ဝၼ်းတီႈ 19/12/2025 ယၢမ်းၵၢင်ၼႂ် ႁွင်ႈၵၢၼ်ၶၢဝ်ႇ RFA - Radio Free Asia ဢၼ်ပၵ်းတီႈဝဵင်းလူင် ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ ဢၼ်ၵိုတ်းလိုဝ်ႈဝႆႉၶၢဝ်းတၢင်း 7-8 လိူၼ်ၼၼ်ႉ ၶိုၼ်းတႄႇဢွၵ်ႇလၢႆးၵၢၼ်ၶၢဝ်ႇမႃးၶိုၼ်း။ ယွၼ်ႉပိူဝ်ႈၸွမ်ၸိုင်ႈထရမ်ႉ မိူင်းဢမေႊရိၵၼ်ႊ သင်ႇသၽႃးၵိုတ်းၵၢၼ်ၵမ်ႉၸွႆႈၸူး လၢႆလၢႆမိူင်းၼႂ်းလုမ်ႈၾႃႉသေ ႁွင်ႈၵၢၼ်ၶၢဝ်ႇ RFA ဢၼ်လႆႈငိုၼ်းၵမ်ႉၸွႆႈတီႈသၽႃးၼၼ်ႉၵေႃႈလႆႈၵိုတ်းၵၢၼ်ၵႂႃႇၸဵမ်မိူဝ်ႈလိူၼ်မေႊ။ ၼႂ်ၼႆႉတႄႉ တီႈၼႃႈ Page...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈၼမ်းၸတ်း တေႁဵတ်းၼႂ်းဝၼ်းတီႈ 28/12/2025 ၼႆႉ ၵူၼ်းမိူင်း ဢမ်ႇသူၼ်ၸႂ် တႃႇၵႂႃႇပၼ်ၶႅပ်းၵၢင်ၸႂ်လႄႈ ဢမ်ႇမီးၽႂ်ၵႂႃႇတူၺ်း သဵၼ်ႈၸိုဝ်ႈ ၸဝ်ႈၵဝ်ႇ ဢၼ်ၶွမ်ႊမသျိၼ်ႊၵမ် ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် ႁဵတ်းဢွၵ်ႇပိုၼ်ၽၢဝ်ႇမႃး ၼႆယဝ်ႉ။ ယိင်ႈပၢင်လိူၵ်ႈတင်ႈၸမ်မႃး သိုၵ်းမၢၼ်ႈၶႅၼ်းမိပ်ႇငႅၼ်း တဵၵ်းတဵင် လွၵ်ႇငိုတ်ႈတေႃႇၵူၼ်းမိူင်းၼႂ်းဝဵင်းမူႇၸေႊ မိူင်းတႆးပွတ်းႁွင်ႇ ၵႂႃႇတူၺ်းၸိုဝ်ႈၽႂ်မၼ်း ၼႂ်းသဵၼ်ႈမၢႆၵူၼ်းၸိူဝ်းမီးသုၼ်ႇတေလႆႈသႂ်ႇၶႅပ်းၵၢင်ၸႂ်ၼၼ်ႉ...

ၵူၼ်းမိူင်းဢၼ်ဝႃႈၼႆႉ မီးသုၼ်ႇတႅပ်းတတ်း လွတ်ႈလွတ်ႈလႅဝ်းလႅဝ်းႁင်းၶေႃ။ တႃႇပၼ်သဵင် တွၼ်ႈၶႅပ်းၵၢင်ၸႂ် တဵၵ်းၼဵၵ်း  ၶိူင်ႈၸၢၵ်ႈ ၶတ်းလိူၵ်ႈၽူႈၼမ်းပႃႇတီႇၵၢၼ်မိူင်း မႃးပဵၼ် ၵူၼ်းၶတ်းႁူဝ်ႁိူဝ်း ႁဵတ်းပဵၼ် ၽူႈၼမ်း ၼႂ်းဝၢၼ်ႈ ၼႂ်းဢိူင်ႇ ၼႂ်းပွၵ်ႉ ၼႂ်းဝဵင်းႁဝ်းၼၼ်ႉၵေႃႈ ယူႇတီႈၵၢင်ၸႂ်ၸဝ်ႈၵဝ်ႇတင်းသဵင်ႈ။ ၶႂ်ႈၵႂႃႇ ၵေႃႈလႆႈ ဢမ်ႇၶႂ်ႈၵႂႃႇၵေႃႈလႆႈ။ ၽူႈလႂ်ၽႂ်သေဢမ်ႇဝႃႈ ဢမ်ႇမီးသုၼ်ႇမႃး တဵၵ်းတဵင် လွၵ်ႇငိုတ်ႈ...

