သိုၵ်းမၢၼ်ႈယိုဝ်းၵွင်ႈလူင်သႂ်ႇ ၼႂ်းဢိူင်ႇၼႂ်းဝၢၼ်ႈတီႈၵူတ်ႉၶၢႆ မီးလွင်ႈလူႉယႂ်ႇသုမ်းၼမ် ၵူၼ်းမိူင်းတူၵ်းၸႂ်ၵူဝ်ႁႄ။ မိူဝ်ႈဝႃး ဝၼ်းတီႈ 5/9/2023 ယၢမ်းၵၢင်ၶိုၼ်း 10 မူင်းပၢႆ ဢမ်ႇမီးပၢင်တိုၵ်းသိုၵ်းသိူဝ်သင်သေတႃႉ  သိုၵ်းမၢၼ်ႈ ယိုဝ်း ၵွင်ႈလူင်သႂ်ႇ ၼႂ်းဢိူင်ႇမိူင်းယူႉ ၸႄႈဝဵင်းၵူတ်ႉၶၢႆ   ႁဵတ်းႁႂ်ႈႁိူၼ်းယေးၵူၼ်းမိူင်းလူႉၵွႆၼမ်  သတ်းလဵင်ႉ ၼႂ်းႁိူၼ်းၵေႃႈတၢႆၼမ်။ ၵူၼ်းၼႂ်းပိုၼ်ႉတီႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈယဝ်ႉ မၢၵ်ႇလူင်ၼႆႉ ၶဝ်ယိုဝ်းၵၢင်ၶိုၼ်းဢေႃႈၼၼ်ႉ။...

လုၵ်ႈဢွၼ်ႇယိင်း ဢႃယု 15 ပီ ႁဵတ်းၵၢၼ်ၵိၼ်ၸၢင်ႈလုမ်းလႃးႁိူၼ်းယေးၽူႈမၢၵ်ႇၵူၼ်းမီးလင်ၼိုင်ႈၼႂ်းဝၢၼ်ႈဢၢႆႇ ၸႄႈဝဵင်းလႃႈသဵဝ်ႈ ၽူႈၸၢႆး 2 ၵေႃႉၶဝ်ႈႁိူၼ်းဢၢၼ်းမႃးလၵ်ႉၸူၼ်ၶူဝ်းၶွင်သေ တႅင်းလုၵ်ႈဢွၼ်ႇတၢႆ။ မိူဝ်ႈဝၼ်းတီႈ 3/9/2023 ၽူႈၸၢႆး 2 ၵေႃႉ ၶဝ်ႈႁိူၼ်းပေႃႈလဵင်ႉၸၢဝ်းၶႄႇ လင်ၼိုင်ႈတီႈဝၢၼ်ႈဢၢႆႇ ဝဵင်းလႃႈသဵဝ်ႈ၊ လုၵ်ႈဢွၼ်ယိင်းဢၼ်မႃးလုမ်းလႃးႁိူၼ်းပေႃႈလဵင်ႉ သမ်ႉႁွင်ႉသႅၼ်ႇလႄႈ ၸူၼ်ၼၼ်ႉတႅင်းလုၵ်ႈဢွၼ်ႇတၢႆသေ သိုပ်ႇၶဝ်ႈသွၵ်ႈတဝ်ဢဝ်ၶူဝ်းၶွင်ငိုၼ်းၶမ်းပေႃႈလဵင်ႉၵႂႃႇတင်းၼမ် ၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းမိူင်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “...

ဢွၼ်ႇယိင်း ဢႃယု 20 ပၢႆ ၵေႃႉၼိုင်ႈ ၵႂႃႇပၢင်သွမ်းသေ ပွၵ်ႈမႃး ထုၵ်ႇၵူၼ်းၸၢႆးၵေႃႉၼိုင်ႈပႂ်ႉၸူၼ်ပွတ်းတၢင်း တီႈၼႂ်းဢိူင်ႇတူင်ႇလၢဝ်း ၸႄႈဝဵင်းမိူင်းၵိုင် သုမ်းရူတ်ႉၶိူင်ႈ၊ ၶမ်းလႄႈ ငိုၼ်း ၸိူဝ်းၼႆႉ တင်းမူတ်း သိပ်းသႅၼ်ပျႃး။ ဝၼ်းတီႈ 5/9/2023 ယၢမ်းၵၢင်ၼႂ် 7 မူင်းပၢႆ ဢွၼ်ႇယိင်း ဢႃယု 21 ပီ...

