ပလိၵ်ႈမၢၼ်ႈ ၵေႃႉၼိုင်ႈ တီႈႁူင်းပလိၵ်ႈၵျၢႆႉထူဝ်ႇ မိူင်းမွၼ်း လၼ်ႇၵွင်ႈယိုဝ်း ၶႃႈတူဝ်တၢႆၵႂႃႇ တီႈႁွင်ႈယူႇသဝ်းမၼ်းၸၢႆး ၼႂ်းဝၼ်းတီႈ 08/06/2025 ၼႆႉ။ ဝၼ်းၼၼ်ႉ ယၢမ်းၵၢင်ၼႂ် ၽွင်းမၼ်းၸၢႆး မီးယူႇတီႈႁွင်ႈထႅဝ်ၵေႃႉလဵဝ် ၼႂ်းဝၢင်းလုမ်းပလိၵ်ႈ ၼၼ်ႉသေ ၶႃႈတူဝ်တၢႆၵႂႃႇ။ ပူၼ်ႉမႃးပႆႇပေႃးႁိုင်ၼၼ်ႉ မၼ်းၸၢႆး တီႉၺွပ်းၵူၼ်းႁိူၼ်း ဢၼ်ၸမ်ၸႂ်ၵၼ်တင်း တပ်ႉသိုၵ်းသေ ယွၼ်းငိုၼ်း 400 သႅၼ်၊...

တီႈဝဵင်း Los Angeles မိူင်းဢမေႊရိၵၼ်ႊပွတ်းတူၵ်းၼၼ်ႉ ၸဝ်ႈၼႃႈတီႈၶဝ် ၵူတ်ႇထတ်းတီႉၺွပ်း ၵူၼ်းၸိူဝ်းယူႇသဝ်းဢမ်ႇပဵၼ်တၢင်းၵၢၼ် ႁၢဝ်ႈႁႅင်း ထိုင်တီႈၵူၼ်းဢွၵ်ႇၼႄၵၢင်ၸႂ်သေ မီးပတိၵ်ႈၶၢတ်ႈၵၼ်တင်း ၽူႈမီးပုၼ်ႈၽွၼ်း ၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းၶဝ် ၼႆယဝ်ႉ။ ၽူႈမီးပုၼ်ႈၽွၼ်းၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းလႄႈ ႁွင်ႈၵၢၼ် ၾၢႆႇၵဵပ်းၶွၼ်ႇ (ICE)  မိူင်းဢမေႊရိၵၼ်ႊ လူင်းၵူတ်ႇထတ်းတီႉၺွပ်း ၼႂ်းဝဵင်းလႄႈ တီႈၵဵပ်းၶူဝ်း ဢွင်ႈတီႈ ၵူၼ်း...

ပၢင်တိုၵ်း သိုၵ်းမၢၼ်ႈတင်း သိုၵ်းတဢၢင်း ၼႂ်းၸႄႈဝဵင်းၼွင်ၶဵဝ် ယင်းပႆႇယဝ်ႉတူဝ်ႈ ပႆႇလႆႈႁူႉတႅတ်ႈတေႃး ဝႃႈၽႂ်ပေႉၽႂ်သုမ်းၼႆ ၽွင်းတိုၵ်ႉပဵၼ်ၶၢဝ်း တင်းသွင်ၾၢႆႇႁိမ်ၼႃႈတီႈၵၼ်သေ ယိုဝ်းၵၼ်ႁၢဝ်ႈႁႅင်းယူႇၼၼ်ႉ ၾၢႆႇသိုၵ်းတဢၢင်း ပိုၼ်ၽၢဝ်ႇဢွၵ်ႇဝႃႈ တႅပ်းတတ်းတႃႇၽွတ်ႈႁႅၼ်း ၶွမ်ႊမတီႊၸၼ်ႉၵၢၼ်မိူင်း သုင်သုတ်း ဝႃႈၼႆ။ ၼႂ်းၶွမ်ႊမတီႊ တိူင်ႇပၢင်ႇလွင်ႈၵၢၼ်မိူင်းတဢၢင်း (TPCC) ဢၼ်ၽွတ်ႈႁႅၼ်းမႃး မိူဝ်ႈဝၼ်းတီႈ 24/03/2021 ၼၼ်ႉ ၶဝ်ႈပႃးဝႆႉ ပႃႇတီႇၸိူဝ်ႉၸၢတ်ႈတဢၢင်း...

