ၸုမ်းဢူၺ်းလီပွတ်းႁွင်ႇ ပိုတ်းယိုဝ်းၵၼ်တင်းသိုၵ်းမၢၼ်ႈတီႈဝဵင်းၵုၼ်လူင်ႁၢဝ်ႈႁႅင်း ထပ်းၵၼ်မႃး 3 ဝၼ်း သိုၵ်းဢူၺ်းလီသင်ႇႁႂ်ႈၵူၼ်းမိူင်းၶၢႆႉပၢႆႈယူႇသဝ်းဝႆႉတီႈလွတ်ႈၽေး ဝႃႈၼႆ။ ၸုမ်းဢူၺ်းလီ သင်ႇၵူၼ်းမိူင်းႁႂ်ႈဢွၵ်ႇဝဵင်းၵုၼ်လူင် မိူဝ်ႈဝၼ်းတီႈ 2 ၼူဝ်ႊဝႅမ်ႊပိူဝ်ႊ ယၢမ်းၵၢင်ၶမ်ႈ၊ ၵူၼ်းမိူင်းတူၵ်းၸႂ်သေ ၼႅတ်ႈဢွၼ်ၵၼ်ၶၢႆႉဢွၵ်ႇပိုၼ်ႉတီႈႁိူၼ်းယေးယဝ်ႉၵူၼ်းၵုၼ်လူင်ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။ “သိုၵ်းမၢၼ်ႈၵေႃႈသမ်ႉမီးၼမ်ၼႃႇၶႃႈၼေႈ ၼႂ်းဝဵင်းၵုၼ်လူင်ၼႆႉ။ ၾၢႆႇၸုမ်းဢူၺ်းလီၵေႃႈ ဢဝ်ၻရူၼ်ႊမႃးပွႆႇမၢၵ်ႇ၊ သိုၵ်းမၢၼ်ႈၵေႃႈလၢမ်းလိမ်းယိုဝ်းမၢၵ်ႇ ယိုဝ်းၵွင်ႈလူင်လႄႈ တိူဝ်ႉသႂ်ႇၵူၼ်းယေးၵူၼ်းမိူင်းၶႃႈဢိူဝ်ႈ။ ဢၼ်မၢတ်ႇၵေႃႈမၢတ်ႇ ဢၼ်တၢႆၵေႃႈတၢႆၶႃႈဢိူဝ်ႈၵူၼ်းမိူင်း။ ၸင်ႇဝႃႈၵူၼ်းၼႂ်းဝဵင်းၵေႃႈၵူဝ်ၼႃႇသေ ဢွၼ်ၵၼ်ပၢႆႈဢွၵ်ႇႁိူၼ်းႁင်းၽႂ်မၼ်းယဝ်ႉၶႃႈ။” မိူဝ်ႈဝႃးဝၼ်းတီႈ...

ဝၼ်းတီႈ 3/11/2023 ယၢမ်းၵၢင်ၼႂ်ၸဝ်ႉ ၸုမ်းဢူၺ်းလီပွတ်းႁွင်ႇလႄႈ သိုၵ်းမၢၼ်ႈ သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်းၼႂ်းၸႄႈဝဵင်းၼမ်ႉၶမ်း မူႇၸေႊ ။ သိုၵ်းမၢၼ်ႈတတ်း သၢႆၾူၼ်း သၢႆဢိၼ်ႊထိူဝ်ႊၼႅတ်ႊ ၵူၼ်းမိူင်းဢမ်ႇၸၢင်ႈတိတ်း တေႃႇႁႃၵၼ်။ တီႈဝဵင်းၼမ်ႉၶမ်းၼႆႉ ဝၢႆးလင်သိုၵ်းဢူၺ်းလီယိုတ်းလႆႈ ပၢင်သဝ်းသိုၵ်းမၢၼ်ႈ ပလိၵ်ႈမၢၼ်ႈ တီႈႁူဝ်ၶူဝ်ၽႅၼ်ၼမ်ႉမၢဝ်းယဝ်ႉၼၼ်ႉ သိုၵ်းမၢၼ်ႈဢဝ်ၶိူင်ႈမိၼ် မႃးပၼ်ႇလဵပ်ႈ ၼိူဝ်ဝဵင်း ၼမ်ႉၶမ်းသေ ပိုတ်းယိုဝ်းမၢၵ်ႇလူင်လူင်း။ ၵူၼ်းမိူင်းၼမ်ႉၶမ်းဢမ်ႇၸၢင်ႈဢွၵ်ႇႁိူၼ်းယေး။ လိူဝ်ၼၼ်ႉဢမ်ႇၵႃး ထိုင်မႃးယၢမ်းၵၢင်ဝၼ်းတဵင်ႈ...

