ၶၢဝ်ႇ

 တၢင်းပဵၼ် ၶူဝ်ႊဝိတ်ႉ 19 ၽႄႈလၢမ်းမႃးႁၢဝ်ႈႁႅင်း ၼႂ်းပွၵ်ႈၵမ်းသၢမ်ၼႆႉ ၵူၼ်းဝဵင်းၵႃလိ ၸႄႈဝဵင်းၵုၼ်ႁဵင်ၵေႃႈ တိတ်းၸပ်းတၢင်းပဵၼ်ၶူဝ်ႊဝိတ်ႉလႄႈ တုမ်ႉယွၼ်ႈထိုင် လွင်ႈၵႂႃႇမႃး လွင်ႈၵႃႉၶၢႆ ၵၢၼ်ႁႃၵိၼ်လဵင်ႉတွင်ႉၵူၼ်းမိူင်း၊ ၵူၼ်းၼုမ်ႇၽူႈတူင်ႉၼိုင်တူင်ႇဝူင်းၵူၼ်းႁူမ်ႈၵၼ်ၶိုင်ပွင်သေ ၵႂႃႇၵမ်ႉၸွႆႈၵူၼ်းၸိူဝ်းယၢပ်ႇၽိုတ်ႇ   လွင်ႈၶဝ်ႈၼမ်ႉ တၢင်းၵိၼ် ။ မိူဝ်ႈဝၼ်းလိူၼ်လပ်း ဝၼ်းတီႈ 7/8/2021 ပူၼ်ႉမႃးၼႆႉ  ၵူၼ်းၼုမ်ႇဝဵင်းၵႃလိ ႁူမ်ႈၵၼ် ၸွႆႈထႅမ် ၵူၼ်းယၢပ်ႇၽိုတ်ႇယွၼ်ႉၶူဝ်ႊဝိတ်ႉ...

တီႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ပုင်ႈၶိုၼ်ႈဝၼ်း 20-30 ၵေႃႉ ၊ ထိုင်ဝၼ်းမိူဝ်ႈၼႆႉမီးၵူၼ်းၸပ်း 400 ပၢႆ လူႉတၢႆ 3 ၵေႃႉယဝ်ႉ။ ဝၼ်းတီႈ 11/8/2021 မိူဝ်ႈၼႆႉၵူတ်ႇထတ်းၵူၼ်းထၢင်ႇထိူမ်မိူၼ်ပဵၼ်ၶူဝ်ႊဝိတ်ႉ 90 ပၢႆ ၊ၼႂ်းၼၼ်ႉၵူၼ်းၸပ်းတၢင်းပဵၼ်မီး 34 ၵေႃႉ မိူဝ်ႈဝႃးသမ်ႉ ၼၢင်းယိင်းၵေႃႉၼိုင်ႈ ဢႃယု...

သိုၵ်းမၢၼ်ႈ ၶလယ 41 ဢၼ်ပၵ်းတပ်ႉလႃႈသဵဝ်ႈ ယိုတ်းႁိူၼ်းၵူၼ်းဝၢၼ်ႈ ဢၼ်မီးတီႈ တၢင်းၽႄ လႃႈသဵဝ်ႈ-တၢင်ႉယၢၼ်း ၼၼ်ႉ 10 လင် ၊ ဢဝ်ရူတ်ႉထုၺ်လိၼ်မႃးထုၺ်ထႆယႃႉႁိူၼ်း လူၺ်ႈဢမ်ႇပၼ်ၾၢင်ႉလၢတ်ႈဝႆႉလူင်ႈၼႃႈသင်။ ဢၼ်သိုၵ်းမၢၼ်ႈ ၶလ 41 လႃႈသဵဝ်ႈဢဝ်ရူတ်ႉၵႃးထုၺ်လိၼ်မႃး ထႆထုၺ်ယႃႉပႅတ်ႈႁိူၼ်း 10 လင် မိူဝ်ႈၼႆႉ ဝၼ်းတီႈ 10/8/2021 ယၢမ်းၵၢင်ဝၼ်းတဵင်ႈၼႆႉ...

