သိုၵ်းမၢၼ်ႈယိုတ်းမိူင်းဢွၵ်ႇလိၵ်ႈပိုၼ်ၽၢဝ်ႇ သင်ႇႁႂ်ႈ ၽူႈႁၢပ်ႇၵၢၼ်ၶုၼ် တႂ်ႈၶွင်ႇသီႇသိုၵ်းမၢၼ်ႈ ၶွတ်ႇၽွတ်ႈတပ်ႉၸုမ်းၵႅမ်သိုၵ်း။ မိူဝ်ႈဝၼ်းတီႈ  9/8/2023 ၼႆႉ ၾၢႆႇသိုၵ်းမၢၼ်ႈယိုတ်းမိူင်း ဢွၵ်ႇလိၵ်ႈပိုၼ်ၽၢဝ်ႇ သင်ႇ ၽူႈႁၢပ်ႇၵၢၼ်ၶုၼ် တႂ်ႈၶွင်ႇသီႇသိုၵ်းမၢၼ်ႈ ၸိူဝ်းမီးၼႂ်းၸႄႈတွၼ်ႈတူၼ်ႈတီး ႁႂ်ႈၶွတ်ႇၽွတ်ႈၸုမ်းတပ်ႉသိုၵ်း ၵႅမ်ဝႆႉၼႆယဝ်ႉ။ ၽူႈၸမ်ၸႂ် ၶႃႈႁၢပ်ႇၵၢၼ်ၶုၼ်ၾၢႆႇၽွင်းငမ်းၵူႈလွင်ႈလွင်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ တီႈတႄႉမၼ်း လိၵ်ႈၸီႉသင်ႇဢၼ်ၼႆႉ ပဵၼ်တႃႇလပ်ႉ ဢမ်ႇႁႂ်ႈၵူၼ်းတင်းၼွၵ်ႈႁူႉ ၵူၺ်းၼႃႇ...

ငဝ်းလၢႆးသိုၵ်းတင်းသွင်ၾၢႆႇၶဵင်ႈၶႅင်ထႅမ်ႁႅင်းသိုၵ်းတေႃႇၵၼ်ဝႆႉလႄႈ တီႈတၢင်းၸႄႈဝဵင်းမိူၵ်းၵိုင် သိုၵ်းမၢၼ်ႈတင်းသိုၵ်း SSPP/SSA ႁၢမ်ႈ ၵူၼ်းမိူင်း ၸႄႈဝဵင်းမိူင်းၵိုင် ဢွၵ်ႇၼွၵ်ႈႁိူၼ်းယေး ယၢမ်းၵၢင်ၶမ်ႈၵၢင်ၶိုၼ်း။ ၵူၼ်းမိူင်းထုၵ်ႇႁၢမ်ႈၸဵမ်မိူဝ်ႈႁူဝ်လိူၼ်ဢေႃႊၵတ်ႉသ်ၼႆႉမႃး ယၢမ်းလဵဝ်ၵေႃႈမီးၶၢဝ်းတၢင်း ၽၢၵ်ႇလိူၼ်ယဝ်ႉလႄႈ ယၢပ်ႇၽိုတ်ႇတႃႇၵူၼ်းႁႃၸဝ်ႉၵိၼ်ၶမ်ႈ ဢမ်ႇၸၢင်ႈၵႂႃႇမႃးႁႃၵိၼ်လဵင်ႉတွင်ႉလွတ်ႈလႅဝ်း ဝႃႈၼႆ။ ၵူၼ်းၼႂ်းပိုၼ်ႉတီႈမိူင်းၵိုင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈယဝ်ႉ ၵွပ်ႈၶဝ်မီးလွင်ႈ ၶဵင်ႈၶႅင်ၵၼ် လၢႆပႃႈလၢႆၾၢႆႇၼၼ်ႉၼႃႇၼေႃႈ ။ တၢင်းလၢႆးၶႃႈၼႆႉၵေႃႈ သိုၵ်းမၢၼ်ႈၶဝ် ထႅမ်ႁႅင်းသိုၵ်း...