ၵူၼ်းႁူႉၸၵ်းမိုတ်ႈၵိုဝ်းၵၼ် တႅင်းၵၼ်တၢႆ တီႈဢိူင်ႇၼႃးၶၢၼ် ဝဵင်းမိူင်းၼၢႆး ယၢမ်းလဵဝ် ၵူၼ်းၵေႃႉတႅင်း ၼၼ်ႉ ပၢႆႈလွတ်ႈဝႆႉ။ ဝၼ်းတီႈ 4/9/2023 ယၢမ်းႁူဝ်ၶမ်ႈမွၵ်ႈ 7 မူင်း လုင်းဢိင်ႇတႃႇ ၵူၼ်းဝၢၼ်ႈၼႃးၶၢၼ် ပွၵ်ႉ 2 ၼႂ်းၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း ထုၵ်ႇလုင်းၵွင်း ၵူၼ်းဝၢၼ်ႈလဵဝ်ၵၼ် ဢဝ်လႅဝ်း တႅင်းၼႃႈဢူၵ်းမၼ်းၸၢႆး...

ၵၢၼ်ၽွင်းငမ်းလၵ်းပိူင်ထၢင်ႇႁၢင်ႈလွတ်ႈလႅဝ်း(Democracy) မၢႆထိုင် လၵ်းပိူင်ၵၢၼ်ပူၵ်းပွင်ၽွင်းငမ်းဢၼ်မီး ၵူၼ်းမိူင်းပဵၼ်ယႂ်ႇ။ ယွၼ်ႉၼၼ် ၵၢၼ်ပူၵ်းပွင်လူၺ်ႈလၵ်းပိူင်ၵၢၼ်ၽွင်းငမ်းဢၼ်မီးလွင်ႈထၢင်ႇႁၢင်ႈလွတ်ႈ လႅဝ်းၼၼ်ႉ ယိုတ်းထိုဝ်ဢဝ်ဢမ်းၼၢၸ်ႈတင်းသဵင်းတင်းလူင်ပဵၼ်ၶွင်ၵူၼ်းမိူင်း။ ၸိုင်ႈမိူင်းဢၼ်ပဵၼ်မိူင်းထၢင်ႇႁၢင်ႈလွတ်ႈလႅဝ်း(ၻီႊမွၵ်ႉၶရေႊသီႊ) တၵ်းမီးပိူင်ပိုင်းၸိုင်ႈမိူင်း။ ၵွပ်ႈဝႃႈ ပိူင်ပိုင်း ၸိုင်ႈမိူင်း ပဵၼ်ၵူတ်းမၢႆ (ဢုပတေႇ) ပဵၼ်ၵူတ်းမၢႆလၵ်း ႁိုဝ် ပဵၼ်မၢႆမီႈမၵ်းတမ်းပဵၼ်ၼႅဝ်းတၢင်း ပုၼ်ႈတႃႇလူင် ပွင်ၸိုင်ႈတေၸႂ်ႉတိုဝ်းဢမ်ႊၼၢၸ်ႈပူၵ်းပွင်ၽွင်းငမ်းၵူၼ်းမိူင်း လႄႈ မီးလၵ်းၵၢၼ်ၸတ်းၶိုင်ပၵ်းပိူင်ၽွင်းငမ်း။ ၵွႆးၵႃႈ ပိူင်ပိုင်းၸိုင်ႈမိူင်းၵေႃႈ ဢမ်ႇၸႂ်ႈၶိူင်ႈမၢႆဢၼ်ၼႄထိုင်...

