ရူတ်ႉၵႃးထရႅၵ်ႉ တၢင်ႇၽိုင်ႈ လမ်းၼိုင်ႈ ပိၼ်ႈၶွမ်ႈ တီႈၼိူဝ်သဵၼ်ႈတၢင်းလူင် ၼႂ်းၸႄႈတွၼ်ႈ ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ – လႅၼ်လိၼ်တိတ်းၸပ်း မိူင်းၶၼေႊတိူဝ်ႊ။ ၽိုင်ႈ လွတ်ႈဢွၵ်ႇၵႂႃႇ 250 လၢၼ်ႉတူဝ်၊ ၸဝ်ႈၼႃႈတီႈၶဝ် ပၼ်ၾၢင်ႉၵူၼ်းမိူင်း ၸိူဝ်းယူႇသဝ်းၼႂ်းပိုၼ်ႉတီႈ ႁႂ်ႈငိူင်ႉဝႄႈ ဢွင်ႈတီႈ ပဵၼ်ၽေးၵိုင်ႉၵၢင်ႉၼၼ်ႉ ဝႃႈၼႆ။
ဝၢႆးလင် ပဵၼ်ၽေးၵိုင်ႉၵၢင်ႉယဝ်ႉ ၽူႈႁၢပ်ႇၵၢၼ် ၾၢႆႇၸွႆႈထႅမ်ၽေးၵိုင်ႉၵၢင်ႉၶဝ် ၼႅတ်ႈမႃးၸွႆႈထႅမ် ၽိုင်ႈ၊ ယိူင်းဢၢၼ်းတႃႇၸွႆႈထႅမ်ၽိုင်ႈ ၼင်ႇၵႃႈၸွႆႈထႅမ်လႆႈ ဝႃႈၼႆ။ ၽူႈၵုမ်းထိင်းၽိုင်ႈတင်း ၸုမ်းပလိၵ်ႈၶဝ် လႆႈႁူမ်ႈၵၼ်သေ ဢဝ်ႁူင်းၽိုင်ႈ သႂ်ႇဝႆႉၼႂ်းတိူၵ်ႈၶိုၼ်း။
သဵၼ်ႈတၢင်းလူင် ဢွင်ႈတီႈပဵၼ်ၽေးၵိုင်ႉၵၢင်ႉၼၼ်ႉၵေႃႈ တေပိၵ်ႉဢိုတ်းဝႆႉ တေႃႇထိုင်ၵၢၼ်ၸွႆႈထႅမ် ယဝ်ႉတူဝ်ႈ။ လွင်ႈဢိုတ်းသဵၼ်ႈတၢင်းၼႆႉ ပိူဝ်ႈတႃႇၽိုင်ႈ တေမႃးၶွၼ်ႈတုမ် ၵၼ်ၶိုၼ်းလႄႈ ၼင်ႇႁိုဝ်ၵူၼ်းမိူင်း ၸိူဝ်းယူႇႁိမ်းႁွမ်းၼၼ်ႉ တေဢမ်ႇၺႃးၽိုင်ႈၸီႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