ဝၢႆးသေ သိုၵ်းမၢၼ်ႈယိုတ်းမိူင်းယဝ်ႉ ၼႂ်းမိူင်းႁူမ်ႈတုမ် ပတ်းပိုၼ်ႉ သုၵ်ႉယုင်ႈဢူၼ်ႈၵဝ်း ဢမ်ႇမီးမိူဝ်ႈ ၼိမ်သဝ်းၵတ်းယဵၼ်။ ၵူၼ်းမိူင်းလႆႈမႆႈလႆႈလိူတ်ႇ ၵူႈၸိူဝ်ႉၵူႈပိူင်။ ၼႂ်းၵႄႈ လွင်ႈယၢပ်ႇၽိုတ်ႇလူင်ၼႆႉ သိုၵ်းမၢၼ်ႈသမ်ႉ တဵၵ်းၸႂ်ႉၵူၼ်းမိူင်းၶဝ်ႈႁၢပ်ႇၵၢၼ်သိုၵ်းထႅင်ႈ။ မိူၼ်ၼင်ႇ ဝဵင်းမိူင်းၽျၢၵ်ႈ ၸိုင်ႈတႆး ပွတ်းဢွၵ်ႇၼႆႉၵေႃႈ မိူဝ်ႈဢွၼ်တၢင်းတႄႉ ၶၢၼ်းၵဵပ်း ၵူၼ်းၼုမ်ႇ တႃႇႁဵတ်းသိုၵ်း၊ ၵူၼ်းၼုမ်ႇသမ်ႉ ဢွၼ်ၵၼ်ပၢႆႈၼမ်လႄႈ ၵမ်းၼႆႉသမ်ႉ တဵၵ်းၸႂ်ႉၵူၼ်းၶၢဝ်ႉၵူၼ်းၵႄႇ...

သိုၵ်းမၢၼ်ႈ မိူင်းယႆ ထႅမ်ႁႅင်းသိုၵ်း တင်ႈၵွင်ႈလူင် တီႈဝဵင်းမိူင်းယႆ ၵူၼ်းမိူင်းၵူဝ်ပၢင်တိုၵ်း လၢမ်းထိုင် မႃးၵူၺ်းယဝ်ႉ ဝႃႈၼႆ။ ဝၼ်းတီႈ 10/09/2024 သိုၵ်းမၢၼ်ႈ ထႅမ်ႁႅင်းသိုၵ်း ၶိုၼ်ႈမႃးမိူင်းယႆ တႃႇရူတ်ႉၵႃး 10 လမ်းပၢႆ ႁၢင်ႈႁႅၼ်း ၶိူင်ႈၵွင်ႈၵၢင်ႇ ဝၢႆႇပၢၵ်ႇၵွင်ႈၵႂႃႇတၢင်းပိုၼ်ႉတီႈသိုၵ်းၵဝ်ႈၵၢင်ႉ ယူႇသဝ်း။ ၵူၼ်းမိူင်းၵူဝ် ပၢင်တိုၵ်း လၢမ်းထိုင်မိူင်းယႆ၊ ၵူၼ်းတၢင်ႇတီႈ...

သွင်သၢမ်ဝၼ်းမႃးၼႆႉ သိုၵ်းမၢၼ်ႈမႃးပွႆႇမၢၵ်ႇ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ဢမ်ႇလိူၵ်ႈၶၢဝ်းလိူၵ်ႈယၢမ်း ၵူၼ်းမိူင်းဢွၼ်ၵၼ်ၵူဝ်လႄႈမႆႈၸႂ်။ ၵူၼ်းမိူင်း ဝဵင်းလႃႈသဵဝ်ႈ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ - “ႁဝ်းၶႃႈ ပွၵ်ႈမႃးႁိူၼ်းၶိုၼ်း ပႆႇမီးလိူၼ် သိုၵ်းမၢၼ်ႈမႃးပွႆႇမၢၵ်ႇၶိုၼ်း သွင်ဝၼ်းထပ်းၵၼ်။ တူၵ်းၸႂ်သေ ဢွၼ်ၵၼ်ပၢႆႈဢွၵ်ႇဝၢၼ်ႈ ဢွၵ်ႇဝဵင်းၼမ်ၼႃႇ။ ႁဝ်းၶႃႈၵေႃႈ မီးလုၵ်ႈ ဢွၼ်ႇ ၵူဝ်လုၵ်ႈဢွၼ်တူၵ်းၸႂ် ၵူဝ်တုမ်ႉတိူဝ်ႉပၢႆးၸႂ်လုၵ်ႈဢွၼ်ႇလႄႈ ဢွၼ်ၵၼ်ငိူင်ႉ...