မိူဝ်ႈၼႆႉ ဝၼ်းတီႈ 5/9/2023 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး သၢၼ်ၶတ်း လွင်ႈသိုၵ်းမၢၼ်ႈ ဢဝ်ၶိူင်ႈမိၼ်တိုၵ်း ၵွင်ႈလူင် လၢမ်းလိမ်းယိုဝ်းၵႂႃႇၵူႈႁူးၵူႈတၢင်း ၼႂ်းၸႄႈဝဵင်းၵူတ်ႉၶၢႆ - မူႇၸေႊ ၸိုင်ႈတႆး ပွတ်းႁွင်ႇသေ တိူဝ်ႉၺႃးၵူၼ်းဝၢၼ်ႈ 3 ၵေႃႉ ပႃးတင်းဢွၼ်ႇယိင်းသၢဝ် ဢႃယု 15...

ၵူၼ်းမိူင်းႁူမ်ႈတုမ် ဢွၼ်ၵၼ်ၶဝ်ႈထႅဝ် ၶပ်ႉယႆ တႃႇႁဵတ်းဝႂ်ၶၢမ်ႈလႅၼ်လိၼ် ၸူဝ်ႈၶၢဝ်း (TBP – Temporary Border Pass) တီႈဝဵင်းမူႇၸေႊ ၼပ်ႉႁူဝ်ႁဵင်။ မိူဝ်ႈၼႆႉ ဝၼ်းတီႈ 5/9/2023 ယၢမ်းၵၢင်ၼႂ် ၵူၼ်းမိူင်းႁူမ်ႈတုမ် ဢွၼ်ၵၼ်ၵႂႃႇၶဝ်ႈထႅဝ် ၸုၵ်းပႂ်ႉတႃႇႁဵတ်းဝႂ်ၶၢမ်ႈလႅၼ်လိၼ် တႆး - ၶႄႇ ၸူဝ်ႈၶၢဝ်း (TBP) တီႈၽၵ်းတူၸၢင်ႉၽိူၵ်ႇ...

တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆႉ ၶူးသွၼ် မေႃသွၼ်ၵမ်ႈၼမ် ဢမ်ႇႁပ်ႉၸဝ်ႈဢႃႇၼႃႇသိုၵ်းသေ ဢွၼ်ၵၼ်ႁဵတ်း CDM ၊ ဢမ်ႇယွမ်းၵႂႃႇႁၢပ်ႇၼႃႈၵၢၼ်ၶိုၼ်းသေ ဢွၼ်ၵၼ်ဢွၵ်ႇၵၢၼ်၊ ႁဵတ်းႁႂ်ႈႁႅင်းမေႃသွၼ်လူတ်းယွမ်းဢႄႇ ထိုင်တီႈလႆႈႁပ်ႉၵူၼ်းၸိူဝ်းဢွင်ႇပူၼ်ႉၸၼ်ႉသိပ်းၸိူဝ်းၼၼ်ႉ ၶဝ်ႈမႃးသွၼ်လိၵ်ႈပၼ်လုၵ်ႈဢွၼ်ႇၼႂ်းႁူင်းႁဵၼ်း။ တီႈဝၢၼ်ႈသၢႆးၶၢဝ် ၸႄႈဝဵင်းသီႇသႅင်ႇ လႆႈႁပ်ႉၵူၼ်းဢွင်ႇၸၼ်ႉသိပ်း မႃးပဵၼ်ၶူးသွၼ်မႂ်ႇ 4 ၵေႃႉ ဝႃႈၼႆ။  ၼၢင်းယိင်းၵူၼ်းဝၢၼ်ႈသၢႆးၶၢဝ် ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ဢဵၼ်ႁႅင်းမေႃသွၼ် ဢမ်ႇပေႃးလႄႈ...

ၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ၼႂ်းၵုၼ်လူင် - ႁူဝ်ပၢင်ႇ ပုင်ႈၶိုၼ်ႈႁႅင်း ပဵၼ်လၢႆပုၼ်ႈ ၶဝ်ႈသၢၼ် 1 ထူင်သႅၼ်ပျႃးပၢႆယဝ်ႉ။ တႄႇဢဝ် လိူၼ်ဢေႃႊၵတ်ႊသ် 2023 ၼၼ်ႉမႃး တေႃႇထိုင်ယၢမ်းလဵဝ် ၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉလႄႈ ၶိူင်ႈၸႂ်ႉသွႆ ၼႂ်း သူၼ်ၸိူဝ်းၼႆႉ ပုင်ႈၶိုၼ်ႈႁႅင်း ပဵၼ်လၢႆပုၼ်ႈ ၼႂ်းၸႄႈဝဵင်းၵုၼ်လူင် - ႁူဝ်ပၢင်ႇ...