သိုၵ်းမၢၼ်ႈ ယိုတ်းမိူင်း ယိုဝ်းၵူၼ်းၼုမ်ႇ မိူင်းယႆ တၢႆထင်တီႈၵေႃႉၼိုင်ႈ တီႈၼႃႈတပ်ႉၶဝ် ၼႂ်းဢိူင်ႇၼမ်ႉပွင်ႈ ဝဵင်းလႃႈသဵဝ်ႈ။ ဝၼ်းတီႈ 2/11/2023 ယၢမ်းႁူဝ်ၶမ်ႈမွၵ်ႈ 5:20 မူင်း ၸၢႆးၶမ်းပၢင်ႇ ဢႃယု 28 ပီ ၵူၼ်းမိူင်းယႆ ထုၵ်ႇသိုၵ်းမၢၼ်ႈ တပ်ႉ 291 ယိုဝ်းတၢႆ တီႈၼႃႈတပ်ႉၶဝ် ၼႂ်းဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ...

ၵူၼ်းပိုၼ်ႉတီႈတင်း ႁႅင်းၵၢၼ်မိူင်းႁူမ်ႈတုမ် ၸိူဝ်းၶမ်ဝႆႉ ၼႂ်းပၢင်တိုၵ်း တီႈၼႃႈလိၼ်ၽွင်းငမ်းတူဝ်ၵဝ်ႇ တပ်ႉသိုၵ်းၵဝ်ႈ ၵၢင်ႉၼၼ်ႉ ယၢမ်းလဵဝ် ဢွၼ်ၵၼ်ထူပ်းတၢင်းယၢပ်ႇၽိုတ်ႇၵိၼ်းၸႂ်ႁႅင်း ၵဵဝ်ႇလူၺ်ႈလွင်ႈၵိၼ်ယႅမ်ႉ တုၵ်းယွၼ်းႁႂ်ႈတပ်ႉသိုၵ်းသွင်ၾၢႆႇ ၸဵဝ်းၵိုတ်းတိုၵ်းၶၼ်ၽႂ်း။ တႄႇဢဝ် ဝၼ်းတီႈ 27/10/2023 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် မီးၶၢဝ်းတၢင်း 8 ဝၼ်းယဝ်ႉ ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA...

ၵူၼ်းၸၢႆးတႃႈၶီႈလဵၵ်းၵေႃႉၼိုင်ႈ ၽဝ်ႁိူၼ်းၽဝ်ယေးၸဝ်ႈၵဝ်ႇသေ ၶႃႈတူဝ်တၢႆၶိုၼ်း။ မိူဝ်ႈဝၼ်းတီႈ 31/10/2023 ယၢမ်းၵၢင်ဝၼ်း 12 မူင်းၼၼ်ႉ ၵူၼ်းၸၢႆးၵေႃႉၼိုင်ႈ ဢၼ်ယူႇၼႂ်းဢိူင်ႇဝၢၼ်ႈလူမ်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼၼ်ႉ ၽဝ်ႁိူၼ်းယေးတူဝ်ၵဝ်ႇသေ ၶႃႈတူဝ်တၢႆၵိုၵ်းႁိူၼ်းၼႆယဝ်ႉ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မၼ်းယွင်ႇယႃႈယူဝ်ႉထၢင်ႇတႄႉ။ႁၼ်မၼ်း သူႇသမ်းၵိၼ်ယႃႈဢေႃႈ ၵူႈပွၵ်ႈၵေႃႈ။မိူဝ်ႈလဵဝ်ၵေႃႈ မၼ်းၸုတ်ႇၽဝ်ႁိူၼ်းမၼ်းဢွၼ်တၢင်းသေ ၸင်ႇၽႅၼ်ၶေႃး ၶႃႈတူဝ် တၢႆဢေႃႈၼၼ်ႉ ” -...