ၼႂ်းၶၢဝ်းတၢင်းလိူၼ်ဢေႃႊၵတ်ႊသ် ပီ 2024 ၼႆႉ သိုၵ်းမၢၼ်ႈ ယိုတ်းမိူင်းလႄႈ ၸုမ်းတႂ်ႈသိုၵ်းမၢၼ်ႈ ၶႃႈႁႅမ်ၵူၼ်းမိူင်းတၢႆ 200 ပၢႆ ၼႂ်းမိူင်းမၢၼ်ႈပတ်းပိုၼ်ႉၼႆ - ၸုမ်း Spring Revolution Database (SRD) ၵဵပ်းၶေႃႈမုလ်း ႁၢႆးငၢၼ်းဝႆႉ ၼင်ႇၼႆ။ လုၵ်ႈသိုၵ်းမၢၼ်ႈ ပလိၵ်ႈမၢၼ်ႈ ၸုမ်းပိဝ်ႇသေႃးထီးလႄႈ ၽူႈမီးပုၼ်ႈၽွၼ်း ၾၢႆႇၽွင်းငမ်း...

ၵူၼ်းပၢႆႈၽေးသိုၵ်း တီႈၸႄႈဝဵင်းၼွင်ၶဵဝ် 5,000 ပၢႆ ယၢပ်ႇၽိုတ်ႇယႃႈယႃ တႃႇယူတ်းယႃတူဝ် တႃႇသုမ်ႉသွင်းတီႈယူႇလႄႈ တႃႇၵိၼ်ယႅမ်ႉ ဝႃႈၼႆ။ ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း ၸုမ်းၵႅတ်ႇၶႄၵူၼ်းမိူင်း ဝဵင်းလိူဝ်ႇ MDY PDF တီႈလႅၼ်လိၼ် ၸႄႈဝဵင်းၼွင်ၶဵဝ်တင်း ၸႄႈဝဵင်းပၢင်ႁူႈ (ပၢင်ႇဢူႈလူင်) ၼႂ်းၸိုင်ႈတႆးပွတ်းႁွင်ႇၼၼ်ႉသေ ၵူၼ်းမိူင်းလႆႈ ငိူင်ႉပၢႆႈၽေးသိုၵ်း သွၼ်ႈယူႇတီႈလွတ်ႈၽေး မီးႁူဝ်ၵူၼ်း...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းသေ ပၢင်တိုၵ်း သိုၵ်းသိူဝ်ၽႄႈလၢမ်း ၼႂ်းမိူင်းတႆးပတ်းပိုၼ်ႉၼၼ်ႉ ႁဵတ်းႁႂ်ႈတုမ်ႉတိူဝ်ႉ ၵူၼ်းၵူႈသႅၼ်းပၢၼ်။ ၼႂ်းၵူၼ်းပၢႆႈၽေးသိုၵ်းၼၼ်ႉ ၵူၼ်းမၢၼ်းလႄႈ မႄႈလုၵ်ႈဢွၼ်ႇ ပႃးၼမ်။ တုမ်ႉတိူဝ်ႉပၢႆးတူဝ်လႄႈ ပၢႆးၸႂ်။ ၼႂ်းၵႄႈပၢႆးမၢၵ်ႈမီးတူၵ်း ၶူဝ်းၶွင်ၵိၼ်ယႅမ်ႉ ၵႃႈၶၼ်ယႂ်ႇ လႆႈၸႂ်ႉၸၢႆႇငိုၼ်းတွင်းၼမ် ႁႃငိုၼ်းသမ်ႉ ယၢပ်ႇၽိုတ်ႇၵိၼ်းၸႂ်လိူဝ်ႁႅင်း ဝၼ်းမိူဝ်ႈၼႆႉ မႄႈလုၵ်ႈဢွၼ်ႇ ၸႄႈဝဵင်းၵျွၵ်ႉမႄး၊ သီႇပေႃႉ၊ လႃႈသဵဝ်ႈ၊...