မိူဝ်ႈၼႆႉ ဝၼ်းတီႈ 16 လိူၼ်တီႊသႅမ်ႊပိူဝ်ႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဝႃႈ ၽူႈမီးၸၼ်ႉ ၼႂ်းတပ်ႉသိုၵ်းလွတ်ႈလႅဝ်းၶၢင် (KIO) ၵေႃႉၼိုင်ႈလႄႈ ၵူၼ်းၸိူဝ်းႁဵတ်းၵၢၼ်လုၵ်ႉၽိုၼ်ႉ 12 ၵေႃႉ ယႃႉၵဝ်းပၢင်လိူၵ်ႈတင်ႈလႄႈ ပိုတ်ႇလိူင်ႈ ဢဝ်တၢင်းၽိတ်းဝႆႉ ၼႆယဝ်ႉ။ ၵူၼ်းၸိူဝ်းထုၵ်ႇသိုၵ်းမၢၼ်ႈ ပိုတ်ႇလိူင်ႈဢဝ်တၢင်းၽိတ်းဝႆႉလူၺ်ႈပၵ်းပိူင်ၾိင်ႈမိူင်း ၵၢၼ်ယႃႉၵဝ်းပၢင်လိူၵ်ႈတင်ႈၼၼ်ႉ ပဵၼ်ၼႂ်းတပ်ႉၸုမ်းလုၵ်ႉၽိုၼ်ႉ ဢၼ်တူင်ႉၼိုင်ယူႇၼႂ်းမိူင်းတႆးပွတ်းႁွင်ႇ၊ မိူင်းယၢင်းလႅင်၊ မိူင်းၶၢင်၊ မိူင်းမွၼ်း...

ၼႂ်းလိူၼ်တီႊသႅမ်ႊပိူဝ်ႊ ႁၢင်ပီ 2025 ၼႆႉ သိုၵ်းမၢၼ်ႈႁၢင်ႈႁႅၼ်း တေတႄႇၸတ်းႁဵတ်း ပၢင်လိူၵ်ႈတင်ႈ ၵႂႃႇ ၵမ်းၶၵ်ႉၵမ်းတွၼ်ႈ။ သိုၵ်းမၢၼ်ႈလၢတ်ႈဝႃႈ ပၢင်လိူၵ်ႈတင်ႈ ဢၼ်တေၸတ်းႁဵတ်းၵမ်းၼႆႉ ၼင်ႇႁိုဝ်ဝၢၼ်ႈမိူင်း တေမီးလွင်ႈ ၼိမ်ယဵၼ် ၊ ၼင်ႇႁိုဝ်ၽူႈဢွၼ်ႁူဝ်ၵူၼ်းမိူင်း တေၶဝ်ႈပႃးမႃးၶိုၼ်း တီႈၼႂ်းၵၢၼ်ဢုပ်ႉပိူင်ၽွင်းငမ်း လႄႈ ၼင်ႇႁိုဝ် တေႁွတ်ႈၵႂႃႇထိုင်ၶိုၼ်း တီႈၼိူဝ်သဵၼ်ႈတၢင်း တီႊမူဝ်ႊၶရေႊၸီႊ ဝႃႈၼႆ။ ၽူႈလဵပ်ႈႁဵၼ်းၶဝ်တႄႉ...