ၼႂ်းဝၼ်းလဵဝ်ၵူၺ်း ၵူတ်ႇထတ်းႁၼ်  ၵူၼ်းႁိူၼ်းလဵဝ်ၵၼ် တိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း 15 ၵေႃႉ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ မိူဝ်ႈဝႃး ဝၼ်းတီႈ 9/8/2021 ၼႆႉ ၼႂ်းၸႄႈဝဵင်းသႅၼ်ဝီ  ထတ်းႁၼ် ၵူၼ်း  ၸပ်းၸိူ  ၶူဝ်ႊဝိတ်ႉ 19 တင်းမူတ်း 18 ၵေႃႉ။ ၼႂ်းၼၼ်ႉ...

ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းဢိူင်ႇႁူၺ်ႈလူင် ၸႄႈဝဵင်းမိူင်းၵိုင် ၵိုတ်း   100 ပၢႆ ပႆႇၸၢင်ႈပွၵ်ႈႁိူၼ်းယေး  ၵမ်ႈၼမ် ပဵၼ်ၵူၼ်းထဝ်ႈလႄႈ လုၵ်ႈဢွၼ်ႇ။ တႄႇဢဝ် ႁူဝ်လိူၼ်ၵျုႊလၢႆႊမႃးတေႃႇထိုင် ႁူဝ်လိူၼ်ဢေႃႊၵတ်ႊသ် 2021 ၼႆႉ ၵူၼ်းၼႂ်းဢိူင်ႇမိူင်းၶုၼ် ဢၼ်ပၢႆႈၽေး သိုၵ်းမႃးသွၼ်ႈဝႆႉတီႈၼႂ်းဢိူင်ႇႁူၺ်ႈလူင် ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁူဝ်ၵူၼ်းႁဵင်ပၢႆ ၼၼ်ႉ ယၢမ်းလဵဝ်...

ၼႂ်းၸႄႈဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း 7 ၵေႃႉ ၼႂ်းၼၼ်ႉ လူႉတၢႆ ၵေႃႉ႞  ။   ဝၼ်းတီႈ 20/7/2021  တေႃႇထိုင်ဝၼ်းတီႈ 5/8/2021 ၼႆႉ ၼႂ်းၸႄႈဝဵင်းၵုၼ်ႁဵင်  ၵူၼ်းၸပ်းတၢင်းပဵၼ်ၶူဝ်ႊဝိတ်ႉ 19  မီး 7 ၵေႃႉ ပႃးတင်းလုၵ်ႈဢွၼ်ႇလဵၵ်ႉ...

 ၸႄႈဝဵင်းၼမ်ႉၶမ်း ၸိုင်ႈတႆး ပွတ်းႁွင်ႇၼႆႉ ပဵၼ်ဝဵင်း ဢၼ်တၢင်းပဵၼ်ၶူဝ်ႊဝိတ်ႉ 19 လၢမ်းၽႄႈတိတ်းၸပ်းၼမ် ထိုင်တီႈၾၢႆႇပၢႆးယူႇလီ ပိုၼ်ၽၢဝ်ႇပဵၼ်ဝဵင်းဢၼ်တေလႆႈယူႇႁိူၼ်း  Stay at Home ၊ ၵူၺ်းၵႃႈ ၵူၼ်းမိူင်းပႆႇႁတ်းၵႂႃႇသမ်းၶဵဝ်ႁႄႉၵင်ႈၶူဝ်ႊဝိတ်ႉၼမ်။ တင်ႈဢဝ်ႁူဝ်လိူၼ်ဢေႃႊၵတ်ႊသ် 2021 ၼႆႉမႃး    တီႈဝဵင်းၼမ်ႉၶမ်း တႄႇသမ်းပၼ်ၶဵမ် ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ်ၵၼ် တီႈႁူင်းႁေႃး တႅၼ်ႈမၢဝ်းၶမ်း...

တၢင်းပဵၼ်ၶူဝ်ႊဝိတ်ႉ 19 လၢမ်းၽႄႈၶဝ်ႈမိူင်းၵိုင် မီးၵူၼ်းၸပ်းတၢင်းပဵၼ် 30 ပၢႆ ၊ ၵူၼ်းႁိူၼ်းလဵဝ်ၵၼ် ၸပ်းတၢင်းပဵၼ်မူတ်း တင်း 6 ၵေႃႉ။ ပဵၼ်ၵူၼ်းၼႂ်းပွၵ်ႉ 4 ဝဵင်းမိူင်းၵိုင် ၊ ၵူတ်ႇထတ်းႁၼ်ၸိူဝ်ႉမႅင်း ၶူဝ်ႊဝိတ်ႉတီႈႁိူၼ်းၶဝ်မိူဝ်ႈဝၼ်းတီႈ 7/8/2021 ၊ ယၢမ်းလဵဝ်  လႆႈသူင်ႇယူတ်းယႃတူဝ်ဝႆႉ တီႈႁူင်းယႃ တင်း 6...

