ဝၼ်းတီႈ 06/10/2024 ယၢမ်းၵၢင်ဝၼ်း 1 မူင်းၶိုင်ႈ သိုၵ်းမၢၼ်ႈ ဢဝ်ၶိူင်ႈမိၼ် မႃးပွႆႇမၢၵ်ႇတီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ မၢၵ်ႇတူၵ်းသႂ်ႇ တီႈပွၵ်ႉ 5 ၊ မၢၼ်ႈဢၢႆႇၼိူဝ် ႁိူၼ်းႁူဝ်ပဝ်ႈ ပျီႇတူႉၸိတ်ႉ ဢူးၸေႃႇမျိၼ်ႉ (ဉီးဇော်မြင်ႉ) ႁဵတ်းႁႂ်ႈၾႆးမႆႈ ႁိူၼ်းလႄႈ သိုင်ႇဝႆႉရူတ်ႉၵႃး၊ ၵူၼ်းမၢတ်ႇၸဵပ်း ၵေႃႉၼိုင်ႈ။ ၼၢင်းယိင်း ၵူၼ်းဝဵင်းလႃႈသဵဝ်ႈ ပၢႆႈၽေးသိုၵ်း...

ၵူၼ်းမိူင်းဝၼ်းတူၵ်း မိူင်းၶိုၼ်ႈယႂ်ႇမႂ်ႇသုင်တႄႉဝႃႈ ၶၢဝ်းၵၢင်ဝၼ်းတူၵ်း ၶၢဝ်းႁူဝ်ၶမ်ႈ လပ်းသိင်ႇၸွမ်ႉႁွမ်ႉ ၼႆႉ ပဵၼ်ၽွင်းၶၢဝ်း ဢၼ်ႁၢင်ႈလီသုတ်းၼႂ်းဝၼ်းၼၼ်ႉ ဝႃႈၼႆဝႆႉ။ ၼႂ်းတႆးႁဝ်းၶႃႈၵေႃႈ ၶၢဝ်းႁူဝ်ၶမ်ႈၼႆႉ ပဵၼ်ၶၢဝ်းဢၼ်လမ်ႇလွင်ႈသုတ်း တႃႇမုင်ႉႁေႃႁိူၼ်းလင်ၼိုင်ႈ။ ပဵၼ်ၶၢဝ်းၵူၼ်းႁိူၼ်း ယူႇၸေးၵၼ်၊ ၵိၼ် ၶဝ်ႈႁူမ်ႈမူႇၵၼ် မူၼ်ႈမူၼ်ႈသိူဝ်းသိူဝ်း၊ ၸိူဝ်းပဵၼ်သႅၼ်းသိၵ်ႉႁိၵ်ႉ မၢဝ်ႇသၢဝ်ၵေႃႈ ဢွၵ်ႇႁိူၼ်းၵႂႃႇပၼ်ႇ လဵပ်ႈၼႂ်းဝဵင်းဢႅဝ်ႇႁႃၵိၼ်တၢင်းၵိၼ် ၼႂ်းႁၢၼ်ႉၸွမ်းၵၼ် ပဵၼ်ဢၼ်လီမူၼ်ႈသိူဝ်းတႄႉၼင်ႇဝႃႈ။...

ဝၼ်းတီႈ 05/10/2024 ယၢမ်းၵၢင်ၶမ်ႈ 9:45 သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ် မႃးပွႆႇမၢၵ်ႇတီႈဝဵင်းသီႇပေႃႉ တူၵ်းသႂ်ႇႁိူၼ်းယေးၵူၼ်းမိူင်း ၺႃးၾႆးမႆႈလူႉၵွႆ 3 လင် ၵူၼ်းႁၢႆဝႆႉ ၵေႃႉၼိုင်ႈ။ မၢၵ်ႇသိုၵ်းမၢၼ်ႈ တူၵ်းသႂ်ႇႁၢၼ်ႉၶၢႆၶဝ်ႈမုၼ်းသၢၼ်ႇပျုႉ (စံပြမုန်ႉဆိုင်)လႄႈ ႁၢၼ်ႉၶၢႆၶဝ်ႈၽၵ်း မေႉပႃႇၼၢႆႇ (မေႉပါနိုင် ထမင်းဆိုင်) ၺႃးၾႆးမႆႈလူႉၵွႆသေ ၵူဝ်ႇၼၢႆႇတဵင်း (ကိုနိုင်သိန်း) ၽူႈၸၢႆးဢႃယု...

