တပ်ႉသိုၵ်းပူတ်းပွႆႇ ၵူၼ်းမိူင်း PLA ႁူမ်ႈတင်း ၸုမ်းဢူၺ်းလီ ပွတ်းႁွင်ႇ 3 ၸုမ်းသေ လေႃႇတိုၵ်းတပ်ႉသိုၵ်းမၢၼ်ႈ ႁၢဝ်ႈ ႁႅင်း တီႈဝဵင်းသႅၼ်ဝီ ၾၢႆႉ PLA လူႉတၢႆ 12 ၵေႃႉ။
ဝၼ်းတီႈ 15/1/2024 ယူႇတီႈ တပ်ႉသိုၵ်းပူတ်းပွႆႇ ၵူၼ်းမိူင်း PLA ပိုၼ်ၽၢဝ်ႇဝႃႈ – ၼႂ်းၶၢဝ်းတၢင်း ၽႅၼ်ၵၢၼ်တိုၵ်း 1027 ၼႆႉသေ ယူႇတီႈ တပ်ႉသိုၵ်း PLA လႆႈႁူမ်ႈတင်း ၸုမ်းသိုၵ်းဢူၺ်းလီ ပွတ်းႁွင်ႇ 3 ၸုမ်းသေ လေႃႇတိုၵ်းသိုၵ်း မၢၼ်ႈ ႁၢဝ်ႈႁႅင်း တီႈၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၾၢႆႇ PLA လူႉတၢႆၵႂႃႇ 12 ၵေႃႉ- ဝႃႈၼႆ။
ၼႂ်လိၵ်ႈပိုၼ်ၽၢဝ်ႇ PLA ဢွၵ်ႇဝႆႉဝႃႈ – “တေဢၢၼ်းတိုၵ်းတေႃႇၵၢၼ်လုၵ်ႉၾိုၼ်ႉ ပေႃးသုတ်းသဵင်ႈ။ ၼပ်ႉယမ် ယုၵ်ႉယွင်ႈ ၽူႈႁတ်းႁၢၼ် ၸိူဝ်းတီႈလႆႈလူႇ ၼိူဝ်ႉလိူတ်ႈသၢႆၸႂ်ၵႂႃႇသေ ပဵၼ်ဢၼ်သေးလၢႆမွင်ၸႂ်ၸွမ်း ၵူၼ်းႁူမ်ႈႁိူၼ်း ၵေႃႉသိုၵ်း ၵေႃႉႁၢၼ်ႁဝ်းတႄႉတႄႉ”- ဝႃႈၼႆ။
ၵဵဝ်ႇၵပ်းလွင်ႈႁႅင်းသိုၵ်း ၶွင်တပ်ႉသိုၵ်း PLA ၼႆႉ မီးႁႅင်းသိုၵ်း ၵႃႈႁိုဝ် ယဝ်ႉၵေႃႈ ထုၵ်ႇသိုၵ်းမၢၼ်ႈ တီႉၺွပ်းဝႆႉ လၢႆၵေႃႉ ၸိူဝ်းၼႆႉ ယူႇတီႈ ၸုမ်းၶၢဝ်ႇၽူႈတွႆႇႁွၵ်ႈ ၵပ်းသိုပ်ႇတွင်ႈထၢမ်ၸူး တီႈ PLA ၵေႃႈ ပႆႇလႆႈ။
တပ်ႉသိုၵ်းပူတ်းပွႆႇ ၵူၼ်းမိူင်း PLA ႁူမ်ႈတင်း ၸုမ်းဢူၺ်းလီ ပွတ်းႁွင်ႇ 3 ၸုမ်းၼႆႉ ယိုတ်းလႆႈ ၵဵၵ်ႉၼမ်ႉဢုၼ်ႇ ဢၼ်မီး ၼႂ်းၵႄႈလႃႈသဵဝ်ႈ – သႅၼ်ဝီ။ မိူဝ်ႈဝၼ်းတီႈ 7 ပိုၼ်ၽၢဝ်ႇ ၼႂ်းၶၢဝ်းတၢင်း 72 ဝၼ်းၼႆႉ ယိုတ်းလႆႈ တပ်ႉသိုၵ်းမၢၼ်ႈ ဢၼ် ယူႇတႂ်ႈ ၸၵၶ – 16 ယဝ်ႉ – ၽူႈၼမ်းၼႂ်းၵူႈလွင်ႈလွင်ႈ ၸုမ်း PLA လၢတ်ႈ။
ယွၼ်ႉၸုမ်းဢူၺ်းလီ ပွတ်းႁွင်ႇ 3 ၸုမ်း လေႃႇတိုၵ်းတပ်ႉသိုၵ်းမၢၼ်ႈ ၸိုင်ႈတႆးပွတ်းႁွင်ႇၼႆႉသေ တုမ်ႉတိူဝ်ႉၵူၼ်းမိူင်း တုမ်ႉ တိူဝ်ႉၵူၼ်းမိူင်းလႆႈပၢႆႈၽေးသိုၵ်း ၼပ်ႉႁူဝ်မိုၼ်ႇ။
မိူဝ်ႈဝၼ်းတီႈ 3/1/2024 ယၢမ်းဝၢႆးဝၼ်း မီးတရူၼ်းမႃးပွၵ်ႇမၢၵ်ႇသႂ်ႇ တီႈတိူၵ်ႈသွၼ်လိၵ်ႈသင်ၶၸဝ်ႈ ဝတ်ႉ/ ၵျွင်းၶမ်း ဝဵင်းသႅၼ်ဝီ ထုၵ်ႇတရူၼ်းမႃးပွႆႇမၢၵ်ႇသႂ်ႇ ဢမ်ႇယွမ်း 4 လုၵ်ႈ တႅၵ်ႇတိူဝ်ႉသႂ်ႇ ၵူၼ်းပၢႆႈၽေးသိုၵ်းလႄႈ ဝတ်ႉမုၼ်ၸဝ်ႈ လူႉ ၵွႆၸွမ်းထႅင်ႈၼမ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