ၶၢဝ်းတၢင်းပၢင်တိုၵ်း 1027 ၸုပ်ႈၵမ်း 2 ၼႆႉ ၼႂ်းၸႄႈဝဵင်း ၵျွၵ်ႉမႄး ၊ လႃႈသဵဝ်ႈ၊ ၼွင်ၶဵဝ်၊ မိူင်းမိတ်ႈ၊ သီႇပေႃႉ ၊ မိူင်းၵုတ်ႈ၊ မိူင်းမိတ်ႈ ၼႂ်းၸိုင်ႈတႆးပွတ်းႁွင်ႇ သိုၵ်းမၢၼ်ႈ လႄႈၸုမ်းသိုၵ်းၵႅတ်ႇၶႄၵူၼ်းမိူင်း၊ ၸုမ်းသိုၵ်း TNLA- MNDAA ၶဝ်ပိုတ်းယိုဝ်းတိုၵ်းတေႃးၵၼ်၊ ယိုဝ်းၵွင်ႈလူင်သႂ်ႇၵၼ် ၊...

သိုၵ်းမၢၼ်ႈ ယိုတ်းမိူင်း ၶဝ်ႈယိုဝ်း ႁိူၼ်းၽူႈသိုဝ်ႇၶၢဝ်ႇ ၼႂ်းၸႄႈဝဵင်းၵျႅၵ်ႉထူဝ်ႇ မိူင်းမွၼ်း ၽူႈသိုဝ်ႇၶၢဝ်ႇ လူႉတၢႆ 2 ၵေႃႉ ယဝ်ႉၵေႃႈ ၸုမ်းလုၵ်ႉၽိုၼ်ႉ KRF လူႉတၢႆ 2 ၵေႃႉ ဝႃႈၼႆ။ ပူၼ်ႉမႃး ဝၼ်းတီႈ 21/08/2024 ယၢမ်းၵၢင်ၼႂ် ၽွင်းမိူဝ်ႈ ၸုမ်းလုၵ်ႉၽိုၼ်ႉ KRF ၵႂႃႇလႄႇ...

ၵူၼ်းမိူင်း ၼႂ်းၸႄႈဝဵင်းပၢင်လွင်း သီႇသႅင်ႇ ႁူဝ်ပူင်းလႄႈ ၼႂ်းထုင်ႉပူင်း ၺႃးၸုမ်းပျီႇတူႉၸိတ်ႉပဢူဝ်း PNO/ PNA ၵဵပ်းသိုၵ်းသေ ၵႂႃႇၾိုၵ်းၵၢၼ်သိုၵ်းပၼ်။ ပေႃးဢမ်ႇၵႂႃႇလႆႈသမ်ႉ တေလႆႈပၼ်ငိုၼ်း ႁူဝ်သိပ်းသႅၼ်ပျႃးၼႆလႄႈ ၵႃႈလႆႈပွႆႇ ၽႃႈႁိူၼ်းယေး ပေႃႈမႄႈလုၵ်ႈမေး ၼႃႈၵၢၼ်တႃငၢၼ်းသေ ၵႂႃႇၾိုၵ်းၵၢၼ်သိုၵ်း။  ယၢမ်းလဵဝ် ပျီႇတူႉၸိတ်ႉပဢူဝ်း ၸတ်းပွႆးလူင်းပၢင်သွၼ်ၵၢၼ်သိုၵ်း ၸုပ်ႈႁႅၵ်ႈ တီႈဝဵင်းပၢင်လွင်း ၸိုင်ႈတႆးပွတ်း ၸၢၼ်း။...

ၵူၼ်းဝၢၼ်ႈသၢႆးမူၼ်ႇ ၸႄႈဝဵင်းၵုၼ်ႁဵင် ၵႂႃႇႁႆႈၸွမ်းၵၼ် 3 ၵေႃႉ ယဵပ်ႇၺႃးမၢၵ်ႇ တၢႆထင်တီႈ ၵေႃႉၼိုင်ႈ ၽွင်းၵူၼ်းဝၢၼ်ႈမႃးၸွႆႈၼၼ်ႉ တႅၵ်ႇထႅင်ႈလုၵ်ႈၼိုင်ႈလႄႈ ႁဵတ်းႁႂ်ႈမၢတ်ႇၸဵပ်း တင်းၼမ်။ ဝၼ်းတီႈ 20/08/2024 ယၢမ်းၵၢင်ၼႂ်ၸဝ်ႉ ၵူၼ်းဝၢၼ်ႈ 3 ၵေႃႉ ယဵပ်ႇၺႃးမၢၵ်ႇ တီႈႁိမ်းၼွင်ဝူဝ်းၶမ်း ဢၼ်မီးႁိမ်းဝၢၼ်ႈသၢႆးမူၼ်ႇ ၼႂ်းၼၼ်ႉ ၸၢႆးလွတ်ႈ ဢႃယု 15 ပီ...

