မိူဝ်ႈၼႆႉ ဝၼ်းတီႈ 25/10/2023 ယၢမ်းၵၢင်ဝၼ်းမွၵ်ႈ 11 မူင်းၶိုင်ႈ ၵႃးတင်း ရူတ်ႉၶိူင်ႈ ၽႃႇၵၼ် ၼႂ်းၵႄႈဝၢၼ်ႈမိၼ်းမထိ (မြင်းမထိရွာ) လႄႈ ၼၢၼ်းတၢႆး(နန်းတိုင်းရွာ) ၼႂ်းၸႄႈဝဵင်းၵၢတ်ႇလေႃႉ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ၵူၼ်းႁေႃႈရူတ်ႉၶိူင်ႈ လူႉတၢႆၵေႃႉၼိုင်ႈ။ ၽူႈၶဝ်ႈၸုမ်းၸွႆႈထႅမ် ၶႅၵ်ႇလီပၢင်ၸႃႉ ဝဵင်းၵၢတ်ႇလေႃႉ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းပိုၼ်ႉတီႈ ၵပ်းၾူၼ်းၸူးႁဝ်းၶႃႈ...

ပလိၵ်ႈၾၢႆႇၵုမ်းရူတ်ႉၶိူင်ႈတီႈလႃႈသဵဝ်ႈ ၵူတ်ႇထတ်းရူတ်ႉၶိူင်ႈၵူၼ်းမိူင်းၵၢင်ဝဵင်းႁၢဝ်ႈႁႅင်းမႃးၶၢဝ်းတၢင်းလိူၼ်ပၢႆ၊ ယိုတ်းရူတ်ႉဢၼ်ဢမ်ႇမီးဝႂ်ၶွၼ်ႇသေ ဢၼ်မီးဝႂ်ၶွၼ်ႇသမ်ႉယွၼ်းငိုၼ်း 1 လမ်းဢမ်ႇယွမ်း 3 မိုၼ်ႇပျႃး။ တႄႇၼႂ်းလိူၼ် သႅပ်ႊထိမ်ႊပိူဝ်ႊၼႆႉမႃး ပလိၵ်ႈမၢၼ်ႈလႄႈသိုၵ်းမၢၼ်ႈၵူတ်ႇထတ်း ရူတ်ႉၶိူင်ႈၵၢင်ဝဵင်းလႃႈသဵဝ်ႈ ၊ ရူတ်ႉဢမ်ႇမီးဝႂ်ၶွၼ်ႇၸိူဝ်းၼၼ်ႉ ယိုတ်းဢဝ်ၵႂႃႇဝႆႉၼႂ်းတိူင်းသိုၵ်း ယမၶ သေ ဢမ်ႇပၼ်ၸဝ်ႈၶွင်မႃးထုတ်ႇဢဝ်ၶိုၼ်း၊ လိုၼ်းသုတ်း တၢင်ႇၵႃးသူင်ႇၸူးၼေႇပျီႇတေႃႇ ႁဵတ်းႁႂ်ႈ ၵူၼ်းမိူင်းၸဝ်ႈရူတ်ႉၶိူင်ႈ လိူတ်ႇႁွၼ်ႉမႆႈၸႂ်။ ၵူၼ်းပိုၼ်ႉတီႈလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -...

ႁွင်ႈၵၢၼ်ၾၢႆႇၾႆးၾႃႉလႄႈ ၾၢႆႇၽွင်းငမ်း တႂ်ႈသိုၵ်းမၢၼ်ႈ ၵုမ်းၵမ် ၶၢမ်းၶဝ်ႈပၵ်းသဝ်ၾႆးၾႃႉ ၼႂ်းဝၢင်းႁိူၼ်းယေး ၵူၼ်းမိူင်းၵဵင်းတွင်း လူၺ်ႈဢမ်ႇလၢတ်ႈၸဝ်ႈႁိူၼ်းသိုဝ်ႈသိုဝ်ႈ၊ ၵူၼ်းမိူင်းမႆႈၸႂ် ဝၢႆးမႃးၵူဝ် ၵူဝ်ၺႃး ယိုတ်းဢဝ် ဝၢင်းႁိူၼ်းယေး ၵႂႃႇလၢႆလၢႆၵူၺ်းယဝ်ႉဝႃႈၼႆ။ တႄႇဢဝ် ႁူဝ်လိူၼ်ဢွၵ်ႊထိူဝ်ႊပိူဝ်ႊ 2023 ၼႆႉမႃး ႁွင်ႈၵၢၼ် ၾၢႆႇၾႆးၾႃႉ ၶၢမ်းၶဝ်ႈပၵ်းသဝ်ၾႆးၾႃႉ ၼႂ်းဝၢင်းႁိူၼ်း ၵူၼ်း ဝၢၼ်ႈ...

