ၵႃးတၢင်ႇႁႅင်းၵၢၼ် မိူင်းႁူမ်ႈတုမ်မျၢၼ်ႇမႃႇ ၽႃႇၺႃးတူၼ်ႈမႆႉ ၼႂ်းၸႄႈတွၼ်ႈလမ်းပၢင်းၸိုင်ႈထႆး မီးၵူၼ်းလူႉတၢႆၸွမ်း 2 ၵေႃႉ၊ မၢတ်ႇၸဵပ်း 8 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 6/8/2019 ယၢမ်းၵၢင်ၼႂ် 4 မူင်း ၵႃး(ရူတ်ႉတူႈ) တၢင်ႇႁႅင်းၵၢၼ် လုၵ်ႉတၢင်းၸႄႈတွၼ်ႈတၢၵ်ႇသေ တေ သူင်ႇႁႅင်းၵၢၼ် ပွၵ်ႈတၢင်းမႄႈသၢႆ - တႃႈၶီႈလဵၵ်းၼၼ်ႉ...

ၾၢႆႇၸတ်းႁႃၵၢၼ်ၵဵင်းမႆႇၾၢင်ႉ ၸၢင်ႈႁႅင်းၵၢၼ်ၽိတ်းမၢႆမီႈ ၸၢင်ႈၺႃးမႂ်ငိုၼ်းၼမ်ထိုင်2 သႅၼ်လႄႈ တူၵ်းၶွၵ်ႈ ထိုင် 3 ပီ။ ဝၼ်းတီႈ 11/07/2019 သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ ႁွင်ႈၵၢၼ်ၾၢႆႇၸတ်းႁႃၵၢၼ်ၵဵင်းမႆႇလႄႈ ၸဝ်ႈၼႃႈတီႈၾၢႆႇၵဵဝ်ႇ  ၶွင်ႈ လူင်းပိုၼ်ႉတီႈၵူတ်ႇထတ်းပၼ်တူတ်ႈတၢမ်ႇ ပေႃႈလဵင်ႉမႄႈလဵင်ႉဢၼ်ၸၢင်ႈႁႅင်းၵၢၼ်ၽိတ်းမၢႆမီႈ 11 ၵေႃႉလႄႈ တီႉ ၺွပ်းႁႅင်းၵၢၼ်ၶဝ်ႈမိူင်းၽိတ်းပၵ်းပိူင်မၢႆမီႈ 60 ပၢႆ ။ ၾၢႆႇၸတ်းႁႃၵၢၼ်လၢတ်ႈဝႃႈ -...

ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း ထႆး - မၢၼ်ႈ တေႁူမ်ႈၵၼ်ၵူတ်ႇထတ်း ၵူၼ်းမိူင်းႁူမ်ႈတုမ်ၵွၼ်ႇတီႈတေၶဝ်ႈ   မိူင်းထႆး ပိူဝ်ႈတႃႇႁႄႉၵင်ႈလွင်ႈတူၵ်းပဵၼ်ယိူဝ်ႇၵူၼ်းၵႃႉၵူၼ်း။ ဝၼ်းတီႈ 08/07/2019 ၸွမ်သိုၵ်းလူင်ၾၢႆႇပလိၵ်ႈ ၶျၶျ်ႊၶျႆႊ သမ်ႊၼဵင်ႊ လဝၵထႆးလႄႈ ၸွမ်သိုၵ်းၾၢႆႇပလိၵ်ႈ ထုၼ်းထုၼ်းၼၢႆႇ လဝၵ ဝဵင်းတႃႈၶီႈလဵၵ်း ႁူမ်ႈၵၼ်ပိုတ်ႇႁွင်ႈၵၢၼ်ၵူတ်ႇထတ်းၵူၼ်းၶဝ်ႈမိူင်းထႆး ပိူဝ်ႈတႃႇႁႄႉၵင်ႈ လွင်ႈလွၵ်ႇလႅၼ် ၵူဝ်တူၵ်းပဵၼ်ယိူဝ်ႇၵူၼ်းၵႃႉၵူၼ်းလႄႈ ၶဝ်ႈၵႂႃႇတုၵ်ႉၶၼႂ်းမိူင်းထႆး ။ ႁွင်ႈၵၢၼ်ပိုတ်ႇတီႈၸႄႈဝဵင်းမႄႈသၢႆ...

