တႄႇႁၢင်လိူၼ်မေႊၼႆႉမႃး ၾူၼ်တူၵ်းဢမ်ႇထၢတ်ႇ ႁဵတ်းႁႂ်ႈတူၼ်ႈမႆႉလူမ်ႉ ၊ သဵၼ်ႈတၢင်းလူႉၵွႆ ၾႆးၾႃႉၶၢတ်ႇ ၊ ၼမ်ႉၶၢတ်ႇ တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း သိုၵ်းမၢၼ်ႈသမ်ႉ ဢမ်ႇပၼ်ၸႂ်ႉၾူၼ်းထႅင်ႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်။ ၼၢင်းယိင်း ၵူၼ်းမိူင်းဝဵင်းယႂႃႇငၢၼ်ႇ လၢတ်ႈၽူႈတွႆႇႁွၵ်ႈဝႃႈ -“ၸဵမ်မိူဝ်ႈ ၾူၼ်တူၵ်းဢမ်ႇထၢတ်ႇ ႁၢင်လိူၼ် မေႊၼႆႉမႃး ၾႆးဢမ်ႇမႃးၼႆႉမီး 15 ဝၼ်းယဝ်ႉ၊ ၼမ်ႉၵေႃႈ ဢမ်ႇလႆႈ၊...

သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈၸၢၵ်ႈ PSMS သေ ၵူတ်ႇထတ်းၵူၼ်းၸိူဝ်းႁဵတ်း CDM လႄႈ ၵူၼ်းၸိူဝ်း ၺႃးမၢႆမီႈမတ်ႉတႃ 505 (က) ၸိူဝ်းၼႆႉႁၢဝ်ႈႁႅင်း ၼႂ်းမိူင်းတႆးလၢႆလၢႆတီႈ။ ဝၢႆးသေ သိုၵ်းမၢၼ်ႈ ဢွၵ်ႇသဵၼ်ႈၸိုဝ်ႈ ၵူၼ်းၸိူဝ်းသၢၼ်ၶတ်းၶဝ်ယဝ်ႉၼၼ်ႉ ၵူၼ်းမိူင်းဢၼ်ႁဵတ်း CDM ၸိူဝ်းၼၼ်ႉ ၺႃးတီႉၺွပ်းၵုမ်းတူဝ်ဝႆႉတင်းၼမ်။ မိူၼ်ၼင်ႇ တီႈၵဵတ်ႉလၢၼ်ႇ သိုၵ်းမၢၼ်ႈ...

သဵၼ်ႈမၢႆဢွင်ႇပူၼ်ႉၸၼ်ႉသိပ်းသွင် တႃႇၶဝ်ႈႁဵၼ်းၸၼ်ႉၸွမ်ၼၼ်ႉ တေပိုၼ်ၽၢဝ်ႇဢွၵ်ႇ ၼႂ်းဝၼ်းတီႈ 13/06/2025 ယၢမ်းၵၢင်ၼႂ်ၼႆ ဝႃႈၼႆ။ ၼႂ်းဝၼ်းၼၼ်ႉ ယၢမ်းၵၢင်ၼႂ် 4 မူင်း ၶဝ်ႈတူၺ်းလႆႈတီႈ ဝႅပ်ႉသၢႆႉ ႁွင်ႈၵၢၼ် ၾၢႆႇထတ်းလိၵ်ႈ မိူင်းမၢၼ်ႈ www.myanmarexam.org ၶၢဝ်းယၢမ်းၵၢင်ၼႂ် 6 မူင်းၼႆႉသမ်ႉ ၵႂႃႇတူၺ်းလႆႈတီႈ ႁူင်းႁဵၼ်း ဢၼ်ၵဵဝ်ႇၶွင်ႈ ၸႄႈဝဵင်းၸဝ်ႈၵဝ်ႇ။...

