တူဝ်တႅၼ်းသိုၵ်းမၢၼ်ႈယိုတ်းမိူင်း ၸွမ်သိုၵ်း ယႃႇပျေႉ လၢတ်ႈတီႈၸုမ်းသိုၵ်းဝႃႉ (UWSA)ဝႃႈ သင်ၶႂ်ႈလႆႈ ၸႄႈမိူင်းဝႃႉပဵၼ်တၢင်းၵၢၼ်ၸိုင် ၸွမ်းၼင်ႇပိူင်ငဝ်ႈပိုင်းမိူင်း 2008 မီးၼၼ်ႉ ၶဝ်ႈယွၼ်းဢဝ်ၼႂ်းလုမ်းသၽႃး မိူင်းႁူမ်ႈတုမ်လႄႈ- ဝႃႈၼႆ။ ၶေႃႈၵႂၢမ်းၼႆႉ သိုၵ်းမၢၼ်ႈလၢတ်ႈတီႈသိုၵ်းဝႃႉ မိူဝ်ႈဝႃး ဝၼ်းတီႈ 17/10/2025 ၼႂ်းပၢင်ဢုပ်ႇဢူဝ်း ၽႅၼ်ၵၢၼ်ၵေႃႇသၢင်ႈၸိုင်ႈမိူင်း မိူဝ်းၼႃႈ မၢႆတွင်း NCA တဵမ် 10...

သိုၵ်းတဢၢင်း TNLA ၸိူဝ်းပၵ်းတပ်ႉပၢင်သဝ်း ပၼ်ႇၵၢၼ်ၽွင်းငမ်း ၼႂ်းထုင်ႉမၢၼ်ႈၸၢမ် ၸႄႈဝဵင်းၼမ်ႉတူႈဝႆႉ ဢွၵ်ႇၶေႃႈၸီႉသင်ႇ ႁႂ်ႈၵူၼ်းမိူင်း ဢိုတ်းၶိူင်ႈသတႃးလိင်ႉ (Starlink) လႆႈႁူႉၼင်ႇၼႆ။ သိုၵ်းတဢၢင်းလၢတ်ႈမိူဝ်ႈဝၼ်းတီႈ 17/10/2025 ဝႃႈ - တႄႇဝၼ်းတီႈ 18/10/2025 ၼႆႉၵႂႃႇ ၵူၼ်းမိူင်း တီႈ ထုင်ႉမၢၼ်ႈၸၢမ် တေလႆႈဢိုတ်းဝႆႉသတႃးလိင်ႉတင်းသဵင်ႈၼႆ ၼုမ်ႇၸၢႆးဢႃႇယု 35 ပီ...

တႄႇႁူဝ်လိူၼ်ဢွၵ်ႇထူဝ်ႊပိူဝ်ႊမႃး သိုၵ်းမၢၼ်ႈႁႅၼ်းသိုၵ်းလေႃႇတိုၵ်း သိုၵ်းတဢၢင်း TNLA ၼႂ်းၸႄႈဝဵင်းသီႇပေႃႉသေ ၵုမ်းလႆႈ ၶိုၼ်း ၼႂ်းဝၼ်းတီႈ 16/10/2025 ယၢမ်းတၢမ်းၶမ်ႈ မွၵ်ႈ 5 မူင်း ။ ၵွၼ်ႇသိုၵ်းမၢၼ်ႈတေၶဝ်ႈထိုင်လႆႈၼႂ်းဝဵင်းသီႇပေႃႉၼႆႉ ႁူင်းၵေႃႇၵၢႆႇ၊ ႁွင်ႈၵၢၼ်ၽွင်းငမ်း (လုမ်းၵဝ်ႇ) ၶွင်ၸုမ်းသိုၵ်းမၢၼ်ႈယိုတ်းမိူင်း လၢႆလၢႆဢွင်ႈတီႈ လႄႈ ႁူင်းႁႅမ်းၸိုဝ်ႈလိုဝ်း ၼႂ်းဝဵင်းသီႇပေႃႉၵေႃႈ ၾႆးမႆႈၵႂႃႇတင်းၼမ်။ ၵူၼ်းမိူင်းဝဵင်းသီႇပေႃႉ လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “တႄႇၶၢဝ်းတၢမ်းၶမ်ႈ...