မိူဝ်ႈၼႆႉ ဝၼ်းတီႈ 05/10/2024 ယၢမ်းၵၢင်ၼႂ် 10:50 မူင်း သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇထႅင်ႈ တီႈၸၼ်ႉၸွမ်ၶွမ်ႊပိဝ်ႊတိူဝ်ႊ ဢိူင်ႇမႄႈႁၢၼ်ႇ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉၺႃး ၸၼ်ႉၸွမ်လူႉၵွႆတင်းၼမ်လၢႆ လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆ ဢမ်ႇမီး။ ၵူၼ်းဝဵင်းလႃႈသဵဝ်ႈ ၽူႈယိင်း ဢႃယု 40 ပၢႆ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ...

ၼႂ်းၵႄႈၸႄႈဝဵင်းပၢင်လွင်း - ၸႄႈဝဵင်းၾၢႆၶုၼ်ၼႆႉ သိုၵ်းမၢၼ်ႈတင်း ၸုမ်းၵႅတ်ႇၶႄၵူၼ်းမိူင်း PDF ယၢင်းလႅင် ၵႆႉပိုတ်းယိုဝ်းၵၼ် ႁၢဝ်ႈႁႅင်း တင်ႈတႄႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ်။ ဢိင်ၼိူဝ် လွင်ႈၼႆႉသေ ၾၢႆႇသိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်မႃးပွႆႇမၢၵ်ႇသႂ်ႇ ၼႂ်းမူႇဝၢၼ်ႈၼႂ်းဢိူင်ႇလႄႈ ႁဵတ်းႁႂ်ႈ ၵူၼ်းမိူင်း လႆႈပၢႆႈဢွၵ်ႇပိုၼ်ႉတီႈၼမ်။ ၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ သိုၵ်းမၢၼ်ႈ...

ၵဵတ်ႉ/ လၢၼ်ႇသိုၵ်းမၢၼ်ႈ တီႈသဵၼ်ႈတၢင်းဢွၵ်ႇဝဵင်းလိူဝ်ႇ 16 လၵ်းၼၼ်ႉ ၵူတ်ႇထတ်းၵႃးလူင်/ ၵႃးတၢင်ႇ ၶူဝ်းၶွင် ဢၼ်ၶိုၼ်ႈမိူင်းတႆးႁၢဝ်ႈႁႅင်း ဝႃႈၼႆ။ သိုၵ်းမၢၼ်ႈ ယိုတ်းမိူင်းႁူမ်ႈတင်း ပလိၵ်ႈမၢၼ်ႈ ဢၢၼ်းတတ်းၶၢတ်ႇၶွင်ၵိၼ်ယႅမ်ႉ ၼႂ်းၼႃႈတီႈ ၸုမ်းသိုၵ်းတဢၢင်း TNLA ၵုမ်းၵမ်ၼႆသေ တီႈသဵၼ်ႈတၢင်းဢွၵ်ႇဝဵင်းလိူဝ်ႇ ၵူတ်ႇထတ်းၵႃးလူင် ဢၼ်တေၶိုၼ်ႈမႃးမိူင်းတႆး မိူၼ်ၼင်ႇ - ဝဵင်းၼွင်ၶဵဝ်၊ ၵျွၵ်ႉမႄး၊...