ၵူၼ်းၸၢႆးၵေႃႉၼိုင်ႈတီႈတႃႈၶီႈလဵၵ်း ၺႃးပေႃႉထုပ်ႉသေ တၢႆၼႂ်းထဵင်ၼႃး၊ ပဵၼ်ၽႂ်တၢႆယွၼ်ႉသင် ၸုမ်းၸွႆႈထႅမ်လႄႈပလိၵ်ႈၶဝ်တိုၵ်ႉၸွပ်ႇတူၺ်းလွင်ႈတၢင်းမၼ်းယူႇ ဝႃႈၼႆ။ မိူဝ်ႈဝၼ်းတီႈ 4/9/2023 ယၢမ်း 6 မူင်း ထူပ်းႁၼ်တူဝ်တၢႆၵူၼ်းဢမ်ႇႁူႉၸိုဝ်ႈၵေႃႉၼိုင်ႈ မီးဝႆႉၼႂ်းထဵင်ၼႃး ၶၢင်ႈတၢင်းလူင်တႃႈၶီႈလဵၵ်း - ၵဵင်းတုင် ႁိမ်းၵဵတ်ႉမၢၵ်ႇယၢင်း ၸႄႈဝဵင်းတႃႈၶီႈလဵၵ်း။ ၽူႈၶဝ်ႈၸုမ်းၸွႆႈသူၺ်ႇမၢၵ်ႇယၢင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၵူၼ်းဝၢၼ်ႈၶဝ် ပွင်ႇၶၢဝ်ႇမႃးလႄႈ ၸင်ႇလႆႈၵႂႃႇတူၺ်း ။ လႆႈႁၼ်တူဝ်တၢႆၽူႈၸၢႆးၵေႃႉၼိုင်ႈၼႂ်းထဵင်ၼႃး။...

ၶၢဝ်းတၢင်း 2-3 ဝၼ်းမႃးၼႆႉ ၼမ်ႉတဵင်း လူၼ်ႉၾင်ႇလုပ်ႇထူမ်ႈ တူင်ႈႁႆႈၼႃး ၵူၼ်းမိူင်းလၢႆးၶႃႈ ႁၢဝ်ႈႁႅင်းသေ ႁဵတ်းႁႂ်ႈတုမ်ႉ တိူဝ်ႉသူၼ်ႁႆႈၼႃး လူႉသုမ်းတင်းၼမ်လၢႆ။ ဝၼ်းတီႈ 3-4/9/2023 မႃးၼႆႉ ၼမ်ႉတဵင်း လူၼ်ႉၾင်ႇလုပ်ႇထူမ်ႈ သူၼ်ၶဝ်ႈၵၢပ်ႇ/ၶႄႇ တူင်ႈၼႃး ၶွင်ၵူၼ်းမိူင်း ဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၸွမ်းသၢပ်ႇၼမ်ႉတဵင်း ၸိူဝ်းဢွင်ႈတီႈၶူင်ႈယၢၼ်း ၸိူဝ်းၼၼ်ႉသေ...

ဝၼ်းတီႈ 5/9/2023 ယၢမ်းၼႂ်ၸဝ်ႉ 6 မူင်းပၢႆ ၸူၼ်ၶဝ်ႈႁိူၼ်းၵူၼ်းဝၢၼ်ႈလင်ၼိုင်ႈ တီႈဝၢၼ်ႈမႂ်ႇ ထုင်ႉၼႃးၵွင်းမူး ၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ  ၊ ယိုဝ်းၸဝ်ႈႁိူၼ်းတၢႆ၊ ယိုဝ်းပႃးၵူၼ်းဝၢၼ်ႈဢၼ်ၶဝ်ႈမႃးၸွႆႈ တၢႆ 3 ၵေႃႉ။ ၵူၼ်းၼုမ်ႇၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ပဵၼ်ၵႂႃႇမိူဝ်ႈၸဝ်ႉၼႆႉဢေႃႈ ။ တၢင်းၶဝ် ယူႇ ၼႆႉ...