ၼႂ်းၶၢဝ်းတၢင်း 2 ဝၼ်း ၵူၼ်း 2 ၵေႃႉၺႃးၶႃႈႁႅမ်တၢႆ တီႈဝဵင်းတူၼ်ႈတီးလႄႈ ဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ဢမ်ႇႁူႉပဵၼ်ၼမ်ႉမိုဝ်းၽႂ်။   ၼႂ်းဝၼ်းတီႈ 16/10/2025  ယၢမ်းၵၢင်ၶိုၼ်း ရူတ်ႉၵႃးဢွၼ်ႇသႅၼ်းႁွၼ်ႊတႃႊၾိတ်ႉလမ်းၼိုင်ႈ တၢင်ႇၶၢပ်ႈတူဝ်တၢႆၵူၼ်းၵေႃႉၼိုင်ႈမႃးပႅတ်ႈၼိူဝ်သဵၼ်ႈတၢင်းၸဝ်ႈၸၢမ်ႇထုၼ်း ၼႂ်းပွၵ်ႉမဵဝ်ႉမ   ဝဵင်းလူင်တူၼ်ႈတီး ။ ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵူၼ်းဢၼ်ထုၵ်ႇၶႃႈႁႅမ်ဝႆႉၼၼ်ႉ ပဵၼ်ၵူၼ်းၸၢႆး ဢႃယု ၼႂ်းၵႄႈ 30-40 ၊...

မိူဝ်ႈၼႆႉ ဝၼ်းတီႈ 17/10/2025 ယၢမ်းၵၢင်ၼႂ် 7 မူင်းပၢႆ သိုၵ်းမၢၼ်ႈယိုတ်းမိူင်း ပွႆႇမၢၵ်ႇသႂ်ႇ တီႈဝၢၼ်ႈႁူဝ်မိူင်း ၸႄႈဝဵင်းၼမ်ႉသၼ်ႇ လႄႈ ၼႂ်းဝဵင်းၼမ်ႉတူႈ ဢွင်ႈတီႈသိုၵ်းတဢၢင်း TNLA  ၵုမ်းၵမ် ၼႂ်းမိူင်းတႆးပွတ်းႁွင်ႇ။ ယွၼ်ႉမၢၵ်ႇသိုၵ်းႁိူဝ်းမိၼ် တူၵ်းတႅၵ်ႇသႂ်ႇၺႃးႁိမ်းႁူင်းႁဵၼ်းသွၼ်လိၵ်ႈၸၼ်ႉသုင် မၢႆ (1) (အထက-၁)  ဝဵင်းၼမ်ႉတူႈသေ မၢတ်ႇ ၸဵပ်းၵႂႃႇ 4...

တႄႇၵၢင်လိူၼ် ဢွၵ်ႇထူဝ်ႊပိူဝ်ႊ ၼႆႉမႃးသိုၵ်းမၢၼ်ႈႁူမ်ႈ ပျီႇတူႉၸိတ်ႉပဢူဝ်းထူဝ်းသိုၵ်းၶဝ်ႈ ၼႂ်းၸႄႈ ဝဵင်းပၢင်လွင်း - ၾၢႆၶုၼ် ႁၢဝ်ႈႁႅင်း သေ ပဵၼ်ပၢင်တိုၵ်းၵၼ်တင်းၸုမ်းလုၵ်ႉၽိုၼ်ႉလႄႈႁဵတ်းႁႂ်ႈၵူၼ်းမိူင်း 4 ႁဵင်ပၢႆလႆႈငိူင်ႉပၢႆႈၽေးသိုၵ်းထႅင်ႈ ။ ၵူၼ်းၼႂ်းၸႄႈဝဵင်းၾၢႆၶုၼ်- ပၢင်လွင်း ဢွၼ်ၵၼ် ငိူင်ႉပၢႆႈၽေးသိုၵ်းၵႂႃႇယူႇ  ၼႂ်းထိူၼ်ႇၼႂ်းၶိူဝ်း ၊ လူဝ်ႇ တၢင်း ၸွႆႈထႅမ် တီႈယူႇတၼ်းသဝ်း ၶဝ်ႈၼမ်ႉတၢင်းၵိၼ်လႄႈယႃႈယႃဝႆႉ...

