တႄႇဝၼ်းတီႈ 02/06/2025 (ဝၼ်းၸၼ်) ၼႆႉ ႁွင်ႈၵၢၼ် ပၢႆးပၺ်ႇၺႃႇ တႂ်ႈသိုၵ်းမၢၼ်ႈ ယိုတ်းမိူင်း တႄႇပိုတ်ႇၶိုၼ်းႁူင်းႁဵၼ်း ၼႂ်းၼႃႈတီႈၶဝ်ၵုမ်းၵမ်ဝႆႉ တႃႇပီၵၢၼ်ႁဵၼ်း 2025 - 2026။ သိုၵ်းမၢၼ်ႈပိုၼ်ၽၢဝ်ႇဝႆႉ ၸဵမ်မိူဝ်ႈလိူၼ်မေႊပူၼ်ႉမႃးသေ ၼႂ်းဝၼ်းတီႈ 22 လိူၼ်မေႊ တႄႇႁပ်ႉသဵၼ်ႈမၢႆလုၵ်ႈႁဵၼ်း၊ တေႃႇထိုင်ဝၼ်းပိုတ်ႇႁူင်းႁဵၼ်း ၼႂ်းဝၼ်းၸၼ်ၼႆႉ လုၵ်ႈ ႁဵၼ်းဢၼ်မႃးသႂ်ႇ သဵၼ်ႈမၢႆ...

ပႃၼႂ်းၼွင်ၵၢင်ဝဵင်းပၢင်လူင်တၢႆၽူးၼပ်ႉႁူဝ်ႁဵင်တူဝ်သမ်ႉပေႃးတူႇၼဝ်ႈမဵၼ်ၵႂႃႇတင်းဝဵင်း ၾၢႆႇပၢႆးယူႇလီတူဝ်သတ်းၵူတ်ႇထတ်းတူၺ်းသေလၢတ်ႈဝႃႈ ပႃၼႂ်းၼွင်ၺႃးသၢၼ်ၵွင်ႉငူၼ်ႉ ဝႃႈၼႆ။ ဝၼ်းတီႈ 2/6/2025 မိူဝ်ႈၼႆႉယၢမ်းၵၢင်ၼႂ်ၸဝ်ႉ ပႃတၢႆၼႂ်းၼွင်ၼၼ်ႉသမ်ႉပေႃးပွင်းၵႂ်ႈသေ ၽူးတဵမ်ဝႆႉလႄႈႁဵတ်းႁႂ်ႈၵူၼ်းပိုၼ်ႉတီႈတူၵ်းၸႂ် - ယွၼ်ႉဝႃႈ ဢမ်ႇတွၼ်ႉယၢမ်ႈႁၼ်ပိူင်ပဵၼ်ၸိူင်ႉၼႆသေပွၵ်ႈ။ ၽူႈမီးပုၼ်ႈၽွၼ်းၾၢႆႇလိူမ်ႈလႆႇဝဵင်းပၢင်လူင် လၢတ်ႈၽူႈတွႆႇႁွၵ်ႈဝႃႈ-“ မေႃယႃသတ်း မႃးဢဝ်ႈၵႂႃႇၵူတ်ႇထတ်းတူၺ်းတႄႉ ဝႃႈပႃၸိူဝ်းၼႆႉ ၺႃးသၢၼ်ၵွင်ႉငူၼ်ႉၼႆဝႃႇ။ ပေႃးၽူးၶိုၼ်ႈမႃးၵေႃႈ သမ်ႉပေႃးပွင်းလူင်ဝႆႉၵမ်းလဵဝ်။ မေႃယႃၶဝ်ဝႃႈ ၺႃးၵွင်ႉငူၼ်ႉလႄႈ မၼ်းၸဵဝ်းတူႇၸဵဝ်းမဵၼ် ၼႆဝႃႇ”- ဝႃႈၼႆ။ ပႃတၢႆၸိူဝ်းၼၼ်ႉ ထိုင်ယၢမ်းၵၢင်ဝၼ်းမႃး...