ရူတ်ႉၶိူင်ႈသွင်လမ်း ၽႃႇၵၼ်တီႈတႃႈၶီႈလဵၵ်း မီးၵူၼ်းမၢတ်ႇၸဵပ်း 1  တၢႆ 1 ။   မိူဝ်ႈဝၼ်းတီႈ 12/8/2023  ရူတ်ႉၶိူင်ႈ 2 လမ်းၽႃႇၵၼ်တီႈ ႁိမ်းဝၢၼ်ႈယၢၼ်ႇသျိၼ်း မၢႆ 4 ဢိူင်ႇမိူင်းၵူဝ်း   တၢႆၵေႃႉၼိုင်ႈ မၢတ်ႇၸဵပ်း ႁၢဝ်ႈႁႅင်းၵေႃႉၼိုင်ႈ။ ၽူႈၶဝ်ႈၸုမ်းၸွႆႈတူင်ႇဝူင်းၵူၼ်းဢူးလႃႉမူဝ်း လၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈယဝ်ႉ ၶဝ်ႈတေႁေႃႈၽႂ်းၼႃႇၵေႃႈ ပိူင်ၼိုင်ႈ၊...

လုင်းႁွင်ၶမ်း ထဝ်ႈဝၢၼ်ႈထဝ်ႈမိူင်း ဝဵင်းၵဵင်းတုင် လႆႈလူႉသဵင်ႈၵႂႃႇ ၽွင်းဢႃယု 95 ပီ လူၺ်ႈတၢင်းပဵၼ်ၵူၼ်းထဝ်ႈ တီႈႁိူၼ်း မၼ်းၸဝ်ႈ။ ဝၼ်းတီႈ 12/8/2023 ယၢမ်းဝၢႆးဝၼ်း လုင်းႁွင်ၶမ်း ထဝ်ႈဝၢၼ်ႈထဝ်ႈမိူင်း (ပေႃးပၵ ၵဵင်းတုင်) လႄႈ ၽူႈယၢမ်ႈပဵၼ်ႁူဝ်ပဝ်ႈ ပႃႇတီႇၵွင်ၸႆး (ESSDDP) တင်း ၽူႈယၢမ်ႈပဵၼ်ႁူဝ်ပဝ်ႈၵဝ်ႇ ၶွင်ႇသီႇ ပၢၼ်ၼေႇဝိၼ်း/...

ၵူၼ်းပၢႆႈၽေးသိုၵ်းမိူင်းပၢႆး ၸိူဝ်းပၢႆႈသွၼ်ႈယူႇဝႆႉ ၼႂ်းထိူၼ်ႇၼႂ်းလွႆ ၶၢတ်ႇလွင်ႈၵမ်ႉထႅမ်လႄႈ ၶိုၼ်းလႆႈ ပွၵ်ႈယူႇႁိူၼ်းယေးၽႂ် မၼ်း လူၺ်ႈတၢင်းမႆႈၸႂ် ။ ၸဵမ်မိူဝ်ႈသိုၵ်းမၢၼ်ႈယိုတ်းမိူင်းမႃး ပၢင်တိုၵ်းသိုၵ်းသိူဝ်ၵေႃႈ ပဵၼ်ဢမ်ႇထၢတ်ႇ ႁဵတ်းႁႂ်ႈၵူၼ်းမိူင်းၽူင်ႉပၢႆႈပဵၼ်မူႇပဵၼ်ၵေႃ မိူၼ်ၼင်ႇ တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်းၼႆႉၵေႃႈ ၵူၼ်းပၢႆႈၽေးၼပ်ႉႁူဝ်ပၢၵ်ႇ လႆႈပၢႆႈသွၼ်ႈတူဝ်ယူႇဝႆႉ ၼႂ်းႁူၺ်ႈၼႂ်းလွႆ ၊ ဢမ်ႇလႆႈလွင်ႈၵမ်ႉၸွႆႈထႅမ်သင် ၶိုၼ်းပွၵ်ႈယူႇႁိူၼ်းၽႂ်မၼ်း လူၺ်ႈတၢင်းၵူဝ်ႁႄ ။ ၽူႈၶဝ်ႈႁူမ်ႈၵေႃႇမတီႇၸုမ်းၸွႆႈၵူၼ်းပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ...