မိူဝ်ႈဝႃး ဝၼ်းတီႈ 15/10/2025 ယၢမ်းၵၢင်ၶမ်ႈ ၶွမ်ႊမသျိၼ်ႊပၢင်လိူၵ်ႈတင်ႈ တႂ်ႈသိုၵ်းမၢၼ်ႈယိုတ်းမိူင်းၵုမ်းၵမ် ပိုၼ်ၽၢဝ်ႇဝၼ်းလူင်းသူၼ်းတုမ်တႃႇပၢင်လိူၵ်ႈတင်ႈပဵၼ်တၢင်းၵၢၼ်လႆႈ တႃႇၶၢဝ်းတၢင်း 60 ဝၼ်း။ ပႃႇတီႇၵၢၼ်မိူင်းၶဝ်တႄႇလူင်းသူၼ်းတုမ်ၵူၼ်းမိူင်း ႁႂ်ႈပၼ်သဵင်ၵၢင်ၸႂ်လႆႈၼႆႉ ပဵၼ်ဝၼ်းတီႈ 28/10/2025 ယၢမ်းၵၢင်ၼႂ်ၸဝ်ႉ 6 မူင်း တေႃႇထိုင် ဝၼ်း တီႈ 26/12/2025 ယၢမ်းၵၢင်ၶိုၼ်း 12 မူင်း ႁိုင်ၶၢဝ်းတၢင်း...

ပလိၵ်ႈမၢၼ်ႈၾၢႆႇ ၽဵဝ်ႈမူၺ်ႉယႃႈမဝ်းၵမ် လႄႇလမ်းႁႃတီႉၺွပ်းၵူၼ်းသူႇသမ်းၵိၼ်ယႃႈ ၼႂ်းၸႄႈဝဵင်း ယွင်ႁူၺ်ႈၸိုင်ႈတႆးပွတ်းၸၢၼ်း မႂ်ငိုၼ်းပႃး၊ ၸိူဝ်းပၼ်ငိုၼ်းလႆႈၵေႃႈပွႆႇပၼ်တူဝ်ၶိုၼ်း ၸိူဝ်းဢမ်ႇၵၼ် ငိုၼ်းသမ်ႉတဵၵ်းဢဝ်ၵႂႃႇၾိုၵ်းၵၢၼ်သိုၵ်း ဝႃႈၼႆ။  ၼႂ်းဝၼ်းတီႈ 13/10 /2025 ၼၼ်ႉ ပလိၵ်ႈသိုၵ်းမၢၼ်ႈလႄႈ ပျီႇတူႉၸိတ်ႉပဢူဝ်း PNO တီႉၺွပ်း ၵူၼ်း သူႇသမ်းၵိၼ်ယႃႈ တီႈၼႂ်းထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ 11 ၵေႃႉ ၊...

တႄႇႁူဝ်လိူၼ်ဢွၵ်ႇထူဝ်ႊပိူဝ်ႊ ဝၢႆးလင်သိုၵ်းမၢၼ်ႈယိုတ်းမိူင်း ၶဝ်ႈၵုမ်းၵမ်လႆႈၶိုၼ်း ၸႄႈဝဵင်းၵျွၵ်ႉမႄး တင်းသဵင်ႈယဝ်ႉ ဝဵင်းသီႇပေႃႉ လႄႈ ဝဵင်းမိူင်းၵုတ်ႈ ၺႃးပဵၼ်ပဝ်ႉမၢႆ ၼႂ်းၽႅၼ်ၵၢၼ် သိုၵ်းမၢၼ်ႈ မိၼ်းဢွင်ႇလၢႆႇ။ မိူဝ်ႈၼႆႉဝၼ်းတီႈ 16/10/2025 ယၢမ်းၵၢင်ၼႂ် 7 မူင်းၶိုင်ႈ ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇပွတ်းဢွၵ်ႇ ဝဵင်းမိူင်းၵုတ်ႈ ပွၵ်ႉၼိူဝ်ၵုင်းၺွင်ႇ (အထက်ညောင်ကုန်း) မၢၵ်ႇတူၵ်းတႅၵ်ႇသႂ်ႇ တီႈႁူင်းလဵင်ႉၵႆႇ ၼႂ်းၸႄႈဝဵင်းမိူင်းၵုတ်ႈ...

