်ႈၶိုၼ်ႈၸၼ်ႉတၼ်းႁဵင်းပၼ်ၵူၼ်းၼႂ်းၸုမ်းထႅင်ႈ။ တႄႇဢဝ်ဝၼ်းတီႈ 2 ထိုင် ဝၼ်းတီႈ 15/7/2023 ၼႆႉ  SSPP/SSA ၸတ်းပၢင်ၵုမ်ႁူဝ်ႁုပ်ႈၼႂ်းၶၢဝ်းတၢင်း 6 လိူၼ်ပူၼ်ႉမႃးၼႆႉသေထတ်းသၢင်ႈပႃးငဝ်းလၢႆးၼႂ်းမိူင်း ၼွၵ်ႈမိူင်း လိူဝ်ၼၼ်ႉ မီးလွင်ႈၶိုၼ်ႈၸၼ်ႉသိုၵ်းပၼ် ၵၼ်လၢႆၵေႃႉ လၢႆၸဝ်ႈ ၼႆယဝ်ႉ။ ၸဝ်ႈသိုၵ်းလူင် ၸၢႆးသူႉလၢတ်ႈတီႈၽူႈတွႆႇႁွၵ်ႈဝႃႈ -...

ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး ဢွၼ်ၵၼ်ပွၵ်ႈၶိုၼ်းႁိူၼ်းယေး ၵမ်ႈၽွင်ႈ ယွၼ်ႉၵပ့်ၵိၼ်းလွင်ႈယူႇၵိၼ် ပၼ်ႁႃငိုၼ်း တွင်းၵႃႈၶၢတ်ႈႁိူၼ်း ၸိူဝ်းၼႆႉ။ တႄႇဢဝ် လိူၼ်မေႊ 2023 ၼၼ်ႉမႃး တေႃႇထိုင် ယၢမ်းလဵဝ် ၵူၼ်းမိူင်း ဢၼ်ပၢႆႈမႃးသွၼ်ႈဝႆႉ ၼႂ်းဝဵင်းၵျွၵ်ႉမႄး ၸိုင်ႈတႆးပွတ်း ႁွင်ႇ ႁူဝ်ၵူၼ်း 5,000 ပၢႆၼႆႉ ယွၼ်ႉဢမ်ႇမီးငိုၼ်းၶဝ်ႈ ၊ ႁႃ...

PNLO ယွၼ်းငိုၼ်းၵဵပ်းၶွၼ်ႇလိူဝ်ႁႅင်းလႄႈ ၵူၼ်းမိူင်းသီႇသႅင်ႇၵမ်ႈၽွင်ႈ ပေႃးလႆႈလႄႇႁႃၵူႈသၢႆႉယိုမ်ၶႂႃသေသူင်ႇပၼ် ဝႃႈၼႆ။ မိူဝ်ႈဝၼ်းတီႈ 15/7/2023 ပူၼ်ႉမႃးၼႆႉ ၵူၼ်းဝၢၼ်ႈၸိူဝ်းယူႇ ၾၢႆႇဢွၵ်ႇၸႄႈဝဵင်းသီႇသႅင်ႇ ၺႃးသိုၵ်းပဢူဝ်း PNLO တဵၵ်းယွၼ်းငိုၼ်း ၵႃးၼိုင်ႈလမ်းလႂ် 2 သႅၼ် ၊ ထေႃႈၼိုင်ႈလမ်းလႂ် 1 သႅၼ်  ဢမ်ႇပၼ်ဢမ်ႇလႆႈၼႆမႃးလႄႈ  မၢင်ၸိူဝ်း ဢမ်ႇမီးငိုၼ်းတွင်း  ပေႃးလႆႈလႄႇႁႃၵူႈယိုမ်သေပၼ် ဝႃႈၼႆ...

ၸုမ်းပၢႆးမွၼ်းတႆး ၼႂ်းမိူင်းထႆး ႁူမ်ႈၵၼ်သေ ၸွႆႈၵႃႈယူတ်းယႃ ၸၢႆးလၢဝ်သႂ် ဢၼ်ပဵၼ် ၸဝ်ႈပၢႆးမွၼ်းတႆး ၵိုၵ်းပိုၼ်း ၸိုဝ်ႈ သဵင်ယႂ်ႇ တႃႇငိုၼ်းမၢၼ်ႈ 20 သႅၼ်ပျႃး။ ၵၢင်လိူၼ်ၵျုႊလၢႆႊ 2023 ၼႆႉ ၸုမ်းတူင်ႉၼိုင်တူင်ႇဝူင်းတႆးလႄႈ ၸုမ်းပၢႆးမွၼ်းတႆး ၼႂ်းမိူင်းထႆး ႁူမ်ႈငိုၼ်းၵၼ်သေ ၸွႆႈထႅမ် တႃႇၵႃႈယူတ်းယႃ ၸၢႆးလၢဝ်သႂ် ၸဝ်ႈပၢႆးမွၼ်းတႆး ယၢမ်းလဵဝ်...

မၢၵ်ႇတႅၵ်ႇ တီႈႁၢၼ်ႉၶၢႆၶမ်းသွႆးထႅတ်ႉ (ဇွဲထက်ရွှေဆိုင်) ဝဵင်းလႃႈသဵဝ်ႈ မီးၵူၼ်းလူႉတၢႆၸွမ်း 1 ၵေႃႉ မၢတ်ႇ 12 ၵေႃႉ ႁၼ်ႉတေႃႇထိုင်ဝၼ်းမိူဝ်ႈၼႆႉပႆႇႁတ်းပိုတ်ႇႁၢၼ်ႉၶိုၼ်း ။ ပူၼ်ႉမႃး ဝၼ်းတီႈ 15/7/2023 ယၢမ်းၵၢင်ၼႂ် 7:45 မူင်းၼၼ်ႉ မီးၵူၼ်းမႃးႁၢင်ႈၵၢင်မၢၵ်ႇ ဝႆႉၼႂ်းရူတ်ႉၶိူင်ႈ...