ၵူၼ်းမူႇၸေႊ ပၢႆႈၽေးသိုၵ်း ၵႂႃႇမူၵ်းသွၼ်ႈဝႆႉၼႂ်းလုၵ်းလိၼ်(လုၵ်းပဵမ်ႇ) ထုၵ်ႇလုၵ်းလိၼ်လၼ်ႇတဵင်သႂ်ႇ သွင်မႄႈလုၵ်ႈ လူႉတၢႆထင်တီႈ။ ပူၼ်ႉမႃး မိူဝ်ႈဝၼ်းတီႈ 1/11/2023 ယၢမ်းႁူဝ်ၶမ်ႈ သွင်မႄႈလုၵ်ႈ ၸၢဝ်းၶၢင် ပၢႆႈၽေးသိုၵ်းသေ ၵႂႃႇမူၵ်းသွၼ်ႈဝႆႉၼႂ်းလုၵ်းလိၼ် ဢၼ်မီးဝႆႉၼႂ်းသူၼ်ၶဝ် တီႈဝၢၼ်ႈၼမ်ႉၶူမ် ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ထုၵ်ႇလုၵ်းလၼ်ႇတဵင်သႂ်ႇ လူႉတၢႆၶမ်ၼႂ်းလုၵ်း တင်းသွင်။ ၵူၼ်းပိုၼ်ႉတီႈ ဝဵင်းမူႇၸေႊ...

မိူဝ်ႈၼႆႉ ဝၼ်းတီႈ 3/11/2023 ယၢမ်းၵၢင်ၼႂ် 9:15 မူင်း သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်း ၵၼ် တီႈပွၵ်ႉဢွင်ႇမဵတ်ႈတႃႇ ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ႁၢဝ်ႈႁႅင်း ၾၢႆႇသိုၵ်း မၢၼ်ႈ ၸႂ်ႉၶိူင်ႈမိၼ်ပွႆႇမၢၵ်ႇၸွမ်းသၢပ်ႇဝဵင်းထႅင်ႈ ဢမ်ႇယွမ်း...

သိုၵ်းဢူၺ်းလီပွတ်းႁွင်ႇ ပိုတ်ႇၼႃႈသိုၵ်း ပၢင်တိုၵ်း 1027 တေႃႇၸုမ်းသိုၵ်းမၢၼ်ႈယိုတ်းမိူင်းၼႆႉ သိုၵ်းၵႅတ်ႇၶႄၵူၼ်းမိူင်း 14 ၸုမ်း ၵမ်ႉထႅမ်ပၼ်ႁႅင်း ၸုမ်းဢူၺ်းလီပွတ်းႁွင်ႇ ၶၢဝ်ႇပီႇပီႇသီႇ ႁၢႆးငၢၼ်းဝၼ်းတီႈ 1 ၼူဝ်ႊဝႅမ်ႊပိူဝ်ႊ ၼင်ႇၼႆ ။ ၸုမ်းသိုၵ်းၵႅတ်ႇၶႄၵူၼ်းမိူင်း ၸိူဝ်းၵမ်ႉထႅမ် သိုၵ်းဢူၺ်းလီပွတ်းႁွင်ႇ ၼၼ်ႉတႄႉ ပဵၼ်ၸုမ်းသိုၵ်းဢၼ်မီးၼႂ်းတိူင်းၸေႈၵႅင်း၊...

မိူဝ်ႈၼႆႉ ဝၼ်းတီႈ 2/10/2023 ယၢမ်းၵၢင်ၼႂ် 10 မူင်းၼၼ်ႉ သိုၵ်းမၢၼ်ႈ ၵိုင်ႉၵင်ႉသင်ႇဢိုတ်းၵဵတ်ႉလၢၼ်ႇတႃႈပိင်း ဢၼ်မီးၼႂ်းၵႄႈၸႄႈဝဵင်းၵဵင်းတုင် - မိူင်းလႃး ၸိုင်ႈတႆးပွတ်းဢွၵ်ႇ လွင်ႈၼႆႉ ၵူၼ်းမိူင်းမႆႈၸႂ်ၵူဝ်ပဵၼ်ၶၢဝ်းယၢဝ်း ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ မိူဝ်ႈလဵဝ် ၶဝ်သင်ႇဢိုတ်းဝႆႉယဝ်ႉ ဢမ်ႇၸၢင်ႈၵႂႃႇမႃးယဝ်ႉတၢင်းၼႆႉ။လွင်ႈၼႆႉ ႁဝ်းၶႃႈတႄႉ ၵူဝ်ပဵၼ်ၶၢဝ်းယၢဝ်းၵူၺ်းဢေႃႈ ”...