ၸုမ်းတူဝ်တႅၼ်း ၶွမ်ႊပၼီႊႁပ်ႉမဝ်ၵေႃႇသၢင်ႈ ႁူမ်ႈၵၼ်တၢင်ႇယိုၼ်ႈလိၵ်ႈထိုင်ၽူႈၵွၼ်းၸႄႈတွၼ်ႈၵဵင်းမႆႇ ႁႂ်ႈၸွႆႈၵူတ်ႇထတ်းပၼ် လွင်ႈဢၼ်မီးၵူၼ်းဢၢင်ႈတူဝ်ပဵၼ်ၸဝ်ႈၼႃႈတီႈသေ ၵူတ်ႇထတ်းတီႉၺွပ်း ယွၼ်းငိုၼ်း ႁႅင်းၵၢၼ်ယၢၼ်မိူင်းႁၢဝ်ႈႁႅင်း။ ဝၼ်းတီႈ 08/07/2019 တူဝ်တႅၼ်းၶွမ်ႊပၼီႊ ႁပ်ႉမဝ်ၵေႃႇသၢင်ႈ ႁူမ်ႈၵၼ်ၵႂႃႇတၢင်ႇယိုၼ်ႈလိၵ်ႈတီႈ ၽူႈၵွၼ်းၸႄႈ  တွၼ်ႈ ၵဵင်းမႆႇလႄႈ ႁွင်ႈၵၢၼ်ၾၢႆႇၽဵင်ႇပဵင်းပဵၼ်ထမ်း ႁႂ်ႈၸွႆႈၵူတ်ႇထတ်းပၼ် လွင်ႈဢၼ်မီးၵူၼ်းဢၢင်ႈဝႃႈ ပဵၼ်ၸဝ်ႈၼႃႈတီႈသေ ၵူတ်ႇထတ်း မႂ်ငိုၼ်းႁႅင်းၵၢၼ်ႁၢဝ်ႈႁႅင်း။ ၸၢႆးဢၼုၽူင်ႊ ပုၼ်ႊၵလႃႊ တူဝ်တႅၼ်းၸဝ်ႈၶွင်ၶွမ်ႊပၼီႊႁပ်ႉမဝ်ၵေႃႇသၢင်ႈလၢတ်ႈဝႃႈ “...

ႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈမိူင်းထႆး ပိုၼ်ၽၢဝ်ႇဝႃႈ တေသိုပ်ႇတေႃႇပၼ်ဝတ်းဝႂ်ႁႅင်းၵၢၼ်ထႅင်ႈ 2 ပီ ၼႂ်းမိူင်းထႆး။ ဝၼ်းတီႈ 08/07/2019 ႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈမိူင်းထႆး ၸတ်းႁဵတ်းပၢင်ဢုပ်ႇၵုမ်ၵၼ်သေ ႁၼ်လီလွင်ႈဝႃႈ တေတေႃႇပၼ်ဝတ်းဝႂ် ဢၼ်ၶဝ်ႈၸွမ်းပိူင် MOU ပၼ် ႁႅင်းၵၢၼ်ယၢၼ်မိူင်း မိူင်းႁူမ်ႈတုမ်မၢၼ်ႈ၊ မိူင်းၵမ်ႊပူႊၶျႃႊလႄႈလၢဝ်း ၸိူဝ်းဢၼ်ယႃယုဝတ်းတေမူတ်းၼႂ်းဝၼ်းတီႈ 30/09/2019 တင်း 1/11/2019 လႄႈ...

ၼႂ်းလိူၼ်ၵျူႊလၢႆႊ 2019 ၼႆႉၵူၺ်း ပလိၵ်ႈထႆး မွပ်ႈသူင်ႇတူဝ်ႁႅင်းၵၢၼ် မိူင်းႁူမ်ႈတုမ် ပၼ်တၢင်းၾင်ႇၸဝ်ႈၼႃႈတီႈ တႃႈ ၶီႈလဵၵ်း လႅၼ်လိၼ်တႆး - ထႆး မီးၵႂႃႇယဝ်ႉ 98 ၵေႃႉ။ ႁႅင်းၵၢၼ်မိူင်းႁူမ်ႈတုမ်ဢၼ်သူင်ႇပွၵ်ႈမႃး တၢင်းၾင်ႇတႃႈၶီႈလဵၵ်းၼႆႉ မိူဝ်ႈဝၼ်းတီႈ 1/7/2019 လႆႈသူင်ႇပွၵ်ႈမႃး 11 ၵေႃႉ၊ ဝၼ်းတီႈ 2 (13)...

