ပၢင်ပိတ်ႉၶႅင်ႇမၢၵ်ႇၼင် ႁိမ်သူး Spanish Super Cup 2026 ၶပ်ႉမၢႆပၢင် Semi Final ၼႆႉ ၸတ်းႁဵတ်းၵႂႃႇ ၶမ်ႈဝႃး ဝၼ်းတီႈ 8 လိူၼ်ထူၼ်ႈၼိုင်ႈ (8/1/2026)။ ၸုမ်းမၢၵ်ႇၼင် Real Madrid သႂၢင်းၶဝ်ႈ 2 ၵူဝ်းလ်သေ ပေႉၵႂႃႇၸုမ်း Atletico Madrid ဢၼ်သႂၢင်းၶဝ်ႈလႆႈ 1 ၵူဝ်းလ်ယဝ်ႉ သိုပ်ႇၶိုၼ်ႈၸၼ်ႉ ထိုင်မႃးပၢင်လိုၼ်းသုတ်း Final။
ၸုမ်းမၢၵ်ႇၼင် Barcelona သမ်ႉ ပေႉၸုမ်း Atletico Bilbao သေ ထိုင်မႃးပၢင်လိုၼ်းသုတ်း။ ယွၼ်ႉၼၼ် တီႈပၢင်လိုၼ်းသုတ်း Final ၼႆႉ ၸုမ်းမၢၵ်ႇၼင်ၸိုဝ်ႈလိုဝ်းလင် တီႈမိူင်း သပဵၼ်ႊ Barcelona တင်း Real Madrid တေလႆႈပိတ်ႉၶႅင်ႇႁိမ်သူးၵၼ်။
ပၢင်ပိတ်ႉမၢၵ်ႇၼင် ႁိမ်သူး Spanish Super Cup ၼႆႉ ၸုမ်းမၢၵ်ႇၼင် Barcelona တင်း Real Madrid လႆႈပိတ်ႉၶႅင်ႇၵၼ်မႃး 4 ပီ ထပ်းၵၼ်။
ၸုမ်းမၢၵ်ႇၼင် Real Madrid ၼႆႉ တႄႇပီ 2022 မႃး တေႃႇထိုင် ပီ 2026 မိူဝ်ႈလဵဝ် လႆႈပိတ်ႉၶႅင်ႇ ပၢင်လိုၼ်းသုတ်း Final ၼႆႉ 5 ပီထပ်းၵၼ်။
ၸဵမ်မိူဝ်ႈတႄႇၸတ်းႁဵတ်း ပၢင်ပိတ်ႉၶႅင်ႇမၢၵ်ႇၼင် ႁိမ်သူး Spanish Super Cup မႃးၼႆႉ ၸုမ်းမၢၵ်ႇၼင် Barcelona ပေႉၸုမ်းၵူႈၶႅင်ႇသေ လႆႈႁပ်ႉသူးမႃး 15 ၵမ်း၊ ပဵၼ်ၸုမ်းမၢၵ်ႇၼင် ဢၼ်လႆႈႁပ်ႉသူး Spanish Super Cup ၼမ်သုတ်းၼႂ်းပိုၼ်း။ မိူဝ်ႈလႆႈပိတ်ႉၶႅင်ႇၵၼ်တင်း ၸုမ်း Real Madrid 3ပၢင်ၼၼ်ႉၵေႃႈ ၸုမ်း Barcelona ပေႉဝႆႉ 2 ပၢင်သေ လႆႈႁပ်ႉသူးၼႆႉ။
ပၢင်ပိတ်ႉၶႅင်ႇမၢၵ်ႇၼင် ႁိမ်သူး Spain Super Cup 2026 ၼႆႉ တေၸတ်းႁဵတ်း ၼႂ်းဝၼ်းတီႈ 11 ဝၼ်းဢႃးတိတ်ႉတေမႃးၼႆႉ၊ ၸုမ်းလႂ်ပေႉၵေႃႈ တေလႆႈႁပ်ႉငိုၼ်းသူး ယူႊရူဝ်ႊ 8 လၢၼ်ႉ၊ ၸုမ်းထီႉသွင်သမ်ႉ တေလႆႈငိုၼ်းသူး ယူႊရူဝ်ႊ 7.4 လၢၼ်ႉ ဝႃႈၼႆ။
ပၼ်ႁႅင်းၸုမ်းလႂ် လႄႈ ၸုမ်းလႂ်လႅပ်ႈတေပေႉ – လၢတ်ႈတၢင်းႁၼ်ထိုင်ၵၼ်လႆႈယူႇၶႃႈဢေႃႈ။ . . . . .
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