ဝၼ်းတီႈ 3 လိူၼ်ၼႆႉ သိုၵ်းမၢၼ်ႈ ဢွၵ်ႇလိၵ်ႈႁၢမ်ႈထႅင်ႈ လွင်ႈဢဝ်ဝႂ်ၶၢမ်ႈမိူင်းဢႅဝ်ႇလႄႇ PV ဢွၵ်ႇၼွၵ်ႈမိူင်းသေ ၵႂႃႇ ႁဵတ်းၵၢၼ် ဝႃႈၼႆ။ သင်တေၵႂႃႇႁဵတ်းၵၢၼ် တီႈၼွၵ်ႈမိူင်းၸိုင် ႁႂ်ႈဢဝ်ဝႂ်ၶၢမ်ႈမိူင်း တႃႇႁဵတ်းၵၢၼ် Passport for Job – PJ ဝႃႈၼႆဝႆႉ။ မၢင် ၸိူဝ်း ဢဝ်ဝႂ်ၶၢမ်ႈမိူင်းဢႅဝ်ႇလႄႇ PV...

မိူဝ်ႈၼႆႉ ဝၼ်းတီႈ 04/10/2024 ယၢမ်းၵၢင်ၼႂ် 2 မူင်းပၢႆ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇ တီႈပွၵ်ႉ 5 တင်း ပွၵ်ႉ 8 ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တိူဝ်ႉၺႃး ၵျွင်းၽြႃးၶႄႇ၊ ႁူင်းသဝ်းလႄႈ ႁိူၼ်းယေးၵူၼ်းမိူင်း ၸိူဝ်းၼႆႉ လူႉၵွႆၼမ်။ သိုဝ်ႇၶၢဝ်ႇ ၵဝ်ႈၵၢင်ႉ...

သိုၵ်းမၢၼ်ႈလႄႈ PDF သိုပ်ႇပဵၼ်ပၢင်တိုၵ်းၵၼ်ထႅင်ႈ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၵူၼ်းပၢႆႈၽေးသိုၵ်း ပႆႇၸၢင်ႈပွၵ်ႈၶိုၼ်းႁိူၼ်းယေး တိုၵ်ႉလႆႈသွၼ်ႈယူႇသဝ်းဝႆႉၼႂ်းထိူၼ်ႇ။ ပၢင်တိုၵ်း ၼႂ်းၵႄႈသိုၵ်းမၢၼ်ႈလႄႈ PDF ၼႆႉ တႄႇပဵၼ်မႃးႁၢဝ်ႈႁႅင်း တၢင်းဝၢၼ်ႈမွၵ်ႇ၊ ၼမ်ႉၽႃမူ၊ ဝၢၼ်ႈၼွင်ဝူဝ်း ၸိူဝ်းမီးၾၢႆႇၸၢၼ်း ဝဵင်းပၢင်လွင်း တင်ႈတႄႇႁၢင်လိူၼ်သႅပ်ႊထႅမ်ႊပိူဝ်ႊ တေႃႇထိုင်ဝၼ်းတီႈ 01/10/2024 ။ ၵွၼ်ႇၼႃႈ ပၢင်တိုၵ်းတေပဵၼ်ၶိုၼ်း ႁၢင်လိူၼ်သႅပ်ႊထႅမ်ႊပိူဝ်ႊၼႆႉ ငဝ်းလၢႆးပၢင်တိုၵ်း...

တီႈဝဵင်းမိူင်းယႆ ၸိုင်ႈတႆးပွတ်းႁွင်ႇၼၼ်ႉ သိုၵ်းမၢၼ်ႈလႄႈ သိုၵ်းၵဝ်ႈၵၢင်ႉ ၶဵင်ႈၶႅင်ထႅမ်ႁႅင်းသိုၵ်း ၶဝ်ႈမႃး ၼင်ႇၵၼ် ႁဵတ်းႁႂ်ႈၵူၼ်းမိူင်း ဢမ်ႇႁတ်းၵႂႃႇႁဵတ်းၵၢၼ်သူၼ်ၵၢၼ်ႁႆႈ လႆႈပွႆႇပႅတ်ႈ မၢၵ်ႇၶဝ်ႈတဝ်ႈၼမ်ႉ ထိုင်ၶၢဝ်းၵဵပ်းၵေႃႈ ဢမ်ႇၸၢင်ႈၵႂႃႇဢဝ်။ ၽူႈၸၢႆး သႅၼ်းပၢၼ်ၶၢဝ်ႉ ၸဝ်ႈသူၼ်ဢွႆႈ တီႈဝဵင်းမိူင်းယႆ လၢတ်ႈၽူႈတွႆႇႁွၵ်ႈဝႃႈ - “သိုၵ်းၵဝ်ႈၵၢင်ႉၵေႃႈ ဢမ်ႇထွႆ၊ သိုၵ်းမၢၼ်ႈၵေႃႈ ထႅမ်ႁႅင်းသိုၵ်းမႃးယူႈ တိၵ်းတိၵ်း၊ ၸူဝ်ႈၵၢၼ်သိုၵ်းၶဵင်ႈၶႅင်ၵၼ်ၼႆႉ...

ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး 3 ပီပၢႆၼႆႉ ၵူၼ်းမိူင်းပၢႆႈဢွၵ်ႇမိူင်းႁူမ်ႈတုမ်ၼမ် ၼႂ်းၼၼ်ႉ ပႃးၵူၼ်းၼုမ်ႇမိူင်းတႆး ပၢႆႈၶဝ်ႈမိူင်းထႆး - မိူင်းၶႄႇ ထႅင်ႈတင်းၼမ်။ ယွၼ်ႉပိူင် ၵဵပ်းသိုၵ်းမၢၼ်ႈၼႆႉသေတႃႇ ၵူၼ်းၼုမ်ႇ တေၸွႆႈထႅမ်ၶႅၵ်ႇလီပၢင်ၸႃႉ ပေႃးဢမ်ႇမီး။ တီႈဝဵင်းပၢင်လူင် ၸိုင်ႈတႆးပွတ်းၸၢၼ်းၼႆႉၵေႃႈ သိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း (PNO) ႁူမ်ႈၵၼ် လူင်းပိုၼ်ႉတီႈ ၵဵပ်းသိုၵ်းႁၢဝ်ႈႁႅင်းလႄႈ ႁဵတ်းႁႂ်ႈၵူၼ်းၼုမ်ႇႁႃႁူးလွတ်ႈဢွၵ်ႇ...

တႄႇႁူဝ်ပီ 2024 ၼႆႉမႃး သိုၵ်းမၢၼ်ႈ ယိုတ်းမိူင်း တူၵ်ႇတၵ်ႉလၢတ်ႈဝႃႈ တႃႇၸတ်းပၢင်လိူၵ်ႈတင်ႈ ၼႂ်းပီ 2025 တေထိုင်ၼႆႉသေ ၸႂ်ႉၶႃႈႁၢပ်ႇၵၢၼ်ၶုၼ် လူင်းၵဵပ်းသဵၼ်ႈမၢႆႁူဝ်ၵူၼ်း ၼႂ်းမိူင်းတႆးမႃးယဝ်ႉ။ ယၢမ်းလဵဝ် ယွၼ်ႉငဝ်းလၢႆး ဝၢၼ်ႈမိူင်း ဢမ်ႇၼိမ်သဝ်း သဵင်ၵွင်ႈတႅၵ်ႇၼႂ်းမိူင်းတႆးပွတ်းႁွင်ႇ - ပွတ်း ၸၢၼ်း ဢမ်ႇထၢတ်ႈလႄႈ ႁဵတ်းႁႂ်ႈၵူၼ်းမိူင်းဢမ်ႇယုမ်ႇ။ ယွၼ်ႉဝႃႈ သိုၵ်းမၢၼ်ႈ...

