သိုၵ်းတဢၢင်း TNLA လႄႈ သိုၵ်းမၢၼ်ႈ တိုၵ်ႉလေႃႇတိုၵ်းၵၼ်ႁၢဝ်ႈႁႅင်း ၵူၼ်းမိူင်းၼမ်ႉၶမ်းၺႃးမၢၵ်ႇလူင်တူၵ်းသႂ်ႇႁိူၼ်းလူႉၵွႆၼမ် ၵူၼ်းမိူင်းလူႉတၢႆပဵၼ်ပုတ်းပွတ်းၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ။ ဝၼ်းတီႈ 25 ထိုင် 26/11/2023 တင်းဝၼ်းၶိုၼ်း ထိုင်လႅင်း သိုၵ်းတဢၢင်း TNLA လေႃႇတိုၵ်းသိုၵ်းမၢၼ်ႈတီႈၸႄႈဝဵင်းၼမ်ႉၶမ်း ဢမ်ႇၵိုတ်းဢမ်ႇယင်ႉ ၾၢႆႇသိုၵ်းမၢၼ်ႈၵေႃႈ ၶိုၼ်းတုမ်ႉတွပ်ႇၸႂ်ႉၶိူင်ႈမိၼ်ပွႆႇမၢၵ်ႇသႂ်ႇၶိုၼ်းလၢႆၵမ်း ႁိူၼ်းၵူၼ်းမိူင်းလူႉၵွႆၼမ် ၵူၼ်းမိူင်း တၢႆ 1 မၢတ်ႇၸဵပ်း...

တပ်ႉပႂ်ႉလႅၼ်လိၼ် (သိုၵ်းၶႄႇ) တင်ႈၸႂ်ပွႆႇမၢၵ်ႇၵႅတ်ႉသ်ၼမ်ႉတႃ သႂ်ႇၵူၼ်းပၢႆႈၽေးသိုၵ်း ဢၼ်ပၢႆႈၵႂႃႇမူၵ်းသွၼ်ႈဝႆႉ ၸွမ်းႁူဝ်ႉ လႅၼ်လိၼ်တႆး - ၶႄႇ ၼႂ်းၸႄႈဝဵင်းလၢဝ်ႇၵၢႆး။   ဝၼ်းတီႈ 25/11/2023 ၵူၼ်းမိူင်း ၸၢဝ်းၵဝ်းၵၢင်ႉ ဢွၼ်ၵၼ်ပၢႆႈၽေးသိုၵ်း ၵႂႃႇသွၼ်ႈဝႆႉ ၸွမ်းႁိမ်းႁူဝ်ႉလႅၼ်လိၼ်တႆး - ၶႄႇ ၸိူဝ်းၼၼ်ႉ ယွၼ်ႉပၢင်တိုၵ်း သိုၵ်းမၢၼ်ႈတင်း သိုၵ်းၵဝ်ႈၵၢင်ႉ ပိုတ်းယိုဝ်းၵၼ်ႁၢဝ်ႈႁႅင်းလႄႈ...

ၶၢဝ်းတၢင်း 2 ဝၼ်းမႃးၼႆႉ သိုၵ်းမၢၼ်ႈတင်း သိုၵ်း TNLA ပဵၼ်ပၢင်တိုၵ်းၵၼ် ႁၢဝ်ႈႁႅင်း ၼႂ်းဝဵင်းၼမ်ႉၶမ်း ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ် ပွႆႇမၢၵ်ႇတိုၵ်းၸွႆႈထႅင်ႈတင်းၼမ်။   တႄႇဢဝ် ဝၼ်းတီႈ 24/11/2023 ယၢမ်းႁူဝ်ၶမ်ႈ 6 မူင်းမႃး ႁၢၼ်ႉတေႃႇထိုင်ယၢမ်းလဵဝ် သိုၵ်းမၢၼ်ႈ ယိုတ်းမိူင်းတင်း သိုၵ်း တဢၢင်း TNLA...