လူင်ပွင်ၸိုင်ႈမိူင်းထႆး ပိုၼ်ၽၢဝ်ႇဝႃႈ သင်ႁႅင်းၵၢၼ်ယၢၼ်မိူင်း ႁဵတ်းၵၢၼ်ဢၼ်ႁၢမ်ႈဝႆႉၼႆၸိုင် ၸၢင်ႈၺႃးမႂ်ငိုၼ်း 5 မိုၼ်ႇဝၢတ်ႇလႄႈ သူင်ႇပွၵ်ႈႁိူၼ်း ဝႃႈၼႆ။ ဝၼ်းတီႈ 04/07/2019 သိုဝ်ႇၶၢဝ်ႇထႆးရတ်ႊ ပိုၼ်ၽၢဝ်ႇဝႃႈ ၼႂ်းဝူင်ႈဝၢင်ႈၼႆႉ ႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈ မိူင်းထႆး ၶဵင်ႈၶႅင်လူင်းပိုၼ်ႉတီႈၵူတ်ႇထတ်း ၼႂ်းပိုၼ်ႉတီႈဢၼ်ႁႅင်းၵၢၼ်ယူႇသဝ်းၼမ် မိူၼ်ၼင်ႇ သမုတ်ႊသႃၶွၼ်ႊ ၊ ပထုမ်ႊထႃႊၼီႊ၊ သမုတ်ႊပရႃႊၵၢၼ်ႊ၊ ၽူႊၵဵတ်ႊ...

ၼႂ်းၶၢဝ်းတၢင်း 6 လိူၼ်မႃးၼႆႉ ႁႅင်းၵၢၼ်ယၢၼ်မိူင်း ၵူၼ်းမိူင်းႁူမ်ႈတုမ် ဢၼ်လၵ်ႉၶဝ်ႈမိူင်းထႆးႁဵတ်းၵၢၼ် ဢမ်ႇပဵၼ် တၢင်းၵၢၼ်ၼၼ်ႉ ထုၵ်ႇပလိၵ်ႈထႆးတီႉၺွပ်းၵုမ်းၶင်တူဝ်သေ သူင်ႇပွၵ်ႈတၢင်းလႅၼ်လိၼ်တႆး - ထႆး တၢင်းၾင်ႇတႃႈၶီႈ လဵၵ်း မီးၵႂႃႇ 1,107 ၵေႃႉယဝ်ႉ။ ဝၼ်းတီႈ 1/7/2019 ယၢမ်းၵၢင်ၼႂ် ပလိၵ်ႈထႆး သူင်ႇတူဝ်ႁႅင်းၵၢၼ်မွပ်ႈပၼ်တၢင်းၾၢႆႇပလိၵ်ႈၾင်ႇတႃႈၶီႈလဵၵ်းထႅင်ႈ 11 ၵေႃႉ။ ၼႂ်း...

ႁႅင်းၵၢၼ် ယၢၼ်မိူင်းၵေႃႉၼိုင်ႈ ၵႂႃႇယွၼ်းငိုၼ်း ၵႃႈႁႅင်းတီႈပေႃႈလဵင်ႉ - ပေႃႈလဵင်ႉ သမ်ႉဢမ်ႇပၼ်လႄႈ မီးလွင်ႈၽိတ်းမေႃး ပေႃႉထုပ်ႉၵၼ်ၵေႃႉပဵၼ်ပေႃႈလဵင်ႉလူႉတၢႆ။ ဝၼ်းတီႈ 01/07/2019 ႁႅင်းၵၢၼ်ယၢၼ်မိူင်း ၸိုဝ်ႈႁွင်ႉဝႃႈ ဢွင်ႇသၢၼ်း ဢႃယု 35 ပီ ၵႂႃႇယွၼ်းငိုၼ်းတီႈပေႃႈလဵင်ႉ ပေႃႈလဵင်ႉသမ်ႉဢမ်ႇပၼ်လႄႈ မီးလွင်ႈၽိတ်းမေႃးၵၼ် ထိုင်တီႈပေႃႉထုပ်ႉ ပေႃႈလဵင်ႉမၼ်းၸိုဝ်ႈႁွင်ႉ ၸၢႆးသုၼ်ထွၼ်ႊ ရုင်ႊရူတ်ႊ ၶျူတ်ႊၶျူင်ႊ...