ဝၼ်းတီႈ 01/06/2025 ယၢမ်းၵၢင်ဝၼ်း 1 မူင်းတေႃႇ 2 မူင်းၶိုင်ႈ ပႃႇတီႇမႂ်ႇသုင်ၸိုင်ႈတႆး SSPP လႄႈ သိုၵ်းၵဝ်ႈၵၢင်ႉ MNDAA ယိုဝ်းၵၼ် ၾၢႆႇတၢင်းဢွၵ်ႇဝၢၼ်ႈၼႃးလႆ ဝၢၼ်ႈၼိူဝ်လႄႈ ဝၢၼ်ႈၼမ်ႉလုၵ်း ႁိမ်းၸဝ်ႈမိူင်းဝၢၼ်ႈၼမ်ႉလုၵ်း ဢိူင်ႇႁၢင်ၼႃး ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၢႆးလင် ပၢင်တိုၵ်းၼႂ်းဢိူင်ႇၼမ်ႉမ ယဵၼ်ၵႂႃႇယဝ်ႉ သိုၵ်းတင်းသွင်ၸုမ်း ထိုင်တီႈဝၢၼ်ႈလႂ်ၵေႃႈ...

မိူဝ်ႈဝၼ်းတီႈ 31/05/2025 ယၢမ်းႁူဝ်ၶမ်ႈ 6 မူင်း ၸဝ်ႈၼႃႈတီႈပလိၵ်ႈထႆး ၵူတ်ႇထတ်းႁၼ် ၶိူင်ႈၵွင်ႈၵၢင်ႇ 25 လဝ်း ဢဝ်ၽိူင်းႁေႃႇဝႆႉ ၼိူဝ်ရူတ်ႉၶိူင်ႈသၢမ်လေႃႉ လုၵ်ႉတၢင်းၾင်ႇမႄႈသၢႆ မိူင်းထႆး တေၶၢမ်ႈၵႂႃႇတၢင်း ၾင်ႇမိူင်းတႆး ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ၵူၼ်းၵေႃႉႁေႃႈရူတ်ႉၶိူင်ႈသၢမ်လေႃႉၼၼ်ႉ ပဵၼ်ၵူၼ်းထႆး ယူႇတီႈဝဵင်းမႄႈသၢႆ မိူင်းထႆး ႁပ်ႉၸၢင်ႈတေႃႉ ၶူဝ်းသူင်ႇၶၢမ်ႈ လႅၼ်လိၼ်...

ၵူၵူၼ်းဢၼ်ဝူၼ်ႉဝႃႈ ၵူဝ်လႆႈႁွတ်ႈထိုင်ဝၼ်းၸၼ် ၼႆၼၼ်ႉ ဢမ်ႇၸႂ်ႈဝႃႈ မီးၸဝ်ႈၵဝ်ႇၵေႃႉလဵဝ် ၵူၺ်း။ ပေႃးမႃး ဝူၼ်ႉတူၺ်းၸိုင် ဝၼ်းၸၼ်ၼႆႉ ပဵၼ်ဝၼ်းဢၼ်တေလႆႈ ၶိုၼ်ႈလုမ်းႁဵတ်းၵၢၼ်၊ တေလႆႈၶိုၼ်ႈႁူင်းႁဵၼ်းၶိုၼ်း။ တႃႇတေႁွတ်ႈထိုင်ၶိုၼ်း ဝၼ်းလိုဝ်ႈထႅင်ႈၵမ်းၼိုင်ႈၼၼ်ႉ တေလႆႈ ႁဵတ်းၵၢၼ်ထႅင်ႈ/ပႂ်ႉထႅင်ႈပဵၼ် 5 ဝၼ်းၵွၼ်ႇ။ ၵွပ်ႈၼႆ ဝၼ်းသဝ်/ဝၼ်းတိတ်ႉၼႆႉ မိူၼ်ၼင်ႇ ဢမ်ႇ တၼ်းလႆႈ  လိုဝ်ႈႁိူဝ်ႉသင်လီလီသေ...

ဝၼ်းတီႈ 30/05/2025 ယၢမ်းဝၢႆးဝၼ်းမွၵ်ႈ 3 မူင်း သိုၵ်းမၢၼ်ႈ ယိုတ်းမိူင်း လၢမ်းယိုဝ်းၵွင်ႈလူင် ၼႂ်းထုင်ႉမိူင်းပၢႆး ၸိုင်ႈတႆးပွတ်းၸၢၼ်း တႅၵ်ႇတိူဝ်ႉၵူၼ်းပိုၼ်ႉတီႈ ၵေႃႉၼိုင်ႈ တၢႆထင်တီႈ။ ဝၼ်းၼၼ်ႉ ဢမ်ႇမီးပၢင်တိုၵ်းသင်သေ သိုၵ်းမၢၼ်ႈ တင်ႈၸႂ်လၢမ်းယိုဝ်းၵွင်ႈလူင်သႂ်ႇ ၼႂ်းထုင်ႉမိူင်းပၢႆး။ မၢၵ်ႇလူင်တူၵ်းတႅၵ်ႇ ႁိမ်းၶူဝ်လူင်မိူင်းပၢႆးသေ ၸၢၵ်ႇမၢၵ်ႇတိူဝ်ႉ ၵူၼ်းၸၢႆး ၵေႃႉၼိုင်ႈ ဢၼ်တိုၵ်ႉမဵတ်းပႃယူႇႁိမ်းၼၼ်ႉ တၢႆထင်တီႈ၊...