သိုၵ်းမၢၼ်ႈလွၵ်ႇငိုတ်ႈၵူၼ်းမိူင်းလွႆၶေႃ မိူင်းယၢင်းလႅင်ဝႃႈ တွၼ်ႈတႃႇပၢင်လိူၵ်ႈတင်ႈဢၼ်တေၸတ်းႁဵတ်းၼႂ်းႁၢင်လိူၼ်ၻီႊသႅမ်ႊပိူဝ်ႊၼႆႉ သင်ဢမ်ႇၵႂႃႇသႂ်ႇၶႅပ်းၵၢင်ၸႂ်ၼႆၸိုင် တေဢမ်ႇဢဝ်ပုၼ်ႈၽွၼ်းလွင်ႈႁူမ်ႇလူမ်ႈပၼ် ၼႆသေ ၸႂ်ႉၵႂႃႇပၼ်ၶႅပ်းၵၢင်ၸႂ်လူင်ႈၼႃႈၼႆယဝ်ႉ ။ တႄႇႁူဝ်လိူၼ် တီႊသႅမ်ႊပိူဝ်ႊ ၼႆႉမႃး ႁွင်ႈၵၢၼ်ၾၢႆႇၵူတ်ႇထတ်းၵူၼ်းၶဝ်ႈမိူင်း လဝၵ ၵဵပ်းဢဝ်သဵၼ်ႈမၢႆမုင်ႉႁေႃႁိူၼ်း ၵူၼ်းမိူင်းၼႂ်းဝဵင်းလွႆၶေႃသေ ပိုၼ်ၽၢဝ်ႇတႃႇမႃးပၼ်ၶႅပ်းၵၢင်ၸႂ် ၊ သင်ဢမ်ႇၵႂႃႇပၼ်ၶႅပ်းၵၢင်ၸႂ် တွၼ်ႈတႃႇပၢင်လိူၵ်ႈတင်ႈၼႆၸိုင် တေဢမ်ႇဢဝ်ပုၼ်ႈၽွၼ်းပၼ် လွင်ႈႁူမ်ႇလူမ်ႈသင်ၼႆ လွၵ်ႇငိုတ်ႈပႃးထႅင်ႈၼင်ႇၼႆ ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵၢင်ႉၵႄႇၼႂ်းပွၵ်ႉလႄႇလမ်းႁႃလၢတ်ႈ မၢႆဢၼ်တေလႆႈၵႂႃႇ...

ပၢင်လိူၵ်ႈတင်ႈ ဢၼ်တေၸတ်းႁဵတ်းၼႂ်းႁၢင်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း ၸုမ်းဢၼ်ၸႂ်ႉ ႁိူဝ်းမိၼ်ၶႃႈႁႅမ်ၵူၼ်းမိူင်း ၸိူဝ်းယူႇသဝ်းၼႂ်းမိူင်းႁူမ်ႈတုမ် လူႉတၢႆၵႂႃႇ ပဵၼ်ၵေႃႇပဵၼ်ၵွင်ၼၼ်ႉ တေၼမ်းၸတ်းၼႆလႄႈ ၵူၼ်းမိူင်းပိုၼ်ႉတီႈ ၼႂ်းၸႄႈတိူင်းၸၵႅင်း မိူင်းမၢၼ်ႈထုင်ႉပဵင်း ဢွၼ်ၵၼ် တႅမ်ႈလိၵ်ႈသၢၼ်ၶတ်း ဢွၵ်ႇၼႄၵၢင်ၸႂ်။ မိူဝ်ႈဝႃးဝၼ်းတီႈ 12 လိူၼ်တီႊသႅမ်ႊပိူဝ်ႊ ၸုမ်းတူင်ႉၼိုင်သၢၼ်ၶတ်းတေႃႇသိုၵ်းမၢၼ်ႈယိုတ်းမိူင်းၼမ်းၼႃႈ ၵူၼ်းမိူင်းၼႂ်းပိုၼ်ႉတီႈသေ ႁူမ်ႈၵၼ်ၸတ်းပၢင်ၼႄၵၢင်ၸႂ် သၢၼ်ၶတ်းပၢင်လိူၵ်ႈတင်ႈၵႂႃႇ ၼႂ်းၸႄႈဝဵင်းယိၼ်းမႃႇပိၼ်ႇ ၼႆယဝ်ႉ။ ၵူၼ်းမိူင်း လႄႈ...

ႁူဝ်ၼႃႈသိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်းမိၼ်းဢွင်ႇလၢႆႇ လၢတ်ႈဝႃႈ - ၼႂ်းလိူၼ်မၢတ်ႉၶျ် ပီ 2026 ပီၼႃႈၼႆႉ တေလႅၵ်ႈလၢႆႈလူင်ပွင်ၸိုင်ႈမႂ်ႇယဝ်ႉ ဝႃႈၼႆ။ လွင်ႈၼႆႉ မိၼ်းဢွင်ႇလၢႆႇ လၢတ်ႈၵႂႃႇ ၽွင်းမိူဝ်ႈႁူပ်ႉထူပ်းၵၼ်တင်း ၸုမ်းလူင်ပွင်ၸိုင်ႈတိူင်းယၢၼ်ႇၵုင်ႇ ၼႂ်းဝၼ်းတီႈ 11 လိူၼ်တီႊသႅမ်ႊပိူဝ်ႊ (မိူဝ်ႈဝႃး)ၼႆႉ။ ပၢင်လိူၵ်ႈတင်ႈ ဢၼ်သိုၵ်းမၢၼ်ႈတေဢွၼ်ၼမ်းၸတ်းႁဵတ်းၼႆႉ ၶၵ်ႉတွၼ်ႈၼိုင်ႈ တေပဵၼ် ဝၼ်းတီႈ 28...