ၽူႈတူင်ႉၼိုင်ၾၢႆႇႁႅင်းၵၢၼ် HRDF တူၵ်ႇလၢတ်ႈဝႃႈ လွင်ႈဢၼ်ႁႅင်းၵၢၼ်ယၢၼ်မိူင်း ႁူပ်ႉထူပ်းပၼ်ႁႃ ပလိၵ်ႈထႆးၵူတ်ႇထတ်းတီႉၺွပ်းႁၢဝ်ႈႁႅင်း ယူႇယၢမ်းလဵဝ်ၼႆႉ ၶႂ်ႈႁႂ်ႈလူင်ပွင်ၸိုင်ႈမိူင်းႁူမ်ႈတုမ်မၢၼ်ႈလႄႈ ထႆး ႁပ်ႉႁူႉသေႁူပ်ႉထူပ်းဢုပ်ႇဢူဝ်း ၵၼ် တႃႇႁူမ်ႈၵၼ်ၵႄႈလိတ်ႈပၼ်ႁႃ။ ဝၼ်းတီႈ 01/07/2019 ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဝဵင်းၵဵင်းမႆႇ လၢတ်ႈဝႃႈ ၽွင်းယၢမ်းမိူဝ်ႈလဵဝ်ၼႆႉ ၸဝ်ႈ ၼႃႈတီႈ ၽူႈမီးပုၼ်ႈၽွၼ်းလၢႆလၢႆႁွင်ႈၵၢၼ် လူင်းပိုၼ်ႉတီႈၵူတ်ႇထတ်း တီႉၺွပ်းႁႅင်းၵၢၼ်ႁၢဝ်ႈႁႅင်း မီးတၢင်းၽိတ်းဢိတ်းဢီႈၵေႃႈ...

ၸၢႆးၸၢမ်ႇမိၼ်ႉ လုၵ်ႈၸၢႆး လုင်းၸၢႆး ပဵၼ်ၵူၼ်းလႃႈသဵဝ်ႈ ႁႅင်းၵၢၼ်ယၢၼ်မိူင်း ႁဵတ်းၵၢၼ်တီႈဝဵင်းၵဵင်းမႆႇ ၸိုင်ႈထႆး၊ ပဵၼ် လူမ်းႁူဝ်ၸႂ်သၼ်ႇသေ လူႉတၢႆတီႈ ႁွင်ႈၶၢတ်ႈမၼ်းၸၢႆးၼႂ်းၸႄႈဝဵင်းသၼ်ပႃႇတွင်း ၸႄႈတွၼ်ႈၵဵင်းမႆႇ ၸိုင်ႈထႆး။ တေႃႈ လဵဝ် ၶၢပ်ႈတူဝ်တၢႆမၼ်းၸၢႆး မီးတီႈႁူင်းယႃသၼ်ပႃႇတွင်းဝႆႉယူႇ။ ၼၢင်းသႅင်မူၼ်း လုၵ်ႈၸုမ်း ၸုမ်းၸွႆႈထႅမ် ၵူၼ်းတၢႆဢမ်ႇမီးပီႈၼွင်ႉ ဝတ်ႉပႃႇပဝ်ႈ လၢတ်ႈဝႃႈ “ ယူႇတီႈၸဝ်ႈၶွင်ႁွင်ႈၶၢတ်ႈ...

ၸဝ်ႈၼႃႈတီႈပလိၵ်ႈထႆး ၵူတ်ႇထတ်းတီႉၺွပ်းလႆႈ ၵူၼ်းလၵ်ႉလွမ်ၶဝ်ႈမိူင်းထႆး တီႈၵဵင်းမႆႇ၊ ပဵၼ်ၵူၼ်းမိူင်းႁူမ်ႈတုမ်မၢၼ်ႈ - ဝႃႈၼႆ။ ဝၼ်းတီႈ 27 /06/2019 ၸဝ်ႈၼႃႈတီႈႁူင်းပလိၵ်ႈ ဝဵင်းၵဵင်းမႆႇလႄႈ မႄႈႁွင်ႈသွၼ် ႁူမ်ႈၵၼ်ၵူတ်ႇထတ်းတီႉၺွပ်းလႆႈ ၵူၼ်းၶဝ်ႈမိူင်းၽိတ်းပၵ်းပိူင်မၢႆမီႈ တီႈၸႄႈဝဵင်းႁွတ်ႉ ၸႄႈတွၼ်ႈၵဵင်းမႆႇ ၸိုင်ႈထႆး ။ ဢၼ်ပလိၵ်ႈထႆးတီႉလႆႈၼၼ်ႉ ပဵၼ်   ၼၢင်းဢေးၵီႇ၊ ၼၢင်းၼေႃႇ ၸိူဝ်းၼႆႉတင်းမူတ်းမီး 10...