တႃႇတေယိုတ်းလႆႈ တပ်ႉပၢင်သဝ်းသိုၵ်းမၢၼ်ႈၸၶၢၼ်းတိတ်ႉၼမ်ႉၶမ်းၼၼ်ႉ သိုၵ်းတဢၢင်း TNLA ၶိုင်ပိုတ်းယိုဝ်းယူႇႁၢဝ်ႈႁႅင်း။ Photo : ႁၢင်ႈႁွႆးမၢၵ်ႇၵွင်ႈတီႈဝတ်ႉဝႃးၽႃသိူဝ်ႇ ၼႂ်းၼမ်ႉၶမ်း တႄႇဝၼ်းတီႈ 22/11/2023 ၼႆႉမႃး ၾၢႆႇသိုၵ်းတဢၢင်း TNLA ၶဝ်ၼႆႉ လိူဝ်သေပိုတ်ႇၼႃႈသိုၵ်းလေႃႇတိုၵ်းသိုၵ်းမၢၼ်ႈယဝ်ႉ ၸႂ်ႉတရူၼ်ႊသေ ပွႆႇမၢၵ်ႇပႃးႁၢဝ်ႈႁႅင်း။ တႃႇယိုတ်းလႆႈ တပ်ႉပၢင်သဝ်းမၢၼ်ႈၸၶၢၼ်းတိတ်းတီႈၼမ်ႉၶမ်းၼၼ်ႉ သဵင်ၵွင်ႈသဵင်မၢၵ်ႇမေႃးၵူႈဝၼ်းၵူႈၶိုၼ်း တေႃႇထိုင်ဝၼ်းမိူဝ်ႈၼႆႉ ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၶဝ်တိုၵ်ႉတိုၵ်းတေႃးၵၼ်ယူႇ။...

သိုၵ်းတဢၢင်း TNLA ပိုၼ်ၽၢဝ်ႇမိူဝ်ႈၼႆႉဝၼ်းတီႈ 24/11/2023 ဝႃႈ ယိုတ်းလႆႈတပ်ႉပၢင်သဝ်းသိုၵ်းမၢၼ်ႈတီႈဢိူင်ႇမိူင်းၵႅတ်ႈယဝ်ႉဝႃႈၼႆ။ ၼႂ်းၶေႃႈပိုၼ်ၽၢဝ်ႇသိုၵ်းတဢၢင်းၼၼ်ႉပႃးဝႆႉဝႃႈ ပၢင်သဝ်းသိုၵ်းမၢၼ်ႈ ဢၼ်မီးတီႈ ဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈၼၼ်ႉ ဝၢႆးလင်သိုၵ်းဢူၺ်းလီ လႆႈပိုတ်းယိုဝ်းသိုၵ်းမၢၼ်ႈမႃးၸမ်လိူၼ် သိုၵ်းတဢၢင်းယိုတ်းလႆႈ ယၢမ်းတဵင်ႈၶိုၼ်း ဝၼ်းတီႈ 23/11/2023 ၼၼ်ႉ၊ ယိုတ်းလႆႈပႃးၶိူင်ႈၵွင်ႈၵၢင်ႇမၢၵ်ႇမိုဝ်ႈၸိုၼ်းယၢမ်းတင်းၼမ်ဝႃႈၼႆ။ ၸဝ်ႈၼႃႈတီႈသိုၵ်းတဢၢင်း TNLA ၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ႁဝ်းၶႃႈလႆႈတိုၵ်းတပ်ႉပၢင်သဝ်းၼႆႉမႃး ႁိုင်ယဝ်ႉ။ သိုၵ်းမၢၼ်ႈဢဝ်ၶိူင်ႈမိၼ်မႃးယိုဝ်းၸွႆႈလႄႈ ဢမ်ႇယိုတ်းလႆႈငၢႆႈ။...