(သဵင်ၵၢင်ၸႂ်ၵူၼ်းၼုမ်ႇ) ၼႂ်းဝၼ်းတီႈ 18 လိူၼ်ဢေႃၵၢတ်ႉသ် ၼၼ်ႉ ၶွမ်ႊမသျိၼ်ႊ ၵၢၼ်လိူၵ်ႈတင်ႈ သိုၵ်းမၢၼ်ႈပိုၼ်ၽၢဝ်ႇဢွၵ်ႇ မႃးဝႃႈ တေၸတ်းပၢင်လိူၵ်ႈတင်ႈပတ်းပိုၼ်ႉၸိုင်ႈမိူင်းၵႂႃႇ 3 ၶၵ်ႉ 3 တွၼ်ႈ။ ၼႂ်းဝၼ်းတီႈ 28/12/2025 ၼႆႉ တေၸတ်းႁဵတ်းပၢင်လိူၵ်ႈတင်ႈၶၵ်ႉတွၼ်ႈ 1 ၼႂ်းလိူၼ်ထူၼ်ႈ 1 ပီ 2026 သမ်ႉၶၵ်ႉတွၼ်ႈ 2...

ပေႃးထိုင်မႃး ဝၼ်းတီႈ 28 ႁၢင်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း တေၸတ်းႁဵတ်းပၢင်လိူၵ်ႈတင်ႈ တွၼ်ႈ 1 ၼႂ်းမိူင်းႁူမ်ႈတုမ်ၼႆလႄႈ ၸုမ်းၵူၼ်းၼုမ်ႇ၊ ၸုမ်းတူင်ႇဝူင်း ၵူၼ်းတႆး လၢႆလၢႆၸုမ်း ႁူမ်ႈၵၼ်ဢွၵ်ႇ လိၵ်ႈပိုၼ်ၽၢဝ်ႇ သၢၼ်ၶတ်းၼိူဝ်ပၢင်လိူၵ်ႈတင်ႈ 2025 ၼႆႉ။ မိူဝ်ႈဝၼ်းတီႈ 3 လိူၼ်တီႊသႅမ်ႊပိူဝ်ႊ ၸုမ်းၵူၼ်းၼုမ်ႇ လႄႈ ၸုမ်းတူင်ႇဝူင်းၵူၼ်း...

ၼေႃႈၽူႈတႅၼ်းၽွင်း ပႃႇတီႇသိူဝ်ၽိူၵ်ႇ SNDP ဢူးဝေႇလိၼ်းထႅတ်ႉ (ဦးဝေလင်းထက်) ၸႄႈဝဵင်းပၶူၵ်ႉၵူႇ တိူင်းမၵူၺ်းၼၼ်ႉ ၺႃးၸုမ်းယိပ်းၵွင်ႈၵၢင်ႇ တီႉၺွပ်းတူဝ်ၵႂႃႇဝႃႈၼႆ။ ဢူးဝေႇလိၼ်းထႅတ်ႉၼႆႉ ယူႇတီႈဝၢၼ်ႈ ဢေးၵျုၼ်း ၸႄႈဝဵင်းပၶူၵ်ႉၵူႇ တိူင်းမၵူၺ်း။ မၼ်းၸၢႆး ယူႇၼႂ်းပႃႇတီႇသိူဝ်ၽိူၵ်ႇသေ တေၶဝ်ႈၶႅင်ႇ တီႈၶဵတ်ႇလိူၵ်ႈတင်ႈတိူင်း မၢႆ ၼိုင်ႈ ၸွမ်းပိူင်ပုၼ်ႈသုၼ်ႇ PR။ မိူဝ်ႈပူၼ်ႉမႃး ဝၼ်းတီႈ 29 လိူၼ်ၼူဝ်ႊဝႅမ်ႊပိူဝ်ႊ...