ဝၼ်းတီႈ 03/06/2025 ယၢမ်းဝၢႆးဝၼ်း 3 မူင်း သိုၵ်းယၢင်းၽိူၵ်ႇ KNU ယိုတ်းၵုမ်းလႆႈၶိုၼ်း တပ်ႉပၢင်သဝ်းသိုၵ်းမၢၼ်ႈ တေႇပေႃးပူဝ်း ဢၼ်မီးႁိမ်းၸမ် လႅၼ်လိၼ်ထႆး - မၢၼ်ႈၼႆ ႁူဝ်ပဝ်ႈ ၸႄႈဝဵင်းၵေႃႉၵရဵတ်ႉ သိုၵ်းယၢင်းၽိူၵ်ႇ KNU ယိုၼ်ယၼ်လၢတ်ႈဝႆႉၼင်ႇၼႆ။ ၸွမ်းၼင်ႇၽႅၼ်ႇလိၼ် ၼႃႈတီႈၽွင်းငမ်း သိုၵ်းယၢင်းၽိူၵ်ႇ KNU ၸိုင် တပ်ႉပၢင်သဝ်းသိုၵ်းမၢၼ်ႈ...

ၼႂ်းဝၼ်းတီႈ 03/06/2025 ၼႆႉ မိူင်းၵူဝ်ႊရီႊယိူဝ်ႊၸၢၼ်း ၸတ်းႁဵတ်းပၢင်လိူၵ်ႈတင်ႈ ၸွမ်ၸိုင်ႈ ၵမ်းႁႅၵ်ႈ ဝၢႆးလင် ပဵၼ်ၵႂႃႇလွင်ႈပိုၼ်ၽၢဝ်ႇၸႂ်ႉတိုဝ်းပိူင်ၵၢၼ်သိုၵ်းၼၼ်ႉ လီႇၵျေႇမျွင်ႇ (Lee Jae-myung) ႁူဝ်ပဝ်ႈ ပႃႇတီႇ တီႇမူဝ်ႇၶရႅတ်ႉတိတ်ႉ (Democratic Party) လႆႈၶႅပ်းၵၢင်ၸႂ်ၼမ်လိူဝ်ပိူၼ်ႈသေ ဢွင်ႇပေႉပၢင်လိူၵ်ႈတင်ႈၵႂႃႇ ဝႃႈၼႆ။ မိူဝ်ႈၽွင်း ၼပ်ႉဢၢၼ်ႇၶႅပ်းၵၢင်ၸႂ် ယဝ်ႉတူဝ်ႈၵႂႃႇ 99.11 %...

ပၢင်ၵုမ် ၸိၵ်းၸွမ် ASEAN ပွၵ်ႈၵမ်း 46 ပိုၼ်ၽၢဝ်ႇဢွၵ်ႇမႃး လွင်ႈတၢင်းၵဵဝ်ႇၵပ်းတင်းပၼ်ႁႃမိူင်း မၢၼ်ႈ 9 ၶေႃႈ။ ယူႇတီႈ ၸုမ်းသိုၵ်းမၢၼ်ႈ တင်းၾၢႆႇလုၵ်ႉၽိုၼ်ႉ ႁႂ်ႈသိုပ်ႇတေႃႇၶၢဝ်းယၢမ်း ၵိုတ်းတိုၵ်းၵၼ်ထႅင်ႈသေ ASEAN ၵေႃႈ တေတေႃႇဢႃယုပုၼ်ႈၽွၼ်း ၶွင်တူဝ်တႅၼ်း ASEAN ႁႂ်ႈယၢဝ်းထိုင်သၢမ်ပီ ၸဵမ်ၸိူဝ်း ၼႆႉ တေပဵၼ်လွင်ႈတၢင်းဢၼ်မႂ်ႇသေ လိူဝ်ၼႆႉသမ်ႉ...