မိူဝ်ႈၼႆႉ ဝၼ်းတီႈ 15/10/2025 ယၢမ်းၵၢင်ၼႂ် 8 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸတ်းႁဵတ်း ပၢင်ပွႆးၶွပ်ႈၶူပ်ႇ 10 ပီတဵမ် NCA တီႈႁူင်းႁေႃ MICC-1 ၼႂ်းဝဵင်းလူင်ၼေႇပျီႇတေႃႇ တၢမ်တူဝ် ၸွမ်ၸိၵ်းသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ၶိုၼ်ႈႁွတ်ႈ မွၵ်ႇလၢတ်ႈၶေႃႈၵႂၢမ်း ပိုတ်ႇပၢင်သေ မီးပႃး ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၸိူဝ်းလူင်းလၢႆးမိုဝ်း...

“ ပေႃးလႅၼ်လႅၼ်ယႂ်ႇယႂ်ႇ သႂ်ႇသႂ်ႇတေယမ်မႃး ” ဢၼ်ဝႃႈၼၼ်ႉ ယူဝ်တေၸႂ်ႈ ၶေႃႈၵႅမ်းၵၢၼ်မိူင်း ၶွင်ၸုမ်းၸဝ်ႈဢႃႇၼႃႇသိုၵ်းယိုတ်းမိူင်းၶဝ်ယဝ်ႉႁိုဝ်၊ ၵေႃႉပႅတ်ႉဢမ်ႇဢၢႆ ၵေႃႉငိၼ်းယိၼ်းလီဢၢႆ တေႉယဝ်ႉ။  မိူဝ်ႈသိုၼ်း ဝၼ်းတီႈ 9 ၶုၼ်ၽွင်းလူင်ၾၢႆႇမိူင်းၼွၵ်ႈ ၶွင်မိူင်းမလေႊသျႃႊ ယူႇတီႈႁူဝ်ၼႃႈ ASEAN သေ မႃးႁူပ်ႉထူပ်း ၸွမ်သိုၵ်းလူင် မိၼ်းဢွင်ႇလၢႆႇ ႁူပ်ႉပႃးထႅင်ႈ ၺူဝ်ႇၸေႃး ၵေႃႉပဵၼ်ၸွမ်ၽွင်းလူင်...

သိုၵ်းမၢၼ်ႈလႄႈပျီႇတူႉၸိတ်ႉပဢူဝ်း ထႅမ်ႁႅင်းသိုၵ်းၶဝ်ႈၼႂ်းဝၢၼ်ႈဢိူင်ႇႁိူၼ်းယေးၼႂ်းၸႄႈဝဵင်းၾၢႆၶုၼ် ၽဝ်ႁိူၼ်းယေးၵူၼ်းဝၢၼ်ႈ ၊ ႁိူဝ်းမိၼ်သိုၵ်းပွႆႇမၢၵ်ႇသႂ်ႇႁိူၼ်းယေးၵူၼ်းဝၢၼ်ႈ ၼႂ်းၶၢဝ်းတၢင်းဝူင်ႈၼႆႉၵူၺ်းၾႆးမႆႈႁိူၼ်းၵူၼ်းဝၢၼ်ႈ 30 ပၢႆ၊ ၵူၼ်းဝၢၼ်ႈတႄႉ ပၢႆႈၽေးသိုၵ်းယဝ်ႉလႄႈ ဢမ်ႇမီးလွင်ႈတုမ်ႉတိူဝ်ႉမၢတ်ႇၸဵပ်း။ ဝၼ်းတီႈ 14/10/2025 ယၢမ်းၵၢင်ၶမ်ႈ သိုၵ်းမၢၼ်ႈ ဢဝ်ႁိူဝ်းမိၼ်သိုၵ်းမႃးပွႆႇမၢၵ်ႇသႂ်ႇၼႂ်းဝၢၼ်ႈ ဝေႃႉယၢၼ်ႇ(ဘောရန်) ဢိူင်ႇသီးပူး ၾၢႆႇတူၵ်းဝဵင်းၾၢႆၶုၼ်။ ဝၼ်းတီႈ 13/10/2025 ယၢမ်းဝၢႆးဝၼ်း...