သိုၵ်းမၢၼ်ႈတင်း ပျီႇတူႉၸိတ်ႉ ႁူမ်ႈၵၼ် ထႅမ်ႁႅင်းသိုၵ်း တူင်းၼိုင်ၼႂ်းၵၢင်ဝဵင်းၼမ်ႉၶမ်း ႁၢဝ်ႈႁႅင်း ၵူၼ်းမိူင်းမႆႈၸႂ် ၵူဝ်ပဵၼ် ပၢင်တိုၵ်း။ ဝၼ်းတီႈ 1/11/2023 သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉ မဵဝ်းမ ႁူမ်ႈၵၼ် ထႅမ်ႁႅင်းသိုၵ်း မႃးတူင်ႉၼိုင်ယူႇဝႆႉ တီႈဝတ်ႉ ၵေႃႇမိူင်း (ၵျွင်းတေႃႇလူင် ၵၢင်ဝဵင်း) လႄႈ ဝတ်ႉတႅၵ်ႉၶိၼႃႇယူင်ႇ ပွၵ်ႉၵုင်းၵႃးလႃး...

ၸိုင်ႈတႆးပွတ်းႁွင်ႇလၢႆၸႄႈဝဵင်း သဵင်ၵွင်ႈတႅၵ်ႇပႆႇယဵၼ် ၸုမ်းဢူၺ်းလီပွတ်းႁွင်ႇသၢမ်ပီၼွင်ႉတင်း ၸုမ်းသိုၵ်းမၢၼ်ႈ တိုၵ်ႉသိုပ်ႇပိုတ်းယိုဝ်းၵၼ်၊ ယိုဝ်းၵွင်ႈလူင်၊ ဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇဝၢၼ်ႈသူၼ်ႁိူၼ်းၵူၼ်းလႄႈ ၵူၼ်းမိူင်းယႆ မႆႈၸႂ်ၵူဝ်ပၢင်တိုၵ်းလၢမ်းထိုင် ဢွၼ်ၵၼ်ၶုတ်းလုၵ်းထႅၼ်ႈ/လုၵ်းပဵမ်ႇဝႆႉႁင်းၽႂ်မၼ်း တႃႇပၢႆႈသွၼ်ႈ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ပၢင်တိုၵ်းတေမႃးထိုင်တၢင်းၼႆႉႁႃႉ ဢမ်ႇထိုင်ႁႃႉ ဢမ်ႇၸၢင်ႈဝႃႈၶႃႈၼႃႇၼေႃႈ ။ ပေႃႈမႄႈၵူၼ်းမိူင်းမၢင်ႁိူၼ်းတႄႉ မႆႈၸႂ်ၵူဝ်ပၢင်တိုၵ်းလၢမ်းထိုင်လႄႈ ဢွၼ်ၵၼ်ၶုတ်းလုၵ်းထႅၼ်ႈ/လုၵ်းပဵမ်ႇဝႆႉ ႁင်းၽႂ်မၼ်းၶႃႈဢေႃႈ ” - ...

