ၼၢင်းယိင်း 2 ၵေႃႉ ဢၼ်ယူႇဝႆႉ ၼႂ်းၸႄႈဝဵင်းပူဝ်ႇတထွင်ႇ တိူင်းတႃႈၵုင်ႈၼၼ်ႉ တင်ႈမေႃႈၽၵ်း ဝႆႉၼႂ်းႁွင်ႈသေ ပိုတ်ႇဢေႊၵွၼ်ႊ (Aircon) ၼွၼ်းလပ်းၵႂႃႇလႄႈ ႁဵတ်းႁႂ်ႈထူၺ်ႈ ၸႂ်ၵပ်ႉ လူႉတၢႆၵႂႃႇ ဝႃႈၼႆ။
ၽူႈၶဝ်ႈၸုမ်း ပရႁိတ ဢၼ်ၵႂႃႇၸွႆႈထႅမ်ၵေႃႉၼိုင်ႈ လၢတ်ႈဝႃႈ – “ၶဝ်သွင်ၵေႃႉ တင်ႈမေႃၽၵ်းဝႆႉ သေလိုမ်းတူၺ်း၊ ဢၢႆၶႅမ်ႈမေႃႈၽၵ်း ၶဝ်ႈၵႂႃႇထိုင်တီႈၼႂ်းႁွင်ႈဢေႊၵွၼ်ႊသေ ႁဵတ်းႁႂ်ႈသုတ်ႇၺႃး ပဵၼ်ငူၼ်ႉၵွင်ႉ လူႉတၢႆၵႂႃႇ”- ဝႃႈၼႆ။
ၼႂ်းဝၼ်းတီႈ 08/06/2025 ယၢမ်းၵၢင်ၼႂ် မွၵ်ႈ 10 မူင်းၼၼ်ႉ ၸုမ်းပရႁိတၶဝ် လႆႈၶၢဝ်ႇသေၵႂႃႇ ထိုင်တီႈႁိူၼ်းလင်ၼၼ်ႉ။ ၽွင်းၼၼ်ႉ ၼၢင်းယိင်း 2 ၵေႃႉ ပေႃးဢမ်ႇမီးသၢႆၸႂ်ယဝ်ႉ၊ ၵူၼ်းၸၢႆး ၵေႃႉၼိုင်ႈတႄႉ လႆႈဢဝ်သူင်ႇယူတ်းယႃတူဝ်ဝႆႉ တီႈႁူင်းယႃ ဝႃႈၼႆ။
ၼႂ်းတိူင်းတႃႈၵုင်ႈၼႆႉ မိူဝ်ႈပူၼ်ႉမႃးၼၼ်ႉၵေႃႈ ယၢမ်ႈမီးၵူၼ်းလူႉတၢႆ ယွၼ်ႉၸႂ်ႉၸၢၵ်ႈၾႆး ပိုတ်ႇဢေႊၵွၼ်ႊသေၼွၼ်း၊ သုတ်ႇၺႃးဢၢႆ ၵႃႊပုၼ်ႊမူဝ်ႊၼွၵ်ႊသၢႆႊသ် ပဵၼ်ၵွင်ႉသေ လူႉတၢႆၵႂႃႇ – သိုဝ်ႇၶၢဝ်ႇ People’s Spring ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