ၸွမ်းၼင်ႇသဵၼ်ႈမၢႆ ယူႇၼီႇသႅပ်ႉ (UNICEF) မိူင်းမၢၼ်ႈ ႁၢႆးငၢၼ်းဝႆႉသေ ၼႂ်းပီ 2024 ၶၢဝ်းတၢင်း 6 လိူၼ်ၼႆႉ ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းမၢတ်ႇၸဵပ်းလူႉတၢႆ ယွၼ်ႉမၢၵ်ႇမႅင်းၾင်လိၼ်လႄႈ ၶိူင်ႈၶူဝ်း ဢၼ်ၸၢင်ႈတႅၵ်ႇၼၼ်ႉ မီးၸမ် 700 ၵေႃႉ ၼႂ်းၼၼ်ႉ မိူင်းတႆးပဵၼ်ၼမ်တီႈသုတ်း - ဝႃႈၼႆ။ မိူဝ်ႈပီ 2023 ပူၼ်ႉမႃးၼႆႉ...

ၼႂ်းလိူၼ်ဢေႃႊၵတ်ႊသ် 2024 ၼႆႉ ၵႄႇပၢၵ်ႇႁိူၼ်း ဝဵင်းသူၺ်ႇၺွင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ၼႄၶေႃႈဢၢင်ႈဝႃႈ တႃႇၵူၼ်းၾိုၵ်းၵၢၼ်သိုၵ်းၼႆသေ တဵၵ်းၶၢၼ်းၵဵပ်းငိုၼ်းၵူၼ်းမိူင်း ၼပ်ႉႁူဝ်မိုၼ်ႇ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ် ဝႃႈၼႆ။ ၵူၼ်းပိုၼ်ႉတီႈ ဝဵင်းသူၺ်ႇၺွင်ႇ လၢတ်ႈတီႈၽူႈတွႆႇႁွၵ်ႈဝႃႈ - “ႁိူၼ်းမီးလုၵ်ႈၸၢႆးၵူႈႁိူၼ်း လႆႈသႂ်ႇ 3 မိုၼ်ႇပျႃး ၸွမ်းၵဵပ်းထိုင်ၼႂ်းႁိူၼ်း။ ႁိူၼ်းဢမ်ႇမီးလုၵ်ႈၸၢႆးၵေႃႈ ၶဝ်ႈၵဵပ်းငိုၼ်းၵႂႃႇ၊ ပေႃးဢမ်ႇသႂ်ႇငိုၼ်း...

ၶၼ်ငိုၼ်းမၢၼ်ႈ ၶိုၼ်ႈမႃးၶိုၼ်းဢိတ်းဢီႈ ယဝ်ႉသေတႃႉ ၶၼ်ၵုၼ်ႇၶူဝ်းၶွင် ဢမ်ႇယွမ်းလူင်းလႄႈ ၵူၼ်းမိူင်းယၢပ်ႇတႃႇႁႃၵိၼ်လဵင်ႉတွင်ႉ ဝႃႈၼႆ။ မိူဝ်ႈလိူၼ်ၵျူႊလၢႆႊပူၼ်ႉမႃး ၶၼ်ငိုၼ်းမၢၼ်ႈ တူၵ်းႁႅင်း ၶၼ်ငိုၼ်းၶႄႇလႄႈ ၶၼ်ငိုၼ်းထႆး ၵိုင်ႉၵၢင်ႉၶိုၼ်ႈလိူဝ်လႄႈ ၶၼ်ၵုၼ်ႇၵူႈၸိူဝ်ႉၵူႈလွင်ႈ ၵိုင်ႉၵၢင်ႉပုင်ႈၶိုၼ်ႈမွၵ်ႈ 3 ပုၼ်ႈ ႁဵတ်းႁႂ်ႈၵူၼ်းမိူင်း ၸိူဝ်းပၢႆႈၽေး သိုၵ်းလႄႈ ၸိူဝ်းဢမ်ႇပၢႆႈၽေးသိုၵ်း ယၢပ်ႇၽိုတ်ႇမိူၼ်ၵၼ် တင်းမူတ်း။ ၸဝ်ႈႁၢၼ်ႉၶဝ်ႈၽၵ်း ဝဵင်းၼမ်ႉၸၢင် ၵေႃႉၼိုင်ႈ...