ၼႂ်းႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်းၸိူဝ်းပၵ်းသဝ်းၼႂ်းၸႄႈဝဵင်းလႃႈသဵဝ်ႈ ႁွင်ႉဢဝ်ၸုမ်းၶိုင်ပွင်ပၢင်လိူၵ်ႈတင်ႈ ၶဝ်ႈၵႂႃႇၼႂ်းထုင်ႉၼမ်ႉပွင်ႈ ၼႃႈတီႈၸုမ်းသိုၵ်းၵဝ်ႈ ၵၢင်ႉၵုမ်းၵမ်ဝႆႉသေ ပၢဝ်ႇသေႃႇ ႁႂ်ႈၵူၼ်းမိူင်းဢဝ်ဝႂ်မုင်ႉႁေႃႁိူၼ်းၵႂႃႇၼႄ ၼႆယဝ်ႉ။ မိူဝ်ႈၼႆႉ ဝၼ်းတီႈ 4 လိူၼ်တီႊသႅမ်ႊပိူဝ်ႊ ယၢမ်းၵၢင်ၼႂ် သိုၵ်းမၢၼ်ႈ တင်း ၸုမ်းပွင်ၵၢၼ်ပၢင်လိူၵ်ႈတင်ႈၶဝ် ႁွတ်ႈၽႅဝ်ထိုင်တီႈ လုမ်းၶႄၾႆးတီႈၼမ်ႉပွင်ႈသေ လူင်းၵဵပ်းၶေႃႈမုၼ်း ၵူၼ်းမိူင်း တႃႇပၢင်လိူၵ်ႈတင်ႈယူႇ ၼႆယဝ်ႉ။ ၼၢင်းယိင်း ၵေႃႉယူႇၼႂ်းထုင်ႉၼမ်ႉပွင်ႈ...

“ပၢင်လိူၵ်ႈတင်ႈၼႆႁႃႉ ႁဝ်းတႄႉတိုၼ်းဢမ်ႇဝူၼ်ႉတႃႇၵႂႃႇပၼ်မႄးႁႄဢိတ်းလႃႈ။ သူၼ်ၵေႃႈ ဢမ်ႇသူၼ်ၸႂ်၊ ဢမ်ႇတိုၼ်ႇတဵၼ်ႈၸွမ်းသင်။ ၵၢင်ၸႂ်ဢၼ်ၶႂ်ႈသႂ်ႇၶႅပ်းၵၢင်ၸႂ်ပၼ်တေႉတေႉၼၼ်ႉၵေႃႈ ဢမ်ႇမီးသေဢိတ်း” ၼႆ ၼၢင်းမၢတ်ႈ ၵူၼ်းၼုမ်ႇၵေႃႉတူင်ႉၼိုင်ႁဵတ်းၵၢၼ်တူင်ႇဝူင်းၵူၼ်း ၼႂ်းမိူင်းတႆးပွတ်းႁွင်ႇၵေႃႉၼိုင်ႈ ပိုတ်ႇဢူၵ်းပိုတ်ႇၸႂ် ပၢႆးၼႄတၢင်းႁၼ်ထိုင်မၼ်းဝႆႉၼင်ႇၼႆ။ သိုၵ်းမၢၼ်ႈယိုတ်းမိူင်း ဢၼ်မိၼ်းဢွင်ႇလၢႆႇဢွၼ်ႁူဝ်ဝႆႉၼႆႉ ဢဝ်ၶေႃႈဢၢင်ႈလွင်ႈဝၢၼ်ႈမိူင်းသုၵ်ႉဢူၼ် ပဵၼ်ပၢင်တိုၵ်းသိုၵ်းသိူဝ် ဢၼ်ၵိူတ်ႇပဵၼ်ပတ်းပိုၼ်ႉတူဝ်ႈၸိုင်ႈမိူင်းၼၼ်ႉ ႁဵတ်းၼႃႈတိူဝ်ႈသေ ၶိုင်ပွင်ၸတ်းႁဵတ်း ပၢင်လိူၵ်ႈတင်ႈ ပီ 2025 ၼႆႉ...

တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼႆႉ လုၵ်ႈဢွၼ်ၸိူဝ်းတေၵႂႃႇႁဵၼ်းလိၵ်ႈတီႈၸၼ်ႉၸွမ်ၼၼ်ႉ လႆၵႂႃႇပၼ်ၶႅပ်းၵၢင်ၸႂ်လိူၵ်ႈတင်ႈလူင်ႈၼႃႈၵွၼ်ႇၸင်ႇလႆႈဝႂ်ႁပ်ႉႁွင်းၵႂႃႇႁဵၼ်းလိၵ်ႈၸၼ်ႉၸွမ်တီႈဢၼ်ၸဝ်ႈၵဝ်ႇၶႂ်ႈႁဵၼ်းဝႃႈၼႆ။   တႄႇၵၢင်လိူၼ် ၼူဝ်ႊဝႅမ်ႊပိူဝ်ႊၼႆႉမႃး ႁွင်ႈၵၢၼ်ၾၢႆႇၽွင်းငၢမ်းၵူႈလွင်ႈလႄႈ ၵၢင်ႉၵႄႇလၢတ်ႈ ၵူၼ်းၼႂ်းပွၵ်ႉၼႂ်းယွမ်ႇဝႃႈ လုၵ်ႈႁဵၼ်းၸၼ်ႉၸွမ်ၸိူဝ်းတေၵႂႃႇၶိုၼ်ႈႁဵၼ်းလိၵ်ႈ တီႈၸၼ်ႉၸွမ် တၢင်ႇတီႈတၢင်ႇဝဵင်းၸိူဝ်းၼၼ်ႉ တေလႆႈမႃးသႂ်ႇဝႂ်ၶႅပ်းၵၢင်ၸႂ်လူင်ႈၼႃႈ တီႈလုမ်းၼႂ်း ပွၵ်ႉၽႂ် ပွၵ်ႉမၼ်းၵွၼ်ႇၸင်ႇတေပၼ်ဝႂ်ႁပ်ႉႁွင်းၵႂႃႇႁဵၼ်းလိၵ်ႈဝႃႈၼႆ။   လုၵ်ႈႁဵၼ်းၸၼ်ႉၸွမ်ဝဵင်းၼမ်ႉၸၢင်လၢတ်ႈၽူႈတွႆႇႁွၵ်ႈဝႃႈ -“ ပေႃးဢမ်ႇၵႂႃႇသႂ်ႇဝႂ်ၶႅပ်းၵၢင်ၸႂ်လိူၵ်ႈတင်ႈလူင်ႈၼႃႈ ဢမ်ႇၸၢင်ႈၵႂႃႇၶိုၼ်ႈႁဵၼ်း ၊ ပေႃးၵႂႃႇသႂ်ႇၶႅပ်းၵၢင်ၸႂ်ယဝ်ႉၼၼ်ႉ ၶဝ်တေပၼ်မႃးဝႂ်ႁပ်ႉႁွမ်းဢၼ်ၼိုင်ႈ ၊...

သိုၵ်းမၢၼ်ႈယိုတ်းမိူင်း ၸုမ်းၸွမ်ၸိၵ်းသိုၵ်းမိၼ်းဢွင်ႇလၢႆႇ တေဢွၼ်ၼမ်းၸတ်းပၢင်လိူၵ်ႈတင်ႈႁႂ်ႈလႆႈၼႂ်းႁၢင်လိူၼ် ၻီႊသႅမ်ႊပိူဝ်ႊ 2025 ၼႆႉ ။ ယၢမ်းလဵဝ်ၵေႃႈ ပႃႇတီႇၵၢၼ်မိူင်းၸိူဝ်းတေႁူမ်ႈမိုဝ်းသိုၵ်းမၢၼ်ႈယိုတ်းမိူင်းသေ ၶဝ်ႈၶေႉပၢင်လိူၵ်ႈတင်ႈၼၼ်ႉ ဢွၼ်ၵၼ်ၶတ်းၸႂ်ႁႃသဵင်ယူႇႁင်းၽႂ်မၼ်း။ ၵူၼ်းပၵ်းတႃပၢင်လိူၵ်ႈတင်ႈၶဝ်တႄႉလၢတ်ႈဝႃႈ - ၽႂ်ၶႂ်ႈၶဝ်ႈၶေႉဢမ်ႇၶဝ်ႈၶေႉၸွမ်းၵေႃႈယဝ်ႉ သိုၵ်းမၢၼ်ႈၼႆႉမၼ်းပေႃးၶိုင်ဝႆႉတႃႇမၼ်းတေဢွင်ႇပေႉယဝ်ႉ။ 1-မိူၼ်ၼင်ႇ ၽွင်းပီ 2022 မၼ်းပေႃးၶႂၢၵ်ႈဝႆႉၸႄႈတွၼ်ႈမႂ်ႇထႅင်ႈ 46 ၸႄႈတွၼ်ႈပတ်းပိုၼ်ႉၸိုင်ႈမိူင်း သေ ႁၢင်ႈႁႅၼ်းဝႆႉတႃႇထုပ်ႉဢဝ်သဵင်ၶႅပ်းၵၢင်ၸႂ်ယဝ်ႉ။ 2- ၽွင်းပီ 2024 မၼ်းပေႃးထတ်းဢဝ် ပႃႇတီႇၵၢၼ်မိူင်း...