ဝၼ်းတီႈ 9/8/2021 ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်းၾၢႆႇပၢႆးယူႇလီ ထတ်းႁၼ်ၵူၼ်းၸပ်းၶူဝ်း 19 မိူဝ်ႈၼႆႉ 3 ၵေႃႉ၊  ယၢမ်းလဵဝ် ၵူၼ်းၸပ်းမီး 60 ပၢႆ ။ ၼႂ်းၸႄႈဝဵင်းလၢႆးၶႃႈ  တႄႇဢဝ် ဝၼ်းတီႈ 1/8/2021 တေႃႇထိုင် ဝၼ်းတီႈ 7/8/2021 တႃႇၶၢဝ်းတၢင်း ၼိုင်ႈဝူင်ႈၼႆႉ...

 ငဝ်းလၢႆး ၼႂ်းပိုၼ်ႉတီႈ ဢမ်ႇပႆႇၼိမ်သဝ်း ဢမ်ႇမီးလွင်ႈႁူမ်ႇလူမ်ႈ  လႄႈ ၵူၼ်း ၵေးသီး  60 ပၢႆ  ဢၼ်ပၢႆႈၽေးသိုၵ်း မႃးသွၼ်ႈဝႆႉတီႈၸႄႈဝဵင်းလၢႆးၶႃႈ ၼၼ်ႉ   ဢွၼ်ၵၼ် တႄႇဝၢၼ်ႈ မႂ်ႇ သေ ဢၢၼ်းတေယူႇသဝ်းၵႂႃႇတေႃႇထိုင်ဝၢၼ်ႈမိူင်းပေႃးၵတ်းယဵၼ်ဝႃႈၼႆ။      ၵူၼ်းဝၢၼ်ႈ ဢၼ်ပၢႆႈမႃးသၢင်ႈဝၢၼ်ႈမႂ်ႇၼၼ်ႉ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“တၢင်းယၢပ်ႇၽိုတ်ႇတႄႉ မီးယူႇၵူႈ ဢၼ်ဢေႃႈ...

 တီႈဝတ်ႉ/ ၵျွင်းမူဝ်းၵူတ်ႉဝိပသၼႃႇ  တီႈတိုဝ်းၵမ်တြႃး ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ၸိူဝ်ႉမႅင်းၶူဝ်ႊ ဝိတ်ႉ 19 ၽႄႈလၢမ်းတိတ်းၸပ်း သင်ၶၸဝ်ႈလႄႈမႄႈၶၢဝ် လႄႈယေႃးၵီႇ  တင်းမူတ်း 59 တူၼ် ၼႂ်းၼၼ်ႉ လူႉတၢႆ 1 ၵေႃႉ ဝႃႈၼႆ။ မိူဝ်ႈဝႃး ဝၼ်းတီႈ 8/8/2021 တီႈဝတ်ႉ/ ၵျွင်းမူဝ်းၵူတ်ႉဝိပသၼႃႇ...

မီးၵူၼ်းသွင်ၵေႃႉ ၶီႇရူတ်ႉၶိူင်ႈ မႃးပွႆႇမၢၵ်ႇတႅၵ်ႇ သႂ်ႇတီႈလုမ်းပလိၵ်ႈၸယၽ (စရဖ) ၾၢႆၸွပ်ႇၶၢဝ်ႇ ၸႄႈဝဵင်းၼမ်ႉၶမ်း လုၵ်ႈၼိုင်ႈ ႁဵတ်းႁႂ်ႈၵူၼ်းမိူင်းတူၵ်းၸႂ် ဝႃႈၼႆ။ မိူဝ်ႈၼႆႉ ဝၼ်းတီႈ 9/8/2021 ယၢမ်းၵၢင်ၼႂ် မွၵ်ႈ 10 မူင်း မီးၵူၼ်းသွင်ၵေႃႉ မႃးပွႆႇမၢၵ်ႇတႅၵ်ႇ သႂ်ႇတီႈလုမ်းပလိၵ်ႈ ၸယၽ ဢၼ်မီးဝႆႉၼႂ်းပွၵ်ႉၵွင်းၼွင်မူဝ် ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ...