သိုၵ်းတဢၢင်း TNLA ၶဝ်ႈဢဝ်တီႈယူႇ ၸွမ်းႁိူၼ်းယေးၵူၼ်းမိူင်း ၼႂ်းၸႄႈဝဵင်းၼမ်ႉၶမ်းသေ တဵၵ်းယွၼ်းၵဵပ်းၶွၼ်ႇၵူၼ်းမိူင်းထႅင်ႈ။ တႄႇဢဝ်ႁူဝ်လိူၼ် ဢွၵ်ႊထူဝ်ႊပိူဝ်ႊၼႆႉမႃး သိုၵ်းတဢၢင်း TNLA ဢဵၼ်ႁႅင်း ဢမ်ႇယွမ်း 200 ၶဝ်ႈဢဝ်တီႈယူႇၸွမ်း တီႈယူႇတၼ်းသဝ်းၵူၼ်းမိူင်းလၢႆတီႈ ၼႂ်းဝၢၼ်ႈၸေႊႁႆး ၸႄႈဝဵင်းၼမ်ႉၶမ်း လိူဝ်ၼၼ်ႉ တဵၵ်းၵဵပ်းၶွၼ်ႇယွၼ်းငိုၼ်း ၵူၼ်းမိူင်းပႃးထႅင်ႈလႄႈ ႁဵတ်းႁႂ်ႈၵူၼ်းမိူင်းၵိၼ်းၸႂ်။ ၵူၼ်းၼႂ်းပိုၼ်ႉတီႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၶဝ်မႃးယူႇဝႆႉ...

ပလိၵ်ႈမၢၼ်ႈ မိပ်ႇဢီး ၵူၼ်းၸိူဝ်းလႅၵ်ႈငိုၼ်း ၸွမ်းလႅၼ်လိၼ်တႆး - ၶႄႇ ၼႂ်းၸိုင်ႈတႆးပွတ်းႁွင်ႇ ႁႂ်ႈႁဵတ်းသဵၼ်ႈမၢႆ တၢင်ႇ ပၼ်ၶဝ်ၵူႈဝၼ်း လွင်ႈဢူၼ်းငိုၼ်းၶဝ်ႈငိုၼ်းဢွၵ်ႇ ၸိူဝ်းၼႆႉ ယွၼ်ႉၵူဝ်ဢူၼ်းငိုၼ်းၸွႆႈထႅမ် ၸုမ်း PDF လႄႈ CDM ၸိူဝ်း ၼၼ်ႉ။ တႄႇဢဝ် လိူၼ်ဢွၵ်ႊထိူဝ်ႊပိူဝ်ႊ 2023 ၼႆႉမႃး ႁၢၼ်ႉလႅၵ်ႈငိုၼ်း ၼႂ်းဝဵင်းၼမ်ႉၶမ်း...