တႄႇႁူဝ်လိူၼ်ၵျႃၼ်ႊၼႆႉမႃး ၾၢႆႇတၢင်းပလိၵ်ႈသိုၵ်းမၢၼ်ႈ လမ်းတီႉၺွပ်းရူတ်ႉၵႃး ဢမ်ႇမီးဝတ်းဝႂ် လၢႆႊသိၼ်ႊ တီႈမိူင်းတႆးပတ်းပိုၼ်ႉလႄႈ ႁဵတ်းႁႂ်ႈၵူၼ်းမိူင်းပိုၼ်ႉတီႈၵႂႃႇမႃးယၢပ်ႇၽိုတ်ႇ တႃႇႁႃၵိၼ်လဵင်ႉတွင်ႉ ဝႃႈၼႆ။ ဝၼ်းတီႈ 01/06/2025 ၼၼ်ႉ ပလိၵ်ႈၾၢႆႇၵုမ်းရူတ်ႉၵႃးလႄႈ ၸုမ်းပလိၵ်ႈ ၾၢႆႇတႂ်ႈသိုၵ်းမၢၼ်ႈၵုမ်းၵမ် ႁူမ်ႈၵၼ်သေ ပႂ်ႉၸွမ်းပွၵ်ႉ၊ ၸွမ်းၵိဝ်ႇ၊ သဵၼ်ႈတၢင်းဢွၼ်ႇ၊ သဵၼ်ႈတၢင်းလူင် ၼႂ်းမိူင်းတႆးပတ်းပိုၼ်ႉ လၢႆလၢႆဝဵင်း။ တွၼ်ႈတႃႇ တီႉၺွပ်းရူတ်ႉၵႃး ၸိူဝ်းဢမ်ႇမီးဝႂ်လၢႆႊသိၼ်ႊ ပဵၼ်တၢင်းၵၢၼ်။...

ဝၼ်းတီႈ 10/06/2025 ၼႆႉ ၾၢႆႇလူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG)  တူၵ်ႇတၵ်ႉလၢတ်ႈၵႂႃႇ ၼႂ်းပၢင်ဢုပ်ႇၶႆႈလွင်ႈၵူၼ်းမိူင်းလႄႈ ၶေႃႈၵႂၢမ်းၾၢၵ်ႇထိုင်မိူင်းၼွၵ်ႈၼၼ်ႉဝႃႈ ႁၢင်ႈႁႅၼ်းဝႆႉ တႃႇၵေႃႇသၢင်ႈ ႁူင်းယႃတႂ်ႈလိၼ် ဢၼ်ၶၢမ်ႇလႆႈတၢမ်ႇမၢၵ်ႇလူင် ၼႂ်းၼႃႈတီႈၶဝ်ၵုမ်းၵမ်ယူႇၼၼ်ႉ တႃႇ 8 လင် ၼႂ်းၼၼ်ႉ တႃႇသွင်လင် ပဵၼ်ၽွင်းတိုၵ်ႉၵေႃႇသၢင်ႈဝႆႉ ဝႃႈၼႆ။ ဝၢႆးလင် သိုၵ်းမၢၼ်ႈယိုတ်းသိမ်းဢႃႇၼႃႇၸိုင်ႈမိူင်းမႃး ၾၢႆႇသိုၵ်းမၢၼ်ႈ ယိူင်းၸူးႁူင်းႁဵၼ်း၊ ႁူင်းယႃ၊...

တႄႇဢဝ် ဝၼ်းတီႈ 01/06/2025 ၼႆႉမႃး ပလိၵ်ႈၾၢႆႇၵုမ်းရူတ်ႉၵႃး ဢၼ်ယူႇတႂ်ႈသိုၵ်းမၢၼ်ႈ လူင်းပႂ်ႉၸွမ်းသဵၼ်ႈတႃႈ သၢႆတၢင်း ၵူႈဝၢၼ်ႈၵူႈဝဵင်း တႃႇယိုတ်းရူတ်ႉၵႃးၵူၼ်းမိူင်း ၸိူဝ်းဢမ်ႇမီးဝႂ်ၶွၼ်ႇ လၢႆႊသိၼ်ႊ။ ၼႂ်းၶၢဝ်းတၢင်း 4-5 ပီ မႃးၼႆႉ ၵူၼ်းမိူင်းသမ်ႉ ၸႂ်ႉရူတ်ႉၵႃး ဢမ်ႇမီးဝႂ်လၢႆႊသိၼ်ႊၼမ် မွၵ်ႈ 80 ပိူဝ်ႊ သႅၼ်ႊ။ သိုၵ်းမၢၼ်ႈႁဵတ်းၸိူင်ႉၼႆ ဢမ်ႇမီးၽႂ်ႁတ်းဢဝ်ရူတ်ႉၵႃးဢွၵ်ႇၼွၵ်ႈႁိူၼ်းယေး...