တႃႇၵမ်ႉၸွႆႈ သိုၵ်းမၢၼ်ႈလႄႈ ပျီႇတူႉၸိတ်ႉ PNO ၼႆသေ ၵၢင်ႉၵႄႇၼႂ်းပွၵ်ႉဝဵင်းပၢင်လွင်း ၸိုင်ႈတႆး ပွတ်းၸၢၼ်း လူင်းၵဵပ်းငိုၼ်းၵူၼ်းမိူင်း ဝႃႈၼႆ။ တႄႇႁူဝ်လိူၼ် ၵျုၼ်ႊၼႆႉမႃး  ၵၢင်ႉၵႄႇၼႂ်းပွၵ်ႉ ဝဵင်းပၢင်လွင်း ပၼ်ၶေႃႈဢၢင်ႈဝႃႈ တႃႇၵမ်ႉၸွႆႈ ၼႂ်းပွၵ်ႉၼႂ်းယွမ်ၼႆသေ လူင်းၵဵပ်းငိုၼ်းၵူၼ်းမိူင်းၼိုင်ႈႁိူၼ်းလႂ် 2 မိုၼ်ႇပျႃး။ ၵူၼ်းၸၢႆးပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃးၼႆႉ မႃးၵဵပ်းၼိုင်ႈႁိူၼ်း 2 မိုၼ်ႇ...

ၵူၼ်းမိူင်းတႆးၼႆႉ တုၵ်ႉၸွမ်းသိုၵ်းမၢၼ်ႈ သုၵ်ႉၸွမ်းသိုၵ်းၸၢဝ်းၶိူဝ်း ၸိူဝ်းလုၵ်ႉတိုၼ်ႇယိုဝ်းၵၼ်ၼႂ်းမိူင်းတႆး ဢမ်ႇတွၼ်ႉလႆႈယူႇလူၺ်ႈတၢင်းၵတ်းယဵၼ်မႃး။ ဝဵင်းဢၼ်မီးပၢင်တိုၵ်း ၵေႃႈ လႆႈပၢႆႈၽေးသိုၵ်းသိူဝ်၊ ဝဵင်းဢၼ် ဢမ်ႇမီးပၢင်တိုၵ်းၵေႃႈ သမ်ႉလႆႈၵူဝ်မၢႆမီႈဢၼ်သိုၵ်းမၢၼ်ႈႁဵတ်းဢွၵ်ႇမႃး ၼင်ႇၶဝ်ၶႂ်ႈႁဵတ်းၶႂ်ႈပဵၼ် ဢၼ်ၼိုင်ႈယဝ်ႉ ဢၼ်ၼိုင်ႈ။ တီႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇၵေႃႈ ယူႇယူႇသိုၵ်းမၢၼ်ႈမႃး ႁၢမ်ႈၵူၼ်းမိူင်း ၵႂႃႇဢဝ်မႆႉပႅၵ်ႇ မႃးၶၢႆတေႃႇၵၼ် ၼႆထႅင်ႈ။  ၽွင်းၾႆးၾႃႉ ဢမ်ႇမႃးၶၢဝ်းၵၢင်ဝၼ်းၸိူင်ႉၼႆ တေႁႂ်ႈၵူၼ်းမိူင်းႁဵတ်းႁိုဝ်ႁုင်ၵိၼ်ႁုင်ယမ်ႉ။ ဢမ်ႇမီးမႆႉပႅၵ်ႇ...

တႄႇႁူဝ်လိူၼ်ၵျုၼ်ႊမႃး သိုၵ်းၵဝ်ႈၵၢင်ႉ MNDAA ႁွင်ႉဢဝ်ၵၢင်ႉၵႄႇ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ႁဵတ်းပၢင်ၵုမ်သေ တဵၵ်းၶၢၼ်းယွၼ်းၵူၼ်းမိူင်း ၵူႈပွၵ်ႉၵူႈဝၢၼ်ႈၵူႈဢိူင်ႇ ႁႂ်ႈၶဝ်ႈႁၢပ်ႇထၢမ်း ၵၢၼ်သိုၵ်း ၼိုင်ႈဝၢၼ်ႈလႂ် ဢေႇသုတ်း သွင်ၵေႃႉ တိုၼ်းတေလႆႈႁႃပၼ်ႁႂ်ႈလႆႈ။ ဝၢႆးလင် ၽႅၼ်ယၼ်ႇသိုၵ်း 1027 သိုၵ်းၵဝ်ႈၵၢင်ႉ ၶဝ်ႈၵုမ်းၵမ် ဝဵင်းသႅၼ်ဝီသေ ပၼ်ႇၵၢၼ်ၾၢႆႇဢုပ်ႉပိူင်ႇၽွင်းငမ်းယဝ်ႉ တဵၵ်းၶၢၼ်းယွၼ်းၵူၼ်းသိုၵ်းမႂ်ႇ တီႈၵၢင်ႉၵႄႇၵူႈပွၵ်ႉၵူႈဢိူင်ႇၸိူင်ႉၼႆ မီးၵႂႃႇ...