ယွၼ်ႉပိူဝ်ႈၵၢၼ်ၶုတ်း ႁႄႈလိၼ် တီႈဝၢၼ်ႈ ဢိၼ်ႇၶွင်းပႃႇ ၼႂ်းၵႄႈဝဵင်း မၢႆႇၵျႃႇယၢၼ်ႇ လႄႈဝဵင်းလၢႆႇၸႃႇ ၼႂ်းမိူင်းၶၢင်ၼၼ်ႉသေ လူမ်းတင်းၼမ်ႉမီးၵွင်ႉငူၼ်ႉ ႁဵတ်းႁႂ်ႈၵူၼ်းပိုၼ်ႉတီႈ ပဵၼ်တၢင်းပဵၼ်ၽိဝ်ၼင်ၶူမ်းၵၢႆး။ ၼမ်ႉဢၼ်ဢွၵ်ႇတီႈၵၢၼ်ၶုၼ်းႁႄႈလိၼ် (မျေႇသျႃးတတ်ႉတု) ၼၼ်ႉ လႆၶဝ်ႈၼႂ်းမႄႈၼမ်ႉ ဢၼ်မီးႁိမ်းဝၢၼ်ႈဢိၼ်ႇၶွင်းပႃႇၼၼ်ႉလႄႈၵူၼ်းမိူင်းပိုၼ်ႉတီႈ ဢၼ်ၸႂ်ႉၼမ်ႉၼၼ်ႉ ပဵၼ်ၶူမ်းၵၢႆးၸဵပ်းသႅပ်ႇၸွမ်းၽႃႇတိၼ် ၽႃႇမိုဝ်းလႄႈ ၸွမ်းတူဝ်ၶိင်း ၶၢဝ်ႇ RFA ႁၢႆးငၢၼ်းဝႆႉၼင်ႇၼႆ။  “ၾၢႆႇတၢင်း KIO ပၼ်ၶႂၢင်ႉဝႆႉလႄႈ...

မိူဝ်ႈၼႆႉ ဝၼ်းတီႈ 24/11/2023 ယၢမ်းႁူဝ်ၼႂ်ၸဝ်ႉ ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈၸႂ်ႉၶိူင်ႈမိၼ် ပွႆႇမၢၵ်ႇလူင်သႂ်ႇ ႁိူၼ်းၵူၼ်းမိူင်းၸေႊလၢၼ်ႉ ဢမ်ႇယွမ်း 2 ၵမ်း ႁိူၼ်းလူႉၵွႆ 10 ပၢႆ  ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈယဝ်ႉ ၶဝ်ဢဝ်ႁိူဝ်းမိၼ်တိုၵ်း မႃး ပွႆႇမၢၵ်ႇ လူင်သႂ်ႇၵူၼ်းမိူင်း ဢမ်ႇယွမ်း 2...

ပၢင်တိုၵ်း တီႈဝဵင်းပၢင်ႇသၢႆး တုမ်ႉတိူဝ်ႉႁိူၼ်းယေး ၵူၼ်းဝၢၼ်ႈလူႉၵွႆ ဢမ်ႇယွမ်း 30 လင် တိူဝ်ႉပႃးဝတ်ႉမုၼ်ၸဝ်ႈၸလွပ်ႈ ၸိူဝ်း ၼႆႉ လူႉၵွႆၸွမ်းထႅင်ႈလၢႆလင်။ တႄႇဢဝ် ဝၼ်းတီႈ 30/10/2023 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ် ၼႂ်းဝဵင်းပၢင်ႇသၢႆး ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး...