ပျီႇတူႉၸိတ်ႉပဢူဝ်း PNO သူင်ႇလိၵ်ႈ တဵၵ်းၸႂ်ႉၵူၼ်းပိုၼ်ႉတီႈၼႂ်းဢိူင်ႇၼွင်ၵႅဝ်း ( နောင်ကျော )လႄႈ ဢိူင်ႇတွင်ႇသျေႉ(တောင်ရှေ့ကျေးရွာအုပ်စု) 6 ႁဵင်ပၢႆ ဢၼ်မီးၼႂ်းၸႄႈဝဵင်းသီႇသႅင် ၸိုင်ႈတႆးပွတ်းၸၢၼ်ႈ ၶၢႆႉပၢႆႈဝႃႈၼႆ ။  ၼႂ်းဝၼ်းတီႈ 7/6 /2025 ၾၢႆႇတၢင်းပျီတူႉၸိတ်ႉပဢူဝ်း PNO သူင်ႇလိၵ်ႈ ႁႂ်ႈၵူၼ်းဝၢၼ်ႈ တပူးထူဝ်ႇ (တပူးထို) ၊  ၵွင်ထူဝ်ႇ(ကောင်ထို)...

ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် UEC တႂ်ႈသိုၵ်းမၢၼ်ႈယိုတ်းမိူင်း လၢတ်ႈဝႃႈ - ၼွၵ်ႈလိူဝ်ၼႃႈတီႈဢၼ်ႁႄႉႁၢမ်ႈဝႆႉ ၸွမ်းၼင်ႇငဝ်းလၢႆးၼၼ်ႉ ၼႂ်းတိူင်းလႄႈၸႄႈမိူင်းၵူႈတီႈ တေ ၸတ်းႁဵတ်းပၢင်လိူၵ်ႈတင်ႈၵႂႃႇ ဝႃႈၼႆ။ ပၢင်လိူၵ်ႈတင်ႈၼႆႉ တေၸႂ်ႉၵႂႃႇၸွမ်း ပိူင် FPTP တင်း ပိူင် PR ။ ပိူင် FPTP ၼႆႉ မီးတီႈပွင်ႇဝႃႈ  ၽူႈတႅၼ်းၵေႃႉလႂ်...

ၼၢင်းယိင်း 2 ၵေႃႉ ဢၼ်ယူႇဝႆႉ ၼႂ်းၸႄႈဝဵင်းပူဝ်ႇတထွင်ႇ တိူင်းတႃႈၵုင်ႈၼၼ်ႉ တင်ႈမေႃႈၽၵ်း ဝႆႉၼႂ်းႁွင်ႈသေ ပိုတ်ႇဢေႊၵွၼ်ႊ (Aircon) ၼွၼ်းလပ်းၵႂႃႇလႄႈ ႁဵတ်းႁႂ်ႈထူၺ်ႈ ၸႂ်ၵပ်ႉ လူႉတၢႆၵႂႃႇ ဝႃႈၼႆ။ ၽူႈၶဝ်ႈၸုမ်း ပရႁိတ ဢၼ်ၵႂႃႇၸွႆႈထႅမ်ၵေႃႉၼိုင်ႈ လၢတ်ႈဝႃႈ - “ၶဝ်သွင်ၵေႃႉ တင်ႈမေႃၽၵ်းဝႆႉ သေလိုမ်းတူၺ်း၊ ဢၢႆၶႅမ်ႈမေႃႈၽၵ်း ၶဝ်ႈၵႂႃႇထိုင်တီႈၼႂ်းႁွင်ႈဢေႊၵွၼ်ႊသေ...