ၼႂ်းဝူင်ႈဝၢင်ႈၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉလႄႈ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် တေဢုပ်ႇဢူဝ်းၵၼ် ၵဵဝ်ႇၵပ်းလွင်ႈ ၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆ ၽူႈမီး ပုၼ်ႈၽွၼ်း တီႈႁိူၼ်းႁေႃၶၢဝ် ၵေႃႉၼိုင်ႈ ယိုၼ်ယၼ်လၢတ်ႈဝႆႉၼင်ႇၼႆ။ မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇၵပ်းလွင်ႈ ၵၢၼ်ၵႃႉၶၢႆသေ မိူင်းဢမေႊရိၵၼ်ႊတင်း မိူင်းၶႄႇ ႁူပ်ႉဢုပ်ႇၵၼ် တီႈၵျီႊၼီႊပႃ မိူင်းသုတ်ႊသလၼ်ႊ။ တီႈပၢင်ဢုပ်ႇဢူဝ်းၼၼ်ႉ...

ရူတ်ႉၵႃးထရႅၵ်ႉ တၢင်ႇၽိုင်ႈ လမ်းၼိုင်ႈ ပိၼ်ႈၶွမ်ႈ တီႈၼိူဝ်သဵၼ်ႈတၢင်းလူင် ၼႂ်းၸႄႈတွၼ်ႈ ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ - လႅၼ်လိၼ်တိတ်းၸပ်း မိူင်းၶၼေႊတိူဝ်ႊ။ ၽိုင်ႈ လွတ်ႈဢွၵ်ႇၵႂႃႇ 250 လၢၼ်ႉတူဝ်၊ ၸဝ်ႈၼႃႈတီႈၶဝ် ပၼ်ၾၢင်ႉၵူၼ်းမိူင်း ၸိူဝ်းယူႇသဝ်းၼႂ်းပိုၼ်ႉတီႈ ႁႂ်ႈငိူင်ႉဝႄႈ ဢွင်ႈတီႈ ပဵၼ်ၽေးၵိုင်ႉၵၢင်ႉၼၼ်ႉ ဝႃႈၼႆ။ ဝၢႆးလင် ပဵၼ်ၽေးၵိုင်ႉၵၢင်ႉယဝ်ႉ ၽူႈႁၢပ်ႇၵၢၼ်...

တႄႇႁၢင်လိူၼ်မေႊမႃး တေႃႇပေႃးထိုင် ၼႂ်းႁူဝ်လိူၼ်ၵျုၼ်ႊၼႆႉ ပလိၵ်ႈၾၢႆႇၵုမ်းရူတ်ႉၵႃး ဢွၵ်ႇတီႉၺွပ်းရူတ်ႉၶိူင်ႈ လႄႈ ၵႃး ၸိူဝ်းဢမ်ႇမီးဝႂ် ( လၢႆႊသိၼ်ႊ)  - ၸိူဝ်းၶဝ် ဢွၵ်ႇပႂ်ႉၸွမ်းသဵၼ်ႈတၢင်းလူင်၊ ၸွမ်းပွၵ်ႉ၊ ၸွမ်းၵိဝ်ႇသေတီႉၺွပ်း ၼႂ်းၸႄႈဝဵင်းဢၼ်သိုၵ်းမၢၼ်ႈယိုတ်းမိူင်း ၵုမ်းၵမ်ဝႆႉ ၸိုင်ႈတႆးပွတ်းႁွင်ႇ၊ ပွတ်းၸၢၼ်း ၸဵမ်ၸိူဝ်း ၼႆႉ။  ဝၼ်းတီႈ 1/6/2025  ၼၼ်ႉ ပလိၵ်ႈၾၢႆႇၵုမ်းရူတ်ႉၵႃး...