ပႃႇတီႇၵၢၼ်မိူင်း 37 ဢၼ် ၸိူဝ်းတေၶဝ်ႈလိူၵ်ႈတင်ႈ ၼႂ်းပၢင်လိူၵ်ႈတင်ႈဢၼ်ၸုမ်းသိုၵ်းမၢၼ်ႈ တေဢွၼ်ၼမ်းၸတ်းႁဵတ်းၼႆႉ ႁူပ်ႉထူပ်းၵၼ် တီႈၼေႇပျီႇတေႃႇသေ ဢုပ်ႇဢူဝ်းလႅၵ်ႈလၢႆႈၵၼ် - မီးတၢင်းယၢပ်ႇၽိုတ်ႇတႃႇလူင်းသူၼ်းတုမ်တႃႇၽူႈၶဝ်ႈပႃႇတီႇ လႄႈ ဢမ်ႇမီးလွင်ႈႁူမ်ႇလူမ်ႈ တႃႇပိုတ်ႇလုမ်းပႃႇတီႇဝႃႈၼႆ။ ၽူႈၼမ်းပႃႇတီႇၵၢၼ်းမိူင်းၸိူဝ်းၼႆႉ ႁူပ်ႉထူပ်းၵၼ်တင်းႁူဝ်ပဝ်ႈၶွမ်ႊမသျိၼ်ႊ ပၢင်လိူၵ်ႈတင်ႈ တႂ်ႈသိုၵ်းမၢၼ်ႈယိုတ်းမိူင်း ဢူးတဵင်းၸူဝ်း တီႈ ၼေႇပျီႇတေႃႇမိူဝ်ႈဝၼ်းတီႈ 16/10/2023။  ၾၢႆႇတၢင်းၶွမ်ႊမသျိၼ်ႊပၢင်လိူၵ်ႈတင်ႈဢွၵ်ႇမၢႆမီႈဝႆႉဝႃႈ - ပႃႇတီႇဢၼ်တေဢၢၼ်းၶဝ်ႈလိူၵ်ႈတင်ႈ ပတ်းပိုၼ်ႉ...

ၵႃးႁပ်ႉၸၢင်ႈ တၢင်ႇၵူၼ်းလမ်းၼိုင်ႈ ၺႃးယိုဝ်း တီႈႁိမ်းမိူင်းၼၢင်း ဝဵင်းၵေးသီး လွင်ႈတုမ်ႉတိူဝ်ႉ ၵူၼ်းမၢတ်ႇၸဵပ်းလူႉတၢႆ ဢမ်ႇမီး။ ပူၼ်ႉမႃး ဝၼ်းတီႈ 21/10/2023 ယၢမ်းဝၢႆးဝၼ်း 4 မူင်း ၵႃးဢူးဢွင်ႇၵျေႃႇသၢၼ်း (ၸၢဝ်းမၢၼ်ႈ) ထုၵ်ႇၵူၼ်းဢမ်ႇႁူႉ ၾၢႆႇယိုဝ်းသႂ်ႇ တီႈဝၢၼ်ႈၵုင်းပၢင်တိုင် သဵၼ်ႈတၢင်းၵႂႃႇဝၢၼ်ႈဢိတ်း ဢၼ်မီးတၢင်းၾၢႆႇႁွင်ႇမိူင်းၼၢင်းလႄႈ ၾၢႆႇၸၢၼ်းဝၢၼ်ႈၽိူင်း ၼႂ်းၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် KIA တီႈဝဵင်းသႅၼ်ဝီ ပူၼ်ႉမႃးၼႆႉ ႁဵတ်းႁႂ်ႈတုမ်ႉတိူဝ်ႉ ၵူၼ်းပိုၼ်ႉတီႈ လႆႈပၢႆႈၽေးသိုၵ်း ၼပ်ႉႁဵင်လႄႈ ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး သၢၼ်ၶတ်း ၸွမ်းလွင်ႈပၢင်တိုၵ်းၼၼ်ႉ ႁၢဝ်ႈႁႅင်း။   မိူဝ်ႈၼႆႉ ဝၼ်းတီႈ 24/10/2023 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF...