သိုၵ်းမၢၼ်ႈ ယိုတ်းမိူင်းတင်း ၸုမ်းႁူမ်ႈႁွမ်းသိုၵ်းတဢၢင်း TNLA တိုၵ်ႉသိုပ်ႇပဵၼ်ပၢင်တိုၵ်းၵၼ် တီႈဝဵင်းသီႇပေႃႉ ႁၢဝ်ႈ ႁႅင်း ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ် ၵႆႉပွႆႇမၢၵ်ႇယိုဝ်းတိုၵ်းၸွႆႈ တိူဝ်ႉၺႃးၵူၼ်းမိူင်းတၢႆထႅင်ႈ 4 ၵေႃႉ မၢတ်ႇၸဵပ်း 10 ပၢႆ။ ၼႂ်းဝၼ်းတီႈ 28-29/09/2024 ၼႆႉ သွင်ၾၢႆႇယိုဝ်းတိုၵ်းၵၼ် ႁၢဝ်ႈႁႅင်း မၢၵ်ႇလူင်တူၵ်းတႅၵ်ႇ ၼႂ်းဝၢၼ်ႈၶႃလိုင်ႈသေ တိူဝ်ႉၺႃးၵူၼ်းမိူင်းတၢႆထင်တီႈ...

သိုၵ်းၵဝ်ႈၵၢင်ႉ ထႅမ်ႁႅင်းသိုၵ်းတူင်ႉၼိုင် တီႈဢိူင်ႇႁူဝ်ယ ဝဵင်းမိူင်းယႆ ၸိုင်ႈတႆးပွတ်းႁွင်ႇ သိုၵ်းမၢၼ်ႈ ၵႆႉဢဝ်ၶိူင်ႈမိၼ်မႃးပွႆႇမၢၵ်ႇ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ်ပၢင်တိုၵ်းယႂ်ႇလႄႈ ဢွၼ်ၵၼ်ငိူင်ႉဝႄႈဝႆႉထႃႈ။   တင်ႈတႄႇ ၵၢင်လိူၼ်သႅပ်ႊထႅမ်ႊပိူဝ်ႊပူၼ်ႉမႃး သိုၵ်းၵဝ်ႈၵၢင်ႉ ၶဝ်ႈမႃးယူႇၼႂ်းဝၢၼ်ႈၼႂ်းဢိူင်ႇႁူဝ်ယ ဝဵင်းမိူင်းယႆ။ ၼွၵ်ႈလိူဝ် တၢင်းၼွင်ၵေႃႈလူင်ယဝ်ႉ မၢင်ပွၵ်ႈ လၢမ်းမႃးယူႇသဝ်း တူင်ႉၼိုင်တၢင်းဝၢၼ်ႈၸၢင်ႉ။ ၵူၼ်းႁူဝ်ယ လၢတ်ႈၽူႈတွႆႇႁွၵ်ႈဝႃႈ - “ၵူၼ်းတင်းဝၢၼ်ႈၸၢင်ႉ ဢွၼ်ၵၼ်ငိူင်ႉဢွၵ်ႇ ပိုၼ်ႉတီႈ၊...

လူင်ပွင်ၸိုင်ႈထႆး တေပၼ်ၶႂၢင်ႉႁႅင်းၵၢၼ်တင်း လုၵ်ႈဢွၼ်ႇ ႁႅင်းၵၢၼ် 4 ၸိုင်ႈမိူင်း ၸိူဝ်းဢမ်ႇမီးဝတ်းဝႂ် ယူႇသဝ်းၵႂႃႇလႆႈၼႂ်းမိူင်းထႆး လူၺ်ႈပဵၼ်တၢင်းၵၢၼ် - ၶၢဝ်ႇ The Nation ႁၢႆးငၢၼ်းဝႆႉၼင်ႇ ၼႆ။ လွင်ႈၼႆႉ ၸွမ်းၼင်ႇၶေႃႈတုၵ်းယွၼ်း ၵေႃႇမတီႇၾၢႆႇၸတ်းၵၢၼ်ႁႅင်းၵၢၼ်ၼွၵ်ႈမိူင်း တုၵ်းယွၼ်း တီႈၼႂ်းပၢင်ၵုမ် ၸုမ်း ၽွင်းလူင် လူင်ပွင်ၸိုင်ႈမိူင်းထႆး မိူဝ်ႈဝၼ်းတီႈ 24/09/2024...