ၼႂ်းဝူင်ႈဝၢင်ႈၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉလႄႈ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် တေဢုပ်ႇဢူဝ်းၵၼ် ၵဵဝ်ႇၵပ်းလွင်ႈ ၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆ ၽူႈမီး ပုၼ်ႈၽွၼ်း တီႈႁိူၼ်းႁေႃၶၢဝ် ၵေႃႉၼိုင်ႈ ယိုၼ်ယၼ်လၢတ်ႈဝႆႉၼင်ႇၼႆ။

မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇၵပ်းလွင်ႈ ၵၢၼ်ၵႃႉၶၢႆသေ မိူင်းဢမေႊရိၵၼ်ႊတင်း မိူင်းၶႄႇ ႁူပ်ႉဢုပ်ႇၵၼ် တီႈၵျီႊၼီႊပႃ မိူင်းသုတ်ႊသလၼ်ႊ။ တီႈပၢင်ဢုပ်ႇဢူဝ်းၼၼ်ႉ ၼႂ်း ၵႄႈသွင်ၸိုင်ႈ မိူင်း တူၵ်းလူင်းၵၼ်ဝႃႈ တေလူတ်းယွမ်း ၵၢၼ်ၵဵပ်းၶွၼ်ႇၽိူမ်ႉတိူၼ်း 115 ပိူဝ်ႊသႅၼ်ႊ။ ဝၢႆးလင်ၼၼ်ႉ ၾၢႆႇမိူင်းၶႄႇ မီးလွင်ႈႁၵ်းလင်ၼိူဝ်ၶေႃႈတူၵ်းလူင်းဝႆႉၼႆ ဢမေႊရိၵၼ်ႊ မၢပ်ႇၼႄးဝႆႉၼင်ႇၼႆ။ ဢိင်ၼိူဝ်လွင်ႈၼႆႉသေ ၸၢင်ႈၵႄႈလိတ်ႈၵႂႃႇလႆႈ ၽွင်းဢုပ်ႇဢူဝ်းၵၼ်တင်း ၸွမ်ၸိုင်ႈမိူင်းၶႄႇယူႇၼႆ – ထရမ်ႉ လၢတ်ႈဝႆႉၼင်ႇၼႆ။

ၻူဝ်ႊၼေႃႊ ထရမ်ႉတင်း သျီၵျိၼ်ႉၽိင် တေဢုပ်ႇဢူဝ်းၵၼ်ဝၼ်းလႂ် ဢၼ်ဝႃႈၼၼ်ႉတႄႉ ပႆႇပိုၼ်ၽၢဝ်ႇတႅတ်ႈတေႃး။ ၼႂ်းပၢင်ဢုပ်ႇဢူဝ်း ဢၼ်တေၸတ်းႁဵတ်းၼႆႉ တေမီးၶေႃႈလၢၵ်ႇလၢႆးယူႇၼႆ – ၽူႈၵိူဝ်းၵုမ်ၾၢႆႇပၢႆးမၢၵ်ႈမီးႁိူၼ်းႁေႃၶၢဝ် မိူင်းဢမေႊရိၵၼ်ႊ လၢတ်ႈဝႆႉၼင်ႇၼႆ။

ဢၢင်ႈဢိင် – CNA