ၵူၼ်းမိူင်းဝဵင်းလႃႈသဵဝ်ႈ တၢႆယွၼ်ႉပၢင်တိုၵ်း သိုၵ်းမၢၼ်ႈလႄႈ MNDAA ယိုဝ်းၵၼ်ၼၼ်ႉ မီး 300 ပၢႆ ၶၢပ်ႈတူဝ်ၸိူဝ်းပႆႇလႆႈၵဵပ်းၵေႃႈ ယင်းတိုၵ်ႉမီး ဝႃႈၼႆ။ ၶၢဝ်းတၢင်း ပၢင်တိုၵ်းႁၢဝ်ႈႁႅင်း မွၵ်ႈၼိုင်ႈလိူၼ် တႄႇႁူဝ်လိူၼ်ၵျူႊလၢႆႊ မႃး တေႃႇထိုင် ႁူဝ်လိူၼ်ဢေႃႊၵတ်ႊသ်ၼႆႉ ၵူၼ်းမိူင်းဝဵင်းလႃႈသဵဝ်ႈ ၺႃးၸၢၵ်ႇမၢၵ်ႇ ၺႃးယိုဝ်းသေ တၢႆၼႂ်းဝဵင်းၼွၵ်ႈဝဵင်း တင်းမူတ်းမီး 300 ပၢႆၼႆ...

ၸဵမ်မိူဝ်ႈၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႄႇယိုတ်းဢႃႇၼႃႇၸိုင်ႈမိူင်း တေႃႇထိုင်ဝၼ်းမိူဝ်ႈၼႆႉ ၵၢၼ်ၵူႈလွင်ႈလွင်ႈၼႂ်းမိူင်းႁူမ်ႈတုမ် ဢမ်ႇၸၢင်ႈပၼ်ႇၵၢၼ်လႆႈလီ တေႃႇထိုင်ဝၼ်းမိူဝ်ႈၼႆႉ။ ၶၼ်ငိုၼ်းမၢၼ်ႈၵေႃႈ တူၵ်းယဝ်ႉသိုပ်ႇတူၵ်းထႅင်ႈ ၶၼ်ၵုၼ်ႇၵူႈသႅၼ်းပုင်ႈၶိုၼ်ႈ ၸဵမ်ဢဝ်ၶိူင်ႈၸႂ်ႉသွႆ ၶွင်ၵိၼ်ယႅမ်ႉ ၼႂ်း ၼႃႈႁိူၼ်းၵူႈဝၼ်းဝၼ်းလႄႈ ယႃႈယႃ ၸိူဝ်းၼႆႉ ၵႃႈယႂ်ႇၶၼ်လူင်မူတ်း။ ပေႃးပဵၼ် ၵူၼ်းႁႃၸဝ်ႉၵိၼ်ၶမ်ႈယိင်ႈၶႅၼ်းလႆႈ ၼၵ်းၸႂ်။ ယၢမ်းလဵဝ် ၼမ်ႉမၼ်းၸိူဝ်ႉၾႆးသမ်ႉ ၶၢတ်ႇထႅင်ႈလႄႈ ႁဵတ်းႁႂ်ႈၵူၼ်းမိူင်းၵိၼ်းၸႂ်ထႅင်ႈ။   ဝၼ်းမိူဝ်ႈၼႆႉ...