ပလိၵ်ႈထႆး သူင်ႇတူဝ်ႁႅင်းၵၢၼ် မွပ်ႈပၼ်တၢင်းၸဝ်ႈၼႃႈတီႈ တၢင်းတႃႈၶီႈလဵၵ်း လႅၼ်လိၼ်တႆး - ထႆး တီႈၶူဝ်မိုတ်ႈၵိုဝ်း မၢႆ 2 တင်းမူတ်း 46 ၵေႃႉ ၵမ်ႈၼမ် ယူႇမိူင်းတႆးပွတ်းၸၢၼ်း။ ဝၼ်းတီႈ 28/06/2019 ယၢမ်းၵၢင်ၼႂ် 10:45 မူင်းၼၼ်ႉ ယူႇတီႈပလိၵ်ႈၾၢႆႇၵူတ်ႇထတ်းၵူၼ်းၶဝ်ႈမိူင်း(လဝၵ) ၾင်ႇထႆးသေ လႆႈသူင်ႇမွပ်ႈယိုၼ်ႈႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ ပၼ်တၢင်းၸဝ်ႈၼႃႈတီႈမၢၼ်ႈၾင်ႇတႃႇၶီႈလဵၵ်း တီႈၶူဝ်မိုတ်ႈၵိုဝ်း...

ႁႅင်းၵၢၼ်ယၢၼ်မိူင်း ဢၼ်လၵ်ႉၶဝ်ႈမိူင်းထႆး ႁဵတ်းၵၢၼ်ဝႆႉၼၼ်ႉ ၺႃးပလိၵ်ႈထႆး တီႉၺွပ်းၵုမ်း ၶင်တူဝ်သေ လႆႈသူင်ႇ ပွၵ်ႈတၢင်းလႅၼ်လိၼ် တႆး - ထႆး တီႈတႃႈၶီႈလဵၵ်းၼႆႉ မီးၵႂႃႇ 1,046 ၵေႃႉယဝ်ႉ ဝႃႈၼႆ။ ဝၼ်းတီႈ 24/6/2019 ယၢမ်းၵၢင်ၶမ်ႈ ယူႇတီႈပလိၵ်ႈထႆး လႆႈသူင်ႇမွပ်ႈတူဝ် ႁႅင်းၵၢၼ် လၵ်ႉၶဝ်ႈမိူင်းထႆးၼၼ်ႉ ပၼ်ၸဝ်ႈ ၼႃႈတီႈ...

ၸဝ်ႈၼႃႈတီႈပလိၵ်ႈထႆး ဝဵင်းႁၢတ်ႇယႂ်ႇ လူင်းပိုၼ်ႉတီႈၵူတ်ႇထတ်း တီႉၺွပ်းလႆႈၵူၼ်းၶဝ်ႈမိူင်းၽိတ်းပၵ်းပိူင်မၢႆမီႈ မွၵ်ႈ20 ၵေႃႉ တင်းမူတ်းပဵၼ်ၵူၼ်းမိူင်းႁူမ်ႈတုမ်။ ဝၼ်းတီႈ 25/06/2019 ၸဝ်ႈၼႃႈတီႈပလိၵ်ႈ ဝဵင်းႁၢတ်ႇယႂ်ႇ လူင်းပိုၼ်ႉတီႈၵူတ်ႇထတ်းပႃႇထိူၼ်ႇတီႈၼိုင်ႈသေ ထူပ်းႁၼ် ၵူၼ်းၶဝ်ႈမိူင်းၽိတ်းပၵ်းပိူင်မၢႆမီႈ ၽူႈၸၢႆး 14 ၵေႃႉ လႄႈ ၽူႈယိင်း 6 ၵေႃႉ ႁူမ်ႈ ပဵၼ် 20 ၵေႃႉ...