မိူဝ်ႈၼႆႉ ဝၼ်းတီႈ 24/10/2023 ယၢမ်းၵၢင်ၼႂ် ဢူးမူဝ်ႇသေး ဢႃယု 40 ပီ ၵူၼ်းဝၢၼ်ႈလိုၼ်း ဢိူင်ႇမိူင်းၶွၼ် ၸႄႈဝဵင်း ၵဵင်းတုင် ၸိုင်ႈတႆးပွတ်းဢွၵ်ႇၶူင်း ထုၵ်ႇၵူၼ်းဢမ်ႇႁူႉၾၢႆႇ ၽၼ်းတၢႆ ၵိုၵ်းထဵင်ၼႃး တီႈႁိမ်းဝၢၼ်ႈ ၽွင်းမၼ်းၸၢႆး ၵႂႃႇၼွၼ်းပႂ်ႉၼႃးသေ ၼၼ်ႉ ဝႃႈၼႆ။ ၽူႈၶဝ်ႈၸုမ်းၸွႆႈထႅမ် တႆးၼိူဝ် ဝဵင်းၵဵင်းတုင်...

ၾၢႆႇတၢင်းမိူင်းမၢၼ်ႈလႄႈ လူင်ပွင်ၸိုင်ႈထႆး တေႁူမ်ႈၵၼ်ၸွႆႈထႅမ်ၵူၼ်းမိူင်းထႆး 100 ပၢႆ ၸိူဝ်းၺႃးလွၵ်ႇလႅၼ်ႁွင်ႉႁူၺ်းဢဝ်ၶၢႆတၢင်းလႅၼ်လိၼ်ၶႄႇ - မၢၼ်ႈ ၊ တေသူင်ႇတူဝ်ပွၵ်ႈၶိုၼ်းမိူင်းထႆး ၼႂ်းဢမ်ႇႁိုင်ၼႆႉ ဝႃႈၼႆ ။ ၶၢဝ်ႇထႆး Bangkok Post ဢိင်ၼိူဝ်ၽူႈၶၢၼ်ပၢၵ်ႇ ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းထႆးတႅမ်ႈဢွၵ်ႇပိုၼ်ၽၢဝ်ႇဝႃႈ “ ၵူၼ်းမိူင်းထႆး ဢၼ်ပဵၼ် ၵူၼ်းၸၢႆး 90 ၵေႃႉၼၢင်းယိင်း...

ၵူၼ်းမိူင်းပၼ်ႇ ဢွၼ်ၵၼ်လွင်းၵဵမ်းမၢၵ်ႇၼင် တင်းဢွၼ်ႊလၢႆႊၼမ် မၢင်ၸိူဝ်းသုမ်း ထိုင်တီႈၶၢႆၶမ်း ၶၢႆၶူဝ်းသူၼ် တႅၼ်းၵေႃႈမီး။ တႄႇဢဝ် ၵၢင်လိူၼ်ဢွၵ်ႊထိူဝ်ႊပိူဝ်ႊ 2023 ၼႆႉမႃး ၵူၼ်းပိုၼ်ႉတီႈ ဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိူဝ်းလွင်းသုမ်းၵေႃႈမီးၼမ် ၸိူဝ်းလွင်းပေႉ လႆႈၼမ်ႉတွၼ်းလၢႆတူပ်ႉၼႅပ်ႇသေတႃႉ ဢမ်ႇၸၢင်ႈထွၼ်ငိုၼ်းၼမ်ႉတွၼ်း ၼႂ်း Website/ Application ဢၼ်မီးၸိုဝ်ႈဝႃႈ...

ထဝ်ႈယိင်း ဢႃယု 64 ပီ ၵူၼ်းမိူင်းတူၼ် ၸိုင်ႈတႆးပွတ်းဢွၵ်ႇၶူင်း ၵႂႃႇဢႅဝ်ႇယဵမ်ႈပီႈၼွင်ႉဢၼ်ယူႇတီႈဝဵင်းၵျွၵ်ႉမႄးသေ လူႉတၢႆၵႂႃႇ ဝၢႆးလင်ဢၢပ်ႇၼမ်ႉၽီပၼ်။ ဝၼ်းတီႈ 22 ဢွၵ်ႊထူဝ်ႊပိူဝ်ႊ ပႃႈငိုၼ်းသွႆႈ ဢႃယု 64 ပီ ယူႇမိူင်းတူၼ် ၵႂႃႇဢႅဝ်ႇပီႈၼွင်ႉ တီႈဝဵင်းၵျွၵ်ႈမႄး ၊ လႆႈငိၼ်းၶၢဝ်ႇဝႃႈၼမ်ႉၽီပၼ်ၼၼ်ႉ ယူတ်းယႃၵူၼ်ႉၶိုၼ်ႈၼႆလႄႈ မၼ်းၼၢင်းဝႄႉဢၢပ်ႇၼမ်ႉပႃး၊ ၽွင်းၵၢင်ၶမ်ႈ ထိုင်တီႈႁိူၼ်းယေးပီႈၼွင်ႉလီငၢမ်းၼၼ်ႉ...

သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပိုတ်းယိုဝ်းၵၼ် ႁၢဝ်ႈႁႅင်း ၼႂ်းၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၾၢႆႇသိုၵ်းမၢၼ်ႈ တၢႆ 1 ၵေႃႉလႄႈ မၢတ်ႇၸဵပ်းၼမ်။ ဝၼ်းတီႈ 21/10/2023 ယၢမ်းၵၢင်ၼႂ်မွၵ်ႈ 10 မူင်း သိုၵ်းမၢၼ်ႈ တပ်ႉၶလယ 427 တင်း သိုၵ်းတဢၢင်း TNLA...

ၵူၼ်းမိူင်းထုင်ႉဝဵင်းလၢင်းၶိူဝ်း ၺႃးၵူၼ်းၸုမ်းၼိုင်ႈ ၵပ်းၾူၼ်းၸူးသေ လွၵ်ႇလႅၼ်လၢတ်ႈဝႃႈ ထုၵ်ႇဝႂ်ၸၢမ်းၵၢမ်ႇ၊ပေႃးၶႂ်ႈလႆႈငိုၼ်းသူးၵေႃႈ ႁႂ်ႈဢူၼ်းငိုၼ်းပၼ်တၢင်း K-pay ဢွၼ်တၢင်းဝႃႈၼႆ။ ၵူၼ်းၸုမ်းၼႆႉ ၵပ်းၾူၼ်းမႃးၸူးၵူၼ်းမိူင်းထုင်ႉဝဵင်းလၢင်းၶိူဝ်း မိူင်းၼၢႆး ဝၢၼ်ႈႁၢတ်ႇ ၸိူဝ်းၼႆႉမႃး တင်ႈတႄႇ လိူၼ်ဢွၵ်ႊထိူဝ်ႊပိူဝ်ႊ 2023 ၼႆႉမႃး။ လွၵ်ႇလႅၼ်လၢတ်ႈဝႃႈ “ ထုၵ်ႇဝႂ်ၸၢမ်းၵၢမ်ႇ လႆႈၾူၼ်း၊ လႆႈငိုၼ်း၊ လႆႈၵႃး”...

သိုၵ်းၶၢင် KIA ပိုၼ်ၽၢဝ်ႇ ယိုတ်းလႆႈတပ်ႉပၢင်သဝ်း သိုၵ်းမၢၼ်ႈ 2 တီႈ ၼႂ်းၼၼ်ႉ ၼႂ်းၸိုင်ႈတႆး ပွတ်းႁွင်ႇတီႈၼိုင်ႈ လႄႈ ၼႂ်းၸႄႈမိူင်းၶၢင် တီႈၼိုင်ႈ။ မိူဝ်ႈဝၼ်းတီႈ 19/10/2023 ၼၼ်ႉ သိုၵ်းၶၢင် KIA လၢႆတပ်ႉၵွင် ႁူမ်ႈၵၼ် လေႃႇတိုၵ်းသိုၵ်းမၢၼ်ႈယိုတ်းမိူင်းသေ ယိုတ်းလႆႈ တပ်ႉပၢင်သဝ်းသိုၵ်းမၢၼ်ႈတီႈဝၢၼ်ႈၼမ်ႉၵူတ်ႉ ဢၼ်ယၢၼ်ၵႆၵၼ်တင်း မိူင်းၵူဝ်း...