ၶိူင်ႈမိၼ်လဵပ်ႈယၢမ်း တပ်ႉလူမ်း မိူင်းၵူဝ်ႊရီႊယိူဝ်ႊၸၢၼ်း လမ်းၼိုင်ႈ ယၢတ်ႇတူၵ်း တီႈထုင်ႉပွတ်း ၸၢၼ်း မီးၵူၼ်းလူႉတၢႆ 4 ၵေႃႉ ဝႃႈၼႆ။ မိူဝ်ႈဝၼ်းတီႈ 29/05/2025 ၼႆႉ ၶိူင်ႈမိၼ်လဵပ်ႈယၢမ်း သႅၼ်း P-3 လမ်းၼိုင်ႈ တီႈပၢင်သဝ်း တပ်ႉလူမ်းဝဵင်းပူဝ်ႇႁၢၼ်ႇ (Pohang) မိူင်းၵူဝ်ႊရီႊယိူဝ်ႊၸၢၼ်း ၾိုၵ်းမိၼ်။ ဝၢႆးမိၼ်ၶိုၼ်ႈၵႂႃႇၼိူဝ်ၵၢင်ႁၢဝ် ႁိုင်မွၵ်ႈ...

ၾူၼ်တူၵ်းထပ်းၵၼ်လၢႆလၢႆဝၼ်း တီႈပွတ်းၵၢင်မိူင်းၼၢႆႇၵျီႊရီႊယိူဝ်ႊ ၼမ်ႉၼွင်းလုပ်ႇထူမ်ႈ ႁိူၼ်းယေးၵူၼ်းမိူင်းတင်းၼမ်လႄႈ မီးၵူၼ်းလူႉတၢႆ 110 ပၢႆ ။ တီႈဝဵင်းမူဝ်ႊဝႅပ်ႉ တီႈလဵဝ်ၵူၺ်း ယွၼ်ႉၼမ်ႉၼွင်းလုပ်ႇထူမ်ႈသေ လင်ႁိူၼ်း 50 ပၢႆ လႆလွင်ႈၸွမ်း ၼမ်ႉ လူႉၵွႆၵႂႃႇ။ ဢၼ်ၺႃးၽေးၼမ်ႉထူမ်ႈၼမ်သုတ်း ၼႂ်းမိူင်းၼၢႆႇၵျီႊရီႊယိူဝ်ႊၼႆႉ ပဵၼ်ၼႂ်းၸႄႈတွၼ်ႈ 3 ဢၼ်။ ၽေးၼမ်ႉထူမ်ႈၵမ်းၼႆႉ ၼႂ်းၶၢဝ်းတၢင်း 60...

ၵၢပ်ႇပၢၼ်မႂ်ႇၼႆႉ ပၼ်ႁႃၵူႈလွင်ႈလွင်ႈၵေႃႈတိူဝ်းၼမ်မႃး တူဝ်ထူပ်းၵူၼ်းၵေႃႉၼိုင်ႈလႄႈ ၵေႃႉၼိုင်ႈၵေႃႈ လၢၵ်ႇလၢႆမႃးလိူဝ်ၵဝ်ႇ။ ယွၼ်ႉတူဝ်ထူပ်းၵူႈလွင်ႈလွင်ႈ ၸိူဝ်းၼၼ်ႉသေ ၸၢင်ႈတုမ်ႉတိူဝ်ႉပၢႆး တူဝ်ပၢႆးၸႂ်။ တၢင်းပဵၼ်ပၢႆးတူဝ်တႄႉ ႁၼ်သိုဝ်ႈၼႃႈတၼ်းတႃလႄႈ ၸၢင်ႈယူတ်းယႃၶိုတ်းတၼ်းယူႇ သေတႃႉ တၢင်းပဵၼ်ပၢႆးၸႂ်တႄႉ ဢမ်ႇႁၼ်လႆႈ ၵမ်းသိုဝ်ႈလႄႈ ၸပ်းတၢင်းပဵၼ်မိူဝ်ႈလႂ် ယွၼ်ႉသင်ၼႆ ဢမ်ႇတၼ်းလႆႈၾၢင်ႉ။ မိူၼ်ၼင်ႇ တၢင်းပဵၼ်ၸႂ်တူၵ်း ဢၼ်ထႆးႁွင်ႉဝႃႈ ရူၵ်ႉသိုမ်ႊသဝ်ႈ (စိတ်ကျရောဂါ) ၼၼ်ႉၵေႃႈ...