ဝၢၼ်ႈမိူင်း ဢၼ်ဢမ်ႇမီးၽေးပၢင်တိုၵ်းၼႂ်းမိူင်း၊ ဢၼ်ဢမ်ႇမီးၽေးသၽႃႇဝလႄႈ ဢၼ်ဢမ်ႇမီး ရေႃးၵႃႇတၢင်းပဵၼ်ၼၼ်ႉ ပဵၼ်မိူင်းဢၼ်ၶိုၼ်ႈယႂ်ႇ ၵတ်းယဵၼ်၊ ၵူၼ်းမိူင်းၵေႃႈ မၢၵ်ႈမီးလီပဵၼ် ယူႇ သႃႇသိူဝ်းၸႂ်။ ၵူၼ်းၼႂ်းလုမ်ႈၾႃႉ မိူင်းလႂ်ၵေႃႈ ၶႂ်ႈၶဝ်ႈဢွၵ်ႇသူႇၸႂ်းဢႅဝ်ႇယဵမ်ႈတွင်ႈတဵဝ်းဢမ်ႇႁၢင်ႉ။ ၵူၺ်းၵႃႈ ပိူင်လူင် ဝၢၼ်ႈမိူင်းဢၼ်မီးရေႃးၵႃႇတၢင်းပဵၼ်ၵႃႇလ ၸပ်းၵၼ်ငၢႆႈၼၼ်ႉတႄႉ ဝၢၼ်ႈမိူင်းၶႂ်ႈႁၢင်ႈလီ ၵႃႈႁိုဝ်ၵေႃႈယဝ်ႉ ပႆႇဝႃႈၵူၼ်းၼွၵ်ႈမိူင်းလႃႈ - ၵူၼ်းမိူင်းၼႂ်းပိုၼ်ႉတီႈ ယင်းဢမ်ႇထၢင်ႇႁၢင်ႈ တူင်ႉၼိုင်ႈႁဵတ်းသၢင်ႈ...

ဝၼ်းတီႈ 08/06/2025 တႄႇယၢမ်းႁူဝ်ၶမ်ႈ 5 မူင်းၶိုင်ႈ သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ယိုဝ်းၵၼ်ႁၢဝ်ႈႁႅင်း တီႈဝၢၼ်ႈၶျွၵ်ႉၶျူင်ႇ ႁိမ်းဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ပိူဝ်ႈတႃႇတေၵုမ်းၵမ်လႆႈၶိုၼ်း ဝဵင်းၼွင်ၶဵဝ်ၼၼ်ႉ ၾၢႆႇသိုၵ်းမၢၼ်ႈ ၸႂ်ႉတိုဝ်းၶိူင်ႈတရူၼ်ႊလႄႈ ၶိူင်ႈၵွင်ႈလူင် ပွႆႇမၢၵ်ႇသႂ်ႇၼႂ်းဝၢၼ်ႈၵၢၼ်ႇၵျီး ႁၢဝ်ႈႁႅင်း ဝႃႈၼႆ။ ၵူၼ်းၸမ်ၸႂ်ၵၼ်တင်း သိုၵ်းတဢၢင်း TNLA လၢတ်ႈၼႄငဝ်းလၢႆးပၢင်တိုၵ်း ၼႂ်းၸႄႈဝဵင်းၼွင်ၶဵဝ်...

ၸဝ်ႈသၢင်ႇတီႈဝတ်ႉထမ်မဝိႁႃရ ပွၵ်ႉရတၼႃႇသီႇရိ ဝဵင်းတူၼ်ႈတီး လူင်းလဵၼ်ႈၼမ်ႉတီႈၼမ်ႉမုတ်း ဝိၼ်ႇၵပႃႇ (ဝင်္ကဘာရေထွက်) သမ်ႉမႅၼ်ႈၽွင်းၾူၼ်တူၵ်းႁႅင်း ၼမ်ႉၼွင်းသေ ထုၵ်ႇလႆလွင်ႈၸွမ်းၼမ်ႉၵႂႃႇ လူႉလွၼ်ႇ 2 တူၼ်။ မိူဝ်ႈဝႃး ဝၼ်းတီႈ 08/06/2025 ယၢမ်းႁူဝ်ၶမ်ႈ 5 မူင်း ၸဝ်ႈသၢင်ႇ တီႈဝတ်ႉထမ်မဝိႁႃရ 5 တူၼ် လူင်းဢၢပ်ႇၼမ်ႉ တီႈၼမ်ႉမုတ်းဝိၼ်ႇၵပႃႇ။ ၽွင်းၾူၼ်တူၵ်းႁႅင်း...