ႁူင်းၵၢၼ်ဢၼ်ၸဝ်ႈၵၢၼ်ပၢႆးမၢၵ်ႈမီးလူင် ၼႂ်းမိူင်းၶႄႇၶဝ် မႃးသိုဝ်ႉဢွင်ႈတီႈလိၼ် ၼႂ်းၸႄႈ ဝဵင်းမျႃႉဝတီႇ လႅၼ်လိၼ် မိူင်းယၢင်းၽိူၵ်ႇ- မိူင်းထႆးသေ သၢင်ႈဝႆႉႁူင်း ၵေႃႇ ၵၢႆႇယႂ်ႇလူင် ဢၼ်ႁူင်လိုဝ်းၵၼ်ဝႃႈ ပဵၼ်ဢွင်ႈတီႈႁဵတ်းၵၢၼ် လွၵ်ႇလႅၼ်ၵိၼ် ငိုၼ်း တၢင်း ဢွၼ်ႊလၢႆႊ ၼၼ်ႉ တႄႇပၼ်ႇၵၢၼ်မႃးၶိုၼ်းထႅင်ႈပွၵ်ႈၼိုင်ႈ ၶိုၵ်ႉယႂ်ႇၵႂၢင်ႈၶႂၢင်လိူဝ်ၵဝ်ႇ ၼႆယဝ်ႉ။ မိူဝ်ႈႁူဝ်ပီ 2025 လိူၼ်ၾႅပ်ႊပိဝ်ႊရီႊၼႆႉ ပိူဝ်ႈတႃႇၵႂၢတ်ႇလၢင်ႉၽဵဝ်ႈမူၺ်ႉ...

ၽွင်းၸမ် ၶၢဝ်းပွႆးႁူင်းၾႆးမိၼ် တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၽူႈလၵ်ႉၼမ်လိူင်ႇႁႅင်း  ဢွင်ႈတီႈၵူၼ်းၵိုၼ်း မိူၼ်ၼင်ႇၼႂ်းၵၢတ်ႇၼႂ်းဝဵင်းၸိူဝ်းၼႆႉ ၺႃးလၵ်ႉၼမ် သုမ်းပႃးၵႂႃႇ ၾူၼ်းလႄႈ ငိုၼ်းတင်းၼမ်  ။   ၼႂ်းဝၼ်းတီႈ 12/10/2025 ယၢမ်းဝၢႆးဝၼ်း မသူႉသူႉ ( ၸိုဝ်ႈပွမ် )  ဢႃယု 20 ပၢႆ ၽွင်းမၼ်းၼၢင်းၵႂႃႇၵိၼ်တင်းၵိၼ်တီႈၼႂ်းၵၢတ်ႇလူင်ၼၼ်ႉ ၺႃးၽူႈလၵ်ႉၸၵ်ႉဢဝ်...

တႄႇဝၼ်းတီႈ 6/10/2025 မႃး သိုၵ်းမၢၼ်ႈ ၸႂ်ႉႁႅင်းသိုၵ်း5 သဵၼ်ႈသေ ပိုတ်ႇပၢင်တိုၵ်း ထူဝ်းသိုၵ်းၶိုၼ်ႈၸူး တပ်ႉသိုၵ်း ယၢင်းလႅင် (KNDF) ၾၢႆႇဝၼ်းဢွၵ်ႇၸႄႈဝဵင်းလွႆၶေႃ၊ ၸႄႈဝဵင်းတီႈမူၵ်းသိူဝ် (ဒီးမော့ဆို) ၊ ၸႄႈဝဵင်းၾရူႇသူဝ်ႊ (ဖရူဆို) ၊ ၸႄႈဝဵင်း ပေႃႇလၶႄး (ဘောလခဲ) လႄႈ ၸႄႈဝဵင်းၾၢႆၶုၼ် လႅၼ်လိၼ်မိူင်းယၢင်းလႅင်...