ပေႃးၼပ်ႉသွၼ်တူၺ်း ၸဝ်ႈၾႃႉတႆး ၶုၼ်တႆး ၽူႈၼမ်းတႆး ႁူမ်ႈတင်း ဢိင်းၵလဵတ်ႈသေ ၸႂ်ႉပိူင်ၾႅတ်ႇတရႄႇ တႄႇၽွင်းငမ်းၸိုင်ႈတႆး မိူဝ်ႈ 1922 ၼီႈ ၼၼ်ႉၼႆ ပီၼႆႉ မီးမႃး 101 ပီယဝ်ႉ။ တႆးပၢၼ်မႂ်ႇ Y2K , Gen-Z ယၢမ်းလဵဝ် ၸွင်ႇသမ်ႉႁူႉၸၵ်း ပိူင်ၽွင်းငမ်းမိူင်း လူၺ်ႈလွၵ်းပိူင်ၾႅတ်ႇတရႄႇ...

လွႆၵေႃႇဝၼ်း ၼႃႈလိၼ်သိုၵ်းမၢႆ 1 (RCSS) ၸတ်းပၢင်ၵႅဝ်ႈယုၵ်ႉယွင်ႈ ဝၼ်းၵိူတ်ႇၼၢင်းႁေႃၶမ်းထႆး တူၼ်ထီႉ 9 ဢႃယုၶွပ်ႈ တဵမ် 91 ပီ မီးၵူၼ်းသိုၵ်း ၵူၼ်းမိူင်း ၶဝ်ႈႁူမ်ႈ 1,164 ၵေႃႉ။ ဝၼ်းတီႈ 12/8/2023 ယၢမ်းႁူဝ်ၶမ်ႈ 6 မူင်း ၸဝ်ႈသိုၵ်းလူင် ၶမ်းၵွၼ်းၸိုၼ်ႈ ဢွၼ်ၼမ်း...

“မၢၵ်ႇလူင်ၼၼ်ႉ မိူဝ်ႈၶဝ်ယိုဝ်းမႃး ႁဝ်းႁၼ်မိူၼ်ၼူၵ်ႉလမ်လမ်ဢွၼ်ႇသေ မိၼ်မႃးၸိူင်ႉၼၼ်ၵူၺ်း ၽိူဝ်ႇမႃးတူၵ်းႁိမ်းႁူင်း ႁဵၼ်းႁဝ်းၼႆႉ သဵင်တႅၵ်ႇမၼ်း ပိုင်ႉ! ပိုင်ႉ! ပိုင်ႉ! ႁူင်းႁဵၼ်းႁဝ်းပေႃးသၼ်ႇၼၼ်ႉၼႃႇ ႁႅင်း ဢမ်ႇႁႅင်းဢၼ်ဝႃႈ ၼၼ်ႉ ။ လုၵ်ႈႁဵၼ်း ဢွၼ်ႇယိင်း ဢႃယု 12 ၶူပ်ႇ ပေႃးတၢႆလိုမ်းၵႂႃႇၵမ်ႉၼိုင်ႈၼၼ်ႉၼႃႇ။ မၢၵ်ႇလူင် ဢၼ်ၶဝ်ယိုဝ်းမႃးၼၼ်ႉ မွၵ်ႈ...