ၵူၼ်းမိူင်းၶႄႇ ၸုမ်းလႅၼ်ၵိၼ်ငိုၼ်းဢွၼ်ႊလၢႆႊ ဢၼ်ပၢႆႈမႃးသွၼ်ႈဝႆႉတီႈမိူင်းယႆ ႁူဝ်ၵူၼ်းမွၵ်ႈ 800 ၼၼ်ႉ ယၢမ်းလဵဝ် သိုပ်ႇ ၶၢႆႉၵႂႃႇတၢင်း ၸႄႈဝဵင်းတၢင်ႉယၢၼ်းလႄႈ မိူင်းလႃး ၸိူဝ်းၼၼ်ႉထႅင်ႈယဝ်ႉ ၵူၼ်းပိုၼ်ႉတီႈမိူင်းယႆလၢတ်ႈ။ တႄႇဢဝ် ဝၼ်းတီႈ 31/10/2023 ၼႆႉမႃး ၵူၼ်းမိူင်းၶႄႇ ၸုမ်းလႅၼ်ၵိၼ်ငိုၼ်းဢွၼ်ႊလၢႆႊ ဢၼ်လုၵ်ႉတီႈဝဵင်းပၢင်သၢင်း ၼႂ်းၼႃႈလိၼ်ၽွင်းငမ်းတူဝ်ၵဝ်ႇ တပ်ႉသိုၵ်ႉဝႃႉ UWSA ၼၼ်ႉသေ ပၢႆႈမႃးသွၼ်ႈဝႆႉတီႈ...

ႁိူၼ်းယေးၵူၼ်းဝၢၼ်ႈ လင်ၼိုင်ႈ တီႈဝဵင်းလၢႆးၶႃႈ ထုၵ်ႇၵူၼ်းဢမ်ႇႁူႉၾၢႆႇ ၶဝ်ႈသွၵ်ႈတဝ် လႆႈၵႂႃႇငိုၼ်းၼပ်ႉႁူဝ်ပၢၵ်ႇသႅၼ်ပျႃး။ ပူၼ်ႉမႃး မိူဝ်ႈဝၼ်းတီႈ 31/10/2023 ႁိူၼ်းၵူၼ်းဝၢၼ်ႈႁူဝ်ၽၢႆ ပွၵ်ႉ 6 ဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း လင်ၼိုင်ႈ ထုၵ်ႇၵူၼ်းဢမ်ႇႁူႉၾၢႆႇ ၶဝ်ႈသွၵ်ႈတဝ်ၼႂ်းႁိူၼ်းယေးသေ လႆႈၵႂႃႇငိုၼ်း ဢမ်ႇယွမ်း 500 သႅၼ်ပျႃး မိူဝ်ႈၽွင်းၸဝ်ႈ ၶွင်ႁိူၼ်း ဢမ်ႇယူႇ။...

ၶၢဝ်းတၢင်း 3 ဝၼ်းမႃးၼႆႉ သိုၵ်းမၢၼ်ႈ ယိုတ်းမိူင်း ယိုဝ်းၵွင်ႈလူင် ၼႂ်းၸႄႈဝဵင်းၵျွၵ်ႉမႄးမႃး ႁၢဝ်ႈႁႅင်း ႁဵတ်းႁႂ်ႈၵူၼ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ ဢမ်ႇႁတ်းဢွၵ်ႇႁိူၼ်းယေးၵၼ်။ မိူဝ်ႈၼႆႉ ဝၼ်းတီႈ 1/11/2023 တႄႇဢဝ် ယၢမ်းၵၢင်ၼႂ် 10:00 မူင်းပၢႆ သိုၵ်းမၢၼ်ႈ တပ်ႉၶမယ 501 တင်း 502 တီႈဝဵင်း ၵျွၵ်ႉမႄး...

ဝၼ်းတီႈ 31/10/2023 မိူဝ်ႈဝႃးၼႆႉ ႁွင်ႈၵၢၼ်ၾၢႆႇပိုၼ်ၽၢဝ်ႇ သိုၵ်းၵဝ်ႈၵၢင်ႉ The Kokang ပိုၼ်ၽၢဝ်ႇဝႃႈ သိုၵ်းမၢၼ်ႈယုၵ်ႉတပ်ႉၵွင် မႃးဝၢင်းၶိူင်ႈၸူး ၸုမ်းသိုၵ်းဢူၺ်းလီ 3 ၸုမ်းဝႃႈၼႆ။ သိုၵ်းမၢၼ်ႈတပ်ႉ ၶလယ 143 ဢၼ်ပၵ်းတီႈဝဵင်းၵုၼ်လူင် ဝၢင်းၶိူင်ႈၸူး ၸုမ်းဢူၺ်းလီ မီး 41 ၵေႃႉ ပႃးၵႅမ်ၽူႈၵွၼ်းတပ်ႉ ၵေႃႉၼိုင်ႈ ၊...