သိုၵ်းပဢူဝ်း PNO   ၵဵပ်းငိုၼ်းၵူၼ်းမိူင်းၼႂ်းၼွင်ႁၢႆးယႃႈ တႃႇဢဝ်ၸႂ်ႉၸၢႆႇ ၽွင်းဢဝ်ႁူမ်ႇလူမ်ႈပၼ်  ပွႆးၽြႃးၸၢမ် ၵဝ်ႈတွၼ်ႈ (ၽွင်ႇတေႃႇဢူး) ၽွင်းဢွၵ်ႇဝႃႇသႃ ဝႃႈၼႆ ။   ပေႃးထိုင်မႃး လိူၼ်သိပ်းဢဵတ်းမႂ်ႇ ပီၼႆႉ ၶွမ်ႇမတီႇ ၸတ်းပွႆးၽြႃးၸၢမ်းၵဝ်ႈတွၼ်ႈလူင်းမိူင်းၼႂ်းၼွင်ႁၢႆးယႃႈ တေၸတ်းပွႆႈၶိုၼ်းၸွမ်းၼင်ႇၾိင်ႈထုင်းမီးမႃးၵူႈပီပီၼၼ်ႉလႄႈ ယူႇတီႈ သိုၵ်းပဢူဝ်း (PNO/PNA) ဢၼ်တူင်ႉၼိုင် ၼႂ်းထုင်ႉၼၼ်ႉလၢတ်ႈဝႃႈ တေဢဝ်လွင်ႈႁူမ်ႇလူမ်ႈပၼ်ပွႆးၽြႃး ၵွပ်ႈၼႆလႄႈ ၵဵပ်းငိုၼ်းတီႈၵူၼ်းမိူင်းဝႃႈၼႆ။ ၼုမ်ႇယိင်းၵူၼ်းထုင်ႉၼွင်ႁၢႆးယႃႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈၼႆႉ ဝၼ်းတီႈ 4/9/2023 တႄႇဢဝ် ယၢမ်းၵၢင်ဝၼ်း 12 မူင်းၵႂႃႇ ၸဝ်ႈၼႃႈတီႈ ၾၢႆႇမိူင်းႁူမ်ႈတုမ် ႁဵတ်းပၼ်ဝႂ်ၶၢမ်ႈလႅၼ် လိၼ် ၸူဝ်ႈၶၢဝ်း (TBP - Temporary Border Pass) တီႈၽၵ်းတူလူင်ႁေႃၶမ်း(နန်းတော်ဂိတ်)၊ ၽၵ်းတူမၢၼ်ႈဝဵင်း (မန်ဝိန်းဂိတ်) လႄႈ ၽၵ်းတူၸၢင်ႉၽိူၵ်ႇ (ဆင်ဖြူဂိတ်) လႅၼ်လိၼ်တႆး...

ၵူၼ်းၼွင်ႁၢႆယႃႈ 4 ၵေႃႉ ပေႃႈမႄႈလုၵ်ႈ  ၺႃးသိုၵ်းမၢၼ်ႈယိုတ်းမိူင်း တီႉၺွပ်းၵႂႃႇမိူဝ်ႈဝူင်ႈပူၼ်ႉမႃးၼႆႉ သိုၵ်းမၢၼ်ႈ ၶိုၼ်းပွႆႇလုၵ်ႈဢွၼ်ႇပွၵ်ႈႁိူၼ်းၶိုၼ်း 2 ၵေႃႉ၊ ၵူၺ်းၵႃႈသိုပ်ႇၵုမ်းၶင်ဝႆႉပေႃႈမႄႈလုၵ်ႈဢွၼ်ႇထႅင်ႈ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ လုၵ်ႈဢွၼ်ႇ 2 ၵေႃႉၼၼ်ႉတႄႉ ႁၼ်လွတ်ႈမႃးၶိုၼ်း ဢေႃႈ။ ပေႃႈမႄႈၶဝ်တႄႉ ဢဝ်ၵႂႃႇၶင်ဝႆႉ တီႈလႂ်ဢမ်ႇႁူႉ မီးႁိုဝ်ပဵၼ်ႁိုဝ်ၵေႃႈ ဢမ်ႇလႆႈႁူႉၸွမ်း ။...