ၼၢင်းဢေးယိင်း ဢႃယု 19 ပီ ၵူၼ်းလႃႈသဵဝ်ႈ ၵႂႃႇႁဵတ်းၵၢၼ်မႄႈဝၢၼ်ႈ တီႈမိူင်းပွၵ်ႉသေ ႁၢႆဝႆႉ လႆႈမႃးၶၢဝ်းတၢင်းလိူၼ်ပၢႆ ႁဵတ်းႁႂ်ႈၵူၼ်းႁူမ်ႈႁိူၼ်းလႄႈ ဢူၺ်းၵေႃႉမၼ်းၼၢင်း မႆႈၸႂ်ႁႅင်းဝႆႉ။
ၼၢင်းၶမ်းမူဝ် ဢူၺ်းၵေႃႉမၼ်းၼၢင်းလၢတ်ႈတီႈၽူႈတွႆႇႁွၵ်ႈဝႃႈ – “ ဢမ်ႇၵပ်းသိုပ်ႇ မၼ်းၼၢင်းလႆႈ ၸဵမ်မိူဝ်ႈ ဝၼ်းတီႈ 29/11/2025 ၼၼ်ႉမႃး ၊ ၼႂ်းၾဵတ်ႉသ်ၼႂ်းလၢႆးမၼ်းၵေႃႈ တိတ်းတေႃႇဢမ်ႇလႆႈသေတီႈ။ မၼ်းႁဵတ်းၵၢၼ်တီႈမိူင်းပွၵ်ႉၼႆႉ တိုၵ်ႉမီး 3 လိူၼ်ပၢႆၵူၺ်း ။ ပေႃႈလဵင်ႉမႄႈလဵင်ႉၶဝ်ၵေႃႈ ဢမ်ႇႁူႉၸွမ်းၼႆၶႃႈဝႃႈ ။ ၶဝ်ဝႃႈ ပေႃးတေဢွၵ်ႇၵၢၼ် ႁႂ်ႈလၢတ်ႈလူင်ႈၼႃႈ ၼႆ ဢေးယိင်းသမ်ႉဢမ်ႇလၢတ်ႈသင် ။ သမ်ႉပေႃးလၵ်ႉဢွၵ်ႇၵႂႃႇပႅတ်ႈ ” – ဝႃႈၼႆ။
ၼၢင်းဢေးယိင်းၼႆႉ ပဵၼ်လုၵ်ႈ ပႃႈၼၢင်းၸၢမ်ႇ ပဵၼ်ၵူၼ်းဝၢၼ်ႈသၢႆးလႅင် ဢၼ်ယူႇၸမ်တႃႈႁိူဝ်းၾင်ႇၶူင်း တႃႈပၢင်ယူၵ်ႇ ၾၢႆႇဢွၵ်ႇဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။
မၼ်းၼၢင်း ဢွၵ်ႇႁိူၼ်းၵႂႃႇ ၸဵမ်မိူဝ်ႈ လိူၼ်ထူၼ်ႈ 9 ပီ 2025 ၼၼ်ႉသေ ၵႂႃႇႁဵတ်းၵၢၼ်မိူင်းပွၵ်ႉ ၸႄႈတွၼ်ႈမိူင်းယၢင်း ၼႃႈလိၼ်သိုၵ်းဝႃႉၵုမ်းၵမ်။
ဢၼ်ႁၢႆၵႂႃႇၸွမ်းမၼ်းၼၢင်းၼႆႉ မီးထႅင်ႈၼုမ်ႇယိင်းၵေႃႉၼိုင်ႈ ဢႃယု တေပဵင်းၵၼ် ၸိုဝ်ႈလဵၼ်ႈႁွင်ႉဢၢင်းဢၢင်း ပဵၼ်ၵူၼ်းမိူင်းလႂ် လုၵ်ႈၽႂ်ၼႆတႄႉ ပႆႇႁူႉၸွမ်းၼႆ ဢူၺ်းၵေႃႉ ၼၢင်းဢေးယိင်းလၢတ်ႈၼင်ႇၼႆ။
ၽႂ်ႁူပ်ႉႁၼ် ၼၢင်းဢေးယိင်း လႄႈ ဢၢင်းဢၢင်းၵေႃႈ ႁႂ်ႈၵပ်းသိုပ်ႇၸူး ၼၢင်းၶမ်းမူဝ် မၢႆၾူၼ်း – 09686097651 ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