ပလိၵ်ႈသိုၵ်းမၢၼ်ႈ တီႉၺွပ်းရူတ်ႉၵႃး ၼႂ်းၸႄႈဝဵင်းတူၼ်ႈတီး ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်း ဢမ်ႇၸၢင်ႈႁႃ ၵိၼ်လဵင်ႉတွင်ႉသင် ထိုင်တီႈၵူၼ်းမိူင်း ဢမ်ႇႁပ်ႉလႆႈယဝ်ႉလႄႈ ၸင်ႇတိုၵ်းသူၼ်းၵၼ် တႅမ်ႈလိၵ်ႈသႂ်ႇၼိူဝ် ငိုၼ်းၸေႈၸႅၵ်ႇၼႂ်းဝၢၼ်ႈၼႂ်းဝဵင်း ႁႂ်ႈၼႄၵၢင်ၸႂ်သၢၼ်ၶတ်း လူၺ်ႈမိပ်ႇႁွၼ်းရူတ်ႉပတ်းပိုၼ်ႉတူဝ်ႈဝဵင်း ဝႃႈၼႆ။ မိူဝ်ႈၼႆႉ ဝၼ်းတီႈ 31/05/2025 ယၢမ်းၵၢင်ၼႂ် ၵူၼ်းမိူင်းလၵ်ႉလွမ်တႅမ်ႈလိၵ်ႈၼိူဝ်ငိုၼ်းၸေႈသေ ပိုၼ်ၼႂ်း ဝၢၼ်ႈၼႂ်းဝဵင်း ၸွမ်းၵၢတ်ႇလူင်မဵဝ်ႉမ ၊ ၵၢတ်ႇမၢႆ...

ဝၼ်းတီႈ 30/05/2025 ယၢမ်းၵၢင်ဝၼ်း ပလိၵ်ႈမၢၼ်ႈသိုၵ်းမၢၼ်ႈ ၵူတ်ႇထတ်းရူတ်ႉၵႃး ဢၼ်ဢမ်ႇမီး ဝတ်းဝႂ်လၢႆႊသိၼ်ႊ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼၢင်းယိင်း ၵူၼ်းမိူင်းတူၼ်ႈတီး လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး တႄႇတီႉတီႈတၢင်းလဵပ်ႈဝဵင်းတူၼ်ႈတီးလႄႈ တၢင်းဢထၵ 4 ပလိၵ်ႈသိုၵ်းမၢၼ်ႈ ၵူတ်ႇထတ်းၵႃး ၸိူဝ်းဢမ်ႇမီးလၢႆႊသိၼ်ႊ၊ ၵူႈပွၵ်ႈတႄႉ ၶဝ်ၵူတ်ႇထတ်းရူတ်ႉၵူၺ်း၊ တႄႇမိူဝ်ႈဝႃးတႄႉ တီႉၺွပ်းပႃး ၵႃးယဝ်ႉ”- ဝႃႈၼႆ။ ဝၢႆးလင်...

ၸဝ်ႈၼႃႈတီႈထႆး ၶဝ်ႈၵူတ်ႇထတ်းတီႈယူႇႁွင်ႈသဝ်းႁႅင်းၵၢၼ် 4 ဢွင်ႈတီႈ ၼႂ်းဝဵင်းၽူးၵဵတ်ႇ မိူင်း ထႆးသေ တီႉၺွပ်းလႆႈႁႅင်းၵၢၼ်သူႇသမ်းယႃႈမဝ်းၵမ်ဝႆႉ 6 ၵေႃႉၼႆ - ပိုၼ်ၽၢဝ်ႇဢွၵ်ႇဝႆႉ ၼႂ်းဝၼ်း တီႈ 28/05/2025 ၼႆႉၼင်ႇၼႆ။ တႃႇတေၽဵဝ်ႈမူၺ်ႉယႃႈမဝ်းၵမ်ၼႆသေ ၸဝ်ႈၼႃႈတီႈထႆးလၢႆ ႁွင်ႈၵၢၼ် ၶဝ်ႈၵူတ်ႇထတ်းတီႈ ဝဵင်းၽူးၵဵတ်ႇ၊ ၵူတ်ႇထတ်းပႃး ဢွင်ႈတီႈႁႅင်းၵၢၼ်ယူႇသဝ်း၊ ဝၼ်းၼၼ်ႉ ၵူတ်ႇထတ်းႁႅင်းၵၢၼ်...