ၼႂ်းပီ 2023 ၼႆႉ မိူင်းတႆးပတ်းပိုၼ်ႉ တေဢမ်ႇပဵၼ်ၸတ်း ပၢင်ပွႆးႁပ်ႉၸဵင်ၵိုၼ်းၶွၼ်ႈယဝ်ႉ ဝႃႈၼႆ။ ပေႃးထိုင်မႃး ဝၼ်းတီႈ 12/11/2023 ၼႆႉၸိုင် ပီတႆး 2117 ၼီႈ တေလႅၵ်ႈပဵၼ်ပီမႂ်ႇတႆး 2118 ၼီႈယဝ်ႉ ဝႃႈၼႆသေတႃႉ ဢိင်ၼိူဝ်ၵၢၼ်သိုၵ်းၵၢၼ်မိူင်းဢမ်ႇၼိမ်သေ မိူင်းတႆးပတ်းပိုၼ်ႉ တေဢမ်ႇပဵၼ်ၸတ်းႁဵတ်းပၢင်ပွႆးႁပ်ႉၸဵင်ၵိုၼ်းၶွၼ်ႈမိူၼ်ၵူႈပီ ၼႆယဝ်ႉ။ ၸၢႆးၶိူဝ်းလႅင်း ၽူႈၼမ်းၼႂ်း ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆးလၢတ်ႈတီႈၽူႈတွႆႇႁွၵ်ႈဝႃႈ -...

မိူဝ်ႈၼႆႉ ဝၼ်းတီႈ 24/11/2023 ယၢမ်းၵၢင်ၼႂ်မွၵ်ႈ 7 မူင်း မီးၸုမ်းဢမ်ႇႁူႉၾၢႆႇ ၶဝ်ႈတီႉၺွပ်း ၸဝ်ႈၶွင်ႁၢၼ်ႉၶၢႆၶူဝ်း ၵုၼ်ႇ ၽူႈၸၢႆး ဢႃယု 40 ပၢႆ ၵေႃႉၼိုင်ႈ တီႈၸဵင်ႇႁွင်ႇၵၢတ်ႇ မၢႆ (2) ပွၵ်ႉၵွင်းၼွင် ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ။ ၵူၼ်းပိုၼ်ႉတီႈ...

ပၢင်တိုၵ်း တီႈဝဵင်းလၢဝ်ႇၵၢႆး ပဵၼ်ႁၢဝ်ႈႁႅင်းထႅင်ႈ မၢၵ်ႇလူင်တူၵ်းသႂ်ႇႁိူၼ်းယေး ၵူၼ်းဝၢၼ်ႈလူႉၵွႆ မွၵ်ႈ 40 လင် ဝႃႈၼႆ။ ၵၢင်လိူၼ်ၼူဝ်ႊဝႅမ်ႊပိူဝ်ႊ 2023 ၼႆႉ သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ပဵၼ်ပၢင်တိုၵ်းၵၼ် တီႈဝဵင်း လၢဝ်ႇၵၢႆး ၼႃႈလိၼ်ၽွင်းငမ်းတူဝ်ၵဝ်ႇ တပ်ႉသိုၵ်းၵဝ်ႈၵၢင်ႉ ၼႂ်းၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇထႅင်ႈ...

ၸၼ်ႉၸွမ် ရင်းသိတ်ႇ မိူင်းထႆး တေၸတ်းပၢင်ပိုတ်ႇပပ်ႉ လိၵ်ႈလူင်တႆး (Tai Epics) လႄႈ မွပ်ႈၶွင်တွၼ်ႈပၼ် ၽူႈတႅၼ်း တႆး တီႈၸဝ်ႈႁၢၼ် ယွင်ႁူၺ်ႈ။ ဝၼ်းတီႈ 30/11/2023 ယၢမ်းဝၢႆးဝၼ်း 1 မူင်းထိုင် 6 မူင်းႁူဝ်ၶမ်ႈ ယူႇတီႈ ဢႃးၸၢၼ် ၶျူၼ်းထီးရႃး သတ်ႇတယႃး ဝတ်ႉထ...