သိုၵ်းၵဝ်ႈၵၢင်ႉ MNDAA သင်ႇဢိုတ်းႁူင်းႁဵၼ်း ၸၼ်ႉသုင် ဢထၵ ဝဵင်းပၢင်ႇသၢႆး ဝႆႉတႃႇ 2 ဝၼ်း မႆႈၸႂ်ၵူဝ်သိုၵ်းမၢၼ်ႈ ဢဝ်ၶိူင်ႈမိၼ် မႃးယိုဝ်းသႂ်ႇ ဝႃႈၼႆ။ မိူဝ်ႈဝႃး ဝၼ်းတီႈ 09/09/2024 ယၢမ်းၵၢင်ၼႂ် သိုၵ်းၵဝ်ႈၵၢင်ႉ ၵိုင်ႉၵၢင်ႉ သင်ႇႁႂ်ႈႁူင်းႁဵၼ်းၸၼ်ႉသုင် တီႈဝဵင်းပၢင်ႇသၢႆး ၸႄႈဝဵင်းမူႇၸေႊ ၵိုတ်းလိုဝ်ႈၵၢၼ်သွၼ်ဝႆႉ ၸူဝ်ႈၶၢဝ်း ႁဵတ်းႁႂ်ႈၵူၼ်းမိူင်းတူၵ်းၸႂ်...

ယၢမ်းလဵဝ် ၵူၼ်းၼႂ်းဝဵင်းၼမ်ႉၶမ်း ဢွၼ်ၵၼ်ပၢႆႈဢွၵ်ႇဝဵင်း သွၼ်ႈၼွၼ်းၸွမ်းၼႂ်းမူႇဝၢၼ်ႈ ၸွမ်းသၢပ်ႇဝဵင်း မၢင်ၸိူဝ်းပၢႆႈႁွတ်ႈထိုင်မိူင်းၶႄႇ ၵူဝ်သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇထႅင်ႈ ယၢမ်းၵၢင်ၶမ်ႈၵၢင် ၶိုၼ်း။ ဝၢႆးလင် သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ်တိုၵ်း မႃးပွႆႇမၢၵ်ႇတီႈပွၵ်ႉႁူဝ်ၵၢတ်ႇ၊ ပွၵ်ႉၼိူဝ် ၼႂ်းဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ မိူဝ်ႈဝၼ်းတီႈ 06/09/2024 ၼၼ်ႉယဝ်ႉ...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း ၸုမ်းႁူမ်ႈႁွမ်းသိုၵ်းၶၢင် KIA ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင်ၼၼ်ႉ ၵူၼ်းပိုၼ်ႉတီႈ လႆႈငိူင်ႉပၢႆႈၽေးသိုၵ်း မီးမွၵ်ႈ 2,000 ယဝ်ႉ။   ဝၼ်းတီႈ 07/09/2024 ၼႆႉ သိုၵ်းၶၢင် KIA တင်း ၸုမ်း KPDF ႁူမ်ႈၵၼ် ဝႅတ်ႉလွမ်ႉဝႆႉ သိုၵ်းမၢၼ်ႈ ဢၼ်ယူႇသဝ်းဝႆႉ...