ၼၢင်းယိင်း ၸိူဝ်းၺႃးသိုၵ်းမၢၼ်ႈ ၶႃႈႁႅမ်တၢႆလူၺ်ႈၶိူင်ႈမိၼ်တိုၵ်း ၼႂ်းၼႃႈတီႈၵုမ်းၵမ် သိုၵ်းၸၢဝ်းၶိူဝ်း ဢွင်ႈတီႈပဵၼ်ပၢင်တိုၵ်းၵၼ်တင်း သိုၵ်းမၢၼ်ႈၼၼ်ႉ ၼႂ်းလိူၼ်မေႊပူၼ်ႉမႃးၼႆႉ လူႉတၢႆၵႂႃႇ 92 ၵေႃႉ - ၸုမ်းၼၢင်းယိင်းမိူင်းမၢၼ်ႈ (Burmese Women’s Union) ပိုၼ်ၽၢဝ်ႇဢွၵ်ႇဝႆႉၼင်ႇၼႆ။   တႄႇဝၼ်းတီႈ 01/02/2021 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် ၶၢဝ်းတၢင်း 4 ပီပၢႆၼႆႉ...

မိူဝ်ႈဝၼ်းတီႈ 08/06/2025 ယၢမ်းၵၢင်ၼႂ် ၸုမ်းၵႅတ်ႇၶႄၵူၼ်းမိူင်း PDF ၸႄႈဝဵင်းၼတ်ႉမွၵ်ႉ ထုင်ႉပဵင်းမိူင်းမၢၼ်ႈ တီႉၺွပ်းလႆႈရူတ်ႉၵႃး ဢၼ်တေႃႉတၢင်ႇၼမ်ႉမၼ်းၶိူင်ႈမိၼ်တိုၵ်းသိုၵ်းမၢၼ်ႈ တီႈၼိူဝ်သဵၼ်ႈတၢင်းလူင် တႃႈၵုင်ႈ- ဝဵင်းလိူဝ်ႇ ပဵၼ်ၵႃးဢၼ်တေမႃးသူင်ႇ တီႈၶူင်ႇၶိူင်ႈမိၼ် ဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း။ တီႉၺွပ်ႉလႆႈ ၵႃးတၢင်ႇၼမ်ႉမၼ်း ဢၼ်သႂ်ႇလႆႈတင်းၼမ် တႃႇ 3,000 ၵႃႊလၼ်ႊ မၢႆၵႃးပဵၼ်  2B –...

ၼႂ်းႁူဝ်လိူၼ်ၵျုၼ်ႊၼႆႉ ၶွမ်ႊမတီႊၾၢႆႇၸတ်းပွင်ပၵ်းပိူင်မၢႆမီႈ (ၾိင်ႈမိူင်း) သိုၵ်းဝႃႉလႄႈ လူင်ပွင်ၸိုင်ႈမိူင်းၶႄႇၶဝ် ႁူမ်ႈၵၼ်သေ တီႉၺွပ်းၵူၼ်းၵႃႉယႃႈမဝ်းၵမ် ၸွမ်းလႅၼ်လိၼ် တပ်ႉသိုၵ်းဝႃႉ ၵုမ်းၵမ်တင်း မိူင်းၶႄႇ တိတ်းၸပ်းၵၼ် တီႈၵဵတ်ႉ/ လၢၼ်ႇမၢၼ်ႈဢႃႇ ၼႂ်းၼႃႈတီႈတပ်ႉသိုၵ်းဝႃႉ ၵုမ်းၵမ်။ ဝၼ်းတီႈ 08/06/2025 ၼႆႉ ၶွမ်ႊမတီႊၾၢႆႇၸတ်းပွင် ၾိင်ႈမိူင်း တပ်ႉသိုၵ်းဝႃႉလႄႈ ပလိၵ်ႈသိုၵ်း ဝႃႉ လႆႈဢဝ်ယႃႈမဝ်းၵမ်ဢၼ်တီႉလႆႈၼၼ်ႉ...