ၽွင်းပၢင်တိုၵ်းၼၼ်ႈမေႃးၼႂ်းၸိုင်ႈတႆးပွတ်းႁွင်ႇလႄႈလႅၼ်လိၼ်တႆး - ယၢင်းလႅင်ၼၼ်ႉ သိုၵ်းမၢၼ်ႈတဵၵ်းသင်ႇႁႂ်ႈၵူၼ်းမိူင်းဝဵင်းတူၼ်ႈတီးႁဵတ်းပွႆးႁူင်းၾႆးမိၼ် ႁႂ်ႈၵိုၼ်းၶွၼ်ႈ။ ၵူၺ်းၵႃႈတီႈဝဵင်းပၢင်ႇဢူႈလူင်တႄႉ ပွႆးလိူၼ်သိပ်းသွင်ဢၼ်ၸတ်းႁဵတ်းတီႈၽြႃးလူမ်ႉ မႃးၵူႈပီပီၼၼ်ႉ ပီၼႆႉဢိင်ၼိူဝ်လွင်ႈႁူမ်ႇလူမ်ႈသေ ဢမ်ႇၸတ်းႁဵတ်းယဝ်ႉဝႃႈၼႆ။ လွင်ႈၼႆႉယူႇတီႈၵေႃးပၵ ၽူႈၸတ်းပွင်ၵၢၼ်ပဵၼ်ပၢင်ပွႆး ဢိၵ်ႇပႃးပေႃႈၾႃႉမႄႈမိူင်းဝဵင်းပၢင်ႇဢူႈဢုပ်ႇၵုမ်ၵၼ်တႅပ်းတတ်းသေ ပိုၼ်ၽၢဝ်ႇၼႂ်းဝၼ်းတီႈ 20/11/2023 ဝႃႈ ဢမ်ႇပဵၼ်ၸတ်းပွႆးယဝ်ႉ။ ၵူၼ်းမိူင်းဝဵင်းပၢင်ႇဢူႈလၢတ်ႈဝႃႈ -“ ပွႆးၼႆႉဢၢၼ်းၸတ်းၼႂ်းဝၼ်းတီႈ 24 ထိုင် 28 ၼူဝ်ႇဝႅမ်ႇပိူဝ်ႇ။ ႁၢင်ႈႁႅၼ်းယဝ်ႉမူတ်းယဝ်ႉ တေမီးပွႆးႁွင်ႉၵႂၢမ်း၊...

မၢၵ်ႇလူင် တူၵ်းသႂ်ႇ ႁိူၼ်းၵူၼ်းဝၢၼ်ႈသေ တႅၵ်ႇတိူဝ်ႉသႂ်ႇ ၵူၼ်းထဝ်ႈလူႉတၢႆထင်တီႈ 1 မၢတ်ႇၸဵပ်း 2 ၵေႃႉ ၵူၼ်းပိုၼ်ႉတီႈ ဝဵင်းသႅၼ်ဝီလၢတ်ႈ။ ဝၼ်းတီႈ 21/11/2023 ယၢမ်းၵၢင်ဝၼ်း မၢၵ်ႇလူင် တူၵ်းသႂ်ႇၼႂ်းဝၢၼ်ႈၼမ်ႉတူၼ်ႈၸူင် ဢိူင်ႇၼမ်ႉၸလၢပ်ႈ ၸႄႈဝဵင်းသႅၼ် ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ တႅၵ်ႇတိူဝ်ႉသႂ်ႇ ထဝ်ႈၸၢႆး ဢႃယု 70...

မိူဝ်ႈၼႆႉ ဝၼ်းတီႈ 23/11/2023 ယၢမ်းၵၢင်ၼႂ်မွၵ်ႈ 9 မူင်း မၢၵ်ႇလူင် တူၵ်းသႂ်ႇၵႃးတၢင်ႇၵုၼ်ႇ ဢွင်ႈတီႈၵိုတ်းၵႃး (7 ၶႂႃႇ ၵျိၼ်း) တီႈဝၢၼ်ႈၵွင်းၶၢင် ႁိမ်းသဵၼ်ႈတၢင်းလူင်သၢမ်ၸဵင်ႇၶမ်း (သျိၼ်ႊသၢၼ်ႊၵျေႃႉ) ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ၵႃးလူင်တၢင်ႇၵုၼ်ႇ ဢၼ်ထုၵ်ႇၾႆးမႆႈၵႂႃႇၼၼ်ႉ ဢမ်ႇယွမ်း 10...