ပၢင်တိုၵ်း သိုၵ်းသိူဝ်ပဵၼ်မႃးမိူဝ်ႈလႂ်ၵေႃႈ ဢၼ်တုမ်ႉတိူဝ်ႉလႄႈ ထူပ်းတၢင်းယၢပ်ႇၽိုတ်ႇၵိၼ်းၸႂ် လိူဝ်ႁႅင်း ပဵၼ်ၵူၼ်းမိူင်းၽၵ်းၵႃႇ၊ ႁိူၼ်းယေး ၵၢၼ်ငၢၼ်းၸဝ်ႈၵဝ်ႇ လႆႈပွႆႇၽႃႈပႅတ်ႈမူတ်းသေ ၼႅတ်ႈပၢႆႈ လိပ်းပၢႆႈတၢႆ ဢဝ်တူဝ်လွတ်ႈ၊ တေႃႉတႄႉ မီးၶူဝ်းၸပ်းတူဝ်မႃးၵူၺ်း။ မၢင်ၸိူဝ်း ပၢႆႈပူၼ်ႉထိုင်တၢင်ႇၸိုင်ႈမိူင်း၊ ၸိူဝ်းပၢႆႈသွၼ်ႈ ယူႇၸွမ်းလႅၼ်လိၼ်တႆး - ထႆး ၵေႃႈမီး။ မိူၼ်ၼင်ႇ တီႈတႃႈၶီႈလဵၵ်းၼႆႉ ၵူၼ်းပွတ်းႁွင်ႇ၊ ပွတ်းၸၢၼ်း...

သိုၵ်းမၢၼ်ႈ တီႈဝဵင်းလွၵ်ႉၸွၵ်ႇ ပႂ်ႉၵူတ်ႇထတ်း ၵူၼ်းမိူင်းၵႂႃႇမႃးဢွၵ်ႇၶၢဝ်းတၢင်း ဢၼ်တေၶိုၼ်ႈမိူင်းတႆး ပွတ်းႁွင်ႇ၊ ပေႃးပဵၼ်မၢႆၾၢင် ဢၼ်လုၵ်ႉတၢင်းမိူင်းမၢၼ်ႈ တွၼ်ႈၵၢင် ၶိုၼ်ႈမႃးၸိုင် ဢမ်ႇပၼ်လတ်းလၢၼ်ႇ ၶိုၼ်ႈမိူဝ်းမိူင်းတႆးပွတ်းႁွင်ႇ ဝႃႈၼႆ။   သိုၵ်းမၢၼ်ႈ ပႂ်ႉၸွမ်းလၢၼ်ႇသဵၼ်ႈတၢင်းၵႃး တၢင်းၶဝ်ႈဝဵင်းလွၵ်ႉၸွၵ်ႇ၊ တီႈၵဵတ်ႉလၢၼ်ႇ 11 လၵ်းလႄႈ ၵဵတ်ႉလၢၼ်ႇ ဝၢၼ်ႈၵျွၵ်ႉၵူႇ ဢၼ်လတ်း ဝဵင်းလွၵ်ႉၸွၵ်ႇသေ တေၶိုၼ်ႈမိူင်းတႆး...

မိူဝ်ႈၼႆႉ ဝၼ်းတီႈ 09/09/2024 ယၢမ်းၵၢင်ၼႂ် 10:27 မူင်း ၶိူင်ႈမိၼ် သိုၵ်းမၢၼ်ႈ ယိုတ်းမိူင်း မႃးပွႆႇမၢၵ်ႇသႂ်ႇ တီႈပွၵ်ႉ 1 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထႅင်ႈ 2 လုၵ်ႈ ၸၢၵ်ႇမၢၵ်ႇတိူဝ်ႉသႂ်ႇ ၾၢႆႇၽွင်းငမ်း လူႉတၢႆ 1 ၵေႃႉလႄႈ ၵူၼ်းမိူင်းမၢတ်ႇၸဵပ်းၸွမ်းထႅင်ႈ 7...