ဢီႊလုၼ်ႊမၢၵ်ႉသ် ၽူႈမၢၵ်ႈမီးသုင်သုတ်း ၼႂ်းလုမ်ႈၾႃႉ ဢၼ်ဢွၼ်ႁူဝ် ႁွင်ႈၵၢၼ် (DOGE) လူင်ပွင်ၸိုင်ႈ မိူင်းဢမေႊရိၵၼ်ႊၼၼ်ႉ ယိုၼ်ယၼ်လၢတ်ႈဝႃႈ ၼႂ်းဢမ်ႇႁိုင်သင်ၼႆႉ တေၵိုတ်းလိုဝ်ႈ ၼႃႈၵၢၼ်ပုၼ်ႈၽွၼ်းသေ ဢွၵ်ႇယၢၼ်ႁိူၼ်းႁေႃၶၢဝ် ၸွမ်ၸိုင်ႈဢမေႊရိၵၼ်ႊၵႂႃႇယဝ်ႉ ဝႃႈၼႆ။ မၼ်းၸၢႆးတႅမ်ႈတၢင်ႇဝႆႉတီႈၼိူဝ် သိုဝ်ႇတူင်ႇဝူင်း X သုၼ်ႇတူဝ်မၼ်းဝႃႈ - ၶၢဝ်းယၢမ်း ဢၼ်လႆႈ ႁပ်ႉပုၼ်ႈၽွၼ်းပဵၼ် ၽူႈႁၢပ်ႇၵၢၼ်ၶိုၵ်ႉတွၼ်း လူင်ပွင်ၸိုင်ႈ...

သိုၵ်းမၢၼ်ႈတင်း PNO ၽဝ်ႁိူၼ်းယေးၵူၼ်းမိူင်း ဝၢၼ်ႈသွင်းပျွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၾႆးမႆႈလူႉၵွႆၵႂႃႇၼပ်ႉႁူဝ်သိပ်းလင်။ တႄႇဝၼ်းတီႈ 17/05/2025 ၼႆႉမႃးတေႃႇထိုင်ဝၼ်းတီႈ 29/05/2025 ၼႆႉ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ႁူမ်ႈၵၼ်ပိုတ်းယိုဝ်းၵၼ်တင်း ၸုမ်းၵႅတ်ႇၶႄႇၵူၼ်းမိူင်း PDF ႁၢဝ်ႈႁႅင်း။ ၽွင်းၸုမ်း လုၵ်ႉၽိုၼ်ႉထွႆဢွၵ်ႇၼႂ်းဝၢၼ်ႈၼၼ်ႉ သိုၵ်းမၢၼ်ႈႁူမ်ႈ ပျီႇတူႉၸိတ်ႉ PNO ၽဝ်ပႃး...

ဝၼ်းတီႈ 27/05/2025 ယၢမ်းၵၢင်ၼႂ် 10 မူင်းပၢႆ ၸုမ်းပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈယႃႈမႃႉ ၵိုင်ႇငိုၼ်း မွၵ်ႈ 3,000 သႅၼ်ပျႃး ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ၾၢႆႇပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈ ၵူၼ်းၸၢႆးသွင်ၵေႃႉ ၶီႇရူတ်ႉၶိုင်ႈ မႃးၼႂ်းဢိူင်ႇဝၢၼ်ႈလူင်၊ ႁိမ်းဝၢၼ်ႈလွႆသထူင်ႇၼၼ်ႉသေ ၵူတ်ႇထတ်းလႆႈ ယႃႈမဝ်းၵမ် တႃႇငိုၼ်းမၢၼ်ႈ 5 ပၢၵ်ႇသႅၼ်ပျႃး၊ ၾူၼ်း...