ဝၼ်းတီႈ 1/6/2025 ၼႆႉ ၾၢႆႇသိုၵ်းမၢၼ်ႈယိုတ်းမိူင်း ဢၼ်ၶဝ်ႈၵုမ်းၵမ်ၶိုၼ်း ဝဵင်းလႃႈသဵဝ်ႈၼၼ်ႉ တႄႇပိုတ်ႇ ႁူင်းႁဵၼ်းၵႂႃႇ တႃႇ 42 လင် တီႈၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ တႃႇပီၵၢၼ်ႁဵၼ်း 2025-2026 ၼႆႉ ပိုတ်ႇႁူင်းႁဵၼ်းၸၼ်ႉသုင်ၵႂႃႇ တႃႇ 14 လင်၊ ၸၼ်ႉၵၢင် 20 လင်၊ ၸၼ်ႉဢွၼ်ႇ 4...

မိူဝ်ႈႁၢင်လိူၼ်မေႊၼႆႉ တူဝ်တႅၼ်းၸုမ်းသိုၵ်းၶၢင် KIA လႄႈ တူဝ်တႅၼ်း သိုၵ်းရၶႅင်ႇ AA လႆႈၵႂႃႇႁူပ်ႉၵၼ်တင်း တိူင်ႉသျီႊ ၵျုၼ်ႊ (Deng Xijun) ၽွင်းလူင် ၾၢႆႇၼွၵ်ႈမိူင်း တူဝ်တႅၼ်းလူင်ပွင်ၸိုင်ႈမိူင်းၶႄႇ တီႈၼႂ်းမိူင်းၶႄႇသေ ၾၢႆႇမိူင်းၶႄႇ လၢတ်ႈပၼ်ႁႅင်းဢီး ႁႂ်ႈၵိုတ်းၵၢၼ်လေႃႇတိုၵ်းသိုၵ်းမၢၼ်ႈ ၼႂ်းၸႄႈဝဵင်းမၢၼ်ႈမေႃႇ လႄႈ ၸႄႈဝဵင်းၵျွၵ်ႉၽိဝ်ႇ  ။ လႆႈႁူႉဝႃႈ တိူင်ႉသျီႊၵျုၼ်ႊ...

သိုၵ်းမၢၼ်ႈ ယိုတ်းမိူင်းၼႆႉ ၼႄၶေႃႈဢၢင်ႈဝႃႈ တႃႇၵေႃႇသၢင်ႈလွင်ႈငမ်းယဵၼ်ၼႆသေ သိုပ်ႇၵိုတ်းတိုၵ်း ထႅင်ႈတႃႇၶၢဝ်းတၢင်းၼိုင်ႈလိူၼ် တႄႇဝၼ်းတီႈ 1 တေႃႇထိုင် ဝၼ်းတီႈ 30 လိူၼ်ၵျုၼ်ႊသဵင်ႈၼႆႉ ဝႃႈၼႆ။ သိုၵ်းမၢၼ်ႈလၢတ်ႈဝႆႉဝႃႈ ပဵၼ်တႃႇပူၵ်းပွင်ၶိုၼ်း ဝၢႆးလင်ဢိင်ႇသၼ်ႇ(ၽႅၼ်ႇလိၼ်ဝႆ) ၊ တႃႇၸတ်းပၢင်လိူၵ်ႈတင်ႈလႄႈ တႃႇၵေႃႇသၢင်ႈ လွင်ႈငမ်းယဵၼ်ၼႆသေ ပိုၼ်ၽၢဝ်ႇၵိုတ်းတိုၵ်းထႅင်ႈ ၼႂ်းပတ်း ပိုၼ်ႉမိူင်းႁူမ်ႈတုမ်ၼႆ - သိုၵ်းမၢၼ်ႈ...