ယၢမ်းလဵဝ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ၼႂ်းၸႄႈဝဵင်းၵဵင်းတုင် မီးၵႂႃႇ 370 ပၢႆ လူႉတၢႆယဝ်ႉ 2 ၵေႃႉ ဝႃႈၼႆ။ တႄႇဢဝ် ႁၢင်လိူၼ်ၵျုၼ်ႊမႃး တေႃႇထိုင် ဝၼ်းတီႈ 8/8/2021 တၢင်းပဵၼ်ၶူဝ်ႊဝိတ်ႉ 19 ပွၵ်ႈၵမ်းသၢမ် ၼႂ်းၸႄႈဝဵင်းၵဵင်း တုင် ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်...

တႃႇၵႅတ်ႇၶႄႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ယႃႇႁႂ်ႈလၢမ်းၽႄႈႁႅင်းၼႆသေ ၾၢႆႇႁႄႉၵင်ႈတၢင်းပဵၼ်ဝဵင်းလၢင်းၶိူဝ်း ႁၢမ်ႈၵူၼ်းၶၢႆၽၵ်းတၢင်ႇဝဵင်းၶဝ်ႈမႃးသူင်ႇၶၢႆထိုင်ၼႂ်းဝဵင်းလၢင်းၶိူဝ်း။ ၾၢႆႇၵႅတ်ႇၵင်ႈတၢင်းပဵၼ် ၸႄႈဝဵင်းလၢင်းၶိူဝ်း ဢွၵ်ႇလိၵ်ႈပိုၼ်ၽၢဝ်ႇ  ဝႃႈတႄႇဢဝ် ႁူဝ်လိူၼ်ဢေႃႊၵတ်ႊသ် ၼႆႉၵႂႃႇ ၼွၵ်ႈလိူဝ်ႁၢၼ်ႉၶၢႆယႃႈယႃလႄႈ ၶူဝ်းၵိၼ်ယမ်ႉ ၊ ႁၢၼ်ႉၶၢႆၶူဝ်းၼုင်ႈတၢင်းဝႆလႄႈ ၶူဝ်းၸႂ်ႉတိုဝ်းတေလႆႈပိၵ်ႉဝႆႉ ထႅင်ႈတေႃႇထိုင်ဝၼ်းတီႈ 11/8/2021 ဝႃႈၼႆ။ လိူဝ်ၼၼ်ႉ ၵူၼ်းၶၢႆၶူဝ်းၵုၼ်ႇၽၵ်းယိူဝ်ႈၼၢင်းၶဵဝ် ဢၼ်လုၵ်ႉတၢင်ႇတီႈသီႇလႅၼ်မႃးၵေႃႈ လႆႈမႃးၵိုတ်းဝၢင်းၶၢႆတီႈတၢင်းၶဝ်ႈဝဵင်း ။ ၵူၼ်းၵႃႉၽၵ်းၶဵဝ်ၼႂ်းဝဵင်းသမ်ႉ လႆႈႁၢႆးငၢၼ်တီႈလုမ်းၵွၼ်းၸႄႈဝဵင်း...

ဢိင်ၼိူဝ် တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းၼႆႉသေ ၼႂ်းဝဵင်းၶူဝ်လမ် ၸိုင်ႈတႆးပွတ်းၸၢၼ်း ပိၵ်ႉဢိုတ်း တၢင်းၶဝ်ႈဝဵင်း ဢမ်ႇပၼ်ရူတ်ႉၵႃးၵႂႃႇမႃး ၶဝ်ႈၼႂ်းဝဵင်း ဝႃႈၼႆ။  တႄႇဢဝ်ႁူဝ်လိူၼ်ဢေႃႊၵတ်ႉသ်ၼႆႉမႃး ၾၢႆႇၵႅတ်ႇၵင်ႈတၢင်းပဵၼ်ၶူဝ်ႊဝိတ်ႉ 19 တီႈၵိင်ႇၸႄႈဝဵင်း ၶူဝ်လမ် ၸႄႈဝဵင်းၼမ်ႉ ၸၢင် ၸိုင်ႈတႆးပွတ်းၸၢၼ်း ၸင်ႇပိၵ်ႉဢိုတ်း တၢင်းၶဝ်ႈဝဵင်း ဢမ်ႇပၼ် ရူတ်ႉၵႃးၵႂႃႇမႃး ၼႂ်းဝဵင်း ယွၼ်ႉ...