ဝၢႆးပၢင်တိုၵ်း သိုၵ်းမၢၼ်ႈတင်း SSPP/ SSA ယဵၼ်လူင်း မွၵ်ႈ 5 ဝၼ်းၼႆႉ သိုၵ်းမၢၼ်ႈ ထႅမ်ႁႅင်းသိုၵ်း မုင်ႈၸူး တၢင်းဝဵင်း လၢႆးၶႃႈၼမ်မႃးထႅင်ႈ ႁဵတ်းႁႂ်ႈၵူၼ်းပိုၼ်ႉတီႈ မႆႈၸႂ်ၵူဝ်ပဵၼ်ပၢင်တိုၵ်းႁၢဝ်ႈႁႅင်း။ တႄႇဢဝ် ဝၼ်းတီႈ 6/8/2023 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် သိုၵ်းမၢၼ်ႈ ယိုတ်းမိူင်း ထႅမ်ႁႅင်းသိုၵ်း မုင်ႈၸူး ဝဵင်း...

ပေႃးထိုင်မႃး ဝၼ်းတီႈ 12/8/2023 ယၢမ်းဝၢႆးဝၼ်း 3 မူင်း ထိုင် 9 မူင်းၵၢင်ၶမ်ႈ သင်ၶၸဝ်ႈလႄႈ ၼုမ်ႇႁၢႆးၸၢႆးယိင်း ႁႅင်း ၵၢၼ်တႆး တေႁူမ်ႈၵၼ် ၸတ်းပၢင်တႆႈတဵၼ်း တိူင်ႇၵၢဝ်ႇယွၼ်းသူးပၼ် ၸဝ်ႈၼၢင်းႁေႃၶမ်းထႆး တူၼ်ထီႉ 9 ၽွင်း ဢႃယုလႆႈ 91 ပီ တီႈဝတ်ႉပႃႇပဝ်ႈ...

သိုၵ်းမၢၼ်ႈ ယိုတ်းမိူင်း ပိၵ်ႉဢိုတ်း သဵၼ်ႈတၢင်း လၢႆးၶႃႈ - မိူင်းၼွင်မႃး မီးၶၢဝ်းတၢင်း 5 ဝၼ်းယဝ်ႉ ပႆႇပိုတ်ႇပၼ်ၶိုၼ်း ႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းၵႂႃႇမႃးႁႃၵိၼ်လဵင်ႉတွင်ႉ ယၢပ်ႇၽိုတ်ႇႁႅင်း။ တႄႇဢဝ် ဝၼ်းတီႈ 6/8/2023 ၼၼ်ႉမႃး သိုၵ်းမၢၼ်ႈတင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး (SSPP/ SSA) ပဵၼ်ပၢင်တိုၵ်းၵၼ် တၢင်းၾၢႆႇဢွၵ်ႇဝဵင်းလၢႆးၶႃႈ...

ၵူၼ်းၶၢႆၼမ်ႉၶႅင်လွတ်ႇ (ယေႇၶႄးၶျွင်း) ယူႇၵူတ်ႉၶၢႆ ၵေႃႉၼိုင်ႈ ၺႃးၵူၼ်းဢမ်ႇႁူႉၾၢႆႇ ၶႃႈႁႅမ်တၢႆဝႆႉၶၢင်ႈတၢင်း။ မိူဝ်ႈၼႆႉ ဝၼ်းတီႈ 11/8/2023 ယၢမ်းၵၢင်ဝၼ်း 12 မူင်းၼႆႉ ထူပ်းႁၼ်တူဝ်တၢႆၵူၼ်းၸၢႆးၵေႃႉၼိုင်ႈ ၼိူဝ်သဵၼ်ႈ တၢင်းလူင် ၵူတ်ႉၶၢႆ - တႃႈမိူင်းငၢႆး ႁိမ်းဝၢၼ်ႈ မေႃႇႁၢၼ်ႇ ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ ၽူႈတူင်ႉၼိုင်ႈ ၼႂ်းၸုမ်းၸွႆႈတူင်ႇဝူင်းၵူၼ်းၵူတ်ႉၶၢႆ (ဗြဟ္မစိုရ်နှလုံးသား လူမှုကူညီရေးအသင်း)...