ၵူၼ်းမိူင်းမၢၼ်ႈ 15 ၵေႃႉ ၸိူဝ်းဢမ်ႇမီးဝတ်းဝႂ်သင်သေ ဢၢၼ်းၵႂႃႇႁဵတ်းၵၢၼ် တီႈမိူင်းမလေးသျႃးၼၼ်ႉ  ၺႃးပလိၵ်ႈထႆးတီႉၺွပ်းလႆႈ တီႈလႅၼ်လိၼ်မိူင်းထႆး ပွတ်းၸၢၼ်း - သိုဝ်ႇၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။ ႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈဢွၵ်ႇမိူင်း မိူင်းထႆးတင်း ပလိၵ်ႈ ႁူမ်ႈၵၼ် ၵူတ်ႇထတ်းရူတ်ႉၵႃး လမ်းၼိုင်ႈ ထူပ်း ႁၼ်ၼၢင်းယိင်းမိူင်းမၢၼ်ႈ 3...

လုၵ်ႈဢွၼ်ႇ 100 ပၢႆ တီႈပၢင်သဝ်းၵူၼ်းပၢႆႈၽေး ၼႂ်းၸႄႈဝဵင်းၵၢတ်ႇလိုဝ်း တိူင်းၸေႈၵႅင်း ဢွၼ်ၵၼ် တိတ်းၸပ်းတၢင်းပဵၼ်ၽိဝ်ၼိူဝ်ႉၼင် ၶူမ်း/ၸဵပ်းသေ လူဝ်ႇတၢင်းၸွႆႈထႅမ် တႃႇတေယူတ်းယႃ ဝႃႈၼႆ။ ၼႂ်းၶၢဝ်းၾူၼ်ၼႆႉ ယွၼ်ႉၼမ်ႉၵိၼ် ဢမ်ႇသႅၼ်ႈသႂ်၊ ၶူဝ်းၼုင်ႈဢမ်ႇႁႅင်ႈသေ ဢွၼ်ၵၼ်ၼုင်ႈသိူဝ်ႈၶူဝ်းယမ်းလႄႈ ၸင်ႇႁဵတ်းႁႂ်ႈပဵၼ်တၢင်းပဵၼ်ၽိဝ်ၼိူဝ်ႉၼင်ၶူမ်းၸဵပ်းၼႆ - တွၵ်ႊတႃႊ ၵျူဝ်းၸႅတ်ႉ မေႃယႃၵေႃႉ ယူတ်းယႃပၼ်ၵူၼ်းပဵၼ် တီႈပၢင်သဝ်းၵူၼ်းပၢႆႈၽေးၼၼ်ႉ လၢတ်ႈဝႆႉတီႈသိုဝ်ႇ...

တႄႇဝၼ်းတီႈၼိုင်ႈ လိူၼ်ၼႆႉမႃး ပလိၵ်ႈတင်း သိုၵ်းမၢၼ်ႈ ႁူမ်ႈၵၼ် ၵူတ်ႇထတ်းၼႂ်းဝဵင်းတႃႈၶီႈလဵၵ်း လႅၼ်လိၼ်တႆး - ထႆး ႁၢဝ်ႈႁႅင်း။ ၼႂ်းဝူင်ႈဝၢင်ႈၼႆႉ သိုၵ်းမၢၼ်ႈတင်း ပလိၵ်ႈမၢၼ်ႈ ဢမ်ႇမၵ်းမၢႆၵဵၵ်ႉလၢၼ်ႇတႅတ်ႈတေႃးသေ ပႂ်ႉၵူတ်ႇထတ်း ၵူၼ်းဝဵင်းတႃႈၶီႈလဵၵ်း ၵမ်ႉသၢင်ႇတေႃႇ လွင်ႈၵူတ်ႇထတ်းၼႆ့ တႄႇမႃးၸဵမ်မိူဝ်ႈလိူၼ်ပူၼ်ႉမႃးသေတႃႉ ၼႂ်းႁူဝ်လိူၼ်ၼႆႉ တိူဝ်းၵူတ်ႇထတ်းမႃးႁၢဝ်ႈႁႅင်း ၵမ်ႈၼမ် ၵူတ်ႇထတ်းၼိူဝ်သဵၼ်ႈတၢင်းလူင် ဝႃႈၼႆ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း...