ၸုမ်းပၵ်းတႃပႂ်ႉတူၺ်း တႃႇသုၼ်ႇလႆႈသုၼ်ႇပဵၼ်ၵူၼ်းၼႂ်းမိူင်းမွၼ်း လၢတ်ႈဝႃႈ တႃႇၶိုၼ်ႈပၢင်သွၼ်ၵၢၼ်သိုၵ်းၼႆသေ သိုၵ်းမၢၼ်ႈ ပၼ်ႁႅင်းဢီး ၵဵပ်းသဵၼ်ႈမၢႆၼၢင်းယိင်း ၼႂ်းမိူင်းမွၼ်းဝႆႉယူႇ - ဝႃႈၼႆ။ ၵဵဝ်ႇလူၺ်ႈလွင်ႈၼႆႉ ၽူႈၵွၼ်းပွၵ်ႉ၊ ၽူႈၵွၼ်းမူႇဝၢၼ်ႈ ၼႂ်းၸႄႈဝဵင်းတၢၼ်ႇၽိဝ်ႇသယႅၵ်ႉ ၸႄႈမိူင်းမွၼ်း ဢွၼ်ၵၼ်လူင်းၵဵပ်းသဵၼ်ႈမၢႆၼၢင်းယိင်း ၸိူဝ်းၶဝ်ႈပႃးၼႂ်းဢႃယု ႁၢပ်ႇထၢမ်းၵၢၼ်သိုၵ်းသေ တႄႇသူင်ႇပၼ် တီႈပၢင်သွၼ်ၵၢၼ်သိုၵ်း ၼႂ်းလိူၼ်ဢေႃႊၵတ်ႊသ်ၼႆႉ - ဝႃႈၼႆ။   လိူဝ်သေ ၵူၼ်းၸၢႆးယဝ်ႉ...

ပျီႇတူႉၸိတ်ႉပဢူဝ်း PNO ၵဵပ်းၶွၼ်ႇ ၵူၼ်းမိူင်း ၸိူဝ်းမီးရူတ်ႉၵႃး တွၼ်ႈတၢင်းတူၵ်း ၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း။ တႄႇဝၼ်းတီႈ 18/08/2024 ၼႆႉမႃး ၶုၼ်သိုၵ်းလူင် ယႅၵ်ႉၶ ၽူႈၵွၼ်းတပ်ႉၵွင် ၼႂ်းၸုမ်းပျီႇတူႉၸိတ်ႉပ ဢူဝ်း ဢွၼ်ႁူဝ်လုၵ်ႈၼွင်ႉ လူင်းပိုၼ်ႉတီႈသေ ၵဵပ်းၶွၼ်ႇတီႈၵူၼ်းမိူင်း ၸိူဝ်းမီးရူတ်ႉၵႃးဢွၼ်ႇ 1 လမ်း 5 မိုၼ်ႇပျႃး၊...

သိုၵ်းမၢၼ်ႈ ၸႂ်ႉၶိူင်ႈမိၼ်သိုၵ်း ပိုတ်းယိုဝ်းသႂ်ႇႁိူၼ်းယေးဝၢၼ်ႈသူၼ်ၵူၼ်းမိူင်း ၼႂ်းမိူင်းယၢင်းၽိူၵ်ႇ တိူဝ်ႉသႂ်ႇ ပႃးဝၢၼ်ႈတႆး ႁိူၼ်းယေး ဝတ်ႉဝႃးၽႃသိူဝ်ႇ ၺႃးၾႆးမႆႈဢမ်ႇလိူဝ်သင်။ ဝၼ်းတီႈ 19/08/2024 ၼႆႉ သိုၵ်းမၢၼ်ႈ ဢဝ်ၶိူင်ႈမိၼ်သိုၵ်း ပွႆႇမၢၵ်ႇသႂ်ႇ ဝၢၼ်ႈဢၼၢၼ်းၵုၼ်းလႄႈ ဝၢၼ်ႈတႆး (လုတ်ႉ သျၢၼ်း) ဢၼ်မီး ၼႂ်းၸႄႈဝဵင်းဝိၼ်းယေး ၸႄႈတွၼ်ႈတူးပလႃႇယႃႇ ၼႃႈလိၼ်သိုၵ်းယၢင်းၽိူၵ်ႇ KNU ၵုမ်းၵမ်။ သိုဝ်ႇၶၢဝ်ႇ...

ၽွင်းပၢင်ယၼ်ႇသိုၵ်း 1027 ၼႆႉ သိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇၵုမ်းလႆႈလၢႆၸႄႈဝဵင်း ၼႂ်းၸိုင်ႈ တႆးပွတ်းႁွင်ႇ။ သိုၵ်းၵဝ်ႈၵၢင်ႉၼႆႉ ၵူၼ်းမိူင်းတႆးပွတ်းႁွင်ႇ ႁွင်ႉဝႃႈ သိုၵ်းၶႄႇၼႆမႃးၸဵမ်လႂ် ယွၼ်ႉပိူဝ်ႈ ၶဝ်ၸႂ်ႉလိၵ်ႈၶႄႇ ၵႂၢမ်းၶႄႇ။ ၼႂ်း ၵၢၼ်ပူၵ်းပွင်ၽွင်းငမ်းဝၢၼ်ႈဝဵင်း ဢၼ်ၶဝ်ပိုၼ်ၽၢဝ်ႇ ၵုမ်းလႆႈဝႆႉ ၼၼ်ႉၵေႃႈ ယၢမ်းလဵဝ် တႄႇမီးပၼ်ႁႃၼႂ်းၵၢၼ်ၵပ်းသိုပ်ႇတိတ်းတေႃႇ ပွင်ႇၶၢဝ်ႇၸူးၵၼ် တင်းၵူၼ်းမိူင်း။  တီႈဝဵင်းလူင်လႃႈသဵဝ်ႈ ဢၼ်သိုၵ်းၵဝ်ႈၵၢင်ႉ...

ပျီႇတူႉၸိတ်ႉပဢူဝ်း ၵဵပ်းသိုၵ်းမႂ်ႇ တီႈဝဵင်းသီႇသႅင်ႇ 10 ဝၼ်း ၼိုင်ႈပွၵ်ႈ တီႈၵေႇသုတ်း ၵဵပ်း 5 ၵေႃႉ ၵူၼ်းမိူင်းထူပ်းတၢင်းယၢပ်ႇၽိုတ်ႇ ဢမ်ႇၸၢင်ႈၵႂႃႇဢဝ်လႂ်မႃးပၼ်။ ယၢမ်းလဵဝ် တီႈဝဵင်းသီႇသႅင်ႇၼႆႉ သဵင်ၵွင်ႈယဵၼ်ဝႆႉယူႇသေတႃႉ သိုၵ်းသွင်ၾၢႆႇၶဵင်ႈၶႅင် ၵၢၼ်သိုၵ်းၵၼ်ဝႆႉ ၸွမ်းႁိမ်းႁွမ်းဝဵင်းၸိူဝ်းၼၼ်ႉ၊ ပျီႇတူႉၸိတ်ႉပဢူဝ်း တဵၵ်းၸႂ်ႉၵူၼ်းပၢႆႈၽေးသိုၵ်းဝႆႉ ၸိူဝ်းၼၼ်ႉ ပွၵ်ႈယူႇ ၶိုၼ်းဝၢၼ်ႈသူၼ်ႁိူၼ်းယေးသေ ႁႂ်ႈၸတ်းၵဵပ်း ၵူၼ်းၼုမ်ႇၼႂ်းဝၢၼ်ႈၼႂ်းဢိူင်ႇ...

တႄႇႁူဝ်လိူၼ်ၼႆႉမႃး ၼမ်ႉမၼ်းၸိူဝ်ႉၾႆး ႁႃသိုဝ်ႉယၢပ်ႇ ၼႂ်းၸိုင်ႈတႆး လၢႆၸႄႈဝဵင်း ၵူၼ်းမိူင်းလႆႈၶဝ်ႈ ထႅဝ်ၶၢဝ်းႁိုင်ပႂ်ႉသိုဝ်ႉ မၢင်တီႈ မီးၵူၼ်းၵႃႉၶၢႆၼမ်ႉမၼ်းၸိူဝ်ႉၾႆး ၸွမ်းလွၵ်းၵၢတ်ႇမိုတ်ႉ (မှောင်ခိုစျေးကွက်) ထႅင်ႈ။   ဝၼ်းတီႈ 19/08/2024 ၼႆႉ ပလိၵ်ႈသိုၵ်းမၢၼ်ႈ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၸွမ်းၵူတ်ႇထတ်းတီႈႁၢၼ်ႉ ၸိူဝ်းဢဝ်ၼမ်ႉမၼ်းၸိူဝ်ႉၾႆး သႂ်ႇတဝ်ႈသႂ်ႇၶူတ်ႇဝၢင်းၶၢႆ ၸွမ်းၶၢင်ႈတၢင်း ၼိူဝ်သဵၼ်ႈတၢင်း တူၼ်ႈတီး...