ႁူဝ်လိူၼ်ဢေႃႊၵတ်ႉသ်ၼႆႉ  ငိုၼ်းၶႄႇ 100 ယႂၼ်ႊ လႆႈသိုဝ်ႉပဵၼ် 5 မိုၼ်ႇပျႃးငိုၼ်းမၢၼ်ႈ။ ဝၢႆးသေ သိုၵ်းမၢၼ်ႈ ႁဵတ်းဢွၵ်ႇ ၶႅပ်းငိုၼ်းဝႂ်မႂ်ႇ 2 မိုၼ်ႇပျႃးၼႆႉမႃး ႁဵတ်းႁႂ်ႈ ငိုၼ်းလိူဝ်ၽိူဝ်ႈမႃးလိူဝ်ၵဝ်ႇ ငိုၼ်းၶႄႇ ငိုၼ်းထႆး ပုင်ႈၶိုၼ်ႈသုင်သေ ၶၼ်ငိုၼ်းမၢၼ်ႈ  တူၵ်းမႃး ၵူႈမိုဝ်ႉၵူႈဝၼ်း ။ ၼၢင်းယိင်းၸဝ်ႈႁၢၼ်ႉၶၢႆၵုၼ်ႇၼႂ်းဝဵင်းမူႇၸေႊၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈလဵဝ်...

ၵူၼ်းပၢႆႈၽေးသိုၵ်း ၸွမ်းလႅၼ်လိၼ်တႆး - ယၢင်းလႅင် ယၢပ်ႇၽိုတ်ႇလွင်ႈယူႇသဝ်းၵိၼ်သၢင်ႈ ဢမ်ႇလႆႈႁပ်ႉလွင်ႈၸွႆႈထႅမ်ၶိုတ်းတၼ်း။ တႄႇဢဝ်မိူဝ်ႈဝၼ်းတီႈ 6/8/2023 ၼၼ်ႉမႃး သိုၵ်းမၢၼ်ႈတင်း PDF ပိုတ်းယိုဝ်းၵၼ်ႁၢဝ်ႈႁႅင်းလႄႈ KNDF B – 02 ပိုၼ်ၽၢဝ်ႇ ပိၵ်ႉသဵၼ်ႈတႃႈသၢႆတၢင်း လွႆၵေႃႇ - မိူင်းပၢႆး  ႁဵတ်းႁႂ်ႈၵၢၼ်ၵမ်ႉၸွႆႈ ဢမ်ႇၶိုတ်းတၼ်းလႄႈ ၵူၼ်းပၢႆႈၽေး ယၢပ်ႇၽိုတ်ႇၶဝ်ႈၼမ်ႉတၢင်းၵိၼ်...

ၾူၼ်တူၵ်းထပ်းၵၼ်လၢႆဝၼ်းဢမ်ႇထၢတ်ႇ ၼမ်ႉၼွင်းလိၼ်ၵူၼ်ႇတီႈၼမ်ႉၶမ်း မီးၵူၼ်းမၢတ်ႇၸဵပ်း 2 ၊ လုၵ်ႈဢွၼ်ႇ တၢႆ ၵေႃႉၼိုင်ႈ။ မိူဝ်ႈဝႃး ဝၼ်းတီႈ 9/8/2023  ၾူၼ်တူၵ်းထပ်းၵၼ်လၢႆဝၼ်းႁၢဝ်ႈႁႅင်း  ႁဵတ်းႁႂ်ႈ ၼမ်ႉႁူၺ်ႈၼမ်ႉလွႆယိုင်ႈၼွင်း လူၼ်ႉၾင်ႇ လိၼ်ၵူၼ်ႇပင်း တီႈမၢၼ်ႈၵၢင်ႊ ဢိူင်ႇၽႃလႅၼ်ႇ ၸႄႈဝဵင်းၼမ်ႉၶမ်း မီးၵူၼ်းမၢတ်ႇၸဵပ်း 2 ၵေႃႉ   လုၵ်ႈဢွၼ်ႇတၢႆၵေႃႉၼိုင်ႈ။ ၽူႈတူင်ႉၼိုင်ၼႂ်းၸုမ်းၸွႆႈပိုၼ်ႉတီႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -...